Njósnað var um Julian Assange, stofn­anda Wiki­leaks, á meðan hann dvaldi í sendi­ráði Ekvador í London. Njósnað var um Assange allan sól­ar­hring­inn frá des­em­ber 2017 til mars 2018. Þetta kemur fram í frétt El País. 

Sam­kvæmt gögn­unum sem blaða­menn­irnir hafa undir höndum var skjöl­um, mynd­böndum og hljóð­brotum af Assange safnað af spænska örygg­is­fyr­ir­tæk­inu Und­ercover Global S. L.. Fyr­ir­tækið sá um örygg­is­gæslu við sendi­ráðið á árunum 2012 til 2018.

Fyrirtækið kom upp mynda­vélum með hljóð­bún­aði og tók upp fjöl­marga fundi sem Assange átti með lög­fræð­ingum sínum og heim­sækj­end­um. Assange ræddi við lög­fræð­inga sína um laga­legar aðgerðir sem hann gæti tekið og  mögu­lega flótta­að­gerðir úr sendi­ráð­inu til Rúss­lands eða Kúbu. Hins vegar hafi Assange ekki viljað flýja því það myndi telj­ast sem ósig­ur, að því er kemur fram í frétt­inni.

­Sam­kvæmt frétt­inni var nánar fylgst með Assange eftir að Lenin Mor­eno varð for­seti Ekvador í maí 2017. Mor­eno veitti einmitt breskum yfir­völdum aðgengi að Assange svo þau gætu hand­tekið hann.

Assange reyndi að hindra njósnir

Örygg­is­fyr­ir­tækið skrif­aði dag­lega skýrslu um Assange, hvað hann hafði gert þann dag­inn og jafn­vel í hvaða skapi hann hafi ver­ið. Í skýrsl­unum var skrifað um við­brögð Assange við dóm­inum gegn Mann­ing og var Assange sam­kvæmt þeim afar stress­aður og upp­spenntur í kjöl­far fregna af dóm­in­um. Einnig er skrifað um fund Assange með Pamelu And­er­son. Þau hafi deilt upp­lýs­ingum með því að skrifa miða og notað tæki sem hafi brenglað raddir þeirra, að því er kemur fram í frétt­inn­i. 

Ljóst er að Assange hafi verið afar var um sig og reynt að hindra að hægt væri að njósna um hann, þar sem hann hafi kveikt á tæk­inu sem brengl­aði raddir hans og gesta hans. Hins vegar hafi tækið ekki komið í veg fyrir að ­ör­ygg­is­fyr­ir­tækið hafi getað hlustað á allar sam­ræður hans, sam­kvæmt frétt El País. Jafn­framt hafi fyr­ir­tækið getað þysjað inn á miða hans.