Svar ráðherra um styrki til Nýsköpunarmiðstöðvar var rangt

Rangar upplýsingar birtust í svari Ragnheiðar Elínar Árnadóttur við fyrirspurn þingmanns Pírata vegna styrkja úr samkeppnissjóðum til Nýsköpunarmiðstöðvar. Styrkir voru sagðir hærri en þeir eru og úr færri sjóðum.

ragnheiður elín eygló harðardóttir
Auglýsing

Ragnheiður Elín Árnadóttir, iðnaðar- og viðskiptaráðherra, birti rangar upplýsingar í svari sínu vegna fyrirspurnar Helga Hrafns Gunnarssonar, þingmanns Pírata, um styrki til Nýsköpunarmiðstöðvar Íslands úr opinberum samkeppnissjóðum sem birtist á vef Alþingis 1. mars síðastliðinn. Kjarninn greindi ítarlega frá svarinu en samkvæmt því hafði Nýsköpunarmiðstöð Íslands fengið 875 milljónir króna úthlutað í styrka frá ársbyrjun 2007 til loka árs 2015 úr tveimur sjóðum, Rannsóknarsjóði og Tækniþróunarsjóði. Alls hefði miðstöðin sóst eftir 2,3 milljörðum króna og því fengið 38 prósent af þeirri upphæð sem hún sóttist eftir.

Í kjölfar fréttaskýringar Kjarnans, sem byggði á svari ráðherrans, bárust ábendingar um að þetta gæti ekki staðist. Styrkirnir sem um ræddi hlytu að koma úr fleiri sjóðum en þessum tveimur og þá þótti hlutfall þeirra styrkjabeiðna Nýsköpunarmiðstöðvar sem samþykktar voru vera grunsamlega hátt miðað við það sem gengur og gerist hjá öðrum tíðum styrkjarbeiðendum.

Svar ráðherrans rangt

Kjarninn sendi því fyrspurn á ráðuneytið og bað um útskýringar á þessu. Í svari ráðuneytisins er gengist við því að taflan sem birt var í svari ráðherrans við fyrirspurn þingmanns Pírata hafi verið röng. Svarið til Helga Hrafns hefur nú verið uppfært með réttum upplýsingum.

Auglýsing

Hið rétta er að Nýsköpunarmiðstöð hefur fengið tæplega 538 milljónir króna úr opinberum samkeppnissjóðum á árunum 2007-2015 en sótt um 2,3 milljarða króna. Því hafa 23,3 prósent umsókna sem miðstöðin hefur komið að verið samþykktar. Langstærsti hluti umsóknar Nýsköpunarmiðstöðvar hafa verið í þá sjóði sem Rannís hefur umsjón með: Tækniþróunarsjóð, Rannsóknarsjóð, Innviðasjóð og M-era.net, sjóður sem fjármagnaður er af Evrópusambandinu. Alls hefur Nýsköpunarmiðstöðin sótt um, annað hvort sem aðalumsækjandi eða meðumsækjandi, um 1.746 milljónir króna í þessa sjóði á tímabilinu. Alls hefur það fengið 360,2 milljónir króna úr sjóðunum, eða 20,6 prósent þess sem sótt hefur verið um.

Skipting styrkja eftir árum.Næst mest fjármagn hefur komið frá AVS sjóðinum, rannsóknarsjóði í sjávarútvegi, (44,2 milljónir króna) Vegagerðinni (40,6 milljónir króna), Orkusjóði (32,1 milljónir króna), Íbúðalánasjóði (35,2 milljónir króna), úr sjóðnum Georg (fimm milljónir króna) og frá öðrum opinberum sjóðum (20,5 milljónir króna).

Nýsköpunarmiðstöð Íslands er stofnun sem heyrir undir iðnaðar- og viðskiptaráðherra. Hlutverk hennar, samkvæmt lögum um hana,  er „að styrkja samkeppnisstöðu íslensks atvinnulífs og auka lífsgæði í landinu“. Á árinu 2015 fékk miðstöðin 537 milljónir króna í bein framlög úr ríkissjóði. Í ár er áætlað, samkvæmt fjárlögum, að hún fá samtals 569 milljónir króna úr ríkissjóði og muni auk þess afla sértekna upp á 843 milljónir króna. 

Skipting eftir samkeppnissjóðum.Samkvæmt lögum um Nýsköpunarmiðstöð fær hún tekjur sínar frá framlögum úr ríkissjóði, þjónustugjöldum, fjármagnstekjum, tekjum vegna hlutdeildar í félögum og „öðrum tekjum“.  Aðrar tekjur eru styrkir sem miðstöðin sækir í, meðal annars hjá samkeppnissjóðum sem hið opinbera fjármagnar.

Úthlutun úr Orkusjóði umdeild

Úthlutanir styrkja til Nýsköpunarmiðstöðvar Íslands komust í fréttir í október 2015 þegar Fréttablaðið greindi frá því að miðstöðin hefði fengið fjórðung þeirra styrkja sem Orkusjóður hafði nýverið úthlutað til alls ellefu verkefna. Í umfjöllun blaðsins kom fram að formaðurnefndarinnar sem velur hverjir fá styrki, Árni Sigfússon, er bróðir forstjóra Nýsköpunarmiðstöðvar Íslands, Þorsteins Inga Sigfússonar. Árni vék ekki sæti þegar fjallað var um styrkveitinguna. Árni kallaði umfjöllun Fréttablaðsins „ljótan leik“ í samtali við Stundina. Hann hafnaði því að eitthvað væri athugavert við úthlutunina, enda væri hún til ríkisstofnunar, ekki persónulega til bróður hans.

Forsvarsmaður fyrirtækisins Valorku kvartaði til iðnaðar- og viðskiptaráðuneytisins vegna málsins og taldi Árna vera vanhæfan til að koma að úthlutun styrka til Nýsköpunarmiðstöðvar vegna vensla. Hann vildi meina að málsmeðferðin hafi getað verið í andstöðu við stjórnsýslulög. Í öðrum kafla þeirra segir að nefndarmaður sé vanhæfur til meðferðar máls ef hann „er eða hefur verið maki aðila, skyldur eða mægður aðila í beinan legg eða að öðrum lið til hliðar eða tengdur aðila með sama hætti vegna ættleiðingar“ eða ef hann „tengist fyrirsvarsmanni eða umboðsmanni aðila með þeim hætti“. Auk þess teljast nefndarmenn vanhæfir ef „að öðru leyti eru fyrir hendi þær aðstæður sem eru fallnar til þess að draga óhlutdrægni hans í efa með réttu".  

Kjarninn greindi frá því í byrjun viku að umboðsmaður Alþingis hefði komist að þeirri niðurstöðu að Árni hefði verið vanhæfur til að veita styrki úr Orkusjóði til Nýsköpunarmiðstöðvar í fyrrahaust vegna vensla við forstjóra miðstöðvarinnar. Hann taldi enn fremur að úthlutanir úr Orkusjóði í fyrrahaust hafi þar af leiðandi ekki verið í samræmi við lög. 

Í yfirlýsingu sem Árni sendi frá sér í kjölfarið sagðist hann virða niðurstöðu umboðsmanns Alþingis. Miðað við niðurstöðuna hafi málið reynst hans mistök. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Bjarni Benediktsson fjármálaráðherra fékk 82 prósent atkvæða í fyrsta sætið í prófkjörinu, samkvæmt fyrstu tölum.
Bjarni, Jón og Bryndís efst samkvæmt fyrstu tölum
Kjörstöðum hefur nú verið lokað í prófkjöri Sjálfstæðisflokksins í Suðvesturkjördæmi. Bjarni Benediktsson, Jón Gunnarsson og Bryndís Haraldsdóttir skipa þrjú efstu sætin nú þegar tæpur þriðjungur atkvæða hefur verið talinn.
Kjarninn 12. júní 2021
Kári Árnason
Einkareknar forvarnir
Kjarninn 12. júní 2021
AGS býst ekki við að jafnmargir muni ferðast á næstu árum og á árunum fyrir faraldurinn.
Segir hátt vægi ferðaþjónustu og stífa kjarasamningagerð vera áhyggjuefni
Alþjóðagjaldeyrissjóðurinn segir að aukinn sveigjanleiki á vinnumarkaði, til dæmis með því að láta laun fylgja framleiðniþróun í meira mæli, gæti komið í veg fyrir að faraldurinn valdi langtímaskaða í hagkerfinu.
Kjarninn 12. júní 2021
Jón Gnarr
Hugmyndin um Ísland og menn sem giftast náfrænkum sínum
Kjarninn 12. júní 2021
Tæknivarpið
Tæknivarpið
Tæknivarpið – Uppfærslur hjá Apple á öllum stýrikerfum
Kjarninn 12. júní 2021
Ekkert komið fram sem kalli á breytingu á stefnu um hágæða Borgarlínu
Framkvæmdastjóri Betri samgangna svaraði á dögunum erindi sem þrýstihópur sem vill ódýrari Borgarlínu sendi á ýmsa aðila í vor. Í umfjöllun Betri samgangna er meðal annars bent á að það væri dýrast fyrir samfélagið að verja langmestu fé í stofnvegi.
Kjarninn 12. júní 2021
Stefán Ólafsson
Lágtekjuvandi lífeyrisþega
Kjarninn 12. júní 2021
Mona Lisa frímerkjaheimsins og frægasta frímerki Bandaríkjanna saman á uppboði
Á dögunum var mesta fágæti frímerkjaheimsins boðið upp, 165 ára gamalt einstakt frímerki frá Bresku Gvæjana sem seldist á milljarð króna. Á uppboðinu mátti einnig finna þekktasta prentgalla bandarískrar frímerkjasögu – flugvélina Jenny á hvolfi.
Kjarninn 12. júní 2021
Meira eftir höfundinnÞórður Snær Júlíusson
Meira úr sama flokkiFréttaskýringar
None