Mamma grætur á hverjum degi

Mæðginin Júlía og Daníl frá Karkív í Úkraínu voru í skoðunarferð um Varsjá á laugardag. Þau hafa verið tæpar tvær vikur á flótta undan sprengjum Pútíns og stefna á að komast til Kanada með vorinu. Eiginmaður Júlíu og faðir Daníls varð eftir í Karkív.

Mæðginin Júlía og Daníl frá Karkív voru í skoðunarferð um Varsjá, borgina sem verður tímabundið heimili þeirra, síðasta laugardag.
Mæðginin Júlía og Daníl frá Karkív voru í skoðunarferð um Varsjá, borgina sem verður tímabundið heimili þeirra, síðasta laugardag.
Auglýsing

Á meðal þeirra fjöl­mörgu sem stóðu á torgi við kast­al­ann í gamla bænum í Var­sjá á laug­ar­dag og biðu þess að útsend­ing frá ávarpi Joe Bidens Banda­ríkja­for­seta hæf­ist þar á risa­skjá, voru mæðginin Júlía og Daníl. Þau eru nýlega komin til Var­sjár eftir að hafa flúið heima­borg sína Kar­kív í Úkra­ínu.

Þau voru í skoð­un­ar­ferð um borg­ina og að velta því fyrir sér hvenær þetta ávarp banda­ríska for­set­ans ætti eig­in­lega að hefj­ast. Blaða­maður Kjarn­ans gat ekki svarað því, þegar Júlía spurði. Það var fremur kalt og ung­lings­pilt­ur­inn sagð­ist á báðum áttum með hvort það væri þess virði að húka á torg­inu og bíða eftir ræðu for­set­ans, sem enn átti eftir að láta bíða eftir sér í rúma tvo tíma til við­bót­ar.

Heima­borg þeirra hefur orðið illa úti í árásum Rússa og sum hverfi hennar eru nú alveg mann­laus og stór­skemmd. „Þar sem við bjuggum heyrðum við í sprengj­unum og sáum þær. Í her­bergi sonar míns brotn­aði glugg­inn,“ segir Júl­ía.

„Heima hjá mömmu rigndi sprengjum nið­ur. Það lentu þrjár á hús­inu henn­ar. Húsið var rýmt og hún flutt út fyrir borg­ina í skjól. Hún grætur á hverjum degi. Ég tala við hana á hverjum deg­i,“ bætir Júlía við.

Búa inni á fjög­urra manna fjöl­skyldu fram á sumar

Hún og Daníl flúðu Kar­kív akandi alla leið til borg­ar­innar Lviv í vest­ur­hluta Úkra­ínu. Ferðin þangað er rúmir þús­und kíló­metrar og sótt­ist þeim hægt, tók fjóra daga allt í allt. Í Lviv voru mæðginin í sex daga og sett­ust síðan upp í rútu sem flutti þau beint til Var­sjár, þar sem þau fengu inni á heim­ili sjálf­boða­liða sem hjálp­uðu þeim við kom­una til borg­ar­inn­ar.

„Við vitum ekki hvað við verðum hérna lengi, sjálf­boða­lið­arnir sögðu að við mættum vera hérna fram á sum­ar. Við búum inni á þeim og þau eiga tvö börn. Fjöl­skyldan er mjög góð og indæl,“ segir Júl­ía, en hér í Var­sjá segja heima­menn að það þekki allir ein­hverja eru að hýsa úkra­ínska flótta­menn á heim­ili sínu um þessar mund­ir.

Auglýsing

Júlía þekkir fólk í Kanada og þangað hyggj­ast þau reyna að fara. Þau eru þegar búin að sækja um vega­bréfs­á­ritun og bíða þess að fá að heyra eitt­hvað meira. Von­ast til þess að kom­ast þangað með vor­inu.

Eig­in­maður Júlíu og faðir Daníl varð eftir í Kar­kív, en þar starfar hann sem lög­reglu­mað­ur.

„Svo hann er þar. Ég elska hann, hann elskar mig,“ segir Júl­ía, brosir og þagn­ar.

Síðan bölvar hún Vla­dimír Pútín og kallar hann öllum illum nöfnum á móð­ur­máli þeirra beggja, rúss­nesku.

Vill að vestrið loki himn­inum

Júlía fékk, rétt eins og blaða­maður Kjarn­ans, óvænt miða inn í kast­a­la­garð­inn í Var­sjá til þess að sjá ávarp Bidens berum aug­um. Daníl fór heim, ekki til­bú­inn að bíða lengur í kuld­anum eftir banda­ríska for­set­an­um.

Hún hnippti í blaða­mann inni í kast­a­la­garð­inum og var þá komin með pólska og banda­ríska pappa­fána í hönd, en starfs­menn Hvíta húss­ins gengu um með þá í stórum búntum og dreifðu til við­staddra.

„Ef ég væri Joe Biden myndi ég segja: Úkraínumenn, ég mun loka skýjunum,“ segir Júlía. Mynd: Arnar Þór Ingólfsson

Hún fylgd­ist með ræðu Banda­ríkja­for­seta, þar sem hann meðal ann­ars ítrek­aði sam­stöðu Banda­ríkj­anna með Úkra­ínu­mönn­um, og ræddi svo stutt­lega við blaða­mann að ræð­unni lok­inni.

„Ég skildi ekki alveg allt sem hann sagði en ég heyrði hann ekki segja neitt um að loka himn­in­um,“ sagði Júl­ía, með tárin í aug­un­um, en Úkra­ín­u­­menn hafa kallað ákaft eftir því að Banda­ríkin og önnur ríki Atl­ants­hafs­­banda­lags­ins verji úkra­ínskar borgir, eins og Kar­kív, fyrir loft­árásum Rússa með því að koma á flug­­­banni yfir land­inu eða með því að láta af hendi mun öfl­ug­ari loft­varna­búnað en úkra­ínski her­afl­inn hefur yfir að ráða í dag.

Flug­bann hafa vest­rænir leið­­togar þó úti­­lokað með öllu, enda felst í því skuld­bind­ing um að skjóta niður rús­s­­neskar flug­­­vélar yfir Úkra­ínu, sem myndi án efa hleypa enn auk­inni spennu í átökin við kjarn­orku­veldi Pút­ins, með ófyr­ir­sjá­an­legum afleið­ing­um.

Í hugum Júlíu og ann­arra þeirra sem eiga ást­vini í borg­unum þar sem sprengj­urnar hafa verið að falla og halda áfram að falla er óskin um flug­bann og betri loft­varnir þó ofar­lega í hug­an­um.

„Ef ég væri Joe Biden myndi ég segja: Úkra­ínu­menn, ég mun loka himn­in­um,“ segir Júl­ía.

Ákall um að loka himn­inum var einnig áber­andi á mót­mælum sem haldin voru í Var­sjá síð­asta föstu­dag, um sama leyti og Biden Banda­ríkja­for­seti kom til borg­ar­inn­ar. Þús­undir söfn­uð­ust saman í mið­borg­inni Úkra­ínu til stuðn­ings.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Halldór Benjamín Þorbergsson og Sólveig Anna Jónsdóttir.
Segir óbilgirnis- og harðlínustefnu hafa verið innleidda eftir að Halldór Benjamín tók við SA
Formaður Eflingar segir atvinnurekendur hafa verið hrifna af baráttulatri verkalýðsforystu. Í Icelandair-málinu hafi ASÍ ekki bara leyst gerendur undan grófu ásettningsbroti heldur opnað á að fyrirtækið fengi umbun í formi fjárfestingar úr lífeyrissjóðum.
Kjarninn 18. ágúst 2022
Sveinn Runólfsson og Andrés Arnalds
Hernaður Skógræktarinnar gegn náttúru Íslands
Kjarninn 18. ágúst 2022
Alls eru nú 665 börn sem verða 12 mánaða eða eldri þann 1. september á biðlista eftir plássi á leikskólum í Reykjavík.
Kynntu sex aðgerðir til að flýta innritun barna á leikskóla
Borgarráð Reykjavíkur samþykkti í dag aðgerðaáætlun í sex liðum, sem ætluð er til þess að flýta innritun barna á leikskóla. Foreldrar ungra barna hafa sett mikinn þrýsting á borgarfulltrúa sökum þess að útgefnar áætlanir hafa ekki staðist.
Kjarninn 18. ágúst 2022
Heiðrún Lind Marteinsdóttir er framkvæmdstjóri Samtaka fyrirtækja í sjávarútvegi, og fékk fyrir það um 3,9 milljónir króna á mánuði í fyrra.
Best launuðu hagsmunaverðirnir með hátt í fjórar milljónir króna á mánuði í fyrra
Framkvæmdastjóri hagsmunasamtaka sjávarútvegsfyrirtækja trónir á toppnum yfir þá hagsmunaverði sem voru með hæstu launin í fyrra. Laun stjórnenda hagsmunasamtaka eru miklu hærri en laun þeirra sem fara fyrir verkalýðsforystunni.
Kjarninn 18. ágúst 2022
Rigningarvatn flæðir niður stiga á neðanjarðarlestarstöð í París í gær.
Himnarnir opnuðust – Mánaðarúrkoma féll á rúmum klukkutíma
Frakkar hafa líkt og fleiri íbúar á meginlandi Evrópu glímt við fordæmalausa hita og þurrka síðustu vikur og mánuði. Nú hefur orðið stórkostleg breyting þar á.
Kjarninn 18. ágúst 2022
Davíð Oddsson er annar ritstjóra Morgunblaðsins og hefur verið það frá haustinu 2009.
Davíð Oddsson með 5,6 milljónir króna á mánuði – Í sérflokki á meðal fjölmiðlamanna
Alls voru tólf starfsmenn RÚV með yfir milljón á mánuði í fyrra og þann þrettánda vantaði einungis tvö þúsund krónur á mánuði til að slást í hópinn. Ritstjóri Viljans var með tæplega 4,5 milljónir króna á mánuði.
Kjarninn 18. ágúst 2022
Kostnaður vegna aksturs þingmanna eykst um fjórar milljónir milli ára
Vilhjálmur Árnason er sá þingmaður sem taldi fram mesta aksturkostnað á fyrri hluta ársins. Hann sker sig einnig úr þar sem hann notar nánast einvörðungu eigin bíl á meðan að aðrir þingmenn nýta bílaleigubíla að uppistöðu.
Kjarninn 18. ágúst 2022
Sólveig Anna Jónsdóttir
Með Salek á sjálfstýringu: Kreppa íslensku verkalýðshreyfingarinnar II
Kjarninn 18. ágúst 2022
Meira úr sama flokkiErlent