Auglýsing

Ég sný lykl­inum í skránni. Ein­hverra hluta vegna þarf að toga hún­inn upp í stað­inn fyrir niður um leið og lykl­inum er juggað til í skrá­argat­inu. Það tekur mig næstum hálfa mín­útu að opna dyrn­ar. Ég geng niður dimmar tröppur í gegnum hland­ský­ið. Stundum gleym­ist að læsa og þá kom­ast rón­arnir inn í and­dyr­ið. Á gang­inum eru allir veggir útkrot­að­ir. Ég skima í myrkr­inu eftir okkar hurð, sem ég finn að lokum með dyggri aðstoð kveikjar­ans. „Ætl­aði hel­vítis kall­inn ekki að vera búinn að redda þessum ljósum fyrir löng­u?“ hugs­aði ég, en ég gat ekki rekið á eftir honum því við skuld­uðum leigu.

Hljóm­sveita­ræf­ingin átti að hefj­ast fyrir 20 mín­út­um, en samt er ég fyrstur á stað­inn. Inni í her­berg­inu okkar er dauf kanna­bis­lykt, enda á bassa­leik­ar­inn í hinu band­inu það til að laum­ast inn eftir mið­nætti með vinum sínum til að reykja. Nokkrum mín­útum á eftir mér birt­ist trommu­leik­ar­inn í minni hljóm­sveit. Hann heldur á volgum Subwa­y–bræð­ingi í glærum plast­poka. Hann var bara að vakna, enda var hann lengi að í gær. „Hvert fórstu eftir Ell­ef­una?“ spyr ég og fæ alla sól­ar­sög­una, eða það af henni sem hann man. Gít­ar­leik­ar­inn er á leið­inni. Hann fékk lán­aðan bíl móður sinn­ar, en þurfti að skutla henni eitt­hvert fyrst. Söngv­ar­inn mætir ekki í dag því hann er að fara í próf á morg­un.

Auglýsing

Hljóð­færin eru eins og við skildum við þau í gær, þannig að við getum bara talið í um leið og trommar­inn kyngir síð­asta bit­an­um. Gít­ar­leik­ar­inn er mættur og gengur um gólf. Hann rýnir í ruslið á gólf­inu í von um að finna streng eins og þann sem slitn­aði í gær. Trommar­inn er sestur við settið og tekur sopa af orku­drykk. Hvað er málið með trommara og orku­drykki? Hvar finna þeir alla þessa drykki? Að lokum eru allir til­búnir og við byrj­um.

Eftir 45 mín­útur af stans­lausri keyrslu tökum við pásu. Við setj­umst í sófann með suð í eyr­unum og reykjum sígar­ett­ur. Það má reyndar ekki reykja inni, en við gerum það samt. Við erum rúm­lega tví­tugir og það segir okkur eng­inn fyrir verk­um. Ég segi strák­unum frá skila­boðum sem ég fékk á Myspace í gær. „Það er sem­sagt ein­hver gaur á Græn­höfða­eyjum sem vill endi­lega fá okkur til að hita upp fyrir bandið sitt.“ Þeir virka spennt­ir, en spyrja hvort ég hafi heyrt eitt­hvað frá Airwa­ves. „Nei, en það er búið að bjóða okkur að vera Off-Venue á Grand Rokk í hádeg­inu á mið­viku­deg­in­um. Við fáum tvo bjór­miða á mann.“

Við eyðum rest­inni af pás­unni í að tala um hvað hin og þessi bönd séu ömur­leg, rennum aftur í gegnum prógram­mið okkar og förum svo á Alien vs. Predator. „Æfa á morg­un?“ spyr trommar­inn, sem ætlar ekki með. Hann þarf að spila með hinu band­inu sínu í Kaffi Hljóma­lind kl. 20. „Já, verum í band­i.“

Ég sný lykl­inum í skránni. Ein­hverra hluta vegna þarf að toga hún­inn upp í stað­inn fyrir niður um leið og lykl­inum er juggað til í skrá­argat­inu. Það tekur mig næstum hálfa mín­útu að opna dyrn­ar. Hvað er málið með hurðir og æfinga­hús­næði? Stendur það ein­hvers staðar í lögum að þær verði að vera í ólagi? Ég kveiki ljósið og fer úr skónum til að spora teppið ekki út. Í upp­þvotta­grind­inni hjá vask­inum liggja þrír óþvegnir kaffi­boll­ar. „Voða­legir sóðar eru þetta,“ hugsa ég um leið og ég tek ljós­mynd sem ég set inn í Face­book–grúppu æfinga­rým­is­ins. „Hverjir skildu þessa bolla eftir án þess að vaska þá upp? Við þurfum allir að leggj­ast á eitt við að bæta umgengn­ina hér.“ Set þennan texta með mynd­inni og bæti að lokum við góð­leg­asta broskall­inum sem ég finn.

Hljóm­sveita­ræf­ingin átti að hefj­ast fyrir 5 mín­út­um, en bassa­leik­ar­inn er enn ekki kom­inn. Söngv­ar­inn mætir hins vegar ekki í dag. Hann er með börnin á ein­hverju fót­bolta­móti úti á landi. Við hinir notum tím­ann til að stilla upp dót­inu okkar og ákveða laga­list­ann á meðan við bíðum eftir bassa­leik­ar­an­um. Að lokum birt­ist hann, en honum hafði gengið illa að svæfa. „Sá litli er með eyrna­bólg­u,“ segir hann. Ég bendi honum á Einar í Mjódd­inni. „Já, við erum einmitt hjá hon­um. Hann er að fara í rör í næstu viku.“ Eftir 10 mín­útna umræður um eyrna­bólgur barn­anna okk­ar, þar sem allir leggja orð í belg, setjum við tapp­ana í okkar eigin eyru og teljum í.

Eftir 25 mín­útur erum við orðnir dauð­upp­gefnir og tökum því pásu. Einn okkar hellir upp á kaffi en við hinir setj­umst í sófann. Ég spyr gít­ar­leik­ar­ann út í end­ur­fjár­mögn­un­ina á hús­næð­is­lán­inu hans. Ég er nefni­lega að spá í að skipta yfir í óverð­tryggt lán, enda ótt­ast ég að verð­bólgan sé rétt að byrja. „Já, ég myndi alveg mæla með því,“ segir hann. „Ertu ekki líka örugg­lega að nýta þér það að leggja sér­eigna­sparn­að­inn inn á höf­uð­stól­inn?“ spyr hann á móti. Hvað heldur hann eig­in­lega að ég sé? Auð­vitað er ég að nýta mér það.

Hljóm­borðs­leik­ar­inn kemur með nýlagað kaffið og skenkir í boll­ana. Hjá öllum nema trommar­an­um, sem drekkur ekki kaffi út af bak­flæð­inu. Auð­vitað ætti eng­inn okkar að drekka kaffi eftir kvöld­mat, en við gerum það nú samt. Við erum tæp­lega fer­tugir og það segir okkur eng­inn fyrir verk­um.

Við förum um víðan völl í spjall­inu og að lokum hefur eng­inn neitt að segja. 40 mín­útur eru liðnar og við sitjum þarna í þögn­inni og dæs­um. „Eigum við kannski bara að segja þetta gott?“ spyr ég geispandi. „Æ já, ég er alveg til í að fara að koma mér,“ segir gít­ar­leik­ar­inn, enda klukkan orðin rúm­lega 22. Við vöskum upp, skellum í lás og kveðj­umst fyrir utan jepp­ling­ana okk­ar. „Sjá­umst í þarnæstu viku.“

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Esjan á vetrardegi. Félagið Esjuferja ehf. vill reisa kláf upp á fjallið.
Hugmyndir um kláf upp á Esjuna verða teknar til skoðunar á ný
Félagið Esjuferja hefur óskað eftir því við borgina að fá lóðir leigðar undir farþegakláf upp á Esjubrún. Borgarráð samþykkti í dag að leggja mat á raunhæfni hugmyndanna, sem eru ekki nýjar af nálinni.
Kjarninn 1. desember 2022
Jón Ólafur Ísberg
Nýr þjóðhátíðardagur
Kjarninn 1. desember 2022
Tæknivarpið
Tæknivarpið
Tæknivarpið - „Það er enginn að fara hakka mig”
Kjarninn 1. desember 2022
Í austurvegi
Í austurvegi
Í austurvegi – Sýndu þakklæti í verki 感恩图报
Kjarninn 1. desember 2022
Kísilverksmiðjan í Helguvík verður líklega flutt, eða fundið nýtt hlutverk, samkvæmt tilkynningu Arion banka.
„Allt útlit fyrir“ að kísilverið í Helguvík verði ekki gangsett á ný
Arion banki og PCC hafa slitið viðræðum um möguleg kaup PCC á kísilverksmiðjunni í Helguvík. Einnig hefur Arion sagt upp raforkusamningi við Landsvirkjun, þar sem framleiðsla kísils var forsenda samningsins.
Kjarninn 1. desember 2022
Dagur B. Eggertsson er sem stendur borgarstjóri í Reykjavík. Einar Þorsteinsson mun taka við því embætti síðar á kjörtímabilinu.
Sá hluti Reykjavíkurborgar sem rekinn er fyrir skattfé tapaði 11,1 milljarði á níu mánuðum
Vaxtakostnaður samstæðu Reykjavíkurborgar var 12,1 milljarði króna hærri en áætlanir gerðu ráð fyrir á fyrstu níu mánuðum ársins. Samstæðan skilar hagnaði, en einungis vegna þess að matsvirði félagslegs húsnæðis hækkaði um 20,5 milljarða króna.
Kjarninn 1. desember 2022
Nafnlausi tindurinn til hægri á myndinni. Efst eru Geirvörtur.
Vilja að nafnlausi tindurinn heiti Helgatindur
Nafnlaus tindur sem stendur um 60 metra upp úr ísbreiðu Vatnajökuls ætti að heita Helgatindur til heiðurs Helga Björnssyni jöklafræðingi, segir í tillögu sem sveitarstjórn Skafárhrepps hefur samþykkt fyrir sitt leyti.
Kjarninn 1. desember 2022
Íslandsbanki segir ekki hversu margir fengu flokkun sem hæfir fjárfestar á meðan að á útboðinu stóð
Í skýrslu Ríkisendurskoðunar um söluferli Íslandsbanka kemur fram að fjárfestar sem voru ekki í viðskiptum við Íslandsbanka gátu sótt um og fengið flokkun sem „hæfir fjárfestar“ á þeim klukkutímum sem útboðið stóð yfir.
Kjarninn 1. desember 2022
Meira úr sama flokkiKjaftæði