Auglýsing

Við fjöl­skyldan kynnt­umst vel hjónum frá Egypta­landi þegar við bjuggum í New York og höfum haldið ágætu sam­bandi við þau. Þau eiga tvo lífs­glaða gutta á sama aldri og strák­arnir okkar og reynd­ust okkur afar vel. Voru alltaf til­búin að aðstoða og rétta fram hjálp­ar­hönd þegar þess þurfti.

Mað­ur­inn er efni­legur vís­inda­maður og stundar dokt­ors­nám í töl­fræði og hefur vinna hans vakið athygli innan fræða­sam­fé­lags­ins í Col­umbia háskóla. Hann hefur verið að þróa töl­fræði­líkön til að gera úrvinnslu úr líf­fræði­rann­sóknum áreið­an­legri. Konan hans er ekki síður dug­leg en þau luku bæði BS og MS námi við Uni­versity of Mis­so­uri áður en þau fluttu sig til New York. 

Þau eru múslimar og halda miklu sam­bandi við fjölda múslima í New York, ekki síst fólk frá mið­aust­ur­lönd­um. Þau koma bæði úr fátæku bak­landi og hafa þurft að hafa mikið fyrir því að kom­ast áfram í líf­inu, með dugn­að, heið­ar­leika og metnað að leið­ar­ljósi. 

Auglýsing

Beygður og sár

Eftir að frétt­irnar bár­ust út um að ömur­leg og sið­laus stjórn Don­alds J. Trumps, Banda­ríkja­for­seta, hefði bannað komu fólks til Banda­ríkj­anna frá sjö ríkjum þar sem múslimar eru í miklum meiri­hluta og ákveðið að taka ekki á móti flótta­mönnum í sárri neyð, þá hafði ég sam­band við fólkið og spurði hvernig það hefði það. Ég vissi að bannið næði ekki til þeirra en eftir nokkur sam­töl okkar um við­horf sem múslimar mæta og hafa þurft að þola, í gegnum allt fram­boð Don­alds Trump, þá vissi ég að þetta væri líka erfitt fyrir þau og alla múslima.  

Það er skemmst frá því að segja að mað­ur­inn var beygður og sár þegar ég tal­aði við hann. Hann leit svo á að það væri verið að nið­ur­lægja hann og fjöl­skyldu hans og meira og minna allt sam­fé­lag múslima með þess­ari ákvörð­un. Konan hans tók í sama streng. Þetta var átak­an­legt, bein­lín­is. 

Ástæðan er sú að und­ir­liggj­andi í þess­ari ömur­legu ákvörðun Trumps - sem nær líka til fólks sem er með græna kortið og full­gilda heim­ild til að vera í land­inu var­an­lega að öllu jöfnu - er kyn­þátta­hatur og frels­is­skerð­ing. Alveg tærir for­dóm­ar. Aug­ljóst virð­ist að ákvörð­unin fari gegn stjórn­ar­skrá Banda­ríkj­anna en það verður að koma í ljós hvort það verði farið með ákvörð­un­ina fyrir dóm­stóla til að fá úr því skor­ið. Glund­roði ríkti á flug­völlum heims­ins vegna þess­arar ákvörð­unar í gær og var henni mót­mælt vítt og breitt, eins og nær öllu sem Trump hefur gert frá því hann hóf störf. 

Mórölsk skila­boð hans til umheims­ins - sem er eitt vega­mesta hlut­verk for­set­ans - hafa verið full­kom­lega hörmu­leg á allan hátt og valdið sundr­ungu og reiði, nær hvert sem litið er. Stuðn­ings­menn for­dóma­fullra við­horfa hans gleðj­ast vafa­lítið enda er þeim ekki við­bjarg­andi.

Hafið sam­band

Ég hvet fólk til að setja sig í sam­band við múslíma í Banda­ríkj­unum sem það þekkir, stappa í það stál­inu og reyna að gleðja það með ein­hverjum hætti. Þegar Banda­ríkin - með öllu sínu ægi­valdi hers og fjár­mála (65 pró­sent gjald­eyr­is­forða heims­ins er í Banda­ríkja­dal) - er farið að haga sér með þessum hætti þá gætir áhrif­anna um allan heim og í öðrum löndum líka. Það er skelfi­leg­t. 

Þetta er bein árás á venju­legt heið­ar­legt fólk og líka gildi vest­rænna sam­fé­laga. Banda­ríkin eru að grunni til inn­flytj­enda­sam­fé­lag og stundum eru þau skil­greind sem eina landið í heim­inum sem hefur fjöl­þjóð­legan kjarna sem sitt helsta ein­kenni. Landið verður bein­línis til í kringum hin ýmsu þjóð­erni sem byggja það upp. 

Ég skynja stöðu mála í Banda­ríkj­unum sem hættu­lega um þessar mund­ir, og and­staðan við þessa ákvörðun stjórnar Trumps hér á Seatt­le-­svæð­inu er gríð­ar­leg, nán­ast áþreif­an­leg. Það sama á við um mörg önnur svæði, ekki síst borg­ar­sam­fé­lögin í land­inu.

Staðan er líka álitin alvar­leg út frá efna­hags­legum for­sendum þar sem öll vest­ur­strönd­in, frá Kali­forníu gegnum Oregon og í gegnum Was­hington ríki, á bein­línis allt undir inn­flytj­end­um. Tækni­fyr­ir­tækin á þessum svæði hafa öll látið í sér heyra og mót­mælt þess­ari ömur­legu árás á fólk. 

Mörg hund­ruð starfs­menn Goog­le, Microsoft, Amazon og Apple kom­ast ekki í inn í landið og það sama má segja um fleiri fyr­ir­tæki, meðal ann­ars fjár­mála­fyr­ir­tækin sem starfa um allan heim. Mót­mæli hafa líka komið það­an. En það segir sína sögu að þessir tæknirisar, sem eru leið­andi í heim­inum á sviði nýsköp­un­ar, skuli taka jafn harða afstöðu gegn þessu hatri sem birt­ist með ömur­legu ferða­banni og mann­rétt­inda­brot­u­m. 

Borg­irnar í Banda­ríkj­unum - ein­hverjir mögn­uð­ustu mann­lífspottar sem fyr­ir­finn­ast í ver­öld­inni - hafa líkað gripið til varna. Má nefna Boston, New York, Seatt­le, Portland, Austin, LA, San Francisco og miklu fleiri því til stað­fest­ing­ar. Marty Walsh, borg­ar­stjór­inn í Boston, flutti magn­þrungna ræðu um stefnu Trumps í inn­flytj­enda­málum á dög­unum og sagð­ist ekki að ætla að snúa bak­inu við inn­flytj­end­um, alveg sama hvað. Ráð­húsið í borg­inni yrði opnað upp á gátt frekar en að reka þá úr borg­inni, ef þess þyrfti.



Kyn­þátta­hat­ari sem dóms­mála­ráð­herra

Það sem er alvar­leg­ast við þessa nýju hvítu karl­menn í Hvíta hús­inu er að það glittir ekki enn í neina dýpt í neinu sem komið hefur frá þeim. Þvert á móti virð­ist full­komin van­hæfni ráða ferð­inni, ofan í skugga­lega öfga­fullan mál­flutn­ing margra þeirra sem standa Trump næst. Steve Bann­on, sem stofn­aði kyn­þátta­hat­ursá­róð­ur­svef­inn Breit­bert, kemur þar upp í hug­ann og einnig Jeff Sessions, til­von­andi dóms­mála­ráð­herra. Konur sem útskrif­ast hafa úr Harvard við­skipta­há­skól­an­um, 650 tals­ins, mót­mæltu því harð­lega þegar Bannon var kom­inn inn í teymið hjá Trump og sögðu hann boð­bera kyn­þátta­hat­urs og kven­fyr­ir­litn­ing­ar.

Meira en 1.100 laga­pró­fess­or­ar, þar af margir af virt­ustu pró­fess­orum Banda­ríkj­anna, mót­mæltu skipan Sessions með yfir­lýs­ingu. Ástæðan er sú að Sessions er kyn­þátta­hat­ari og hefur verið í ára­tugi. Allt frá því hann tók þátt í að bera út kyn­þátta­hatur í Ala­bama hefur hat­rið fylgt hon­um. Það sem einkum situr í laga­pró­fess­or­unum er það að Sessions nýtur þess vafa­sama heið­urs að hafa verið hafnað sem alrík­is­dóm­ara vegna kyn­þátta­hat­urs. Eftir nákvæma skoðun á hans mál­flutn­ingi var það nið­ur­stað­an. Að hann væri óhæfur sökum kyn­þátta­hat­ur­s. 

Hann hefur einnig verið meðal mestu and­stæð­inga inn­flytj­enda í banda­rískum stjórn­málum árum saman og mun vafa­lítið beita sér fyrir sínum sjón­ar­miðum sem dóms­mála­ráð­herra.

Hér eru aðeins nefnd fá dæmi, en fleiri ískyggi­leg dæmi um stjórn­ar­herrana mætti telja til. Og aug­ljósa og oft ótrú­lega skýra hags­muna­á­rekstra sömu­leið­is.

Það er óboð­legt að svona sé komið fram við fólk og von­andi verður eitt­hvað til þess að Trump og félagar hans og ráð­gjafar hrökk­list frá völdum sem allra fyrst. Fjögur ár af þessum grunna, heimsku­lega og sið­lausa mál­flutn­ingi - og nú stefnu - er alltof langur tími.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Alma Möller landlæknir og Kári Stefánsson forstjóri ÍE á upplýsingafundi almannavarna.
Ríkið hefur ekki greitt Íslenskri erfðagreiningu neitt fyrir skimanir
Íslensk erfðagreining hefur ekkert fengið greitt frá íslenskum yfirvöldum fyrir skimanir sínar gegn veirunni. Kári Stefánsson forstjóri fyrirtækisins verðmat framlag fyrirtækisins til samfélagsins á þrjá milljarða króna í Kastljósi á miðvikudagskvöld.
Kjarninn 29. maí 2020
Icelandair Group er efst á lista, enda með meira en eitt og hálft prósent íslenska vinnumarkaðarins í hlutastarfi í mars og apríl.
Fyrirtækin sem fengu mest út úr hlutabótaleiðinni í mars og apríl
Í skýrslu Ríkisendurskoðunar um hlutabótaleiðina má finna niðurbrot á því hversu mikið fé rann frá Vinnumálastofnun til starfsmanna fyrirtækja sem nýttu hlutabótaleiðina í mars og apríl. Kjarninn tók það helsta saman.
Kjarninn 28. maí 2020
Samkeppniseftirlitið sektar Símann um 500 milljónir
Samkvæmt Samkeppniseftirlitinu hefur Síminn brotið gegn skilyrðum í sáttum sem fyrirtækið hefur á undanförnum árum gert við eftirlitið. Það telur að brotin séu alvarleg og sektar Símann vegna þessa um 500 milljónir króna. Síminn ætlar að áfrýja.
Kjarninn 28. maí 2020
Skúli Eggert Þórðarson er ríkisendurskoðandi.
Talin hafa breytt launaseðlum til að ná hærri greiðslum úr ríkissjóði vegna hlutabótaleiðar
Ríkisendurskoðun telur að leiða megi líkum að því að ákveðinn hópur sem nýtti sér hlutabótaleiðina hafi breytt áður uppgefnum launum til hækkunar svo þeir myndu fá hærri greiðslur úr ríkissjóði. Hækkunin í heild nemur 114 milljónum króna.
Kjarninn 28. maí 2020
Oddný G. Harðardóttir vill að uppsagnarstyrkjum verði breytt.
Vill banna þeim sem átt hafa í fjárhagslegum tengslum við skattaskjól að fá uppsagnarstyrk
Oddný G. Harðardóttir hefur lagt fram breytingartillögu við frumvarp um stuðning úr ríkissjóði vegna greiðslu launakostnaðar í uppsagnarfresti. Kallar eftir aðgerðum fyrirtækja í loftslagsmálum, endurgreiðslu styrkja og þaki á laun stjórnenda.
Kjarninn 28. maí 2020
Svört skýrsla um hlutabótaleiðina sýnir grun um misnotkun
Ríkisendurskoðun gagnrýnir framkvæmd hlutabótaleiðarinnar harðlega í skýrslu sem hún hefur unnið. Of margir sem áttu ekki í bráðum rekstrarvanda hafi nýtt sér hana til að sækja fjármuni í ríkissjóð og misbrestur hafi verið á eftirliti.
Kjarninn 28. maí 2020
Smári McCarthy, þingmaður Pírata.
Hægt sé að lesa á milli línanna og sjá hvaða fyrirtæki uppsagnarstyrkir séu hugsaðir fyrir
Þingmaður Pírata telur líklegt að sagan muni dæma frumvarp um að greiða 27 milljarða króna í styrkti til fyrirtækja til að hjálpa þeim að segja upp fólki, sem mistök. Stöðugleika þorra launamanna sé fórnað fyrir hagsmuni nokkurra fyrirtækjaeigenda.
Kjarninn 28. maí 2020
Framhaldsskólinn var styttur úr fjórum árum í þrjú.
Vísbendingar um lægri meðaleinkunn í HÍ eftir styttingu framhaldsskólanáms
Andlegri heilsu nemenda, aðallega stúlkna, hefur hrakað frá því að framhaldsskólanámið var stytt um eitt ár. Sú þróun hófst þó talsvert fyrr en námstímanum var breytt, segir í skýrslu menntamálaráðherra um áhrif styttingarinnar á ýmsa þætti.
Kjarninn 28. maí 2020
Meira úr sama flokkiLeiðari
None