Face­book, eitt verð­mætasta fyr­ir­tæki í heimi, hefur breytt nafni sínu í Meta. Mark Zucker­berg, for­stjóri og stofn­andi Face­book, til­kynnti þetta í dag á við­burði á vegum fyr­ir­tæk­is­ins. 

Zucker­berg sagði að Face­book-­nafnið fang­aði ekki lengur allt sem fyr­ir­tækið gerir og heildin væri of tengd við eina vöru, þ.e. Face­book sam­fé­lags­mið­il­inn. Hann von­ast til þess að með tíð og tíma verði litið á Meta sem svo­kallað „meta­ver­se“ fyr­ir­tæki.

Hagn­aður Face­­book á þriðja árs­fjórð­ungi nam níu millj­­örðum doll­­ara, eða sem nemur rúmum 1.166 millj­­örðum króna. Þá hefur not­endum sam­­fé­lags­mið­ils­ins fjölgað um sex pró­­sent síð­­­ustu tólf mán­uði og eru nú 2,9 millj­­arð­­ar. Hagn­að­­ur­inn á sama tíma í fyrra var 7,8 millj­­arðar doll­­ar­­ar, eða sem nemur rúmum 1.010 millj­­örðum króna.

Sam­spil raun­veru­leika og sýnd­ar­veru­leika

Kjarn­inn greindi frá því í síð­ustu viku að til stæði að til­­kynna nafna­breyt­ingu fyr­ir­tæk­is­ins á árlegri ráð­­stefnu Face­book, Conn­ect, sem fór fram í dag, 28. októ­ber. Sam­­fé­lags­mið­ill­inn Face­book eins og við þekkjum hann mun þó ekki breyt­­ast mik­ið. Nafn fyr­ir­tæk­is­ins, Face­book, er það sem breyt­ist en sam­­fé­lags­mið­ill­inn Face­book fer undir hatt fyr­ir­tæk­is­ins líkt og Instagram, Whatsapp og Oculus, smá­­for­rit og sam­­fé­lags­miðlar sem eru í eigu Face­book.

Í þeirri umfjöllun var líka reynt að útskýra hvar þetta svo­kall­aða „meta­ver­se“ er, en í við­tali í júlí sagði Zucker­berg að á næstu árum muni almenn­ingur hætta að líta á Face­book sem sam­­fé­lags­miðla­­fyr­ir­tæki og þess í stað líta á Face­book sem meta­ver­se-­­fyr­ir­tæki.

Hug­takið Meta­verse á rætur sínar að rekja í vís­inda­­skáld­­sög­una Snow Crash eftir Neal Steph­en­sen sem kom út árið 1992. Meta­verse vísar í sam­­spil raun­veru­­leika og sýnd­­ar­veru­­leika. Face­book sér meta­verse fyrir sér sem ver­öld á net­inu þar sem not­endum er nán­­ast ekk­ert óvið­kom­andi. Í meta­verse er hægt að sinna vinnu, leikjum og sam­­skiptum í sýnd­­ar­veru­­leika. „Meta­ver­se“ „verður það sem skiptir máli, og ég held að þetta verði stór hluti af þróun inter­nets­ins eftir að það varð aðgeng­i­­legt í sím­um,“ sagði Zucker­berg í sam­tali við The Verge í sum­­­ar.

­Þró­unin er haf­in. Í dag starfa um 10 þús­und starfs­­menn Face­book að upp­­­bygg­ingu sem snýr að „meta­ver­se“, meðal ann­­ars við þróun og hönnun á sýnd­­ar­veru­­leika­­gler­­augum sem verða ómissandi hluti af „meta­ver­se“.

Zucker­berg er því sann­­færður um að gler­­augun verði jafn ómissandi og snjall­símar áður en langt um líð­­ur. 

Ein helsta áskorun Face­book verður án efa að sann­­færa not­endur um ágæti „meta­ver­se“, hug­taks sem hefur í raun ekki fengið merk­ingu meðal almenn­ings enn sem komið er. 

Það gæti þó breyst nú, þegar þetta risa­stóra fyr­ir­tæki, Face­book, hefur breytt nafn­inu sínu í Meta.