Auglýsing

Bestu dagar árs­ins hafa ekk­ert með veð­ur­far að gera. Hrá­slaga­legur rign­ing­ar­dag­ur­inn í dag er einn af allra bestu dögum árs­ins. Í dag kynnti Alþingi alls 69 manna lista þeirra sem veittur verður íslenskur rík­is­borg­ara­réttur með lögum að til­ögu alls­herj­ar- og mennta­mála­nefnd­ar.

Tæp­lega sjö­tíu manns sem margir hverjir hafa á ein­hverjum tíma­punkti beðið hér milli vonar og ótta, heims og helju, um eigin fram­tíð. Hvert senda þau mig? Hvar enda ég? Hva bíður mín þar? Hver bíður mín þar? Fæ ég ein­hvern tím­ann frið?

Tæp­lega sjö­tíu manns sem í dag fengu þær fréttir að bið­inni sé form­lega lok­ið. Hér eiga þau heima. Ein­hver þeirra sóttu hér lík­ast til um alþjóð­lega vernd. Sumir hafa fengið hana, aðrir ekki en öll fá þau nú að telj­ast Íslend­ing­ar. Eftir dag­inn í dag ætlum við að vernda þau. Þau eru við.

Auglýsing

En það var ekki kerfið sem ákvað að vernda þau. Þessi „heppnu“ komust fram­hjá kerf­inu. Kerfið hefur ein­hverra hluta vegna metið það sem svo að það væri ekki þessi virði að veita þeim fullan rétt sem íslenskir rík­is­borg­ar­ar. Þau komust ekki í gegnum nál­ar­augað sem íslensk stefna í útlend­inga­málum er. Þau hins vegar fengu áheyrn og náð hjá þing­mönn­um. Sögur þeirra röt­uðu þang­að. Ein­hverjir aðrir misstu af því. Ein­hverjir aðrir vissu ekki að það væri hægt. Ein­hverjum öðrum var vísað úr landi áður en þingið náði að vernda þau. Ein­hverj­ir… Marg­ir...

Valið virkar handa­hófs­kennt. Tæp­lega 1.100 manns sóttu um alþjóð­lega vernd hjá Útlend­inga­stofnun árið 2017. Það sem af er ári hafa tæp­lega 200 sótt hér um vernd. Alls bár­ust þing­nefnd­inni 147 umsóknir um rík­is­borg­ara­rétt, sem að öllum lík­indum er síð­asta hálm­strá örvænt­inga­fullra umsækj­enda sem komið hafa að lok­uðum dyrum alls staðar ann­ars staðar í kerf­inu.

Dóms­mála­ráðu­neytið setti í vetur nýja reglu­gerð sem þrengir að vernd enn fleira fólks sem hingað leitar henn­ar. Kjarn­inn greindi frá því fyrr í dag að þrátt fyrir dig­ur­barka­legar yfir­lýs­ingar sjálfs for­sæt­is­ráð­herr­ans um að mannúð eigi að vera leið­ar­ljós í þessu mála­flokki, ekki síst þegar kemur að börn­um, þá standi þessi reglu­gerð óhögguð þrátt fyrir alvar­legar athuga­semdir Rauða kross­ins vegna þess­arar breyt­ing­ar.

Frá Rauða kross­in­um, úr fjöl­miðlum og frá vinum og vanda­mönnum þessa ólíka hóps sem sækja hér um grið, ber­ast ítrek­aðar sögur sem þessar innan úr þessu kerfi, hvort sem er um ræðir íþyngj­andi reglu­gerða­breyt­ing­ar, brott­vís­anir um miðjar næt­ur, synjun á end­ur­upp­tökum mála, synjun á efn­is­með­ferð mála, skolla­eyrum skellt við neyð­ar­ópi fjöl­skyldna, veiks fólks, veikra barna, venju­legs fólks og venju­legra barna. Bara fólks. Ein­stak­linga. Óskilj­an­legar ákvarð­an­ir. Ómann­úð­legar ákvarð­an­ir.

Ein­staka sinnum upp­lifum við þessa gleði­daga eins og dag­inn í dag. Þegar rangar ákvarð­anir eru gerðar réttar með einu penna­striki. Þar sem mannúð for­sæt­is­ráð­herra og alls­herj­ar- og mennta­mála­nefndar trompar loks­ins ómann­úð­lega fram­kvæmd kerf­is­ins. Þessa kerfis sem starfar á vegum sama for­sæt­is­ráð­herra, alls­herj­ar- og mennta­mála­nefndar en einnig rík­is­stjórn­ar­inn­ar, Alþingis alls, dóms­mála­ráðu­neyt­is­ins og Útlend­inga­stofn­un­ar. Og okkar allra.

Við ættum öll að vilja að allir dagar séu eins og dag­ur­inn í dag. Að kerfið virki eins og for­sæt­is­ráð­herra boð­aði - með mannúð að leið­ar­ljósi.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Bjarni Benediktsson er formaður Sjálfstæðisflokksins.
Bjarni segir rangt að hann „vilji Sósíalistaflokkinn feigan“
Formaður Sjálfstæðisflokksins segir að Gunnar Smári Egilsson snúi út úr orðum sínum um styrki til stjórnmálaflokka. Honum þyki 120 milljóna styrkur á kjörtímabilinu til flokks sem fékk enga þingmenn kjörna einfaldlega of há fjárhæð.
Kjarninn 16. ágúst 2022
Finnur Birgisson
Saga tekjutengingar ellilífeyris almannatrygginga frá 1946
Kjarninn 16. ágúst 2022
Gunnar Smári Egilsson er formaður framkvæmdastjórnar Sósíalistaflokks Íslands.
Segir Bjarna vilja ýkja völd Sjálfstæðisflokks umfram fylgi og draga úr áhrifum annarra
Bjarni Benediktsson hefur sagt að hann vilji draga úr opinberum styrkjum til stjórnmálaflokka. Gunnar Smári Egilsson segir ástæðuna þá að Sjálfstæðisflokkurinn þurfi ekki jafn mikið á greiðslu frá ríkinu að halda og áður.
Kjarninn 16. ágúst 2022
Hér má sjá Drífu Snædal, fyrrverandi forseta ASÍ, og Sólveigu Önnu Jónsdóttur, formann Eflingar þegar betur áraði i samskiptum þeirra á milli.
Segir ASÍ hafa beinlínis unnið gegn nýjum öflum innan verkalýðshreyfingarinnar
Formaður Eflingar segir fram­kvæmda­stjóra SA ekki missa svefn yfir útbreiddum svikum atvinnu­rek­enda á þeim kjara­samn­ingum sem hann gerir fyrir þeirra hönd. Í greinaflokki, sem byrjaði að birtast í morgun, ætlar hún að rekja sögu ágreinings innan ASÍ.
Kjarninn 16. ágúst 2022
Horft niður í Hvalfjörð frá Brekkukambi í Hvalfjarðarsveit. Á fjallinu stendur til að byggja vindorkuver.
Íslenskir sérhagsmunaaðilar með „erlenda orkurisa í farteskinu“
Þótt ekkert vindorkuver sé risið hafa áform um fjölmörg slík þegar valdið sundrungu og deilum innan samfélaga út um landið, segir Andrés Skúlason, verkefnisstjóri hjá Landvernd. Hann segir vindorkufyrirtæki beita miklum þrýstingi og jafnvel blekkingum.
Kjarninn 16. ágúst 2022
Auglýsing frá upphafi áttunda áratugar síðustu aldar.
Ævintýrið um Carmen rúllurnar
Hvað gerir danskur kaupmaður sem finnst hann ekki hafa nóg fyrir stafni? Hjá Arne Bybjerg kaupmanni í danska bænum Kalundborg var svarið einfalt: að framleiða hárrúllur. Hann gaf þeim nafnið Carmen.
Kjarninn 16. ágúst 2022
Eitt og annað ... einkum danskt
Eitt og annað ... einkum danskt
Ævintýrið um Carmen rúllurnar
Kjarninn 16. ágúst 2022
Sólveig Anna Jónsdóttir
Villimenn við borgarhliðið: Kreppa íslensku verkalýðshreyfingarinnar I
Kjarninn 16. ágúst 2022
Meira úr sama flokkiLeiðari