Endurkoma „4-4 f***ing 2“

Ísland er kannski fámennasta þjóðin á EM í Frakklandi, en með 4-4-2 leikkerfið getur það vel náð langt.

island-albania_9954556163_o.jpg
Auglýsing

Eitt besta atriði kvik­mynda­sög­unnar (!) er þegar Mike Bas­sett (Ricky Tom­l­in­son), lands­liðs­þjálf­ari Eng­lands, heldur blaða­manna­fund til að til­kynna um það eitt, að enska lands­lið­ið, undir hans stjórn, muni spila leikk­erfið „4-4 f***ing two“. Liðsval Bas­setts var umdeilt, svo ekki sé dýpra í árina tek­ið, og í­halds­semi hans fór ævin­týra­lega í taug­arnar á blaða­mönnum og aðdá­end­um.



Auglýsing

Leikk­erfið í for­grunni

Meist­ara­verkið Mike Bas­sett Eng­land Mana­ger – sem lík­lega telst ekki meist­ara­verk í huga neinna nema þeirra sem hafa brenn­andi áhuga á enskum fót­bolta og menn­ing­unni í kringum hann – setur leikk­erfið 4-4-2 í for­grunn. Fjórir varn­ar­menn, fjórir miðju­menn og tveir fram­herj­ar. Enska knatt­spyrnan upp á gamla mát­ann. Myndin kom út árið 2001 og er „költ“ skrímsli nú þeg­ar, fyr­ir­ þá sem ekki til þekkja.

Í seinni tíð hefur þetta kerfi dottið úr tísku, ef þannig má að orði kom­ast. Algeng­ast er að lið leiki með einn leik­mann fremstan, eða þrjá séu ­kant­menn­irnir teknir með. Mörg af stóru félög­unum í Evr­ópu­bolt­anum hafa gert þetta, og vissu­lega með góðum árangri. Leikk­erfin 4-3-3 eða 4-5-1 eru algeng­ust, þar sem þau þykja sveigj­an­legri og henta betur nútíma­fót­bolta. Eða þannig er í það minnsta stundum rætt um þau. 

Barcelona, Real Madrid, FC Bayern, Atlet­ico Madrid, PSG og Chel­sea – svo dæmi ­séu tekin – hafa öll not­ast við þessi leikk­erfi und­an­farin ár.

Það er komið aftur

En tvö dæmi um vel heppn­aða „end­ur­komu“ 4-4-2 leikk­erf­is­ins, á stærsta svið fót­bolt­ans, koma upp í hug­ann.  Auð­vitað finnst mér aug­ljós­ast að benda á ís­lenska lands­lið­ið, undir stjórn Lars Lag­er­back og Heimis Hall­gríms­son­ar. 

Frá­ ­fyrsta blaða­manna­fund­inum hjá Lars hefur það legið fyrir að 4-4-2 yrð­i ­leikk­erfi íslenska lands­liðs­ins. Ólíkt blaða­manna­fund­inum hjá Bas­sett, þá kom La­ger­back þessu til skila með yfir­veg­uðum hætti.

Það þarf ekki að rekja sög­una í smá­at­rið­um, en Ísland er á EM, fámennsta þjóðin í sög­unni til að ná svo langt, og komið með fyrsta stigið eftir frá­bært 1-1 jafn­tefli við sterkt lið Portú­gal. 

Bar­áttu­svipur skín af hverju and­liti leik­manna og leikk­erfið 4-4-2 hleður upp­ ­vegg sem and­stæð­ingum hefur reynst erfitt að brjóta nið­ur, og sóknin er beitt. Lyk­il­menn í varn­ar­leiknum eru fram­herj­arn­ir, Kol­beinn Sig­þórs­son og Jón Daði Böðv­ars­son, ­sem láta finna fyrir sér. Kol­beinn vann til dæmis 18 skalla­ein­vígi í leiknum gegn Portú­gal. Mark Íslands kom líka upp úr kunn­ug­legum hjól­förum 4-4-2 ­leikk­erf­is­ins. Kant­mað­ur­inn laumar sér á fjar­stöng­ina, fyrir aftan bak­vörð­inn, og setur bolt­ann inn eftir fyr­ir­gjöf frá kant­mann­inum hinu meg­in, Jóhanni Berg Guð­munds­syni.

Ísland er til alls lík­legt á mót­inu, og ekk­ert lið mun valta ­yfir skipu­lag­ið. Svo mikið er víst.

Leicester minnir á Black­burn

Hitt dæmið sem nefna má um vel heppn­aða end­ur­komu 4-4-2 ­leikk­erfis er hjá meist­ara­liði Leicester City í ensku úrvals­deild­inni. Þar kom gamli ref­ur­inn Claudio Rani­eri að stjórn félags­ins, og byrj­aði á því að festa ­niður leik­skipu­lag sem liðið myndi vinna eft­ir, alveg sama á hverju gengi. Til að ­gera langa sögu stutta, þá tókst Leicester hið ómögu­lega, sem var að vinna ­deild­ina, með fast­mótað 4-4-2 leikk­erfi. Það sem reynd­ist and­stæð­ing­unum erf­iðast, var að brjóta nið­ur­ ­leik­skipu­lagið og dugn­að­inn, frá fremsta manni til hins aftasta. All­ir hjálp­uð­ust að, og lögðu sitt af mörk­um. Tveir fram­herj­ar, fjórir miðju­menn og fjórir varn­menn, með traustan mark­vörð milli stang­anna.

Liðið minnti um margt á meist­ara­lið Black­burn Rovers frá­ 1995, þar sem 4-4-2 leikstíll­inn var aðals­merk­ið. Og byrj­un­ar­liðið var allt ­skipað breskum leik­mönnum sem vildu fá bolt­ann út á kant og gefa fyrir á hættu­lega fram­herja, Alan She­arer og Chris Sutton. Í mark­inu var Tim Flower­s, og varn­ar­línan var skipuð Le Saux, Jeff Kenna, Colin Hendry - sem fórn­aði sér fyrir liðið þegar á þurfti að halda - og Ian Pearce (Henn­ing Berg kom svo inn í liðið reglu­lega). Á miðj­unni voru Jason Wilcox, David Batty, Tim Sherwood og Stu­art Ripley. Þetta lið fór alla leið og vann tit­il­inn. Spil­aði gríð­ar­lega hraðan á ástríðu­mik­inn ­bolta, þar sem allir börð­ust hver fyrir annan og fóru í gegnum súrt og sætt (að­al­lega sætt samt) sem lið. Kunn­ug­legt?

Ekk­ert basl á okkur

Bas­sett átti í bölv­uðu basli með enska lands­lið­ið, ekki síst eftir að liðspartýið á HM í Bras­ilíu fór út um þúf­ur. Hann end­aði sjálf­ur ofurölvi uppi á borði. Hálf­leiks­ræðan gegn Mexíkó – ægi­legur fúk­yrða­flaumur – skil­aði heldur engum árangri. „Eng­land tap­aði, 4-0.“



Lars og Heimir eru hins vegar með lið í hönd­unum sem þarf ekki að fá neinn fúk­yrða­flaum framan í sig til að virka. Það eru allir með sín hlut­verk á hreinu og þannig hefur það verið frá fyrsta degi þeirra í starf­i. Ís­land er til alls lík­legt með 4-4-2 ræki­lega neglt nið­ur, og ástríðu­fulla góða leik­menn.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Mynd frá Hiroshima í Japan, tekin nokkrum mánuðum eftir að kjarnorkusprengju var varpað á borgina árið 1945.
Áttatíu og sex prósent vilja að Ísland fullgildi samning um bann við kjarnorkuvopnum
Samkvæmt nýrri könnun frá YouGov eru einungis þrjú prósent Íslendinga fylgjandi þeirri stefnu íslenskra stjórnvalda að fylgja stefnu NATÓ um að skrifa ekki undir samning Sameinuðu þjóðanna um bann gegn kjarnorkuvopnum. Samningurinn tekur gildi í dag.
Kjarninn 22. janúar 2021
Jón Ásgeir Jóhannesson.
Segir peningamarkaðssjóði ekki svikamyllu heldur form af skammtímafjármögnun
Fyrrverandi aðaleigandi Glitnis neitar því að peningamarkaðssjóðir bankanna hafi verið notaðir til að „redda“ eigendum þeirra fyrir hrun. Ríkisbankar þurftu að setja 130 milljarða króna inn í sjóðina en samt tapaði venjulegt fólk stórum fjárhæðum.
Kjarninn 21. janúar 2021
Jón Ásgeir segir Guðlaug Þór hafa tekið á sig sök í styrkjamálinu
Stjórnendur FL Group tóku ákvörðun um að veita háan styrk til Sjálfstæðisflokksins í lok árs 2006 og kvittun fyrir greiðslunni var gefin út eftir á. Þetta segir Jón Ásgeir Jóhannesson. Hann telur Geir H. Haarde hafa staðið á bakvið málið.
Kjarninn 21. janúar 2021
Norðurlöndin og Eystrasaltslöndin biðja AGS um að meta áhættu á peningaþvætti
Ríkisstjórn Íslands, ásamt ríkisstjórnum hinna Norður- og Eystrasaltslandanna, hefur beðið Alþjóðagjaldeyrissjóðinn um að greina ógnir og veikleika í tengslum við peningaþvætti í löndunum.
Kjarninn 21. janúar 2021
Stórt hlutfall lána í frystingu er líkleg útskýring lágs hlutfalls fólks á vanskilaskrá
Vanskil aldrei verið minni en í fyrra
Samkvæmt Creditinfo voru vanskil með minnsta móti í fyrra. Líklegt er að það sé vegna fjölda greiðslufresta á lánum í kjölfar faraldursins.
Kjarninn 21. janúar 2021
Björn Leví Gunnarsson, þingmaður Pírata.
Telur greinargerð ráðherra og kynningar á bankasölu ekki standast stjórnsýslulög
Stjórnarþingmenn í fjárlaganefnd taka undir með félögum sínum í efnahags- og viðskiptanefnd og vilja selja allt að 35 prósent í Íslandsbanka. Formaður Flokks fólksins segir að verið sé að einkavæða gróðann eftir að tapið var þjóðnýtt.
Kjarninn 21. janúar 2021
Um 60 prósent Garðbæinga geta ekki nefnt að minnsta kosti þrjá bæjarfulltrúa á nafn
Um 20 prósent íbúa Garðabæjar telja að ákvarðanir við stjórn sveitarfélagsins séu teknar ólýðræðislega. Sjálfstæðisflokkurinn mælist með 60 prósent fylgi í sveitarfélaginu en ánægja með meirihluta hans og bæjarstjóra er minni.
Kjarninn 21. janúar 2021
Saga Japans
Saga Japans
Saga Japans – 31. þáttur: Keisari undirheimanna
Kjarninn 21. janúar 2021
Meira eftir höfundinnMagnús Halldórsson
Meira úr sama flokkiFréttaskýringar
None