Þessi færsla er úr eldra greinasafni Kjarnans og gæti þess vegna birst furðulega.

Bibbi bloggar úr Evróputúr Skálmaldar: Prag

DSCF3922-copy-1.jpg
Auglýsing

Skálmöld er nú á tæp­lega 7 vikna túr um Evr­ópu. Dag­arnir eru afskap­lega við­burða­ríkir og aðstæður oft afskap­lega skemmti­leg­ar. Snæ­björn, bassa­leik­ari og texta­höf­undur sveit­ar­inn­ar, heldur úti dag­legu bloggi á vef Kjarn­ans þar sem hann lýsir hinu goð­sagna­kennda rokk­ara­lífi. Táfýla, blóð, sviti, tár og auð­vitað rokk & ról beint í æð.

Við hlust­uðum á Iron Maiden í sjö tíma streit í nótt. Við hlust­uðum bara á góðu lögin og aldrei á sama lagið tvisvar. Þegar klukku­tími var á áfanga­stað stöðv­aði Robert rút­una til að leggja sig. Þá vorum við allir orðnir fullir og sumir mjög. Baldur fór í koju klukkan fimm, Halli sirka klukku­tíma síðar og ætli klukkan hafi ekki verið sjö þegar Böbbi var búinn að bursta tenn­urnar og datt inn í rút­una. Það var nú ekk­ert mjög tign­ar­legt en djöf­ull var það fynd­ið. Ótrú­legt en satt, þarna vorum við hvorki búnir að hlusta á Num­ber of the Beast né Run to the Hills. Maiden. Bara Maiden.

Ég rumskaði svo þegar Robert ræsti bíl­inn til að klára akst­ur­inn. Ég veit nákvæm­lega ekk­ert hvað klukkan var þá og svo vakn­aði ég bara klukkan þrjú. Flexi hafði skutlað sér eitt­hvað niður í bæ, sem og Robert sem er fæddur hér og upp­al­inn. Hann gerir þó ekki mikið með þá stað­reynd og verður alltaf frekar foj þegar þetta ber á góma. Hann lítur alls ekki út eins og Tékki og hagar sér heldur ekki þannig. Svo ég alhæfi nú aðeins. Ég hef ekk­ert séð af Prag í þetta skiptið nema húsa­sundið þar sem rútan er. Og kem svo sem ekki til með að gera það held­ur, klukkan er 21.52, Elu­veitie á fyrsta lagi og við áætlum brott­för klukkan eitt. Alveg týpískur túr­dagur þar sem maður sér ekk­ert nema rútu og skítugan tón­leika­stað. Þannig er það nú bara.

Auglýsing

Bibbi í símanum. Hann er búinn að taka við af hundinum, sem þarfasti þjónninn. Bibbi í sím­an­um. Hann er búinn að taka við af hund­in­um, sem þarfasti þjónn­inn.

Við hengsl­uð­umst eitt­hvað fram eftir degi. Allt var með seinni skip­un­um, stóra rútan skil­aði sér gríð­ar­seint sökum langs akst­urs og ekk­ert var klárt í sánd­tékk fyrr en allt of seint. Rúss­arnir taka sinn tíma dag hvern og sá tími er helst til lang­ur. Sér­stak­lega á dögum sem þessum þar sem tím­inn er eng­inn. Við lentum því í gríð­ar­legu tíma­hraki og ekki hjálp­aði til að sviðs­mað­ur­inn var hálf­viti. Sumir eru ekki starfi sínu vaxn­ir, aðrir eru leið­in­leg­ir, en þegar menn eru dón­ar, van­hæfir og drullu­sokkar hef ég enga sam­úð. Hálf­viti, það er það sem hann var. Við stigum því af svið­inu um leið og opnað var inn í sal og þá var varla búið að tengja allar snúr­ur.

En þá fór Skálmald­ar­-­vélin í gang. Við klæddum okkur í föt­in, börðum í axlir hvers ann­ars og á svið. Og þetta gigg átum við. Sal­ur­inn alger­lega pakk­fullur og eng­inn átti séns. Flexi leysti þetta svo á sínum enda eins og Flexi gerir og allt sánd­aði eins og ljón­ið. Og krá­dið, maður minn. Tékkar vita alveg hvernig skemmtun fer fram. Allir í rosa­legum gír og hvert ein­asta lag ger­sam­lega stein­lá. Þetta er ástæðan fyrir því að maður er í hljóm­sveit.

Og Tékkar eru fal­leg­ir. Menn­irnir eru svo sem bara eins og menn eru, en kon­urnar hljóta að vera geim­ver­ur. Þarna stóðu þær bara fyrir framan svið­ið, lítt til hafð­ar, skæl­bros­andi hænur í holdum sem fylltu út í umbúð­irn­ar. Blóð­heit­ar, sveittar og til í að skemmta sér. Þetta var allt svo gott.

Giggið var alveg svaða­lega heitt og ég varð ofboðs­lega sveitt­ur. Bene­at­h-svita­böndin sem ég bísaði af strák­unum á Rokkjötnum komu sterk inn og ég strauk af enn­inu á mér með vinstri í hvert skipti sem ég spil­aði opinn streng. Eftir að hafa pakkað í snatri þok­uðum við okkur svo í sturt­una einn af öðr­um. Hún var ljóm­andi, reyndar hálf­stífluð svo sturtu­botn­inn tók ekki við. Þetta varð því hálf­gert örbað en ég reyndi að skúra mig eins og ég mest mátti. Og það af ástæðu.

Fyr­ir­tækið sem við leigjum rút­una af er stað­sett hér í Prag og þar sem svo hitti á að við kæmum hér laust eftir miðjan túr létu þau sig ekki muna um að koma og skipta á rúmunum okk­ar. Því­lík himna­send­ing eftir allt sem rúm­fötin hafa þurft að drekka í sig á síð­ustu vik­um. Ég get hrein­lega ekki beðið eftir því að skoppa þarna upp í á eft­ir, brak­andi hreinn í enn hreinna rúm. Ég ætla að hlaða ein­hverju af flakk­ar­anum hans litla bróður yfir á tölv­una mína og gera hrein­lega í því að halda mér vak­andi eftir að við leggjum af stað. Njóta. Litlu hlut­irnir eru svo óskap­lega mik­il­væg­ir.

Halli er hérna að deila út íslensku nammi. Þetta er nú maður sem auð­velt er að þekkja. Ég finn hell­ing fyrir því hversu und­ar­legt er að hafa Gunna ekki hér með okk­ur, en það er hins vegar alls ekk­ert und­ar­legt að hafa Halla. Hann er búinn með þrjú gigg og það er bara eins og ekk­ert sé sjálf­sagð­ara. Óskap­lega er gott að hafa svona fólk nálægt sér sem leysir það sem út af stend­ur.

Ég spái rólegu kvöldi í kvöld, en þessar spár eiga það nú til að splundr­ast. Ég not­aði tæki­færið þegar ég hreins­aði út úr koj­unni minni áðan fyrir skipti og tók til í dót­inu mínu. Nú er stóra hólfið í bak­pok­anum orðið óhreinatau en litla hólfið er undir hreint. Sokk­arnir sem ég keypti í Barcelona eru allir búnir og það er und­ar­legt. Ég er þónokkuð viss um að ég not­aði þá alls ekki alla sjálf­ur. Þessi mistería leys­ist víst senni­lega aldrei.

Á morgun hefst þriggja daga Pól­lands-­leggur og hann er með örlítið öðru sniði en rest­in. Þannig túra þrjú þar­lend bönd með okkur og við spilum þá fjórðu í röð­inni af sex. Ég hlakka til, mig grunar að þetta geti orðið skemmti­legt. En ég spái því að við fáum alls ekki sánd­tékk, sem er svo sem í lagi því hlé milli banda verður 40 mín­út­ur.

Klukkan er 22.23, við erum pakk­aðir og klárir í brott­för. Góður dagur og allt eins og það á að vera.

Meist­ara­legt dags­ins: Iron Maiden.

Sköll dags­ins: Flexi seg­ist vera búinn að fá leið á Mana­ger.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Sólveig Anna Jónsdóttir, formaður Eflingar.
„Vissuð þið að það er ekki refsivert á Íslandi að stela launum af vinnuaflinu?“
Formaður Eflingar hefur gert kröfu á stjórnvöld og stílað á fimm ráðuneyti. Hún vill að þau standi við gefin loforð um að heimildir til refsinga verði auknar, í samráði við aðila vinnumarkaðarins, ef atvinnurekandi brýtur gegn lágmarkskjörum launamanns.
Kjarninn 14. júlí 2020
Þinglýstum kaupsamningum fækkaði á milli ára í flestum sveitarfélögum á höfuðborgarsvæðinu. Smávægileg aukning varð í Mosfellsbæ og á Seltjarnarnesi.
Þinglýstum kaupsamningum á höfuðborgarsvæðinu fækkar milli ára
Þinglýstum kaupsamningum fjölgar víða utan höfuðborgarsvæðisins á öðrum ársfjórðungi miðað við sama tíma í fyrra. Alls fækkaði þeim um 31 prósent innan höfuðborgarsvæðisins en fjölgaði um 0,5 prósent utan þess.
Kjarninn 14. júlí 2020
Lilja D. Alfreðsdóttir, mennta- og menningarmálaráðherra.
Ráðherra óskaði eftir flýtimeðferð á boðuðu dómsmáli
Mennta- og menningarmálaráðherra hefur óskað eftir flýtimeðferð á dómsmáli sínu gegn skrifstofustjóra í forsætisráðuneytinu til að fá hnekkt úrskurði kærunefndar jafnréttismála.
Kjarninn 14. júlí 2020
Bílaleigubílum í umferð fjölgar milli mánaða
Bílaleigur hafa fjölgað bílum í umferð um tæplega 2.500 á milli mánaða. Flotinn heldur samt sem áður áfram að minnka og hann er núna fimmtungi minni en á sama tíma í fyrra.
Kjarninn 14. júlí 2020
Þorgerður Katrín Gunnarsdóttir, formaður Viðreisnar.
Alvarleg hættumerki sem kalli á að rödd Íslands verði að vera háværari
Formaður Viðreisnar telur að valdboðsstjórnmál séu víða að ryðja sér til rúms þar sem óþolinmæði leiðtoga gagnvart réttarríkinu, mannréttindum, fjölmiðlum og lýðræði sé sýnilega að aukast. Henni líst ekki á að Ingibjörg Sólrún láti af störfum hjá ÖSE.
Kjarninn 14. júlí 2020
180⁰ Reglan
180⁰ Reglan
180° Reglan – Spjallað við Herdísi Stefánsdóttur
Kjarninn 14. júlí 2020
Á gangi í Piccadily Circus í London.
Takmarkanir settar á að nýju – andlitsgrímur skylda í verslunum á Englandi
„Ég vil vera hreinskilinn við ykkur: Við munum ekki snúa til sömu lífshátta í fyrirsjáanlegri framtíð,“ segir framkvæmdastjóri WHO. Enn og aftur hafa ýmsar takmarkanir verið settar á, m.a. í Kaliforníu þar sem smitum hefur fjölgað gífurlega hratt síðustu
Kjarninn 14. júlí 2020
Í matsskýrslu kemur fram að Arctic Sea Farm áformi að hefja laxeldi á þremur svæðum í Arnarfirði: í Trostansfirði, við Hvestudal og við Lækjarbót.
Eldið í Arnarfirði myndi hafa nokkuð neikvæð áhrif á villta laxa
Samanlagt mun núverandi og fyrirhugað laxeldi í Arnarfirði verða 20 þúsund tonn. Þar með yrði burðarþoli fjarðarins að mati Hafró náð. Eldið myndi hafa nokkuð neikvæð áhrif á villta laxa með tilliti til erfðablöndunar og laxalúsar.
Kjarninn 14. júlí 2020
Meira úr sama flokkiKjarnafæði
None