Þessi færsla er úr eldra greinasafni Kjarnans og gæti þess vegna birst furðulega.

Bibbi bloggar úr Evróputúr Skálmaldar: Geiselwind

DSCF3827-1.jpg
Auglýsing

Skálmöld er nú á tæp­lega 7 vikna túr um Evr­ópu. Dag­arnir eru afskap­lega við­burða­ríkir og aðstæður oft afskap­lega skemmti­leg­ar. Snæ­björn, bassa­leik­ari og texta­höf­undur sveit­ar­inn­ar, heldur úti dag­legu bloggi á vef Kjarn­ans þar sem hann lýsir hinu goð­sagna­kennda rokk­ara­lífi. Táfýla, blóð, sviti, tár og auð­vitað rokk & ról beint í æð.

Ég er orð­inn þreytt­ur. Mig langar heim. Dag­arnir eru tíð­inda­litlir fyrir utan tón­leika hvert skiptið og allt skítugt, rakt og ómögu­legt. Ég er auð­vitað að mála þetta of svart, hvern dag ger­ist alls­konar sem gaman er að taka þátt í. Svín­sökklinn í boði Hjartar í gær var til dæmis alveg sér­lega ánægju­leg­ur, bæði mat­ur­inn sjálfur sem og félags­skap­ur­inn og skrepp­ið. Hjörtur er afskap­lega góður mað­ur. Hann hélt okkur sel­skap alveg þar til rútan fór í nótt og hann gerði það ein­stak­lega skemmti­lega. Svona menn er gaman að þekkja.

En já. Klukkan er 23.23 og ég sit í ein­hverjum hlið­ar­sal við tón­leika­sal­inn en hér er aðeins þunnt tjald sem skilur á milli. Ég er með eyrnatappa því Elu­veitie eru á fullu. Ég horfi hér gegnum glufu á tjald­inu niður á sviðið sem er í kannski tíu metra fjar­lægð frá mér. Við þekkj­umst ansi vel orðið og þó svo að þau gefi allt í sviðs­fram­kom­una sé ég á þeim að þau eru orðin þreytt. Þau túra enda­laust og stans­laust en eygja núna sex vikna frí fram að túrnum sem við tökum með þeim í febr­ú­ar. Þetta er orðið svaka­legt úthald og ég get ekki beðið eftir að faðma sófann minn, Agn­esi og bumb­una eftir rúma viku. Svo verða þetta bestu jól í heimi heima hjá mömmu með öllum hennar afkvæmum og við­hengjum þeirra. Og eins og það sé ekki nógu stór­kost­leg höldum við ára­mótin með tengda­for­eldrum Bald­urs ein­hver­staðar nálægt Akra­nesi held ég. Þar verður öll hers­ingin og fleira fólk að auki. Ég ætti ekki að kvarta, lífið sem ég lifi er full­kom­ið. Það er bara svo­lítið lýj­andi akkúrat núna.

Auglýsing

Ég vakn­aði svona tvö. Þá var ég að pissa á mig. Ég komst hjá því undir hús­vegg rétt við rút­una. Og ég var í Geiselwind. Þessi staður markar svo­lítið merki­lega stund í sögu Skálmald­ar. Hér spil­uðum við fyrsta giggið á fyrsta túrnum okkar árið 2011. Það kvöld kynnt­umst við Gazz og Alestorm-­strák­un­um, Finn­tröll­unum öllum og auð­vitað Arkona sem nú túra með okkur á ný. Já, hér byrj­aði þetta eig­in­lega allt sam­an, þetta útlanda­vesen á okk­ur.

Að því sögðu er þetta nú ekki merki­legur stað­ur. Þetta er eig­in­lega eitt risa­stórt trökk­stopp. Hér er bíla­stæði fyrir flutn­inga­bíla, elds­neyt­is­að­staða, KFC, Burger King, Subway, McDon­alds, klám­búlla og svo þessi tón­leika­stað­ur. Ég hef ekki enn fengið botn í hvers vegna þessi staður er hér. Ég er soddan sauður að ég veit í raun ekk­ert hvar ég er, nema að jú, ég er í Þýska­landi. Mig grunar að við séum mið­svæð­is, á milli ein­hverra borga sem svo hóp­ast hing­að. Svona eins og Hús­vík­ing­ar, Lauga­menn og Akur­eyr­ingar á Ýdala­ball. Og þetta varð hörku­ball og engin slags­mál.

Dag­ur­inn var svo auð­vitað tíð­inda­laus. Ég sá mig reyndar knú­inn til þess að skrifa eins og einn pistil um þær ótrú­legu árásir sem Rík­is­út­varpið okkar verður nú fyrir ef ruglið nær fram að ganga. Þar liggja önnur þús­und orð sem hægt er að lesa hér.

Baldur Ragnarsson. Þetta er hann. Baldur Ragn­ars­son. Þetta er hann.

Eftir það var þetta hefð­bundna sánd­tékk. Það gekk vel, lókall­inn með á nót­unum og Flexi eins og hann ger­ist best­ur. Djöf­ull óskap­lega er gott að hafa þennan mann með sér á svona túr. Hann er ekki bara besti hljóð­maður í heimi, hann er líka vanda­mála­leysir og svo auð­vitað stór­skemmti­leg­ur. Okkur lenti reyndar aðeins saman í gær­kvöldi rétt þegar rútan var að fara. Við Baldur eigum svo­lítið af hákarli í rút­unni, eitt­hvað sem stelp­urnar komu með til Köln fyrir sirka 70 vikum síð­an. Okkur þótti til­valið að opna seinni dós­ina í gær og gefa með okkur því allt saman leyst­ist upp í svo­lítið partý eftir gigg­ið. Hjörtur þurfti líka hákarl. Upp úr sauð svo þegar Baldur fór með hálfa doll­una aftur inn í rútu. Böbbi og Axel voru ekk­ert ánægðir með það. Böbbi er dipló, Flex alls ekki. Ég er ekki viss um að neinn hafi haft rétt fyrir sér en Kana-­plönin fóru alger­lega út um þúfur og sumir fóru reiðir að sofa. Það var svo vit­an­lega bara leyst í dag og engir eft­ir­mál­ar. Já, nú er þetta farið að taka í. Litlu vanda­málin geta orðið stór þegar allir eru þreyttir og alla langar heim.

Eftir sánd­tékk fórum við hér yfir göt­una hvar við fengum að borða. Og það var svona ljóm­andi. Þar rak ég augun í plakat frá tón­leikum gær­dags­ins. Í gær spil­aði amer­íska dauðarokks­sveitin Deicide á þessum sama stað. Ég hef hlustað á Glen Benton og félaga frá því snemma á tíunda ára­tugnum og tel mig mik­inn aðdá­anda. Og sama svið­inu stóðum við nú, bara með kannski 21 tíma milli­bili. Já, mér finnst þetta gam­an.

Og svo gigg. Það var þýskt. Allir stóðu upp á end­ann og létu skemmta sér. Að því sögðu spil­uðum við alveg sér­lega vel og vorum í miklu stuði. Við erum orðnir alveg ein­stak­lega vel smurðir eftir þetta úthald og gerum hlut­ina blind­andi. 45 mín­útur liðu á nótæm og við ham­ingju­samir eftir allt sam­an. Ljóm­andi ljómi. Við fórum svo aðeins fram áðan eftir að Arkona klár­uðu og hittum fólk­ið. Þau eru skemmti­leg hér í Þýska­landi. Þýsk, en mjög skemmti­leg.

Elu­veitie eru rétt í þessu að hefja fyrra lag í upp­klappi. Mér sýn­ist að þetta klárist klukkan tólf. Brott­för klukkan tvö og mig grunar að stemmar­inn verði mjög rólegur fram að því. Og eitt­hvað segir mér að ein­hver reyni að draga mig á ein­hvern skyndi­bita­stað­inn. Ég reyni hvað ég get.

Meist­ara­legt dags­ins: Mjög skemmti­legt gigg.

Sköll dags­ins: Mig langar heim.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Notkun tölva gegnir sífellt stærra hlutverki í leik og starfi hjá flestum. Á síðustu misserum hefur margföldun orðið í tilraunum til netsvindls.
Sjö ráð til að koma í veg fyrir netsvindl
Margföldun hefur orðið á tilraunum til netsvindls og reglulega eru fluttar fréttir af nýjum svikapóstum í umferð. Framkvæmdastjóri CERT-IS segir mikilvægt að huga vel að netöryggi og að margar einfaldar lausnir séu í boði í þeim efnum.
Kjarninn 3. júlí 2022
Bryndís Friðriksdóttir svæðisstjóri höfuðborgarsvæðisins og Arndís Ósk Ólafsdóttir Arnalds forstöðumaður verkefnastofu Borgarlínu.
Áskorun að tryggja flæði á meðan það verður grafið og byggt
Á næstu árum fara í hönd miklar samgönguframkvæmdir víða á höfuðborgarsvæðinu. Kjarninn ræddi við svæðisstjóra Vegagerðarinnar og forstöðumann verkefnastofu Borgarlínu um stóru verkefnin sem eru á döfinni og hvernig á að láta umferðina ganga upp á meðan.
Kjarninn 3. júlí 2022
Herlufsholmen var áður munkaklaustur en í aldir var þar rekinn skóli.
Uppnám í elítuskólanum og prinsinn hættur
Herlufsholmskólinn á Sjálandi hefur verið talinn fyrirmynd annarra skóla í Danmörku, skóli hinna útvöldu og ríku. Ný heimildamynd svipti hins vegar hulunni af ýmsu sem tíðkast hefur í skólanum og nú er skólastarfið í uppnámi.
Kjarninn 3. júlí 2022
Katrín Jakobsdóttir, formaður Vinstri grænna og forsætisráðherra.
Fylgi Vinstri grænna hefur aldrei mælst minna í könnun Gallup – 7,2 prósent styðja flokkinn
Píratar hafa næstum því tvöfaldað fylgi sitt frá síðustu kosningum og Samfylkingin hefur aukið sitt fylgi um tæplega 40 prósent. Sjálfstæðisflokkur mælist undir kjörfylgi en Framsókn siglir lygnan sjó.
Kjarninn 2. júlí 2022
Það sem er sérstakt við spjöld þessi er að í stað þess að á þeim séu myndir og upplýsingar um landsliðsmenn í knattspyrnu eru þar að finna sögur verkafólks sem látist hafa við undirbúning mótsins.
Gefa út „fótboltaspil“ með verkafólki sem látist hefur við undirbúninginn í Katar
Þúsunda farandsverkamanna er minnst í átaki sænsku rannsóknarblaðamannasamtakanna Blankspot til að vekja athygli á mannlega kostnaðnum við Heimsmeistaramótið sem hefst í nóvember.
Kjarninn 2. júlí 2022
Alls fóru 0,0002% af fjármagni í COVID-viðbragðsáætlunum í að uppræta kynbundið ofbeldi
Ríki sem eiga sterka femíníska hreyfingu hafa verið talsvert líklegri til að taka tillit til kynjasjónamiða í COVID-19 áætlunum sínum en þau ríki þar sem engin eða veik femínísk hreyfing er við lýði, samkvæmt nýrri skýrslu.
Kjarninn 2. júlí 2022
Heimili eru talin ábyrg fyrir tonnum á tonn ofan af matvælum sem fara í ruslið.
Svona spornar þú við sóun í sumarfríinu
Það vill enginn koma heim í ýldulykt eftir gott frí. Þá vilja eflaust flestir ekki umturnast í umhverfissóða á ferðalaginu. Hér eru nokkur ráð til njóta sumarleyfisins langþráða án þess að koma heim í fýlu.
Kjarninn 2. júlí 2022
Þórður Snær Júlíusson
Partíið er búið
Kjarninn 2. júlí 2022
Meira úr sama flokkiKjarnafæði
None