„Þú getur ekki verið femínisti ef þú hristir rassinn á þér svona“

Auglýsing

VÍST.

Fyrir þrettán árum síðan gerð­ist það einn dag­inn að bakið á mér, tví­tugri kon­unni var eins og það væri stein­steypt. Ég fór til læknis því að bakeymsli eru algeng í móð­ur­ætt­inni og ég var á nál­um. Hann ráð­lagði mér að fara í sjúkra­þjálfun en ég sagði að það þætti mér aga­lega leið­in­legt. „En maga­dans? Ég hef heyrt að það liðki og styrki…” Ónei, and­skot­inn, nei. Mér fannst þetta svo nið­ur­lægj­andi fyrir konur og átti erfitt með að sjá mig fyrir mér sveiflandi bumbunni (sem var ekki til stað­ar, bara bjöguð sjálfs­mynd eftir ára­tug í ball­et)… svo ég fór í sjúkra­þjálf­un. Það fannst mér svo leið­in­legt að ég ákvað að prófa maga­dans.

Í Kram­hús­inu tók á móti mér arab­ískur kvikur mað­ur, um höfð­inu lægri en ég, sem tal­aði bara arab­ísku og dönsku. Full­kom­ið. Eftir eitt lag hafði ég fundið mig. Ég mátti og átti að hrist­ast og gat æft dönsk­una í leið­inni. Maga­dans var ekki það sem ég hélt – að ein kona dansi í reyk­fylltu bak­her­bergi fyrir hóp karla er nið­ur­lægj­andi. En maga­dans er kvenna­hobbí – og teng­ist hand­verki og munn­legri geymd og það er borin mikil virð­ing fyrir honum þaðan sem hann kem­ur. Hann er not­aður til að gera grín að því að minn lík­ami sé öðru­vísi en þinn, konur dansa sig í gegnum túr­verki og jafn­vel fæð­ingar og í þessum tíma burt frá mögu­legu snemm­brjósklosi.

Maga­dans er frjó­sem­is­dans og líka til að treysta vin­kvenna­bönd. Dans­inn er eld­gam­all, upp­haf­lega dans­aður af körlum og konum í tengslum við upp­skeru og árs­tíðir en eftir að trú­ar­brögð komust í fast­ara form þar sem konur fengu lítil völd var dans bann­að­ur. Kon­urnar héldu þó áfram að dansa, einar og leyni­lega og lifði dans­inn í kven­legri munn­legri geymd, eins og sög­urnar okk­ar. Maga­dans sem fer fram í reyk­mett­uðum bak­her­bergjum fyrir karl­manns­á­horf­endur er meiri nekt­ar­dans en maga­dans, og eins öfugt og það hljóm­ar: Mik­il­vægur liður í sjálf­stæði kvenna í Mið-Aust­ur­löndum á ákveðnum tíma, þar sem konur með tak­mörkuð atvinnu­tæki­færi gátu hlaup­ist á brott og unnið fyrir sér án þess að vera vænd­is­konur (svipað eins og Burlesque-ið í Banda­ríkj­un­um). Dans­inn er í dag leið þeirra út úr feðra­veld­inu og blómstrar nú víðar í heim­in­um. Fær­ustu dans­ar­arnir hafa komið sér í burtu og dansa utan Mið-Aust­ur­landa, t.d. í New York, Los Ang­el­es, Berlín, Prag og Stokk­hólmi, vest­rænum konum til mik­illar gleð­i.
Margir tengja mag­and­ans­inn við kvenna­búr­in. Þar þró­að­ist dans­inn og strúktúr komst á spor og fleira. Fær­ustu maga­dans­meyj­arnar ferð­uð­ust á milli og kenndu stúlk­unum þar, og innan skamms fóru þessir far­and­kenn­arar að stunda njósn­ir. Svo má ekki gleyma þeirri stað­reynd að kvenna­búr voru á tíma­bili eina tæki­færi kvenna á þessum stöðum til nokk­urs konar mennt­un­ar.

Eftir að hafa vakið á mér mjaðmirnr í maga­dansi var næsta stopp Bollywood. Bollywood kemur með kvik­mynd­unum og þar er að finna sterkar og marglaga kven­per­són­ur. Lengi vel styrktu mynd­irnar hefð­bundin gildi, en síð­ustu tutt­ugu árin hafa komið fram sjálf­stæðar per­sónur sem fara ekki eftir norm­inu og það eru mynd­irnar sem raka mest inn: Konur sem stofna sinn eigin biss­ness, vilja ekki gifta sig bara ein­hverjum og svo fram­veg­is. Stjörnufakt­or­inn þar hefur ljáð fjölda ind­verskra kvenna áhrifa­hrödd, til dæmis í verk­efn­inu „Bollywood Act­ors Stand Up Aga­inst Violence.“

Ég reyndi og reyndi að klára háskóla­próf, en svo fór sem fór að mennt­uð­ust varð ég í maga­dansi og Bollywood. Án þess að gera lítið úr lækna­vís­indum hef ég hjálpað fjölda kvenna úr prís­und bak­verkja, á yfir 15 dans­börn (sumar komu með frjó­sem­is­vanda­mál, ekki all­ar), og það sem er mik­il­vægast: Hjálpað alls konar lík­ömum að skilja að þeir séu fal­leg­ir, þokka­fullir og að það sé pláss fyrir þá í dans­sölum og á sviðum heims­ins.

Auglýsing

Og blessað twerkið

Eftir að hafa staðið að rassa­hristum í nokkur ár í Kram­hús­inu kom ósk um það að kenna hinn óljósa dans­stíl „Beyoncé-d­ansa.“ Jú, ég gæti það með minn bak­grunn. Við byrj­uðum á einu nám­skeiði, sem fyllt­ist … og svo fram­vegis svo í fyrsta sinn sem þetta var kennt voru kennd sex nám­skeið.

Áður en lengra er haldið minni ég á að það sem Miley Cyrus gerði á VMA fyrir nokkrum árum er ekki twerk. Það var eitt­hvað aga­lega ómenntað skak, og virt­ist mitt á milli þess að tvista og gera shim­my. En nóg um það.

Prófið að setja gott danslag á nálægt barn sem er nýfarið að standa upp­rétt. Hvernig hreyfir barnið sig? Jú, það beygir sig í hnjánum svo mjaðma­grindin hreyf­ist til og frá. Þetta er twerk. Eðli­leg og nátt­úru­leg gleði­hreyf­ing sem ein­hvers staðar á leið­inni við förum að merkja sem „dóna­lega“ og „ekki fyrir mig.“ Að skaka til mjöðmunum er auð­veldasta leiðin til að losa um end­or­fín (ok, mögu­lega eru „dóna­leg­ar” aðstæður þar að baki). Hvaða leik­hús­rotta kann­ast ekki við hina stór­kost­legu æfingu „fuck the wall“ eða „fuck the floor“ sem gengur út á nákvæm­lega það að hífa upp móral­inn með því end­or­fín­inn­spít­ingu?

Ég hef lesið komment um mig á vef­miðlum að ég megi hreint ekki kalla mig femínista því að ég sé maga­dans­mær og sé að kenna konum ein­hvern klám­d­ans ofan á það. Ég er 100% viss um að þeir sem þetta skrifa hafa aldrei mætt í tíma til mín, né þekkja til fólks sem hefur mætt. Ég get alla­vega stað­fest að rassa­köst í anda Beyoncé, hrist­ingar ýmis­konar í maga­dansi og Bollywood og þokka­leik­fimin í burlesque eru vald­efl­andi fyrir þær konur sem flotið hafa í gegnum sal­inn hjá mér. Dans­inn sem ég kenni og stunda snýst um að fagna lík­am­anum sín­um, fyrir sig, á sínum for­sendum og ekki fyrir neinn ann­an. Tím­arnir snú­ast ekki um að grenna sig, telja kalor­íur eða móta lík­amann á einn eða neinn hátt. 
Spor Beyoncé spretta ekki upp úr nýlegum klám­popp­kúlt­úr, heldur úr götu­dansi, afrískum dansi, social dönsum og fleiru. 
Að segja að rassa­köst séu nið­ur­lægj­andi er fárán­legt og sýnir lít­inn skiln­ing á hvaðan sporin koma, og jafn­vel finnst mér léttur hvítra­konu­femín­ismi að for­dæma þau blákalt ein­göngu því þau eru þokka­full. Þau eru þokka­full því þau eru fram­kvæmd í sjálfs­ör­yggi. Prófið að syngja lag og twerka á meðan og segið mér svo að það sé eitt­hvað easy way out til að fela hæfi­leika­leysi á tónsvið­inu.

Femínistar eru alls kon­ar. Ef Beyoncé telst ekki femínisti vegna þess hvernig hún klæðir sig eða dans­ar, hver telst það þá? Ef ég má ekki hrista á mér app­el­sínu­húð­ina eins og mér nákvæm­lega sýn­ist án þess að missa ein­hver femínista­stig þá finnst mér þetta asna­legur leik­ur. Þetta minnir mig nú bara á kommentið fræga sem María Lilja fékk einu sinni: „Bíddu, hún er sko með vara­lit á mynd­inn­i... er hún þá femínist­i?“

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Úlfar Þormóðsson
Uppvakningar
Kjarninn 25. júní 2022
Ingrid Kuhlman
Að hlakka til einhvers er næstum jafn gott og að upplifa það
Kjarninn 25. júní 2022
Niðurhal Íslendinga stóreykst milli ára
Íslendingar notuðu 25 prósent meira gagnamagn á farsímaneti í fyrra en árið áður og 21 prósent meira gagnamagn í gegnum fastanet. Tæplega 76 prósent notenda á fastaneti eru nú með ljósleiðaratengingu, en þeir voru þriðjungur 2016.
Kjarninn 25. júní 2022
Af kosningavöku Framsóknarflokksins í fyrrahaust.
Framsókn hirti kjósendur í stórum stíl frá hinum stjórnarflokkunum og Miðflokki
Fylgisaukning Framsóknar í síðustu kosningum var tekin frá samstarfsflokkunum í ríkisstjórn og klofningsflokki. Átta hverjum tíu kjósendum Sjálfstæðisflokks voru úr kjarnafylginu. Framboð Sósíalista hafði neikvæð áhrif á fylgi Vinstri græna og Pírata.
Kjarninn 25. júní 2022
Hraðtíska nær nýjum hæðum með tilkomu tískurisans Shein
Kínverska fatafyrirtækið Shein hefur vaxið gríðarlega á undanförnum árum og er í dag eitt stærsta tískuvörufyrirtæki í heimi. Umhverfissinnar benda á að fötin séu úr svo litlum gæðum að oft séu þau aðeins notuð í eitt skipti áður en þau enda í ruslinu.
Kjarninn 25. júní 2022
Auður Önnu Magnúsdóttir
Af hverju nýta Íslendingar raforkuna sína svo illa?
Kjarninn 25. júní 2022
Sjö molar um seðlabankavexti úti í heimi
Verðbólga veldur því að vaxtalækkanir faraldursins eru að ganga til baka, víðar en hér á Íslandi. Kjarninn tók saman nokkra fróðleiksmola um þróun mála í ríkjum bæði nær og fjær.
Kjarninn 25. júní 2022
Flokkur Sigurðar Inga Jóhannssonar andar ofan í hálsmál flokks Bjarna Benediktssonar samkvæmt síðustu könnunum.
Framsókn mælist næstum jafn stór og Sjálfstæðisflokkurinn
Stjórnarflokkarnir hafa tapað umtalsverðu fylgi á kjörtímabilinu. Sjálfstæðisflokkurinn nær mun verr til fólks undir fertugu en annarra á meðan að Framsókn nýtur mikilla vinsælda þar. Vinstri græn mælast með þriðjungi minna fylgi en í síðustu kosningum.
Kjarninn 24. júní 2022
Meira úr sama flokkiKjaftæði