Þessi færsla er úr eldra greinasafni Kjarnans og gæti þess vegna birst furðulega.

Bibbi bloggar úr Evróputúr Skálmaldar: Eindhoven

DSCF3969-copy.jpg
Auglýsing

Skálmöld er nú á tæp­lega 7 vikna túr um Evr­ópu. Dag­arnir eru afskap­lega við­burða­ríkir og aðstæður oft afskap­lega skemmti­leg­ar. Snæ­björn, bassa­leik­ari og texta­höf­undur sveit­ar­inn­ar, heldur úti dag­legu bloggi á vef Kjarn­ans þar sem hann lýsir hinu goð­sagna­kennda rokk­ara­lífi. Táfýla, blóð, sviti, tár og auð­vitað rokk & ról beint í æð.

Við tókum auð­vitað bara svoldið dug­lega á því í gær. Ég man ekki nákvæm­lega hver koju­röðin var en við Böbbi gerðum þetta best og fórum í kodd­ann um hálf7. Þá vorum við búnir að hluta á alls­konar tón­list og almennt leysa lífs­gát­urnar all­ar. Við vorum ekki á bíl, svo mikið er víst. Við vorum vissu­lega í bíl en alls ekki við stýr­ið. Þetta var gott kvöld.

Og svo vakn­aði ég bara hérna í Eind­hoven seinni­part­inn í dag. Eins og venju­lega dratt­að­ist ég bara út á plan og tók miðið á eitt­hvað sem gæti verið tón­leika­stað­ur­inn. Sem það reyndar var. En hví­líkur tón­leika­stað­ur. Hús á 6 hæðum og alls­konar alls­konar um allt. Ég reyndar fann Böbba strax í andyr­inu þar sem hann var sam­visku­sam­lega í við­tali. Ég fékk vit­an­lega smá móral, búinn að sofa allt af mér meðan æsku­vinur minn og drykkju­fé­lagi sinnti skyld­un­um. En svo voru bara fleiri við­töl, við Böbbi tókum tvö til við­bótar og Jón og Baldur alla­vega eitt. Skemmti­legt fólk Hol­lend­ing­arn­ir. Það er eitt­hvað við þá sem maður tengir við.

Auglýsing

Halló! Við sjáum þig! Halló! Við sjáum þig!

Ég held að hel­vítið hann Þrási hafi farið út að hlaupa í dag. Það lætur okkur hina líta verr út. Baldur vill reyndar meina að hlaupa­dótið hans skili sér til hans í Köln. Það verður gaman að sjá hvort þeir halda eitt­hvað í við ofur­mennið Robert. Og Halli, hann er strax búinn að lýsa því yfir að hann muni hlaupa líka. Gott að menn eru brattir svona í upp­hafi. Sjáum til.

Við fengum fréttir frá Belg­anum sem hvarf. Eftir giggið í Bochum var hann á bak og burt og bíll­inn hans líka. Sá hafði sam­band við Baldur í gær eða dag og gekkst við því að hafa keyrt af stað heim. En svo varð hann bens­ín­lít­ill og keyrði, ofurölvi, inn á bens­ín­stöð. Og þar tók löggan hann. Það var nú gott. Og auð­vitað pínu fynd­ið. En samt meira gott. Maður á ekki að keyra full­ur.

Eftir við­tölin hófst leitin mikla. Þetta er glæsi­legt tón­leika­hús en það var ekki við­lit að vita hvar maður átti að fara til að kom­ast þangað sem maður vildi. Mat­salur á fjórðu hæð, bún­ings­her­bergi á fimmtu og tón­leika­sal­ur­inn að ég held á þriðju. Allt saman alger­lega glæsi­legt og til fyr­ir­myndar vissu­lega en þetta var svo­lítið eins og að vera skil­inn einn eftir fjög­urra ára gam­all í Borg­ar­kringl­unni. En já, hér var allt gott. Sal­ur­inn sá glæsi­leg­asti sem við höfum spilað í á túrn­um, starfs­fólkið ekki bara starfi sínu vaxið heldur líka jákvætt og dríf­andi, mat­ur­inn góður og bún­ings­her­bergið okkar alveg frá­bært. Ég drakk, not­aði inter­net, kúkaði og fór í sturtu, allt í þessu sama her­bergi. Og allt ofan­greint gekk sér­lega vel.

Þetta var fyrsti dag­ur­inn hans Halla. Hann vakn­aði merki­lega hress eftir Rússa-út­reið­ina og bar sig frekar vel í dag. Sánd­tékkið var ótrú­lega tíð­inda­laust, sér­stak­lega miðað við að vera með nýjan með­lim inn­an­borðs, og allir gengu til sinna verka. Og svo þetta venju­lega við, í grút­skítugan gigggall­ann, setja í sig tvo­þrjá bjóra og koma sér í gír­inn. Ég veit ekki fyrir hversu marga við spil­uðum en ég ætla að giska á þús­und manns. Þetta var rooosa­legt gigg. Strax frá fyrsta lagi negldum við hvert ein­asta manns­barn í salnum og slepptum þeim ekki lausum fyrr en eftir þrjú kort­er. Hedd­bang, sam­söng­ur, hnefa­barn­ingur og grjót­harður pytt­ur. Svona á þetta að vera.

Við vorum með nýjan mann á svið­inu. Ég var mest hissa á hversu litlu það mun­aði en það segir vænt­an­lega meira um Halla en okkur hina. Þetta heitir pró­fes­sjóna­l­ismi. Og þetta eru stórir skór að fylla. Magnað að gera leyst hlut­ina svona og þurfa ekki að leita lengra frá sér.

Og þannig var það. Giggið frá­bært og allt saman til fyr­ir­mynd­ar. Við þrifum okkur og gerðum það sem maður gerir eftir gigg, hlóðum draslinu í kerruna með dyggri hjálp frá frá­bæru fólki á venjúinu. Klukkan er 22.32 og við sitjum allir á rútu á leið til Köln. Þangað er ekki langur akst­ur, kannski tveir tímar á að giska, og það gleður mig meira en venju­lega. Þar bíða okkar kon­ur. Ekki bara hvað konur sem er, og reyndar bíða þær meira eftir sumum en hin­um. Vera hans Bald­urs og Agnes mín flugu út í morgun til að heim­sækja okk­ur. Við eigum frí­dag á morgun og ég sé fram á tvær nætur á hót­el­her­bergi. Það ætla ég að sinna hlut­um. Alls­konar hlut­um.

Og núna sitjum við bara allir hér frammi í rút­unni, pass­lega góð­glaðir og allir bros­andi. Þetta heldur bara áfram og við förum fram úr okkar eigin vonum á hverjum degi. Sölu­varn­ing­ur­inn sem við tókum með okkur er allur búinn og túr­inn rétt rúm­lega hálfn­að­ur. Við erum þó með bak­plön í þeim efnum og fáum meira strax á þriðju­dag­inn. Mót­tök­urnar eru frá­bær­ar, mórall­inn enn betri og allt sér­lega gott.

Ég get líka lekið fréttum fyrst ég er byrj­aður á þessu. Elu­veitie halda á Suð­ur­-­Evr­óputúr núna í febr­úar sem mun taka tvær vik­ur. Og þar verður Skálmöld líka. Við fengum fyr­ir­spurn um þetta tæpum tveimur vikum eftir að þessi túr hóf­st, að vera aðal­upp­hit­un­ar­bandið fyrir þau á þessum túr. Og við sögðum já. Auð­vitað sögðum við já. Þetta er bæði upp­hefð og skref upp á við fyrir okk­ur. En ein­hverju verður að fórna og við finnum út úr því jafn­óð­um. Fyrir mína parta er nokkuð ljóst að Agnes verður ekk­ert minna ólétt í febr­ú­ar. Þetta verður ekki mjög löng með­ganga hjá mér. Á hverjum degi þakka ég fyrir að hafa náð að raða svona góðu fólki kringum mig í líf­inu.

Og nú bíðum við bara eftir að kom­ast til Köln­ar. Ég er hreinn og strok­inn, tann­bur­staður með kókósol­í­una hans Jóns í skegg­inu. Þetta ilmar skemmti­lega. Ég er ekki viss um að ég verði til mik­illa verka þegar til Kölnar kemur en við því býst svo sem eng­inn af mér. Sofa kjurr, það verður sér­stakt.

Nú ætla ég að opna einn belgískan bjór enn og spjalla við sam­ferða­menn mína. And­inn er góður og veg­ur­inn breið­ur. Við hugsum hlý­lega heim til Gunna sem lenti í sínu rúmi í dag. Þetta breytir ýmsu en þó ekki nokkrum sköp­uðum hlut í stóra sam­heng­inu.

Meist­ara­legt dags­ins: Frá­bært venjú og gott gigg.

Sköll dags­ins: Flexi tók við Juventus í dag. Liðið er í hengl­um.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Jean Claude Juncker er forseti framkvæmdastjórnar Evrópusambandsins.
Atvinnuleysi innan ESB ekki mælst minna frá því að mælingar hófust
Atvinnuleysi hjá ríkjum Evrópusambandsins hefur dregist verulega saman á undanförnum árum, en er samt umtalsvert meira en í Bandaríkjunum og á Íslandi.
Kjarninn 19. október 2019
Séra Jakob Rolland, prestur kaþólsku kirkjunnar í Reykjavík.
Kaþólska kirkjan vill hafa meiri áhrif á stjórnmál á Íslandi
Prestur innan kaþólsku kirkjunnar segir að kaþólska kirkjan myndi vissulega vilja hafa meiri áhrif á stjórnmál á Íslandi. Hann segir að rödd kaþólsku kirkjunnar hafi þó fengið lítinn hljómgrunn hjá stjórnvöldum á Íslandi hingað til.
Kjarninn 19. október 2019
Guðmundur Ingi Guðbrandsson, umhverfis- og auðlindaráðherra.
Guðmundur Ingi sjálfkjörinn varaformaður Vinstri grænna
Umhverfis- og auðlindaráðherra verður næsti varaformaður Vinstri grænna. Hann situr nú sem ráðherra utan þings en er ekki kjörinn fulltrúi.
Kjarninn 19. október 2019
Logi Einarsson, formaður Samfylkingarinnar.
Logi: Komin upp ný og gjörbreytt staða í stjórnmálum á Íslandi
Logi Einarsson, formaður Samfylkingarinnar, segir að nú sé sögulegt tækifæri fyrir Samfylkinguna til að fylkja saman umbótaöflunum í landinu og sýna að það sé til betri valkostur fyrir íslenskan almenning en núverandi ríkisstjórn.
Kjarninn 19. október 2019
Jóhanna Sigurðardóttir, fyrrverandi forsætisráðherra.
Fyrrverandi forsætisráðherra segir stjórnvöld hafa svikið þjóðina
Jóhanna Sigurðardóttir, fyrrverandi forsætisráðherra, segir að íslenska þjóðin hafi verið svikin af stjórnvöldum um nýja stjórnarskrá í sjö ár.
Kjarninn 19. október 2019
Norskur fjallamaður skrifar íslensku hrunsöguna
Svein Harald Øygard hefur skrifað bók um hrun og upprisu Íslands. Hún ber þess merki að hann er maður sem er laus við hlekki sérhagsmuna sem gerendur í þeirri sögu bera með sér á hverjum degi, og litar frásagnir þeirra af því sem gerðist.
Kjarninn 19. október 2019
Jón Baldvin Hannibalsson
Hvers vegna tók Ísland af skarið í andstöðu við leiðtoga NATO, um viðurkenningu á sjálfstæði Eystrasaltsþjóða?
Kjarninn 19. október 2019
Niðurstaða FATF mikil vonbrigði og forgangsmál að bregðast við
Dómsmálaráðherra segir það í forgangi að bregðast við athugasemdir sem gerðar hafa verið ónægar aðgerðir íslenskra stjórnvalda til að vinna gegn peningaþvætti.
Kjarninn 18. október 2019
Meira úr sama flokkiKjarnafæði
None