Auglýsing

Íslensku lands­liðin í fót­bolta, bæði karla og kvenna, hafa sent æsk­unni í land­inu þau mögn­uðu skila­boð, með árangri sín­um, að allt sé hægt. Það sama má segja um annað íþrótta­fólk, í bæði hóp- og ein­stak­lings­í­þrótt­um, sem nær að keppa á stærsta svið­inu og erf­ið­ustu mót­un­um. 

Að baki liggur mikil vinna sem síðan skilar árangri.

Nú á laug­ar­dag­inn ger­ist það sem hefur alla tíð verið svo til óhugs­andi; Ísland stígur inn á sviðið í loka­keppni HM í Rúss­landi og spilar við stjórnum prýtt lið fót­bolta­þjóð­ar­innar Argent­ín­u. 

Auglýsing

Sann­ar­lega ótrú­leg tíma­mót í íslensku íþrótta­lífi og ekki hægt annað en að fyll­ast stolti.



Sam­hliða þessum við­burði í Rúss­landi er að eiga sér stað annað ótrú­legt íþrótta­afrek. Tryggvi Hlina­son, frá Svart­ár­koti í Bárð­ar­dal, verður einn þeirra sem til greina kemur í nýliða­vali NBA deild­ar­inn­ar, sem fram fer í New York 21. júní.

Þetta er nán­ast lygi­legt afrek hjá Tryggva, ekki síst í ljósi þess að hann byrj­aði ekki að æfa körfu­bolta fyrr en fyrir um fimm árum. 

Hann sló í gegn með Þór frá Akur­eyri, þar sem hann lék undir góðri hand­leiðslu þjálf­ara sem greini­lega hafa gert honum gott og séð  í honum hæfi­leika. Síðan hefur hann sannað sig með lands­lið­inu og Val­encia á Spáni. Hann á fram­tíð­ina fyrir sér, svo mikið er víst.

Nýliða­valið í Banda­ríkj­unum er stór­við­burður í körfu­bolta­heim­in­um, og þús­undir leik­manna æfa árum saman til að reyna að ná inn í val­ið, í gegnum háskóla­bolt­ann í Banda­ríkj­unum og síðan einnig frá öðrum lönd­um. 

Lík­urnar á því að kom­ast að eru litlar og það er ekki bara nóg að vera góð­ur. Það eru allir góðir sem koma til greina. Það þarf eitt­hvað sér­stakt til að ná í gegn um nál­ar­aug­að.

Ekki síst í ljósi þessa, er afrek Tryggva hreint út sagt ótrú­legt.

Miðlar hér í Banda­ríkj­unum hafa sumir gefið til kynna að hann geti kom­ist í deild­ina, en síðan Draftsite.com spáir því að Tryggvi kom­ist inn seint í 2. umferð vals­ins. 

Pétur Guð­munds­son, besti körfu­bolta­maður sem Ísland hefur átt, komst inn í deild­ina í 3. umferð vals­ins árið 1981 á sínum tíma og lék í NBA deild­inni með Los Ang­eles Lakers, San Ant­onio Spurs og Portland Trail­blaz­ers.

Jón Arnór Stef­áns­son kom til Dallas Maver­icks á frjálsri sölu, en náði ekki að spila leik fyrir lið­ið. Afrek hans og Pét­urs eru mögn­uð, og má segja að þeir hafi rutt braut­ina fyrir íslenska körfu­bolta­menn, þegar kemur að því að senda út þau skila­boð að allt sé hægt, ef vilji og hæfi­leikar fara sam­an.

Gaman er að sjá þessi tíma­mót í íslensku íþrótta­lífi; íslenska liðið að brjóta blað í knatt­spyrnu­sög­unni sem fámenn­asta landið í sög­unni sem nær liði inn í úrslita­keppni HM og síðan að bónda­son­ur­inn úr Bárð­ar­dal sé einn þeirra sem komi til greina sem leik­maður í NBA í sjálfu nýliða­val­in­u. 

Draumar geta ræst. Þetta segir okkur það.

Halldóra Mogensen
Hvatar, skilyrðingar og skerðingar
Kjarninn 21. mars 2019
Flugiðnaðurinn samofinn hagsmunum ríkisins
Rekstrarvandi WOW air hefur lýst upp þá stöðu sem flugfélögin eru í, þegar kemur að kerfislægt mikilvægum geira. Flugfélögin eru of stór til að falla. Og svipað má segja um flugvélaframleiðendur. Vandi Boeing sýnir þetta glögglega.
Kjarninn 21. mars 2019
Orri Hauksson nýr í stjórn Isavia
Ingimundur Sigurpálsson er hættur sem stjórnarformaður Isavia en hann hætti einnig nýverið sem forstjóri Íslandspósts.
Kjarninn 21. mars 2019
Guðni Karl Harðarson
Fallegur hugur
Kjarninn 21. mars 2019
Stór hluti þeirra sem starfa í íslenska byggingageiranum eru erlendir ríkisborgarar.
Farið að hægja á fjölgun erlendra ríkisborgara sem flytja til Íslands
Erlendum ríkisborgurum sem setjast að á Íslandi hefur fjölgað gríðarlega á örfáum árum. Nú virðist sem farið sé að hægjast á fjölgun þeirra.
Kjarninn 21. mars 2019
Heimavellir voru skráðir í Kauphöll Íslands í fyrravor.
Heimavellir ráða nýjan framkvæmdastjóra
Nýr maður hefur tekið við stjórnartaumunum hjá Heimavöllum, stærsta leigufélagi landsins á almennum markaði. Nýverið var samþykkt að afskrá félagið úr Kauphöll Íslands, en það var fyrst skráð í hana í maí í fyrra.
Kjarninn 21. mars 2019
Sigurður Ingi Jóhannsson, samgöngu- og sveitastjórnarráðherra.
Frumvarp ráðherra heimilar sérstakt gjald á viðtakendur erlendra póstsendinga
Verði frumvarp samgöngu- og sveitastjórnarráðherra um síðari breytingar á póstlögum að lögum mun það leiða til aukins kostnaðar þeirra sem eiga viðskipti við erlendar netverslanir en draga úr kostnaði Íslandspósts.
Kjarninn 21. mars 2019
Jóhann Hauksson
Harðlífi varðmanna Landsréttar
Kjarninn 21. mars 2019
Meira úr sama flokkiLeiðari