Ólympíufimleikar ekki lengur unglingakeppni

Þegar elsta fimleikakonan sem skráð er til leiks í Tókýó fór á sína fyrstu Ólympíuleika voru flestar sem hún keppir við nú ekki fæddar. Í fyrsta sinn í áratugi eru táningar ekki í meirihluta í fimleikakeppni kvenna og meðalaldur er nærri 22 ár.

Oksana Chusovitina keppir fyrir Úsbekistan í fimleikum á Ólympíuleikunum. Hún er 46 ára og kemur til með að setja nýtt met sem elsta konan til að taka þátt í fimleikakeppninni.
Oksana Chusovitina keppir fyrir Úsbekistan í fimleikum á Ólympíuleikunum. Hún er 46 ára og kemur til með að setja nýtt met sem elsta konan til að taka þátt í fimleikakeppninni.
Auglýsing

Oksana Chusovitina var í sigurliði leikanna í Barselóna 1992 og býr sig nú undir að taka þátt í sínum áttundu Ólympíuleikum. Hún er 46 ára og verður elst til að taka þátt í fimleikakeppni Ólympíuleikanna, slær eigið met frá því í Ríó þegar hún keppti 41 árs. Chusovitina keppir nú fyrir heimaland sitt Úsbekistan.

Hóf ferilinn fyrir Sovétríkin

Þegar Chusovitina hóf sinn keppnisferil í fimleikum keppti hún undir merkjum Sovétríkjanna. Eftir að þau liðu undir lok keppti hún í eitt skipti fyrir Samveldi sjálfstæðra ríkja, en fyrrum Sovétlýðveldin sendu lið undir því nafni á Ólympíuleikana 1992, þá fyrstu sem Chusovitina keppti á. Á árunum 1993 til 2005 keppti hún fyrir Úsbekistan en flutti svo til Þýskalands og keppti með þýska landsliðinu í nokkur ár áður en hún sneri aftur í úsbeska landsliðið sem hún hefur keppt fyrir frá 2013.

Chusovitina státar af níu gullverðlaunum á stórmótum, 14 silfurpeningum og níu bronsmedalíum. Og hún er ekki hætt að komast á pall, hún vann til dæmis silfur í stökki á Asíuleikunum árið 2018, þá 43 ára. Stökk er hennar sérgrein og hún hefur sagt í viðtölum að hún telji sig eiga góða möguleika á að keppa um verðlaun í Tókýó. Hún varð sjöunda í keppni á stökki í Ríó, þannig að hún er sannarlega enn á meðal þeirra allra bestu. Besti einstaklingsárangur hennar á Ólympíuleikum er silfur á stökki á leikunum 2008.

Auglýsing

Ferill hennar spannar lengri tíma en ævi flestra fimleikakvenna sem Chusovitina etur kappi við. Simone Biles, besta fimleikakona heims, er til dæmis fædd árið 1997. Chusovitina hafði þegar keppt á tvennum Ólympíuleikum þegar Biles kom í heiminn og býr sig nú undir sína áttundu og síðustu. Raunar voru aðeins þrjár fimleikakonur sem skráðar eru til leiks á Ólympíuleikunum í Tókýó fæddar þegar Chusovitina tók þátt í sínum fyrstu Ólympuleikum, engu að síður er hópurinn nú eldri en oftast áður.

Ólympíuhringirnir tákna heimsálfurnar og eiga að vera til marks um einingu og frið. MYND/EPA

Meðalaldur fer hækkandi

Meðalaldur kvennanna 98 sem taka þátt í fimleikakeppni á Ólympíuleikunum í Tókýó er 21 ár og 11 mánuðir. Á Ólympíuleikunum í Ríó 2016 var meðalaldur fimleikakvenna 20 ár og níu mánuðir og er um töluvert stökk að ræða. Meðalaldur í þessari vinsælustu keppni hverra Ólympíuleika hefur ekki verið svona hár frá árinu 1964, ef marka má frétt NBC Sports um málið.

Oft hefur ungur aldur fimleikakvenna verið gagnrýndur, en svo virðist sem margar þjóðir sendi nú eldri fimleikakonur til leiks en áður. Frá árinu 2000 hefur reglan verið sú að til að fá að keppa á Ólympíuleikum þurfi fimleikakona að hafa náð 16 ára aldri þegar hún keppir.

Áður var tilhneigingin sú að senda sífellt yngri stúlkur til leiks. Margir muna til dæmis eftir því þegar bandaríska kvennaliðið vann gull í fyrsta sinn á Ólympíuleikum. Það var á leikunum í Atlanta árið 1996, en margir muna eftir tilfinningaþrunginni stund þegar ljóst var að Kerri Strug hefði meiðst. Hún lauk engu að síður keppni, með slitin liðbönd, og liðið náði Ólympíugulli og hlaut heimsfrægð í kjölfarið. Sú elsta í bandaríska liðinu var á þessum tíma 19 ára og sú yngsta aðeins 14 ára.

Ljóst er því að margt hefur breyst frá því þegar alsiða var að senda unglinga á Ólympíuleika til að keppa í fimleikum kvenna. Meðalaldur kvenna í fimleikakeppninni á Ólympíuleikunum var 20 ár á leikunum í Mexíkóborg árið 1968, hann féll svo niður í 18 ára 1972 og á áttunda, níunda og tíunda áratugnum var meðalaldurinn jafnan á bilinu 16 til 18 ár, en hann hefur farið hækkandi frá árinu 2012.

Simone Biles er verðlaunaðasta fimleikakona allra tíma. Þegar hún fæddist hafði Chusovitina, elsti keppandi í fimleikum kvenna í Tókýó, keppt á tvennum Ólympíuleikum. Mynd/EPA

Fimleikakonur yfir tvítugu í meirihluta

Oksana Chusovitina hífir meðaltalið vissulega upp, en það er ekki bara hennar aldur sem hefur áhrif. Í Tókýó verða konur 20 ára og eldri í meirihluta en táningar, 16 til 19 ára, í minnihluta. Það hefur ekkert gerst frá árinu 1968.

Tíðindum þykir sæta að tvö kvennalið sem skráð eru í ár, lið Hollands og Þýskalands, eru alfarið skipuð konum 20 ára og eldri. Síðast þegar þjóð sendi lið án táninga til keppni í fimleikum kvenna var árið 1964. Bandaríska liðið er einnig með óvenju háan meðalaldur en engin hinna bandarísku fimleikakvenna er yngri en 18 ára og fjórar eru yfir tvítugu. Aldursforsetar liðsins, Simone Biles og MayKayla Skinner, eru 24 ára gamlar. Fari þær að fordæmi Chusovitinu gætu þær enn verið í fullu fjöri á Ólympíuleikunum árið 2040.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Áslaug Arna Sigurbjörnsdóttir dómsmálaráðherra.
„Ekki má hringla með marklínuna“
Dómsmálaráðherra vonar að stjórnarandstöðunni „auðnist ekki að slíta í sundur þá einingu sem ríkt hefur meðal landsmanna í baráttunni gegn veirunni“. Samhliða útbreiddri bólusetningu þurfi að slá nýjan takt og „leggja grunn að eðlilegu lífi á ný“.
Kjarninn 29. júlí 2021
Þorsteinn Már Baldvinsson forstjóri Samherja.
Samherji kannar hvernig afsökunarbeiðnir leggjast í landann
Þátttakendur í viðhorfahópi Gallup fengu í vikunni sendar spurningar um Samherja. Fyrirtækið, sem baðst tvívegis afsökunar fyrr í sumar, virðist fylgjast grannt með almenningsálitinu.
Kjarninn 29. júlí 2021
Ríkisstjórnin héldi ekki þingmeirihluta sínum ef niðurstöður kosninga yrðu í takt við nýja könnun Maskínu.
Ríkisstjórnarflokkarnir fengju einungis 30 þingmenn samkvæmt nýrri könnun Maskínu
Í nýrri könnun Maskínu fyrir fréttastofu Stöðvar 2, Bylgjunnar og Vísis dalar fylgi Sjálfstæðisflokksins um tæp þrjú prósentustig. Ríkisstjórnin myndi ekki halda þingmeirihluta sínum, samkvæmt könnuninni.
Kjarninn 28. júlí 2021
Birna Einarsdóttir bankastjóri segir fyrri hluta þessa árs hafa verið viðburðaríkan.
5,4 milljarða hagnaður hjá Íslandsbanka á öðrum ársfjórðungi
Hagnaður bankans jókst umtalsvert á öðrum ársfjórðungi, og í raun á fyrri hluta ársins, miðað við sama tíma í fyrra. Útlán bankans hafa aukist um 8,2 prósent það sem af er ári vegna umsvifa í húsnæðislánum.
Kjarninn 28. júlí 2021
Benedikt Gíslason er forstjóri Arion banka og segir hann reksturinn ganga mjög vel.
Arion banki hagnaðist um 7,8 milljarða á öðrum ársfjórðungi
Bankinn hagnaðist um 7,8 milljarða á öðrum ársfjórðungi 2021 og arðsemi eigin fjár var 16,3 prósent.
Kjarninn 28. júlí 2021
Gunnar Alexander Ólafsson
Brunar lestin?
Kjarninn 28. júlí 2021
Stór hluti fólksfjölgunar hér á landi er tilkominn vegna fólksflutninga.
Færri Íslendingar flutt af landi brott í faraldri
Samsetning brottfluttra og aðfluttra hefur breyst töluvert í kórónuveirufaraldri. Í fyrra fluttu 506 fleiri íslenskir ríkisborgarar til landsins en frá því og hefur fjöldinn ekki veirð meiri síðan 1987.
Kjarninn 28. júlí 2021
Fjármálastöðugleikanefnd SÍ
Hafa áhyggjur af þróun á fasteignamarkaði
Þróunin á húsnæðismarkaði var meðal þess sem var rætt á síðasta fundi fjármálastöðugleikanefndar en meirihluti nefndarmanna taldi hana benda til vaxandi ójafnvægis.
Kjarninn 28. júlí 2021
Meira úr sama flokkiErlent