Leggur til viðbótarfæðingarorlof fyrir þá sem búa fjarri fæðingarþjónustu

Byggðastofnun telur brýnt að koma til móts við foreldra sem búa fjarri fæðingarþjónustu með einhverjum hætti í nýjum fæðingarorlofslögum. Kvenréttindafélagið fagnar því að stefnt sé að jöfnu orlofi foreldra. Alls hafa 130 umsagnir borist um málið.

Um 130 umsagnir hafa þegar borist við drög að frumvarpi til laga um fæðingarorlof.
Um 130 umsagnir hafa þegar borist við drög að frumvarpi til laga um fæðingarorlof.
Auglýsing

Byggðastofnun telur að í nýjum frumvarpsdrögum til laga um fæðingarorlof skorti upp á að tekið sé tillit til fæðandi kvenna og fjölskyldna þeirra sem búa fjarri fæðingarþjónustu og þurfa að dveljast utan heimilis og bíða eftir fæðingu, til dæmis þegar veður hamlar samgöngum.

Ein leið til að bregðast við þessu, að mati stofnunarinnar, væri að að bæta við sérstöku viðbótarfæðingarorlofi fyrir þá foreldra á meðan á bið stendur, sem myndi í engu skerða almennt fæðingarorlof. Þetta kemur fram í umsögn stofnunarinnar um frumvarpsdrögin.

Byggðastofnun segir að gera megi ráð fyrir að allt að 10 prósent mæðra á Íslandi búi í meira en klukkustundarfjarlægð frá fæðingarþjónustu, en að víða sé fjarlægðin enn meiri, til dæmis á sunnanverðum Vestfjörðum, Norðurlandi vestra, Norðausturlandi og Suðausturlandi. Stofnunin telur afar brýnt að tekið verði tillit til foreldra sem búa á þessum svæðum og segist tilbúin að koma að vinnu við skilgreiningu á því hvaða svæði ættu að falla undir slíkar reglur.

Auglýsing

Byggðastofnun er eina opinbera stofnunin sem hefur skilað inn frumvarpi um frumvarpsdrögin, sem hafa verið til umsagnar í samráðsgáttinni frá 23. september og verða þar áfram til 7. október.

Kvenréttindafélagið tekur jafnri skiptingu fagnandi

Hátt í 130 umsagnir um frumvarpið hafa borist til þessa. Þær eru langflestar frá einstaklingum, foreldrum eða verðandi foreldrum, sem flest eru að gagnrýna áform um jafna skiptingu fæðingarorlofsins á milli foreldra. Ljóst er að skiptar skoðanir eru um ágæti þeirra breytinga sem stefnt er að.

Kvenréttindafélag Íslands hefur sent inn um umsögn um frumvarpsdrögin, þar sem þeim er fagnað, enda hefur Kvenréttindafélagið talað fyrir því að fæðingarorlofinu verði alveg jafnt skipt á milli foreldra. Félagið segir um að ræða „réttarbót sem mun stuðla að bættri stöðu kvenna og auknu kynjajafnrétti hér á landi.“

Félagið hefur framleitt myndskeið og birt á YouTube þar sem farið er yfir þær röksemdir sem liggja að baki afstöðu félagsins. „Ísland er eitt þeirra landa í heiminum þar sem hvað mest jafnrétti ríkir. Þrátt fyrir það bera konur enn þá meiri ábyrgð á heimili og börnum. Það leiðir til þess að konur fá lægri laun, síður stöðuhækkun, vinna frekar hlutastörf og fá lægri eftirlaun. Allt þetta hefst með fæðingarorlofinu. Deilum fæðingarorlofinu jafnt!“ segir í lýsingu myndbandsins.


Kvenréttindafélagið er þó ekki hlynnt þeirri breytingu sem lögð er til í frumvarpsdrögunum og varðar styttingu þessa tímabils sem foreldrar hafa til þess að taka fæðingarorlof eftir fæðingu barns, en til stendur að stytta það úr 24 mánuðum niður í 18.

„Í skýrslu BSRB um dagvistunarúrræði frá árinu 2017 kemur í ljós að rúmlega helmingur landsmanna býr í sveitarfélögum þar sem inntökualdur barna á leikskóla er 24 mánaða. Nauðsynlegt er að foreldrar hafi svigrúm til að taka fæðingarorlof á þessum 24 mánuðum á meðan öllum börnum er ekki tryggð dagvistun,“ segir í umsögn Kvenréttindafélagsins, sem telur áríðandi að tryggja rétt íslenskra barna til dagvistunar með lögum, eins og hin Norðurlöndin hafi þegar gert.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Katrín mun ræða málefni Ísraels og Palestínu við Blinken og Lavrov í vikunni
Málefni Ísraels og Palestínu voru rædd á þingi í dag. Þingmenn Pírata og Viðreisnar kölluðu eftir því að stjórnvöld tækju af skarið og fordæmdu aðgerðir Ísraela í stað þess að bíða eftir öðrum þjóðum. Forsætisráðherra mun tala fyrir friðsamlegri lausn.
Kjarninn 17. maí 2021
Fjölskylda á flótta hefst við úti á götu í Aþenu, höfuðborg Grikklands.
Útlendingastofnun setur hælisleitendum afarkosti: Covid-próf eða missa framfærslu
Útlendingastofnun er farin að setja fólki sem synjað er um vernd þá afarkosti að gangast undir COVID-próf ellegar missa framfærslu og jafnvel húsnæði. Í morgun var sýrlenskum hælisleitanda gert að pakka saman. „Hvar á hann að sofa í nótt?“
Kjarninn 17. maí 2021
Eurovision-hópurinn fékk undanþágu og fór fram fyrir í bólusetningu
RÚV fór fram á það við sóttvarnaryfirvöld að hópurinn sem opinbera fjölmiðlafyrirtækið sendi til Hollands til að taka þátt í, og fjalla um, Eurovision, myndi fá bólusetningu áður en þau færu. Við því var orðið.
Kjarninn 17. maí 2021
ÁTVR undirbýr nú lögbannsbeiðni á starfsemi vefverslana með áfengi.
ÁTVR ætlar að fara fram á lögbann á vefverslanir og undirbýr lögreglukæru
Áfengis- og tóbaksverslun ríkisins telur nauðsynlegt að fá úr því skorið hjá dómstólum hvort innlendar vefverslanir sem selja áfengi milliliðalaust til neytenda séu að starfa löglega, eins og rekstraraðilar þeirra vilja meina.
Kjarninn 17. maí 2021
Jónas Þór Þorvaldsson er framkvæmdastjóri Kaldalóns.
Kaldalón ætlar að skrá sig á aðallista Kauphallar Íslands árið 2022
Kaldalón hefur selt fasteignaþróunarverkefni í Vogabyggð og keypt tekjuberandi eignir í staðinn. Arion banki ætlar að sölutryggja fimm milljarða króna í nýtt hlutafé í tengslum við skráningu Kaldalóns á markað.
Kjarninn 17. maí 2021
Tækifæri í rafmyntaiðnaði til staðar meðan rafmyntir halda velli að mati ráðherra
Líklega mun hið opinbera nýta sér bálkakeðjutækni þegar fram líða stundir samkvæmt svari fjármála- og efnahagsráðherra við fyrirspurn um rafmyntir. Ekki er þó enn útlit fyrir að rafmyntir taki við af hefðbundinni greiðslumiðlun í bráð.
Kjarninn 17. maí 2021
Viðar Hjartarson
Glæpur og refsing – Hugleiðingar vegna nýfallins dóms
Kjarninn 17. maí 2021
Jónas Atli Gunnarsson
Er nýsköpun ekki lengur töff?
Kjarninn 17. maí 2021
Meira úr sama flokkiInnlent