Á bil­inu 8-900 far­þegar komu til lands­ins í gegnum Kefla­vík­ur­flug­völl í gær en gert hafði verið ráð fyrir um 2.600 far­þeg­um. Þetta sagði Páll Páll Þór­halls­son, verk­efn­is­stjóri í for­sæt­is­ráðu­neyt­inu, á upp­lýs­inga­fundi almanna­varna sem hald­inn var fyrr í dag. Margir far­þegar hafi einnig afbókað far með Nor­rænu sem varð til þess að mun færri far­þegar hafi komið til Seyð­is­fjarðar í morgun heldur en ráð­gert var.

„Tím­inn verður auð­vitað að leiða í ljós að hvaða marki ferða­menn vilji koma til lands­ins undir þessum skil­mál­um. Við sjáum strax í ein­hverjum til­vikum að fólk hef­ur, í stað þess að afbóka, lengt ferð sína og taka þá til­lit til sótt­kví­ar­inn­ar,“ sagði Páll þar að auki. Fyr­ir­komu­lagið á landa­mær­unum sé í stöðugri end­ur­skoðun og því ekki hægt að segja hversu lengi þær ráð­staf­anir sem nú eru í gildi vari.

Fram­kvæmdin gengið vel

„Ég held að það megi segja að fram­kvæmdin á þessum nýju reglum hafi í stórum dráttum gegnið vel. Þessar nýju reglur eru auð­vitað ein­fald­ari heldur en það sem gilti áður. Það fara allir sömu leið inn í land­ið, það er að segja í tvö­falda skimun og sótt­kví á milli og það er ekki neinn grein­ar­munur gerður á milli landa eins og áður var,“ sagði Páll um nýjar ráð­staf­anir á landa­mær­um.

Fólkið sem vinnur á landa­mær­un­um, hjúkr­un­ar­fræð­ingar við skimanir og lög­reglu­þjónar við landamæra­vörslu, eiga hrós skilið að mati Páls. Þetta fólk hafi til við­bótar við hefð­bundin störf þurft að sinna upp­lýs­inga­gjöf. „Þetta frá­bæra starfs­fólk sem við eigum á landa­mær­unum er auð­vitað að gera mun meira kannski heldur en ella, jafn­vel að leið­beina fólki um gisti­mögu­leika og benda á hvaða gist­ing upp­fylli kröfu til sótt­kví­ar,“ sagði Páll.

Hnykkt á ábyrgð flug­rek­enda

Páll sagði far­þega vera mis­vel upp­lýsta við kom­una til lands­ins, það kunni að stafa af tungu­mála­örð­ug­leik­um. Hann sagði að mikil vinna hefði verið lögð í að koma for­skrán­ingu og leið­bein­ingum á fleiri tungu­mál en íslensku og ensku. Þá er upp­lýs­inga­gjöf af hálfu flug­fé­laga mis­jöfn.

„Við sjáum það líka að það er mis­jafnt eftir flug­fé­lögum hversu vel upp­lýs­ingum hefur verið komið til skila til far­þega og í nýrri reglu­gerð heil­brigð­is­ráð­herra er hnykkt á ábyrgð flug­rek­enda að upp­lýsa far­þega um þessa kröfu um for­skrán­ing­u,“ sagði Páll um upp­lýs­inga­gjöf­ina til far­þega.