Hvað eiga Akademían, almenningur og kvikmyndaunnendur ekki sameiginlegt?

Eiríkur Ragnarsson veltir því fyrir sér hvort smekkur almennings og Akademíunnar sé með öllu ósambærilegur. Hann safnaði upplýsingum um þúsundir mynda af IMDB.com og spurði svo gögnin spjörunum úr.

Auglýsing

Mistök hafa átt sér stað, Moonlight, þið félagar unnuð flokkinn besta kvikmyndin,“ sagði Jordan Horowitz, framleiðandi kvikmyndarinnar La La Land upp á sviði, með óskarinn í hendinni, eftir að það kom í ljós að bikarinn tilheyrðu ekki honum heldur einhverjum úr teyminu á bakvið kvikmyndina Moonlight.

Fyrir kvikmyndarfróða menn fer þetta fíaskó eflaust sögubækurnar. En fyrir almennan áhorfanda eins og mig þá breytir þetta litlu: Ég hafði hvorugu myndina séð og þegar ég loksins sá La La Land þá fannst mér hún bara la-la. Og Moonlight, hana á ég ennþá eftir að sjá.

En þetta tilvik, og sú staðreynd að hvorug myndin var í sérstöku uppáhaldi hjá mér, fékk mig til þess að pæla aðeins í því hvort smekkur okkar almennings og Akademíunnar sé með öllu ósambærilegur. Kannski var árið 2017 undantekningin og að öllu jöfnu speglar smekkur Akademíunnar smekk almennings og kvikmyndaunnenda. En kannski ekki. Til þess að svara þessari spurningu tók ég mig til og safnaði upplýsingum um þúsundir mynda af IMDB.com og spurði svo gögnin spjörunum úr.

Auglýsing

Akademían elskar langdregið ódýrt drama

Þegar uppáhalds myndir Akademíunnar (það er allar myndir sem Akademían hefur tilnefnt til Óskarsverðlauna frá 1950) eru skoðaðar koma nokkur áhugaverð atriði í ljós. Í fyrsta lagi er Akademían full af dramakóngum – meira en 91% af uppáhaldsmyndunum þeirra eru flokkaðar sem dramatískar kvikmyndir. Í öðru lagi, er Akademían þokkalega þolinmóð og kann því best að meta myndir sem eru hátt í 130 mínútur. Í þriðja lagi, þá snobba þeir niður á við þegar kemur að framleiðslukostnaði, það er að segja, uppáhaldsmyndir Akademíunnar eiga það til að vera talsvert ódýrar.

Kvikmyndaunnendur kunna að meta grínmyndir

Kvikmyndaunnendur eru í þessu tilfelli skilgreindir sem: Fólk með mikinn áhuga á kvikmyndum. Til þess að reyna að meta hvaða myndir þessi hópur heldur mest upp á notaðist ég við stjörnugjöf kvikmyndaunnenda sem eru virkir á IMDB.com.

Smekkur Kvikmyndaunnenda er að öllu jöfnu þokkalega svipaður smekk of Akademíunnar, Þeir eru mest til í drama (u.þ.b. 70% af uppáhalds myndunum þeirra falla í þann flokk). En eru þó tvisvar sinnum líklegri til að kunna að meta hasarmynd en Akademían. Það sem sker þessa hópa en frekar í sundur er það að kvikmyndaunnendur vilja að myndirnar sínar séu aðeins styttri (meðallengd u.þ.b. 125 mínútur) og að öllu jöfnu eru uppáhalds myndirnar þeirra 34% dýrari í framleiðslu en uppáhalds myndir Akademíunnar.

Almenningur vill dýrar og stuttar hasarmyndir

Til þess að reyna að finna út hvað myndir eru í uppáhaldi hjá almenning ár hvert tók ég á það ráð að fylgja veskinu þeirra. Það er að segja, þær myndir sem hvað flestir voru tilbúnir að borga fyrir að sjá (í Bandaríkjunum í þessu tilfelli) voru flokkaðar sem uppáhalds myndir þessa hóps.

Það sem stendur upp úr eftir að hafa skoðað smekk þessa hóps er hversu vel hann lýsir smekk mínum. Almenningur hefur nefnilega gaman af allskonar myndum og hefur sérstakt dálæti á grín- (34% af uppáhalds myndum) og hasarmyndum (32% af uppáhalds myndum). Það sem kannski enn áhugaverðara hvað smekk okkar almennings varðar er að: (1) við viljum helst ekki að kvikmyndir séu mikið lengri en tveir tímar; og (2) peningar skipta okkur máli - uppáhalds myndirnar okkar frá 1950 voru að öllu jöfnu rúmlega helmingi dýrari en uppáhalds myndir akademíunnar. Sem sagt við viljum: fjölbreyttar stuttar stórmyndir sem öðru hverju kitla hláturstaugar okkar. Takk.

Allir elska Guðfaðirinn

Frá því árið 1950 hafa tæplega 400 myndir verið tilnefndar til Óskarsverðlauna í flokki bestu kvikmyndar. Eitt er þó áhugavert, þó svo að almenningur hafi að öllu jöfnu ólíkari smekk Akademíunni en kvikmyndaunnendur, eru þeir jafn oft ósammála Akademíunni hvað einstakar myndir varðar. Það er að segja í minna en 30% tilfella eru þær myndir sem Akademían tilnefnir þær myndir sem annaðhvort almenningur (eða kvikmyndaunnendur) myndu velja. Og þegar kemur að sigurvegurum (myndin vinstra megin hér fyrir neðan), þá eru allir þrír hóparnir sammála um að vera ósammála um allar myndirnar, nema eina – Guðfaðirinn.

Mynd: Eiríkur Ragnarsson

Nú má deila um hvað það þýðir og hvort Akademían ætti að spegla skoðanir almennings frekar en skoðanir elítunnar. En ef almenningur fengi að ráða í ár, þá er það víst að Star Wars (The Last Jedi) myndi vinna Óskarsverðlaunin fyrir bestu kvikmyndina. Og hefði almenningur einnig fengið að ráða í fyrra, þá hefði Star Wars (Rogue One) líka unnið þá. Og árið þar á undan (The Force Awakens).

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Svandís Svavarsdóttir heilbrigðisráðherra segir ríkisstjórnina ræða málin í þaula og hafa verið í meginatriðum samstíga um aðgerðir í faraldrinum hingað til.
Stjórnmálin falli ekki í þá freistni að gera sóttvarnir að „pólitísku bitbeini“
Svandís Svavarsdóttir heilbrigðisráðherra segir samstöðu í ríkisstjórn um þær hertu aðgerðir sem tóku gildi í dag. Hún segist vilja forðast að sóttvarnir verði að pólitísku bitbeini fyrir kosningar og telur að það muni reyna á stjórnmálin á næstu vikum.
Kjarninn 25. júlí 2021
Steypiregnið ógurlega
Steypiregn er klárlega orðið tíðara og umfangsmeira en áður var. Öll rök hníga að tengingu við hlýnun lofthjúps jarðar. Í tilviki flóðanna í Þýskalandi og víðar hefur landmótun, aukið þéttbýli og minni skilningur samfélaga á eðli vatnsfalla áhrif.
Kjarninn 25. júlí 2021
Ísraelsk stjórnvöld sömdu við lyfjafyrirtækið Pfizer um bóluefni og rannsóknir samhliða bólusetningum.
Alvarlega veikum fjölgar í Ísrael
Það er gjá á milli fjölda smita og fjölda alvarlegra veikra í Ísrael nú miðað við fyrstu bylgju faraldursins. Engu að síður hafa sérfræðingar áhyggjur af þróuninni. Um 60 prósent þjóðarinnar er bólusett.
Kjarninn 25. júlí 2021
Danska smurbrauðið nýtur nú aukinna vinsælda meðal matgæðinga í heimalandinu.
Endurkoma smurbrauðsins
Flestir Íslendingar kannast við danska smurbrauðið, smørrebrød. Eftir að alls kyns skyndibitar komu til sögunnar döluðu vinsældirnar en nú nýtur smurbrauðið sívaxandi vinsælda. Nýir staðir skjóta upp kollinum og þeir gömlu upplifa sannkallaða endurreisn.
Kjarninn 25. júlí 2021
Fjallahjólabrautin við Austurkór var eitt verkefna sem valið var til framkvæmda af íbúum í íbúðalýðræðisverkefninu Okkar Kópavogur í fyrra.
Kópavogsbær skoðar flötu fjallahjólabrautina betur eftir holskeflu athugasemda
Kópavogsbær hefur boðað að fjallahjólabraut við Austurkór í Kópavogi verði tekin til nánari skoðunar, eftir fjölda athugasemda frá svekktum íbúum þess efnis að brautin gagnist lítið við fjallahjólreiðar.
Kjarninn 24. júlí 2021
Með stafrænum kórónuveirupassa fæst QR kóði sem sýna þarf á hinum ýmsu stöðum.
Munu þurfa að framvísa kórónuveirupassa til að fara út að borða
Evrópska bólusetningarvottorðið hefur verið notað vegna ferðalaga innan álfunnar síðan í upphafi mánaðar. Í Danmörku hefur fólk þurft að sýna sambærilegt vottorð til að sækja samkomustaði og svipað er nú uppi á teningnum á Ítalíu og í Frakklandi.
Kjarninn 24. júlí 2021
Eldgosið í Geldingadölum hefur verið mikið sjónarspil. Nú virðist það í rénun.
Ráðherra veitir nafni nýja hraunsins formlega blessun sína
Eins og lög gera ráð fyrir hefur Lilja Dögg Alfreðsdóttir mennta- og menningarmálaráðherra staðfest nafngift nýja hraunsins í landi Grindavíkurbæjar. Fagradalshraun mun það heita um ókomna framtíð.
Kjarninn 24. júlí 2021
Ferðamenn við Skógafoss.
Lágur smitfjöldi talinn mikilvægur fyrir heilsu og hagsmuni ferðaþjónustu
Ótti við að lenda á rauðum listum sóttvarnayfirvalda í Evrópu og Bandaríkjunum var tekinn inn í heildarhagsmunamat ríkisstjórnarinnar varðandi nýjar sóttvarnaráðstafanir innanlands. Á morgun verður mannlífið heft á ný vegna veirunnar.
Kjarninn 24. júlí 2021
Meira úr sama flokkiEikonomics