Kjörinn fulltrúi Miðflokksins í Múlaþingi firrir sig ábyrgð á bólusetningu barna

Lögmaður og varaþingmaður Sjálfstæðisflokksins hefur ritað opið bréf fyrir hönd sveitarstjórnarmanns í Múlaþingi, þar sem varað er við bólusetningum barna á aldrinum 5-11 ára. Fulltrúinn firrir sig ábyrgð á bólusetningum barna í sveitarfélaginu.

Þröstur Jónsson sveitarstjórnarmaður í Múlaþingi og Arnar Þór Jónsson lögmaður hans og varaþingmaður.
Þröstur Jónsson sveitarstjórnarmaður í Múlaþingi og Arnar Þór Jónsson lögmaður hans og varaþingmaður.
Auglýsing

Þröstur Jóns­son, sveit­ar­stjórn­ar­full­trúi Mið­flokks­ins í Múla­þingi, hefur sent opið bréf til félaga sinna í sveit­ar­stjórn, skóla­stjórn­enda í sveit­ar­fé­lag­inu og yfir­manna Heil­brigð­is­stofn­unar Aust­ur­lands, þar sem hann seg­ist ekki ætla að taka „ábyrgð á fyr­ir­hug­aðri lyfja­gjöf barna í grunn­skólum Múla­þings eða í öðrum stofn­unum sveit­ar­fé­lags­ins og und­ir­strikar að hann styðji á engan hátt slíkan gjörn­ing.“

Arnar Þór Jóns­son lög­mað­ur, sem einnig er vara­þing­maður Sjálf­stæð­is­flokks­ins, ritar þetta opna bréf fyrir hönd sveit­ar­stjórn­ar­manns­ins, en það var birt á hér­aðs­frétta­miðl­inum Aust­ur­frétt í morg­un.

Í bréf­inu er marg­hátt­uðum efa­semdum um bólu­setn­ingar barna á aldr­inum 5-11 ára varpað fram, auk þess sem þar segir að sú ákvörðun að nota hús­næði skóla, íþrótta­mann­virki eða hús­næði í eigu eða umsjá sveit­ar­fé­laga undir bólu­setn­ing­arnar sé mjög gagn­rýni­verð.

„Börn gætu skipst í fylk­ingar og þau óspraut­uðu lent utan­garðs eða upp­lifað sig óhrein eða hættu­leg. Þannig gætu þau orðið út undan í frí­mín­út­um, leikjum eða orðið fyrir ein­elti. Þess háttar félags­leg útskúfun gæti allt eins náð út fyrir veggi skóla og til athafna eftir skóla­tíma til dæmis til heim­sókna, afmæla eða íþrótta­iðk­un­ar,“ segir í bréf­inu frá Þresti.

Þar er einnig vísað til einnar rann­sóknar um tíðni hjarta­vöðva- eða goll­ur­húss­bólgu hjá 12-15 ára drengjum í Hong Kong, nýlegrar greinar lækn­is­ins Jóns Ívars Ein­ars­sonar í Morg­un­blað­inu þar sem hann sagð­ist vera þeirra skoð­unar að áhætta við bólu­setn­ingu „gæti hugs­an­lega verið meiri en ávinn­ing­ur­inn“ og fréttar af vef Reuters síðan í des­em­ber um að 8 væg til­felli hjarta­vöðva­bólgu hjá börnum á aldr­inum 5-11 ára hefðu komið í ljós í Banda­ríkj­unum eftir að rúm­lega sjö millj­ónir skammta af bólu­efni hefðu verið gefnir þessum ald­urs­hópi.

Vert er að taka fram að einn helsti sér­fræð­ingur lands­ins í þessum efn­um, Ingi­leif Jóns­dóttir pró­fessor við lækna­deild Háskóla Íslands og deild­ar­stjóri hjá Íslenskri erfða­grein­ingu, rit­aði grein í Kjarn­ann þar sem hún mælir heils­hugar með bólu­setn­ingum barna á aldr­inum 5-11 ára. Hún hefur sér­þekk­ingu á þessu sviði, sem hvorki sveit­ar­stjórn­ar­full­trú­inn né lög­maður hans hafa.

Í grein Ingi­leifar segir að þeir sem leggi á sig að lesa og rýna í rann­sóknir sem gerðar hafi verið á bólu­efnum megi vera ljóst að nýjar og ábyggi­legar rann­sóknir sýni svart á hvítu, „að við eigum að tryggja 5-11 ára börnum sömu heil­brigð­is­­þjón­­ustu og þeim sem eldri eru, og sömu vernd gegn alvar­­legum afleið­ingum COVID-19 með bólu­­setn­ing­u.“

Þröstur spyr þó í bréfi sínu, eða Arnar Þór fyrir hans hönd, hvort við­tak­endur bréfs­ins viti af þeim afleið­ingum bólu­setn­inga sem minnst er á í bréf­inu.

Auglýsing

„Munt þú, stofn­un­in, fyr­ir­tæk­ið, heil­brigð­is­stofn­un­in, leik­skól­inn, skól­inn eða stað­ur­inn sem þú vinnur hjá eða veitir for­stöðu taka ábyrgð á veik­indum og skað­legum eft­ir­köstum ef for­eldrar svara hvatn­ingu þinni um að mæta með börnin í spraut­u?“ spyr sveit­ar­stjórn­ar­full­trú­inn og bætir síðan við þeirri spurn­ingu, hvort við­tak­endur bréfs­ins þekki efni Nürn­berg-sátt­mál­ans.

„Þar kemur meðal ann­ars fram að það telst ekki málsvörn að hafa fylgt fyr­ir­mælum og firrir engan ábyrgð. Í því sam­hengi er ljóst að menn geta ekki vikið sér undan ábyrgð með skírskotun til þess að slíkt hafi verið „fyr­ir­skip­að“. Sið­ferði­legir val­kostir fram­kalla sið­ferði­lega ábyrgð. Skorað er á þig að horfast í augu við þá ábyrgð og axla hana. Börnin eiga að njóta vafans,“ segir í bréf­inu.

Þar er því einnig haldið fram að það hljóti að ganga í ber­högg við siða­reglur lækna „að sprauta börn með ein­hverju sem ekki er vitað hvaða áhrif hefur til lang­frama til að verja aðra“ og einnig segir að færa megi rök fyrir því að „fyr­ir­huguð aðgerð,“ þ.e. bólu­setn­ing barna, „stríði í ýmsu til­liti gegn siða­reglum kenn­ara.“

Í bréf­inu segir að „við stöndum á kross­götum sem sam­fé­lag“ og kjörnir full­trú­ar, skóla­stjórn­endur og for­stöðu­menn HSA eru spurðir að því hvort þeir vilji skipa sér „í flokk með þeim sem hyggj­ast beita lyfja­fræði­legum inn­gripum gagn­vart börnum með ófyr­ir­sjá­an­legum afleið­ing­um“ eða hvort þeir vilji „gæta var­úðar og bíða meðan minnsti efi er til stað­ar“.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Stewart Rhodes, stofnandi og leiðtogi öfga- og vígasamtakanna The Oath Keepers.
„Maðurinn með leppinn“ sakfelldur fyrir árásina á bandaríska þinghúsið
Leiðtogi vígasveitarinnar Oath Keepers, maðurinn sem er með lepp af því að hann skaut sjálfan sig í augað, hefur verið sakfelldur fyrir árásina á bandaríska þinghúsið í janúar í fyrra. Hann á yfir höfði sér 20 ára fangelsisdóm.
Kjarninn 30. nóvember 2022
Helstu eigendur Samherja Holding eru Kristján Vilhelmsson og Þorsteinn Már Baldvinsson, forstjóri Samherja.
Samherjasamstæðan átti eigið fé upp á tæpa 160 milljarða króna um síðustu áramót
Endurskoðendur Samherja Holding gera ekki lengur fyrirvara við ársreikningi félagsins vegna óvissu um „mála­rekstur vegna fjár­hags­legra uppgjöra sem tengj­ast rekstr­inum í Namib­íu.“ Félagið hagnaðist um 7,9 milljarða króna í fyrra.
Kjarninn 30. nóvember 2022
Ari Trausti Guðmundsson
Flugaska eða gjóska?
Kjarninn 30. nóvember 2022
Vilhjálmur Birgisson er formaður Starfsgreinasambands Íslands.
Samningar við Starfsgreinasambandið langt komnir – Reynt að fá VR um borð
Verið er að reyna að klára gerð kjarasamninga við Starfsgreinasambandið um 20 til 40 þúsund króna launahækkanir, auknar starfsþrepagreiðslur og flýtingu á útgreiðslu hagvaxtarauka. Samningar eiga að gilda út janúar 2024.
Kjarninn 30. nóvember 2022
Bjarni Bjarnason er forstjóri Orkuveitu Reykjavíkur.
Vindorkuver um land allt yrðu mesta umhverfisslys Íslandssögunnar
Forstjóri Orkuveitunnar segir að ef þúsund vindmyllur yrðu reistar um landið líkt og vindorkufyrirtæki áforma „ættum við engu umhverfisslysi til að jafna úr Íslandssögunni. Hér væri reyndar ekki um slys að ræða því myllurnar yrðu reistar af ásetningi.“
Kjarninn 30. nóvember 2022
Halla Hrund Logadóttir orkumálastjóri.
„Matseðill möguleika“ ef stjórnvöld „vilja raunverulega setja orkuskipti í forgang“
Langtímaorkusamningar um annað en orkuskipti geta tafið þau fram yfir sett loftlagsmarkmið Íslands, segir orkumálastjóri. „Þótt stjórnvöld séu með markmið þá eru það orkufyrirtækin sem í raun og veru ákveða í hvað orkan fer.“
Kjarninn 30. nóvember 2022
Katrín Jakobsdóttir, formaður Vinstri grænna og forsætisráðherra, á fundi stjórnskipunar- og eftirlitsnefndar í morgun.
„Það var mjög óheppilegt að náinn ættingi hafi verið í þessum kaupendahópi“
Forsætisráðherra segir að ekki hafi verið ákveðið hvenær Bankasýsla ríkisins verði lögð niður og hvaða fyrirkomulag taki við þegar selja á hlut í ríkisbanka. Hún hafði ekki séð það fyrir að faðir Bjarna Benediktssonar yrði á meðal kaupenda í ríkisbanka.
Kjarninn 30. nóvember 2022
Á meðal eigna Bríetar er þetta fjölbýlishús á Selfossi.
Leigufélagið Bríet gefur 30 prósent afslátt af leigu í desember
Félag í opinberri eigu sem á um 250 leiguíbúðir um allt land og er ekki rekið með hagnaðarsjónarmið að leiðarljósi ætlar að lækka leigu allra leigutaka frá og með næstu áramótum.
Kjarninn 30. nóvember 2022
Meira úr sama flokkiInnlent