Þörf á „þriðju sprautunni“ líkleg innan árs

Bóluefnaframleiðendur telja líklegt að endurbólusetja þurfi fólk innan við ári eftir að það hefur fengið fyrstu skammta. Árleg bólusetning gegn COVID-19 er „líkleg sviðsmynd“.

Það er líklegt að bólusetja þurfi árlega gegn COVID-19, segja framleiðendur bóluefnanna.
Það er líklegt að bólusetja þurfi árlega gegn COVID-19, segja framleiðendur bóluefnanna.
Auglýsing

Stjórnvöld í Bandaríkjunum eru þegar farin að huga að undirbúningi þess að gefa þurfi „búst“ á bólusetningu gegn COVID-19 um 9-12 mánuðum eftir fyrstu bólusetningu. Slíkt er ekki óalgengt þegar bólusetningar eru annars vegar og kenning um að þess gæti gerst þörf í tengslum við bólusetningu gegn COVID-19 hefur verið til staðar frá upphafi.

Enn er verið að rannsaka hversu lengi vörn bóluefnanna gegn sýkingu af kórónuveirunni varir sem skiljanlega fæst ekki að fullu staðfest nema með tímanum. David Kessler, helsti vísindaráðgjafi Joes Bidens Bandaríkjaforseta sagði á fundi þingnefndar í gærkvöldi að mögulega verði þörf fyrir endurbólusetningu til að efla ónæmi gegn veirunni enn frekar. „Ég held að við ættum að búa okkur undir að það gæti orðið þörf á endurbólusetningu,“ sagði hann á fundi nefndarinnar.

Margir vísindamenn hafa sagt að ein bólusetning gegn COVID-19 muni ekki duga til varnar veirunni til lengri tíma. Þetta hafa íslenskir vísindamenn m.a. sagt.

Umræðan hefur þó orðið kraftmeiri síðustu daga. Albert Bourla, forstjóri lyfjafyrirtækisins Pfizer, sagði í gær að „líklega“ þurfi þriðja skammtinn af bóluefni fyrirtækisins, sem unnið er í samstarfi við þýska líftæknifyrirtækið BioNtech, innan við ár frá fyrstu skömmtunum tveimur. Hann telur einnig líklegt að árlegrar bólusetningar við COVID-19 gæti svo reynst þörf í framhaldinu. „Líkleg sviðsmynd“ er að sögn Bourla sú að þriðja skammtinn þurfi að gefa á bilinu 6-12 mánuðum eftir fyrstu tvo.

Auglýsing

Bourla nefndi sem dæmi að bóluefni gegn mænusótt þyrfti aðeins að gefa einu sinni á ævinni en aðra sögu væri að segja um t.d. bóluefni gegn inflúensu. „Kórónuveiran sem veldur COVID-19 líkist meira inflúensuveiru en mænusóttarveiru.“

Kessler, sem er læknir að mennt, segir þetta til skoðunar og þætti á borð við ný afbrigði veirunnar og virkni bóluefna gegn þeim þurfi að meta sérstaklega.

Lyfjafyrirtækið Moderna er einnig að vinna að efni til endurbólusetningar og Johnson & Johnson sagði nýverið að líkur væru á því að gefa þyrfti bóluefni fyrirtækisins árlega.

Kessler segir að bóluefnin sem nú séu gefin vestanhafs séu áhrifarík, einnig gegn nýjum afbrigðum veirunnar sem þegar hafa komið fram. Hins vegar þurfi að fara að huga að þróun „næstu kynslóðar“ bóluefna sem beint verður sérstaklega gegn nýjum afbrigðum.

Matvæla- og lyfjastofnun Bandaríkjanna hefur ákveðið að lyfjafyrirtækin sem þegar hafa fengið skilyrt markaðsleyfi fyrir bóluefni sín í landinu, þurfi ekki að fara aftur í gegnum tímafrekar þriðju fasa rannsóknir með bóluefnin sem verður breytt lítillega til að verjast betur nýjum afbrigðum.

Yfir 125 milljónir manna hafa fengið að minnsta kosti einn skammt af bóluefnum gegn COVID-19 í Bandaríkjunum. Um 78 milljónir eru fullbólusettir.

Lyfjafyrirtækið Moderna greindi frá því í vikunni að virkni bóluefnis þess sé enn góð sex mánuðum eftir bólusetningu. Forstjóri fyrirtækisins, Stéphane Bancel, sagðist binda vonir við að „þriðja sprautan“ yrði tilbúin til notkunar í haust.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Kolbrún Benediktsdóttir varahéraðssaksóknari í dómsal í dag.
„Hér er ekki um leikaraskap, slysni eða eitthvað grín að ræða“
Það er mat ákæruvaldsins að Marek sé ekki að segja nákvæmlega allt sem hann muni frá deginum sem bruninn á Bræðraborgarstíg varð. Verjandi fer fram á að ef hann verði fundinn sekur og ósakhæfur verði hann ekki dæmdur til öryggisgæslu.
Kjarninn 5. maí 2021
Birna Einarsdóttir bankastjóri segir ljóst að spennandi tímar séu framundan, vegna fyrirhugaðrar sölu ríkisins á hluta af hlut sínum í Íslandsbanka.
Íslandsbanki hagnaðist um 3,6 milljarða á fyrsta ársfjórðungi
Eigið fé Íslandsbanka nam 185 milljörðum króna í lok mars. Bankastjórinn segir spennandi tíma framundan, í ljósi þess að stefnt sé að skráningu bankans á verðbréfamarkað að undangengnu útboði á hluta af hlut ríkisins í honum.
Kjarninn 5. maí 2021
Höfuðstöðvar Arion banka í Borgartúninu
Arion hagnast um 6 milljarða á þremur mánuðum
Þrátt fyrir lága vexti og efnahagssamdrátt var hagnaður Arion banka á fyrsta fjórðungi þessa árs mun meiri en á sama tímabili í fyrra.
Kjarninn 5. maí 2021
Björn Leví Gunnarsson, þingmaður Pírata.
„Þeirra er ævintýralega ósanngjarna lýðræðið sem við búum við“
Björn Leví segir að skipting sæta milli þingflokka sé mjög ójöfn. Auðveldasta lausnin til að leysa vandamálið sé að fjölga jöfnunarsætum – það sé ekki flókið né ósanngjarnt.
Kjarninn 5. maí 2021
Samkvæmt því sem segir í nafnlausum skoðanadálki Morgunblaðsins í dag „gæti orðið bið á því“ að blaðið sendi fulltrúa sinn á fund félaga í BÍ til þess að ræða umdeilda skoðanaauglýsingu Samherja sem beindist gegn fréttamanninum Helga Seljan.
Morgunblaðsmenn ekki spenntir fyrir því að ræða auglýsingu Samherja við félagsmenn BÍ
Í ritstjórnardálki í Morgunblaðinu segir að það „gæti orðið bið á því“ að yfirmenn blaðsins þekkist boð um að mæta á fund félaga í Blaðamannafélaginu til að ræða siðferðileg álitaefni í tengslum við birtingu umdeildrar auglýsingar frá Samherja á mbl.is.
Kjarninn 5. maí 2021
Lilja Rafney Magnúsdóttir, þingmaður VG.
Umræða um málefni innflytjenda gengur fram af þingmanni – Skömm að tala málið niður
Þingmaður Vinstri grænni segir að Íslendingar eigi að sýna þann þroska að geta sinnt útlendingamálum með almennilegum hætti og gera það sem best – „við sem rík þjóð“. Umræða Miðflokksmanna hafi gengið fram af henni í gær.
Kjarninn 5. maí 2021
Þriðjungur fyrstu ferðagjafarinnar fór til tíu fyrirtækja
Nú stendur til að endurnýja ferðagjöf stjórnvalda til að örva eftirspurn innanlands. Rúmur helmingur þeirra sem áttu rétt fyrstu ferðagjöfinni hafa nýtt hana. Á meðal þeirra sem fengu mest í sinn hlut voru eldsneytissalar og skyndibitakeðjur.
Kjarninn 5. maí 2021
Hluti þingliðs Miðflokksins á björtum og fallegum sumardegi fyrr á kjörtímabilinu.
Stillt upp á lista hjá Miðflokknum í öllum kjördæmum
Fimm manna uppstillingarnefndir munu setja saman framboðslista Miðflokksins í öllum kjördæmum landsins fyrir komandi kosningar, en ekki kosið í sæti á lista á félagsfundum. Fylgi flokksins hefur verið í nokkurri lægð að undanförnu.
Kjarninn 5. maí 2021
Meira úr sama flokkiErlent