Auglýsing

Ég stóð í eld­hús­inu í gær og var að þrífa nýja eld­fasta mótið mitt þegar ég heyrði lag í útvarp­inu. Glowie kallar lista­mað­ur­inn sig og er rétt að kom­ast á bíl­prófs­ald­ur. Hæfi­leik­a­rík íslensk stúlka sem var að skrifa undir stóran útgáfu­samn­ing við erlent plötu­fyr­ir­tæki um dag­inn. Ég hafði heyrt þetta lag nokkrum sinnum áður og haft temmi­lega gaman af, en í gær stóð ég mig að því að hugsa „þetta er frá­bært lag“.

Spólum til baka.

Auglýsing

Í kringum alda­mótin síð­ustu sat ég ásamt vini mínum í her­berg­inu hans á föstu­dags­kvöldi þar sem við drukkum bjór af teg­und­inni Faxe og hlust­uðum á rapp. Á sama tíma sat fimm­tugur faðir vinar míns í stof­unni með vini sínum að drekka bjór, mjög senni­lega af gerð­inni Löwen­bräu, og alveg örugg­lega að hlusta á Creedence eða ELO. Þegar vin­ur­inn (ekki minn heldur pabbans) var búinn að fá sér nokkra kom hann inn í her­bergi og heils­aði upp á okkur strák­ana.

„Hvað seg­iði strák­ar, eruð þið að hlusta á rapp? Já, ég hlusta stundum á rapp í bíln­um. Ég er mjög hrif­inn af Enemy. Hlustið þið ekk­ert á Enemy? Hann er flottur sko.“

Æ, æ, æ … elsku kall­inn. Hann var reyndar örugg­lega ekk­ert að ljúga því þegar hann sagð­ist hlusta á téðan Enemy í bíln­um, jafn­vel þó hann vissi ekki alveg upp á hár hvað hann héti. Okkur fannst hann bara eiga að vera frammi að hlusta á Eag­les eins og eðli­legur maður um fimm­tugt, enda við eðli­legir og hroka­fullir drengir um tví­tugt.

Spólum áfram til gær­dags­ins.

Þarna stóð ég næstum fer­tugur í eld­hús­inu, skrúbbandi eld­fast mót að hugsa um það hvað Glowie væri nú flottur lista­mað­ur. Hvað ég væri nú með putt­ann á púls­inum að vita hver hún væri. „Ætli hún sé búin að gefa út plötu? Ég verð nú að tékka á fleiri lögum með henni. Heitir hún ann­ars ekki örugg­lega Glowi­e?“

Úff.

Var ég raun­veru­lega hrif­inn af þessu, eða var ég örvænt­ing­ar­fulli gamli mað­ur­inn að reyna að vera með? Þegar maður er kom­inn á minn aldur er nefni­lega í raun aðeins tvennt í stöð­unni:

a) Að fussa og sveia yfir lögum unga fólks­ins

b) Að reyna að fylgj­ast með, en vera pínu glat­aður fyrir vikið

Ef við förum síðan aðeins í hinn vin­sæla sam­kvæm­is­leik sem gengur út á að finna eitt­hvað sem manni þótti frá­bært þegar maður var ung­ur, taka ára­fjöld­ann sem hefur liðið síðan þá, nema bakka um jafn­mörg ár frá þessu sem manni þótti frá­bært, þá kemur ýmis­legt í ljós. Metall­ica eru Sto­nes, Sound­gar­den eru Genesis og Green Day eru Slade. Að hlusta á nýjar plötur með þessum hljóm­sveitum í dag er bæði tón­list­ar­leg og til­vist­ar­leg upp­gjöf. En ef fer­tugur maður setur Aron Can á fón­inn — þá breyt­ist hann í gif.

Bara það að ég sé að skrifa orðið gif gerir mig að þessu sama gifi. Þið vitið öll hvaða gif ég er að tala um. Steve Buscemi í skopp­ara­fötum með hjóla­bretti að reyna að falla inn í hóp­inn. „Sælir krakk­ar!“ Ef þú ert um tví­tugt veistu auð­vitað ekk­ert hvað skopp­ara­föt eru og nafnið Steve Buscemi segir þér álíka mikið og nafnið Bessi Bjarna­son. En þú þekkir gif­ið.

Já, það er ömur­legt að eld­ast. Þú og vinir þínir munið eiga inni­halds­ríkar og grafal­var­legar sam­ræður um ykkar eigin hægð­ir, þú munt hræð­ast ung­linga fyrir utan búð­ir, þú verður pínu ras­isti, þú verður reiður ef ein­hver end­ur­gerir bíó­mynd sem þú sást í gamla daga … og hvaða hrylli­lega skrum­skæl­ing er þetta á Fröken Reykja­vík? Er ekk­ert heil­agt leng­ur? Ef þú rambar síðan á fros­inn kjúkling á til­boði muntu verða raun­veru­lega spenntur og kaupa jafn­marga og frystir­inn þinn ber. Troða þeim í fjöl­nota pok­ann þinn og keyra heim í dauð­ans ofboði. „Allir frá! Ég er með frysti­vöru hérna!“ Að lokum ert þú dæmdur til að vera hall­æris­leg­ur, hvað sem þú hlustar á.

Og þess vegna ætla ég að hætta að reyna. Það skiptir hvort eð er engu máli hvað ég geri. Það er örugg­lega ný plata með ein­hverjum næntís­hetjum rétt handan við horn­ið. Þið unga fólk megið eiga ykkar Young Thug og GKR. Ég er far­inn að þrífa eld­fasta mótið mitt og hlusta á gömlu dansana.

Höf­undur biðst vel­virð­ingar á popp­kúlt­úrtil­vís­unum í pistl­inum sem kunna að vera úrelt­ar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Kórónuveirufaraldurinn leiddi af sér gríðarlega aukningu á atvinnuleysi.
Um ellefu þúsund manns hafa verið atvinnulaus í hálft ár eða lengur
26.437 manns eru atvinnulaus að öllu leyti eða hluta. Langtímaatvinnuleysi hefur stóraukist og þeir sem hafa verið án atvinnu í eitt ár eða lengur eru nú 156 prósent fleiri en fyrir ári.
Kjarninn 17. janúar 2021
Kjartan Sveinn Guðmundsson
Nýtt ár, ný hugmyndafræði: kynning á veisluhyggju
Kjarninn 17. janúar 2021
Lilja Dögg Alfreðsdóttir mennta- og menningarmálaráðherra.
„Þverpólitísk sátt“ um fjölmiðlafrumvarp í kortunum eftir að Stöð 2 boðaði læstar fréttir
Eftir að Sýn boðaði að fréttum Stöðvar 2 yrði læst virðist hreyfing að komast á frumvarp um styrki til einkarekinna fjölmiðla. Mennta- og menningarmálaráðherra telur að „þverpólitísk sátt“ sé að nást um styrkjakerfi, sem sjálfstæðismenn hafa lagst gegn.
Kjarninn 17. janúar 2021
Sigmundur Davíð Gunnlaugsson formaður Miðflokksins.
Óttast að „tveggja flokka kerfi“ myndist ef flokkar útiloki samstarf við aðra
Sigmundur Davíð Gunnlaugsson og Logi Einarsson eru sammála um að kjósendur eigi að hafa skýra sýn á hverskonar ríkisstjórnir flokkar vilji mynda eftir kosningar. Sigmundur vill þó ekki útiloka samvinnu með neinum og kallar Samfylkingu „útilokunarflokk.“
Kjarninn 17. janúar 2021
Frá dómssalnum á miðvikudaginn
Réttað yfir 355 manns í gömlu símaveri
Nokkuð óvenjuleg réttarhöld hófust á Ítalíu síðastliðinn miðvikudag, en í þeim er stór hluti 'Ndrangheta-mafíunnar, valdamestu glæpasamtaka landsins. Sökum mikils fjölda ákærðra og nýrra sóttvarnarreglna þurfti að sérútbúa dómssal í gömlu símaveri.
Kjarninn 17. janúar 2021
Söngflokkurinn Boney M naut mikilla vinsælda víða um heim undir lok áttunda áratugarins.
Boney M og stolnu lögin
Þegar sönghópurinn Boney M sló í gegn seint á áttunda áratug síðustu aldar með lögunum „Brown Girl in the Ring“ og „Rivers of Babylon“ grunaði engan að í kjölfarið fylgdu málaferli sem stæðu í áratugi.
Kjarninn 17. janúar 2021
Armin Laschet er nýr leiðtogi flokks Kristilegra demókrata, sem hefur tögl og haldir í þýskum stjórnmálum. Kannski tekur hann við af Merkel sem kanslari í haust.
Stormasöm vika í evrópskum stjórnmálum
Mögulegt áframhald „Merkelisma“ í Þýskalandi, barnabótaskandall hjá „teflon Mark“ í Hollandi og stjórnarkreppa af völdum smáflokks á Ítalíu er á meðal þess sem var efst á baugi í evrópskum stjórnmálum í vikunni.
Kjarninn 16. janúar 2021
Birgir Birgisson
Að finna upp hjólið
Kjarninn 16. janúar 2021
Meira úr sama flokkiKjaftæði
None