Ríkidæmi Jóakims Aðalandar

Hvað á Jóakim Aðalönd mikið af peningum? Geymir hann hluta þeirra í skúffufyrirtækjum á aflandseyjum? Hvað kemst eiginlega mikið af skildingum fyrir í peningageyminum hans? Eikonomics svarar þessum spurningum.

Auglýsing

„Héðan í frá verð ég klár­ari en þeir klár­ustu og snjall­ari en þeir snjöllustu“ voru orðin sem glumdu í huga hins 12 ára skópúss­ara frá Glas­gow á leið sinni yfir Atl­ants­hafið í leit að lukku. Þegar skip Jóakims lagði loks­ins að höfn í Amer­íku hélt hann beint til Klondike, þar sem hann vann dag og nótt. Einn dag­inn datt hann í lukku­pott­inn og nældi sér í gull­klump á stærð við gæsa­egg. Aðeins ári seinna, eftir klókar fjár­fest­ingar og mikla vinnu, hafði Jóakim unnið sér inn sína fyrstu milljón (rúm­lega 22 millj­ónir á verð­lagi dags­ins í dag).

En ein kúla var ekki nóg fyrir Jóakim, honum lang­aði að sitja við sama borð og sam­tíma­maður og sam­landi sinn hann Andrew Carnegie. Því strit­aði og spar­aði Jóakim allt sitt líf, og þrátt fyrir mikið mót­læti – frá óprút­tnum bófum og nornum – þá tókst Jóakim að taka fram úr herra Carnegie og í dag er hann rík­asta öndin í Anda­bæ. Og jafn­vel í heim­in­um.

Ef litið er á pen­inga­geym­inn hans Jóakims fer það ekki á milli mála að hann er vell­auð­ugur og pott­þétt er að hann til­heyri hinu eina pró­senti Anda­bæj­ar. En þær upp­lýs­ingar voru ekki nóg fyrir þrí­tugan bróður minn sem spurði mig um dag­inn „hvort ég gæti reiknað hversu mik­inn pen­ing Jóakim á í pen­inga­geym­inum sín­um“. Ég svar­aði honum að sjálf­sögðu ját­andi og getur hann sem og lands­menn allir nú séð svar mitt hér að neð­an.

Auglýsing

Hvað vitum við um auð­æfi Jóakims?

Að mér vit­andi eru til í það minnsta þrjár skrif­legar heim­ildir um ríki­dæmi Jóakims. Sú fyrsta heldur því fram að Jóakim eigi rúm­lega eina múltíplú­jilljón. Önnur heim­ild, sem vitnar í bók­ar­ann hans, heldur því fram að hann eigi rúm­lega 600 til­ljónir og í bók­inni Líf og Dagar Jóakims Aða­l­andar  er því haldið fram að hann fimm múltíplú­jilljónir. Þó svo að þetta séu vissu­lega góðar vís­bend­ingar er einn hængur á. Þessar tölur eru ekki tölur (það eru þó til alls­konar útfærslur af til­ljón, eins og til dæmis Quintilljón).Jóakim getur synt, eða skíðað, í peningum.

Einnig eru sér­fræð­ingar um hag­kerfi And­ar­bæjar ekki á öllu sam­mála um hvar Jóakim geymir ljóns­hlut auð­æfa sinna. Sumir vilja halda því fram að hann haldi úti flóknu neti skúffu­fyr­ir­tækja út um allan heim. Aðrir vilja meina að þorri eigna hans sé geymdur í formi skild­inga og seðla í pen­inga­geym­inum þar sem hinn 151 árs gamli Jóakim heldur sér í formi með því að synda, bók­staf­lega, í þeim.

Þar sem engar góðar upp­lýs­ingar eru til um eignir Jóakims fyrir utan það sem hann geymir í geym­in­um, þá til ein­föld­unar ætla ég að meta verð­mætið í pen­inga­geym­inum og kalla það auð­æfi Jóakims.

Nú bý ég ekki svo vel að geta talið verð­mæt­in, pen­ing fyrir pen­ing. Einnig þekki ég engan í Anda­bæ, og þó það sé þekkt stað­reynd að Anda­bær sé stað­settur í Cali­stoa sýslu á vest­ur­strönd Banda­ríkj­anna, þá hefur mér ekki tek­ist að finna hann á korti. En, það þýðir ekk­ert að deyja ráða­laus. Í Don Rosa sög­unni „pen­inga­geymir­inn“ frá árinu 2001, segir frá einni af ráns­ferðum  Bjarna­bóf­ana og hvernig þeir, á eft­ir­minni­legan hátt, fest­ast inn í geym­in­um. Bjarna­bófarnir finna teikn­ingar af geym­inum og þar kemur fram að geymir­inn sé 37 metrar á breidd og lengd og 39 metrar á hæð.

Í sög­unni kemur þó ekki fram hversu mik­ill hluti geym­is­ins er notað undir pen­inga. En sam­kvæmt mynd­inni að ofan, er dýptin um það bil 90 fet (27 metr­ar). Einnig ef hönnun geym­is­ins er skoðuð kemur tvennt í ljós: (1) Mest­all­ur, en ekki all­ur, geymir­inn not­aður undir pen­inga; og (2) veggirnir eru nokkuð þykk­ir.

Með þessar upp­lýs­ingar að vopni hef ég því reiknað það út að um það bil 4,000 rúmmetrar séu ekki nýttir undir pen­inga­geymslu, sem þýðir að um það bil 33 þús­und rúmmetrar eru not­aðir undir pen­inga. Með þessar upp­lýs­ingar og upp­lýs­ingar um rúm­mál skild­inga og seðla er ég nán­ast til­bú­inn til þess að reikna verð­mætin í tankn­um. En fyrst þurfum við að leysa tvö önnur vanda­mál.

Í fyrsta lagi þurfum við að finna út úr því, hvaða hlut­fall pen­inga í geym­inum eru seðlar og hvaða hlut­fall eru skild­ing­ar. Ef mynd­gögn úr gömlum blöðum og af net­inu er skoðuð er það nokkuð skýrt að mik­ill meiri­hluti pen­inga í tanknum eru í formi skild­inga, og er það mitt mat að í mesta lagi sé um 1-2% af öllum pen­ingum í tank­inum í formi seðla.Auðæfi Jóakims eru að mestu leyti í formi eins dollara skildinga.

Því næst þurfum við að reyna að meta í hvaða ein­ingum (cent/dime/doll­ur­um) þessir skild­ingar eru og þar sem skild­ingar eru hringlótt­ir, þarf einnig að reikna með ónot­uðu plássi (lofti) á milli skild­ing­anna.

En mynd­irnar að ofan hjálpa okkur við það að finna út úr því í hvaða ein­ingum skild­ingar Jóakims eru. Eins og sjá má er nán­ast allur tank­ur­inn fullur af gull­lit­uðum skild­ingum og þar sem einu gull­lit­uðu skild­ing­arnir í banda­ríkj­unum eru doll­arar þá getum við gefið okkur það að þorri auð­æfa Jóakims sé í formi doll­ara skild­inga.

Hvað varðar loftið og hlut­fall þess í tank­in­um, þá getum við leitað aðstoðar úr hringja­pökk­un­ar­fræði (e. circle pack­ing). Þar kemur fram að ef jafn­stórum hringjum er raðað á eins skil­virkan hátt og hægt er, þá kæmi loft til með að fylla tæp­lega 10% af geym­in­um. 10% er því lág­mark­ið. En þegar mynd­irnar að ofan eru skoð­að­ar, þá sést það að skild­ing­unum er ekki full­kom­lega vel staflað upp. Því ætla ég að gefa mér það að í það minnsta sé um 15% af pláss­inu „sóað“ undir loft.

Komum okkur að efn­inu: hversu mikla pen­inga á Jóakim Aðalönd?

Þar sem þessir útreikn­ingar eru óná­kvæm vís­indi, þá er örugg­ara að reikna nokkrar sviðs­mynd­ir. Í þeirri fyrstu reikna ég hversu ríkur Jóakim er ef skild­ing­arnir í geym­inum eru allir í jöfnum hlut­föllum (13,9% doll­ar­ar, 13,9% cent, osfv.). Í Ann­ari sviðs­mynd­inni reikna ég svo hversu ríkur hann er ef meiri­hluti (51%) af skild­ing­unum í geym­inum eru doll­ar­ar. Að lokum í þriðju sviðs­mynd­inni reikna ég svo verð­mæti inni­halds geym­is­ins ef allir pen­ing­arnir eru doll­ara (að mestum lík­indum er rétta svarið ein­hvers staðar á milli sviðs­myndar 2 og 3).Forsendur sem notast var við í útreikningum mismunandi sviðsmynda.



Á þessum for­sendum og sam­kvæmt mínum útreikn­ingum á Jóakim í minnsta lagi um það bil 2.000 millj­arða króna (27 millj­arða Banda­ríkja­dala). Og í mest lagi á hann 3.599 millj­arða (48.7 bilj­arða Banda­ríkja­dala) sem hann geymir í tank­inum sín­um. Sem þýðir það að öllum lík­indum eru verð­mæti inni­halds pen­inga­geymis Jóakims meiri en við Íslend­ingar sköp­uðu sam­an­lagt árið 2016 (mælt sem vergur lands­fram­leiðslu). En þó svo að Jóakim hafi loks­ins fengið sæti við borð Carnegie, þá kemst hann þó ekki nálægt Bill Gates, sem  er í minnsta lagi tvisvar sinnum rík­ari en Jóakim. Þá vitum við það.Jóakim á langt í land ef hann vill ná Bill Gates.

Greinin birt­ist fyrst í Mann­lífi sem kom út í dag, 16. mars.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Gylfi Zoega er annar höfundur greinar sem birtist í nýjasta tölublaði Vísbendingar.
„Hægt væri að banna Airbnb í þéttbýli þegar skortur er á íbúðarhúsnæði“
Ef fleiri flytja til landsins en frá því verður til flókið samspil hagstærða sem valda breytingum á eftirspurn og/ eða framboði á húsnæði með tilheyrandi verðhækkunum eða lækkunum. Tveir hagfræðingar leggja til að kerfinu verði breytt.
Kjarninn 7. ágúst 2022
Arnar Jónsson leikari áformar að gefa út plötu með eigin upplestri á ljóðum úr ólíkum áttum, sem hann segist vilja veita framhaldslíf.
Landskunnur leikari gefur út ljóðaplötu
„Ljóðið hefur fylgt mér frá því ég var pjakkur fyrir norðan og allar götur síðan,“ segir Arnar Jónsson leikari, sem hefur undanfarin ár safnað saman sínum uppáhaldsljóðum og hyggst nú gefa út eigin upplestur á þeim, bæði á vínyl og rafrænt.
Kjarninn 7. ágúst 2022
Alls segjast 55 prósent svarenda í könnun Maskínu fremur eða mjög andvíg gjaldtöku í öllum jarðgöngum á Íslandi.
Andstaða við gjaldtöku í jarðgöngum mismikil eftir því hvaða flokk fólk kýs
Kjósendur Viðreisnar eru líklegastir til að styðja gjaldtöku í jarðgöngum en kjósendur Sósíalistaflokksins eru líklegastir til að vera andvígir gjaldtöku, samkvæmt niðurstöðum úr könnun Maskínu á afstöðu til gjaldtöku í öllum jarðgöngum á Íslandi.
Kjarninn 7. ágúst 2022
Hið sænska velferðarríki í faðmi nýfrjálshyggju
Á síðustu þrjátíu árum hafa átt sér stað talsverðar breytingar í bæði heilbrigðis- og menntakerfi Svíþjóðar. Ef til vill má rekja þau samfélagsvandamál sem nú tekist er á um í aðdraganda þingkosninga til þessara breytinga.
Kjarninn 7. ágúst 2022
Draugaskipið
Skammt undan ströndum Jemen liggur skip við festar. Ekki væri slíkt í frásögur færandi nema vegna þess að skipið, sem er hlaðið olíu, hefur legið þarna í sjö ár og er að ryðga í sundur. Ef olían færi í sjóinn yrði tjónið gríðarlegt.
Kjarninn 7. ágúst 2022
Róbert Wessman er forstjóri Alvogen og Alvotech.
Dalur Róberts Wessman afskrifaði 135,2 milljónir af skuldum Birtings
Velta tímaritaútgáfunnar Birtings dróst saman um fimmtung í fyrra og föstum starfsmönnum var fækkað úr 25 í 12. Rekstrartap var 74 milljónir króna og eigið fé er neikvætt. Samt skilaði Birtingur hagnaði, vegna þess að seljendalán var afskrifað.
Kjarninn 6. ágúst 2022
Örn Bárður Jónsson
Víða leynist viðurstyggðin
Kjarninn 6. ágúst 2022
Ásgeir Jónsson er seðlabankastjóri.
Seðlabankastjóri verði formaður fjármálaeftirlitsnefndar bankans
Alþingi ákvað, er verið var að sameina Seðlabankann og Fjármálaeftirlitið, að láta seðlabankastjóra ekki leiða fjármálaeftirlitsnefnd bankans, m.a. vegna mögulegrar orðsporðsáhættu. Það fyrirkomulag hefur ekki reynst sérlega vel og nú á að breyta lögum.
Kjarninn 6. ágúst 2022
Meira úr sama flokkiEikonomics