„Þessi ákvörðun er auð­vitað von­brigði í sjálfu sér en hún er tekin vegna þess að veiran er í vexti í lönd­unum í kringum okk­ur,“ sagði Þór­dís Kol­brún Reykj­förð Gylfa­dótt­ir, ferða­mála-, iðn­að­ar- og nýsköp­un­ar­ráð­herra, á upp­lýs­inga­fundi rík­is­stjórn­ar­innar sem hald­inn var í Safna­hús­inu við Hverf­is­götu í dag.

Hún sagði hertar aðgerðir á landa­mær­unum vera inn­grip í ferða­frelsi, bæði ferða­frelsi gesta okkar sem og ferða­frelsi Íslend­inga. „Og í slíkum aðstæðum viljum við alls ekki fest­ast. Þannig að það skiptir miklu máli að við séum með þetta til stöðugrar end­ur­skoð­unar eins og við höfum verið mjög skýr með allan tím­ann. Þess vegna er mik­il­vægt að létta þá á þessum tak­mörk­unum þegar að aðstæður leyfa,“ sagði Þór­dís.

Alþjóð­leg við­skipti hluti af sjálfs­mynd Íslend­inga

Hún sagði und­ir­stöðu hag­sældar á Íslandi vera alþjóð­leg við­skipti og sterkar teng­ingar við eyríkið Ísland. Þar að auki væru alþjóð­leg við­skipti, sterkar sam­göng­ur, teng­ingar og tengsl vera stór partur af sjálfs­mynd Íslend­inga.

„En áfram eru per­sónu­bundnar og ein­stak­lings­bundnar sótt­varnir langöflug­asta tækið til að berja niður þessa veiru, það hefur ekki breyst. Og hertar aðgerðir á landa­mærum koma aldrei í stað­inn fyrir það. Við búum í mjög góðu sam­fé­lagi og við búum í sterku sam­fé­lagi. Og við erum heppin með það teymi sem að leiðir okkur í gegnum þennan þátt verk­efn­is­ins,“ sagði Þór­dís Kol­brún á fund­in­um.

Hún bætti því við að stjórn­völd væru heppin með sótt­varna­yf­ir­völd. „Þetta er risa­stórt verk­efni og það er alveg krist­al­tært að það erum við hér sem berum ábyrgð á þeim póli­tísku ákvörð­unum sem teknar eru en við erum heppin með það teymi sem að leiðir okkur í gegnum það og hjálpar okkur að taka þær ákvarð­an­ir.“