Þessi færsla er úr eldra greinasafni Kjarnans og gæti þess vegna birst furðulega.

Erlendur og atómstöðin

IMG-0745.1.jpg
Auglýsing

Þor­geir Tryggva­son, Toggi, mun sinna bókaum­fjöllun fyrir Kjarn­ann fram að jólum en margar bækur eru að koma út þessa dag­ana. Jóla­bóka­flóðið nær svo hámarki í des­em­ber.

Höf­und­ur: Arn­aldur Ind­riða­son

Kamp Knox

Auglýsing

Útgef­andi: Vaka-Helga­fell

KampKnoxEinn stærsti styrkur Arn­aldar Ind­riða­sonar hefur mér sýnst vera fund­vísi hans á sögu­svið og snertifleti sam­fé­lags­ins og Íslands­sög­unnar við bjástur lög­reglu­kvar­tetts­ins Erlend­ar, Elín­borg­ar, Sig­urðar Óla og Marion. Á þessum flötum verður oft til orka sem drífur vagn­inn þegar glæpa­málin sjálf og spennan í kringum þau eru í dauf­ara lagi, eins og færst hefur heldur í aukanna eftir því sem liðið hefur á sagna­bálk­inn. Sem engan skyldi undra.

Íslensk erfða­grein­ing. Ein­vígi ald­ar­inn­ar. Kalda­stríðsnjó­sn­ir. Her­námið og bygg­ing Þjóð­leik­húss­ins. Lífs­kjör úti­gangs­manna í Reykja­vík. Allt hefur þetta dýpkað og breikkað bækur Arn­ald­ar.

Og nú er það her­stöðin á Mið­nes­heiði og kjarn­orkuógn­in. Bragga­líf­ið. Já og upp­runi Bláa lóns­ins.

Sviðið er Reykja­vík og Reykja­nesskagi 1979. Erlendur er kom­inn í rann­sókn­ar­lög­regl­una og fæst undir hand­leiðslu Marion Briem við morð á flug­virkj­anum Krist­vini sem psori­as­is­sjúk­lingur finnur í lón­inu við Svarts­engi. Jafn­framt er hann að graf­ast fyrir um orsakir manns­hvarfs frá eft­ir­stríðs­ár­unum sem teng­ist, eða ekki, hinu sögu­fræga/ill­ræmda bragga­hverfi sem bókin dregur nafn sitt af.

Kunn­ug­legt, ekki satt?

Þetta er að mestu aldeilis dæmi­gerður Erlend­ar- og Arn­ald­ar­krimmi. Hinn grámyglu­legi og félags­fælni spæj­ari með næma eyrað er eins og hann á að sér. Atburða­rásin rót­föst í raun­veru­leik­anum þó tengsl hennar og rann­sókn­ar­innar við kjarn­orku­bröltið gefi henni smá lyft­ingu.

Ég held samt að les­endur þurfi að vera ein­beittir aðdá­endur til að njóta Kamp Knox að veru­legu ráði. Það eru þreytu­merki í fléttu­smíð­inni, finnst mér. Lopa­teygjur í frá­sögn­inni. Þó það séu vita­skuld örlög fram­halds­sögu­smiða að þurfa sífellt að end­ur­taka sig til að full­nægja þeim sem eru að koma nýir að sög­unni þá er manns­hvarfa­þrá­hyggju Erlendar gerð full-ít­ar­leg skil hér fyrir minn smekk.

Og eru ekki skoð­ana­skiptin um her­stöðv­ar­mál­ið, sem eru þónokkur í bók­inni, óþarf­lega inni­halds­rýr? Já og myndin af kön­unum dauf. AC/DC-plakatið á vegg eins rauð­háls­ins gladdi mig reynd­ar, þó strand­högg þeirra Ástr­ala í Vest­ur­heimi hafi verið á byrj­un­ar­reit ‘79. Hefði giskað á Lynyrd Skynyrd eða Creed­ance frek­ar. Skrítið smá­at­riði sem kætir mann frekar en pirr­ar.

Stíll­inn er að vanda áreynslu- og stæla­laus, en ég hef nú séð höf­unda skammaða fyrir bók­máls­legt mál­snið á sam­tölum fyrir minni sakir en Arn­aldur lætur eftir sér hér.

Og hvað er þetta með kynið á Marion Briem? Reyndar skilst mér að í ein­hverri fyrstu bókanna þar sem Marion kemur við sögu missi Arn­aldur út úr sér kyn­grein­andi beyg­ingu eða per­sónu­for­nafn, en það er til marks um hvað mér er mikið sama að ég nenni ekki fyrir mitt litla líf að leita það uppi.

Kamp Knox er ágætis inn­legg í fram­halds­sög­una um Erlend. Bætir engu við og er ein og sér heldur rislágur krimmi. Ekki byrja á þess­ari ef þið eruð ókunnug Arn­aldi. En, kæru aðdá­end­ur, þetta er alveg eftir upp­skrift­inni. Örugg­lega nóg til frammi.

Íslendingurinn Reynir ætlar að taka upp Flamenco plötu
Reynir Hauksson hefur lært hjá einum helsta gítarkennara Granada. Nú safnar hann fyrir gerð Flamenco plötu á Karolina Fund.
Kjarninn 15. september 2019
Fosfatnáma
Upplýsingaskortur ógnar matvælaöryggi
Samkvæmt nýrri rannsókn íslenskra og erlendra fræðimanna ógnar skortur á fullnægjandi upplýsingum um birgðir fosfórs matvælaöryggi í heiminum.
Kjarninn 15. september 2019
Besta platan með Metallica – Master of Puppets
Gefin út af Elektra þann 3. mars 1986, 8 lög á 54 mínútum og 47 sekúndum.
Kjarninn 15. september 2019
Guðmundur Kristjánsson er stærsti eigandi Útgerðarfélags Reykjavíkur sem er stærsti eigandi Brim.
Útgerðarfélag Reykjavíkur hagnaðist um 1,5 milljarð í fyrra
Stærsti eigandi Brim, sem hét áður HB Grandi, bókfærði eignarhlut sinn í félaginu á rúmlega 15 prósent hærra verði en skráð markaðsverð hlutarins var á reikningsskiladegi. Eignir Brim voru metnar á um 60 milljarða króna um síðustu áramót.
Kjarninn 15. september 2019
Eiríkur Ragnarsson
RÚV á kannski heima á auglýsingamarkaði eftir allt saman
Kjarninn 15. september 2019
Vinningstillaga Henning Larsen arkitektastofunnar að því hvernig Vinge ætti að líta út. Veruleikinn í dag er allt annar.
Danska skýjaborgin Vinge
Það er ekki nóg að fá háleitar hugmyndir, það þarf líka einhvern til að framkvæma þær. Þessu hafa bæjaryfirvöld í Frederikssund á Sjálandi fengið að kynnast, þar sem draumsýn hefur breyst í hálfgerða martröð.
Kjarninn 15. september 2019
Ásaka Glitni um að klippa sjö sentimetra neðan af samningum
Deilumál milli Útgerðarfélags Reykjavíkur og Glitnis vegna afleiðusamninga upp á tvo milljarða króna sem gerðir voru í aðdraganda hrunsins standa enn yfir. Útgerðarfélagið kærði Glitni til lögreglu í fyrra fyrir að klippa neðan af samningunum.
Kjarninn 15. september 2019
Engar áreiðanlegar tölur til um fjölda einstaklinga með heilabilun
Heilabilunarsjúkdómar eru mjög algengir á Íslandi en engar áreiðanlegar tölur eru til um fjölda þeirra einstaklinga sem greinst hafa með heilabilun. Tólf þingmenn kalla eftir því að landlækni sé skylt að halda sérstaka skrá um sjúkdóminn.
Kjarninn 14. september 2019
Meira úr sama flokkiKjarnafæði
None