Nokkur hund­ruð manns söfn­uð­ust saman fyrir utan Hvíta húsið í gær til að mót­mæla fyr­ir­hug­uðum breyt­ingum Banda­ríkja­stjórnar á laga­legri skil­grein­ingu kyns. ­Rík­is­stjórn Don­alds Trumps er nú með til skoð­unar að taka til baka ýmsar breyt­ingar á rétt­indum þeirra sem vilja skil­greina kyn sitt öðru­vísi en eftir líf­fræði­legu kyni. Ef af breyt­ing­unni verður mun hún hafa víð­tæk áhrif á fjölda manns en talið er að um ein og hálf milljón Banda­ríkja­manna kjósi að skil­greina sig sem annað kyn en líf­fræði­legt kyn þeirra gefur til kynna. 

Sam­kvæmt minn­is­blaði frá heil­brigð­is­ráðu­neyti Banda­ríkj­anna, sem New York Times hefur undir hönd­um, mun laga­legri skil­grein­ingu kyns verða breytt á þann veg að allir Banda­ríkja­menn telj­ist til þess kyns sem líf­fræði­legt kyn þeirra gefur til kynna við fæð­ingu. Ekki verði hægt að breyta þeirri skil­grein­ingu nema með óyggj­andi nið­ur­stöðum erfða­fræði­próf­ana. Í minn­is­blað­inu er kyn skil­greint sem „staða ein­stak­lings sem annað hvort karl eða kona sem bygg­ist á óbreyti­legum líf­fræði­legum eig­in­leik­um, grein­an­legum fyrir eða við fæð­ing­u.“

Í ­stjórn­ar­tíð Obama ­urðu ýmsar breyt­ingar á rétt­indum þeirra sem skil­greina sig sem annað en sitt líf­fræði­lega kyn. Gert var auð­veld­ara fyrir fólk að velja hvernig það skil­grein­ir sitt eigið kyn, ­sér­stak­lega í mennta­stofn­unum og innan heil­brigð­is­geirans. Trump ­sagð­ist standa með rétt­ind­um trans­fólks í kosn­­inga­bar­átt­unni og að hann ætl­­aði ekki að breyta reglu­­gerð­u­m Obama í þeim efn­­um. En þegar hann tók við emb­ætti for­­seta hefur hann einmitt gert þver­öf­ugt og til dæmis ógilt reglu­­gerðir um rétt­ind­i trans­fólks í skólum um að það megi nota þau kló­­sett sem því sýn­ist. Trump til­kynnti einnig á síð­asta ári á Twitt­er að hann vildi banna trans­fólki að ganga í her­inn. 

Til­raunir til afneita til­veru trans­fólks

Strax síð­ast­liðið sunnu­dags­kvöld voru mót­mæl­end­ur, LGBT- aktí­vistar og stuðn­ings­menn þeirra, búnir að safn­ast sam­an­ í Was­hington Squ­are Park í New York. Í gær stóð einnig mik­ill fjöld­i ­mót­mæl­enda fyrir utan Hvíta húsið og lét heyra í sér með því að end­ur­taka í sífellu bar­áttu­ópið „We will not be e­ar­sed“. Fólk var hvatt til að kjósa í kom­andi þing­kosn­ingum og standa með rétt­indum hinsegin fólks.

Myllu­merkið #Wont­BeE­ar­sed hefur verið notað mikið á sam­fé­lags­miðlum til að vekja athygli á mál­inu. Skila­boðin frá mót­mæl­endum eru skýr, sama hvað rík­is­stjórn Trumps reynir þá verður til­veru­réttur trans­fólks ekki þurrk­aður út úr sam­fé­lag­in­u. 

Biðlar til stjórn­mála­fólks á Íslandi

Ingi­leif Frið­riks­dótt­ir, stofn­andi Hinseg­in­leik­ans, gagn­rýnir fyr­ir­hug­aðar breyt­ingar Banda­ríkja­stjórnar á Face­book og biðlar til stjórn­mála­fólks í öllum flokkum á Íslandi að for­dæma þetta. „Við erum öll mann­eskjur og eigum öll jafn mik­inn til­veru­rétt á þess­ari jörð­u.“ segir Ingi­leif.