Hvað vill Flokkur fólksins?

Flokkur fólksins boðar margvíslegar aðgerðir til þess að bæta hag þeirra sem standa höllum fæti í íslensku samfélagi. Flokkurinn segist geta sótt tugi milljarða til þess að fjármagna loforð sín með breytingum í lífeyrissjóðakerfinu.

Inga Sæland er formaður Flokks fólksins.
Inga Sæland er formaður Flokks fólksins.
Auglýsing

Flokkur fólks­ins hefur á und­an­förnum dögum verið að kynna fram­boðs­lista sína fyrir kom­andi Alþing­is­kosn­ing­ar. Flokk­ur­inn, sem fékk fjóra þing­menn kjörna eftir kosn­ing­arnar 2017 þrátt fyrir að ein­ungis tveir standi nú eftir innan raða flokks­ins, hefur verið að mæl­ast undir kjör­fylgi í skoð­ana­könn­unum að und­an­förnu og jafn­vel undir fimm pró­senta fylgi á lands­vísu, sem myndi þýða að flokk­ur­inn þyrfti að treysta á að fá kjör­dæma­kjörna þing­menn.

Flokk­ur­inn hefur sótt sér nokkra nýja odd­vita, sem eiga það sam­eig­in­legt að vera allir þekktir af öðrum störf­um, jafn­vel þjóð­þekktir ein­stak­ling­ar. Tómas Tóm­as­son veit­inga­maður á Ham­borg­ara­búll­unni leiðir flokk­inn í Reykja­víkur norð­ur, Ást­hildur Lóa Þórs­dóttir for­maður Hag­muna­sam­taka heim­il­anna er odd­viti í Suð­ur­kjör­dæmi, Jakob Frí­mann Magn­ús­son tón­list­ar- og athafna­maður í Norð­aust­ur­kjör­dæmi og Eyjólfur Ármanns­son for­maður hóps­ins Orkan okkar í Norð­vest­ur­kjör­dæmi.

Þessi fjögur ásamt þeim Ingu Sæland for­manni og Guð­mundi Inga Krist­ins­syni vara­for­manni leiða flokk­inn fram til kosn­inga, en ennþá er flokk­ur­inn þó bara búinn að kynna þrjá heila fram­boðs­lista. En fyrir hvað stendur Flokkur fólks­ins og hverju lofar hann kjós­endum fyrir kom­andi kosn­ing­ar? Kjarn­inn kíkti á það sem flokk­ur­inn býður kjós­endum upp á.

Á vef flokks­ins má finna yfir­lit yfir þau mál sem Flokkur fólks­ins hyggst setja í for­gang. Þar eru þónokkur lof­orð, sum nákvæm­lega útfærð, en önnur síð­ur. Sér­stök áhersla er lögð á mál­efni eldri borg­ara, öryrkja og lág­tekju­hópa í íslensku sam­fé­lagi.

350 þús­und króna lág­marks­fram­færsla

Flokkur fólks­ins vill nýtt almanna­trygg­inga­kerfi sem tryggi lág­marks­fram­færslu, 350 þús­und krónur á mán­uði, skatta- og skerð­inga­laust. Flokk­ur­inn vill auk þess að öllum öryrkjum sem treysta sér til verði leyft „reyna fyrir sér á vinnu­mark­aði í tvö ár án skerð­inga“ og án þess að örorka þeirra sé end­ur­met­in.

Flokk­ur­inn seg­ist einnig vilja beita sér fyrir því að skatt­leys­is­mörk verði hækkuð í 350 þús­und krónur á mán­uði. Skatt­leys­is­mörk launa eru í dag 168.230 kr. svo um er að ræða tæp­lega 180 þús­und króna hækkun skatt­leys­is­markanna. Flokk­ur­inn seg­ist vilja „færa per­sónu­af­slátt­inn frá þeim ríku til hinna efna­minn­i“, það sé „sann­gjarnt, rétt­látt og eðli­leg­t“.

Þá seg­ist flokk­ur­inn vilja hækka frí­tekju­mark elli­líf­eyris vegna líf­eyr­is­tekna úr 25 þús­und upp í 100 þús­und og heitir því að „leggja niður skerð­ingar á elli­líf­eyri vegna atvinnu­tekna.“

Afnám verð­trygg­ingar

Flokkur fólks­ins hefur lengi haft það á stefnu­skrá sinni að afnema verð­trygg­ingu hús­næð­is­lána og er það á meðal for­gangs­mála flokks­ins nú. Flokk­ur­inn seg­ist einnig vilja að almenn­ingi verði heim­ilt að end­ur­fjár­magna verð­tryggð lán með óverð­tryggðum lánum án þess að und­ir­gang­ast láns­hæf­is- og greiðslu­mat.

Flokk­ur­inn heitir því einnig að „af­nema með öllu him­inhá upp­greiðslu­gjöld á lána­samn­ingum sem Íbúða­lána­sjóður gerði á sínum tíma“ og berj­ast gegn hús­næð­is­skorti með því að „skapa hvata til auk­innar upp­bygg­ingar á nýju hús­næð­i“. Þá segir flokk­ur­inn að verð íbúða­lóða eigi að „miða við raun­kostn­að, en ekki duttl­unga mark­að­ar­ins.“

Í sjáv­ar­út­vegs­málum seg­ist Flokkur fólks­ins vilja að „fullt verð“ verði greitt fyrir aðgang að sjáv­ar­auð­lindum og styður að kveðið verði á um að auð­lindir séu í þjóð­ar­eign í stjórn­ar­skránni. Flokk­ur­inn vill „nýja nýt­ing­ar­stefnu fiski­mið­anna“ sem feli í sér að íbúar sjáv­ar­byggða fái auk­inn rétt til að nýta sjáv­ar­auð­lind­ina með jákvæðum áhrifum fyrir sjáv­ar­pláss víða um land, með stór­efldum strand­veiðum og frjálsum hand­færa­veið­um.

Engar skerð­ingar á náms­lán

Flokkur fólks­ins vill að þeir sem eru á náms­lánum frá Mennta­sjóði náms­manna verði ekki fyrir neinum skerð­ing­um, þrátt fyrir að laun þeirra séu hærri en sem nemur frí­tekju­marki náms­lána. Í stefnu­skrá flokks­ins segir að það eigi að veita náms­fólki frelsi til að afla sér auka­tekna. Í dag eru regl­urnar þannig að náms­maður má hafa allt að 1.410.000 kr. í tekjur á árinu 2021 án þess að náms­lán hans á náms­ár­inu 2021-2022 skerð­ist.

Auglýsing

Í heil­brigð­is­málum ætlar Flokkur fólks­ins sér stóra hluti. Flokkur fólks­ins segir að hann muni tryggja „fjár­mögnun heil­brigð­is­kerf­is­ins að fullu,“ „út­rýma öllum biðlistum eftir nauð­syn­legri heil­brigð­is­þjón­ustu“ og tryggja að fólk sem fæð­ist með lýti fái lækn­is­að­gerðir nið­ur­greiddar frá Sjúkra­trygg­ingum Íslands. Flokk­ur­inn seg­ist enn fremur að hann muni aldrei sætta sig við að börn þurfi að bíða eftir brýnni lækn­is­hjálp.

Lofts­lags­að­gerðir án þess að íþyngja almenn­ingi

Í umhverf­is­málum vill Flokkur fólks­ins að Ísland axli ábyrgð hvað lofts­lags­breyt­ingar varð­ar, án þess þó að aðgerðir í þágu umhverf­is­verndar bitni á almenn­ingi. „Við munum beita okkur gegn grænum sköttum sem auka mis­skipt­ingu og fátækt,“ segir flokk­ur­inn, sem boðar að „hreinar orku­lindir lands­ins“ verði „nýttar af skyn­semi svo draga megi úr meng­un.“

Í umhverf­is­málum seg­ist flokk­ur­inn einnig standa gegn þjóð­garði á hálend­inu. „Há­lendið er unaðs­reitur sem má ekki stofn­ana­væða í formi þjóð­garðs með til­heyr­andi ráð­herraræði á kostnað almanna­rétt­ar. Það hafa ekki allir efni á utan­lands­ferð­u­m,“ segir flokk­ur­inn.

Heita því að fjár­magna lof­orðin

Flokkur fólks­ins segir að þau kosn­inga­lof­orð sem sett hafa verið fram af hálfu flokks­ins muni flokk­ur­inn einnig fjár­magna, með aðgerðum sem er tíund­aðar í stefnu­skrá flokks­ins.

Þannig seg­ist flokk­ur­inn ætla sér að sækja tugi millj­arða í rík­is­sjóð með því að „af­nema und­an­þágu líf­eyr­is­sjóða til að halda eftir stað­greiðslu skatta við inn­borgun í sjóð­ina.“ Flokk­ur­inn segir að þannig muni stað­greiðslan verða tekin „strax við inn­borgun en ekki þegar greitt er úr sjóð­unum eins og nú er.“

Auk þess segir flokk­ur­inn ætla að inn­heimta fullt verð fyrir aðgang að sjáv­ar­auð­lind­inni, inn­leiða banka­skatt­inn á ný og „hreinsa til í kerf­inu og draga úr hvers konar óþarfa útgjöldum rík­is­sjóðs“ án þess að nánar sé útli­stað hvaða útgjöld rík­is­sjóðs séu óþörf með öllu.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Um 80 prósent HIV smitaðra í Afríku eru undir fimmtugu. Meðferð vegna veirusýkingingarinnar hefur fallið í skuggann af faraldri COVID-19.
„Leikvöllur“ veirunnar hvergi stærri en í sunnanverðri Afríku
HIV smitaðir sem ekki hafa fengið viðeigandi meðferð eru í margfalt meiri hættu á að deyja úr COVID-19. Vísbendingar eru auk þess um að líkami þeirra sé eins og útungunarvél fyrir ný afbrigði veirunnar. Óréttlát dreifing bóluefna er grafalvarlegur vandi.
Kjarninn 5. desember 2021
Ástandið er að eyðileggja líf allra – Á vappinu í stórborginni Hólagarði
Á næstunni munu Auður Jónsdóttir rithöfundur og Bára Huld Beck blaðamaður rúnta um úthverfi höfuðborgarsvæðisins og kanna bæði stemninguna og rekstrarskilyrðin í kófinu í hinum ýmsu verslunarkjörnum. Hólagarður var fyrsti viðkomustaðurinn.
Kjarninn 5. desember 2021
Líkin í lestinni og fangarnir fjórir
Í tíu daga hefur dönsk freigáta lónað skammt undan landi á Gíneuflóa. Áhöfnin bíður fyrirmæla danskra stjórnvalda um hvað gera skuli við óvenjulega fragt um borð í skipinu: fjögur lík og fjóra fanga.
Kjarninn 5. desember 2021
Hanna Katrín Friðriksson, þingmaður Viðreisnar, bað um skýrsluna á sínum tíma.
Vill fá að vita af hverju upplýsingar um fjárfestingar útgerðarfélaga voru felldar út
Í lok ágúst var birt skýrsla sem átti að sýna krosseignatengsl eða ítök útgerðarfélaga í einstökum fyrirtækjum, en að mati þess þingmanns sem bað um hana gerði hún hvorugt. Síðar kom í ljós að mikilvægar upplýsingar voru felldar út fyrir birtingu.
Kjarninn 4. desember 2021
Ingrid Kuhlman
Dánaraðstoð: Óttinn við misnotkun er ástæðulaus
Kjarninn 4. desember 2021
Guðni Th. Jóhannesson, forseti Íslands, ásamt Agnesi M. Sigurðardóttur, biskup Íslands.
Sóknargjöld lækka um 215 milljónir króna milli ára
Milljarðar króna renna úr ríkissjóði til trúfélaga á hverju ári. Langmest fer til þjóðkirkjunnar og í fyrra var ákveðið að hækka tímabundið einn tekjustofn trúfélaga um 280 milljónir króna. Nú hefur sú tímabundna hækkun verið felld niður.
Kjarninn 4. desember 2021
Íbúðafjárfesting hefur dregist saman á árinu, á sama tíma og verð hefur hækkað og auglýstum íbúðum á sölu hefur fækkað.
Mikill samdráttur í íbúðafjárfestingu í ár
Fjárfestingar í uppbyggingu íbúðarhúsnæðis hefur dregist saman á síðustu mánuðum, samhliða mikilli verðhækkun og fækkun íbúða á sölu. Samkvæmt Hagstofu er búist við að íbúðafjárfesting verði rúmlega 8 prósentum minni í ár heldur en í fyrra.
Kjarninn 4. desember 2021
„Ég fór með ekkert á milli handanna nema lífið og dóttur mína“
Þolandi heimilisofbeldis – umkomulaus í ókunnugu landi og á flótta – bíður þess að íslensk stjórnvöld sendi hana og unga dóttur hennar úr landi. Hún flúði til Íslands fyrr á þessu ári og hefur dóttir hennar náð að blómstra eftir komuna hingað til lands.
Kjarninn 4. desember 2021
Meira úr sama flokkiInnlent