Þessi færsla er úr eldra greinasafni Kjarnans og gæti þess vegna birst furðulega.

Karolina Fund: Furðurlegur félagsskapur duldýra

a017332426e697bcfa575bee38b7ca1a.jpg
Auglýsing

Dul­dýra­safnið er lista­verka­bók um íslenskar huldu­verur með mál­verkum eftir Arn­grím Sig­urðs­son. Verk­efnið náði að safna 100 pró­sent af sínu tak­marki á ein­ungis 24 klukku­stund­um.

Bók­in inni­heldur 34 myndir af íslenskum huldu­ver­um. Mynd­unum fylgja textar úr þjóð­sögum og forn­ritum sem lýsa útliti, hegðun og helstu ein­kennum dul­dýr­anna og því hvernig sam­skiptum þeirra er háttað við mennska nágranna sína.­Mynd­irnar í bók­inni eru olíu­mál­verk og er þeim ætlað að varpa nýju ljósi á sér­stæða ver­öld íslenskra furðu­fyr­ir­bæra.

 Ver­öld sem fáir hafa litið



Í Dul­dýra­safn­inu skyggn­umst við inn í ver­öld sem fæstir hafa augum lit­ið.Þar tekur á móti okkur furðu­legur félags­skapur dul­dýr­anna. Finn­gálkn­ið, blend­ingur manns og dýrs, öllum vargi skað­legri. Krák­inn; hinn risa­vaxni kol­krabbi sem nær­ist á frysti­tog­urum og flutn­inga­skip­um. Lyng­bak­ur­inn; ódauð­legt klækja­hveli sem flotið hefur um heims­ins höf í gervi eylands frá upp­hafi tím­ans. Trygg­lynd dag­tröll og mann­skæð nátt­tröll sem þvæl­ast um fáfarna vegi og fjar­læga fjalla­sali. Dverg­arnir og álfarnir sem búa í holtum og hæð­um. Til­ber­ar, galdra­send­ing­ar, mórar og huldu­landið Tröll­botna­land.Öll þessi furðu­fyr­ir­bæri og fleiri til, efn­is­ger­ast á síðum Dul­dýra­safn­ins.

Með hverri mynd fylgir texti sem er tekin beint úr sögnum og sjón­lýs­ingum og gefa þau inn­sýn inn í óra­víddir ímynd­un­araflsins á liðnum öld­um. Lýs­ing­arnar bregða upp mynd af menn­ing­unni og mann­líf­inu sem fram­kall­aði ver­urn­ar, fóstr­aði þær og hélt í þeim líf­inu fram á okkar daga.

Auglýsing

Það tókst að safna fyrir útgáfu Duldýrasafnsins á 24 klukkustundum. Það tókst að safna fyrir útgáfu Dul­dýra­safns­ins á 24 klukku­stund­um.

 

Byrj­aði sem litil hug­detta



Við tókum Arn­grím tali og skyggnd­umst aðeins inn í hug­ar­heim lista­manns sem ákveður að gefa verkið sitt út sjálf­ur.

Getur þú sagt okkur frá Dul­dýra­safn­inu, hvaðan kom þessi hug­mynd og hvernig þró­að­ist hún?

„Dul­dýra­safnið byrj­aði sem lítil hug­detta sum­arið 2013.Ég var þá staddur í Vín­ar­borg, og hafði eytt frekar miklum tíma á nátt­úru­gripa­safn­inu; Nat­ur­hi­stor­isches Museum, við að teikna upp­stoppuð dýr. Ég hafði líka verið að kynna mér hóp mynd­list­ar­manna sem kenndu sig við draumaraun­sæi; ,, Phantastischen Real­ismus" en þeir voru uppá sitt besta á 6. og 7. ára­tugn­um. Þeir skil­greindu sig sem súr­r­ea­lista, en lögðu sér­staka áherslu á tækni­lega útfærslu mál­verk­anna sinna og sóttu efni­við í goð­sögu­legt mynd­mál, drauma og þjóð­sagna­ver­ur.Hug­dettan hlóð svo utaná sig með tím­an­um.

Ég grams­aði í þjóð­sagna­söfnum og sögum og eftir því sem ég las meira, því betur átt­aði ég mig á hversu flottur fantasíu­heimur þetta er sem hefur orðið til á Íslandi í gegnum ald­irn­ar.Ég vann svo útskrift­ar­verk­efnið mitt frá Lista­há­skól­anum í kringum furðu­ver­urn­ar, og kall­aði það Dul­dýra­safn­ið, en það var sería af 24 mál­verk­um, nokkrum teikn­ingum og einu lík­ani af til­bera. Ég hafði frá byrjun hugsað mér að setja verkin í bók og eftir útskrift fór ég að pæla í því hvernig væri best að koma því í kring. Ég vissi af Karol­ina Fund og hafði fylgst með nokkrum verk­efnum þar, og ákvað að láta reyna á að hóp­fjar­magna útgáf­una, sem svo gekk vonum fram­ar."

8749377ccf95ef4dea54cb83b3a18923

Þú náðir að fjár­magna bók­ina á ein­ungis 24 tímum á Karol­ina Fund og ert núna kom­inn með meira en tvö­falda þá upp­hæð sem þú stefndir að upp­haf­lega. Hvers vegna gengur þetta svona vel?

„Ég er ennþá að klóra mér í hausnum yfir því. Verk­efnið hefur fengið mjög góðar við­tök­ur, og ég held að það sé vegna sam­spils margra þátta. Fólk er for­vitið um áhuga­verðan heim sem hefur fallið í gleymsku og í öðru lagi tengir það við mynd­irnar og túlkun mína á efn­inu. Svo skemmir heldur ekki fyrir að bókin er á góðu verð­i."

a63697d42638ba4d08dc6b37539a3053

Mælir þú með því að fólk sem hefur í hyggju að gefa út bók, að það geri það sjálft frekar en að leita til útgef­anda?

„Ég held að það fari mikið eftir því hvers­konar bók er verið að gefa út, hvort að það henti í sjálf­út­gáfu. Almennt held ég að það sé mjög góð leið, og ég mæli hik­laust með því. Sér­stak­lega fyrir lista­verka­bæk­ur. Þetta hefur verið mjög skemmti­legt og lær­dóms­ríkt ferli.Mig grunar að með til­komu hóp­fjár­mögn­unar þá munu fleiri höf­undar gefa út bæk­urnar sínar sjálf­ir.  Það er meiri vinna sem felst í þannig útgáfu, bæði þarf höf­undur að sjá um prent­un, dreif­ingu, bók­hald og svo alla kynn­ing­ar­vinnu sjálf­ur, en ef að útgáfan gengur vel, þá fær höf­und­ur­inn meira fyrir sinn snúð."

Hér er hægt að sjá verk­efnið á Karol­ina Fund .

Sagt verður frá völdu verk­efni sem leitað hefur að fjár­mögnun í gegnum Karol­ina Fund á hverjum laug­ar­degi á Kjarn­an­um.

Höfuðstöðvar Vísis í Grindavík.
Vísir og Þorbjörn ræða sameiningu
Tvö sjávarútvegsfyrirtæki í Grindavík vilja sameinast. Gangi áformin eftir mun hið sameinaða fyrirtæki vera með um 16 milljarða króna í veltu á ári.
Kjarninn 20. september 2019
Ferðamenn eyddu minna en áður var haldið fram í ágúst síðastliðnum.
Hagstofan leiðréttir tölur í þriðja sinn á nokkrum vikum
Eyðsla útlendinga á greiðslukortum í ágúst 2019 var minni en í ágúst 2018, ekki meiri líkt og Hagstofa Íslands hélt fram fyrir viku síðan. Þetta er í þriðja sinn á örfáum vikum sem Hagstofan reiknar vitlaust.
Kjarninn 20. september 2019
Guðrún Svava, nemandi í bifvélavirkjun.
Enn eykst kynjabilið í starfsnámi á framhaldsskólastigi
Aðeins þrír af hverjum tíu nemendum á framhaldsskólastigi er í starfsnámi hér á landi. Guðrún Hafsteinsdóttir, formaður Samtaka iðnaðarins, segir að það þurfi samstillt þjóðarátak til að fjölga starfsnámsnemum.
Kjarninn 20. september 2019
Hvað er það við Icelandair sem stjórnmálamenn eiga að hafa áhyggjur af?
Prófessor í hagfræði hvatti stjórnmálamenn til að fylgjast með eiginfjárstöðu Icelandair á fundi í gær. Forstjóri Icelandair sagði ummælin ógætileg. Það sem veldur þessum áhyggjum er að eiginfjárhlutfall Icelandair hefur farið hríðlækkandi undanfarið.
Kjarninn 20. september 2019
Molar
Molar
Molar – Mikilvægt að koma vel fram við innflytjendur
Kjarninn 20. september 2019
Bankahöllin sem eigandinn vill ekki en er samt að rísa
Þegar íslensku bankarnir voru endurreistir úr ösku þeirra sem féllu í hruninu var lögð höfuðáhersla á að stjórnmálamenn gætu ekki haft puttanna í þeim.
Kjarninn 20. september 2019
Hrun fuglastofna í Norður-Ameríku vekur upp spurningar
Ný grein í Science greinir frá niðurstöðum viðamikilla rannsókna á fuglalífi í Norður-Ameríku.
Kjarninn 20. september 2019
Amazon lagði inn pöntun fyrir 100 þúsund rafmagns sendibíla
Nýsköpunarfyrirtækið Rivian sem er með höfuðstöðvar í Michigan er heldur betur að hrista upp í sendibílamarkaðnum.
Kjarninn 19. september 2019
Meira úr sama flokkiKjarnafæði
None