Engar upplýsingar fást um áhugasama kaupendur ríkiseigna

Ríkið vinnur að því að selja eignir sem komu í hlut þess með stöðugleikaframlagi slitabúa föllnu bankanna.

Fjármálaráðuneytið
Auglýsing

Ekki er hægt að fá upp­lýs­ingar um hvaða aðilar hafa sýnt á­huga á því að kaupa Lyfju af íslenska rík­inu, sam­kvæmt opin­berum svöru­m ­fé­lags­ins Lind­ar­hvols, sem ríkið á, en það heldur utan um safn eigna sem kom í skaut þess með stöð­ug­leika­fram­lagi slita­búa föllnu bank­anna.

Kjarn­inn spurð­ist fyrir um hverjir hefðu sýnt því áhuga að ­kaupa Lyfju, en í svari Lind­ar­hvols segir að ekki sé hægt að upp­lýsa um það, á þess­ari stundu.

Lyfja rekur um 30 apó­tek um allt land og hjá fyr­ir­tæk­inu starf um 300 manns.

Auglýsing

Hversu mörg til­boð hafa borist í Lyfju, og hvaða aðilar eru það sem hafa ­fengið að skoða gögn um efna­hag fyr­ir­tæk­is­ins?

„Eins og kemur nánar fram á heima­síðu Lind­ar­hvols ehf. þá var Lyfja hf. sett í opið ­sölu­ferli og var sölu­ferl­inu skipt upp í tvennt, ann­ars vegar fyrsta stig þar ­sem áhuga­samir aðilar gátu sent inn óskuld­bind­andi til­boð og síðan annað stig ­sem felur í sér áfram­hald­andi ferli sem á að skila sér í skuld­bind­andi til­boð­u­m á­huga­samra fjár­festa. Þar sem nið­ur­staðan af sölu­ferl­inu liggur ekki fyrir á þess­ari stundu og sölu­ferlið áfram í vinnslu er því ekki hægt að upp­lýsa nán­ar um stöðu sölu­ferl­is­ins opin­ber­lega á þessu stigi þess en upp­lýst verður um nið­ur­stöð­u þess þegar nær dreg­ur,“ segir í svari Lind­ar­hvols.

Hvaða eignir eru í sölu­ferli núna?

Með vísan til nán­ari upp­lýs­inga á heima­síð­u Lind­ar­hvols ehf., þar sem sölu­ferli eigna er til­kynnt en sölu­ferli þeirra er hagað í sam­ræmi við sam­þykktar reglur þess um sölu­ferli eigna í umsýslu ­fé­lags­ins, þá eru eft­ir­far­andi eignir í sölu­ferli núna: Lyfja hf., Vöru­kaup ehf. og kröfur á Glitni ehf., Klakka ehf. og Gamla Byr eign­ar­halds­fé­lag ehf,“ ­segir í svari Lind­ar­hvols.

Þá er einnig tekið fram í svar­inu að ekki sé hægt að upp­lýsa um á hvaða ein­stak­linga eða einka­hluta­fé­lög Lind­ar­hvoll eigi kröfu, þar sem slíkt ­sam­ræm­ist ekki per­sónu­vernd­ar­sjón­ar­miðum upp­lýs­inga­laga.Félag­inu er ekki heim­ilt að upp­lýsa opin­ber­lega um kröfur á til­tekna ein­stak­linga og einka­hluta­fé­lög,“ segir í svar­inu, og einnig tek­ið fram að ekki sé hægt að upp­lýsa um upp­hæðir sem um ræð­ir.

Bjarni Benediktsson, fjármála- og efnahagsráðherra og formaður Sjálfstæðisflokksins.

Búið að selja hluti í skráðum félögum

Lind­­ar­hvoll hefur á und­an­­förn­um vikum selt 6,38 pró­­sent hlut í Reitum fyrir 3,9 millj­­arða og 13,93 pró­­sent hlut í Sjóvá fyrir 2,8 millj­­arða. Kaup­endur voru fjár­­­festar á mark­að­i, líf­eyr­is­­sjóð­ir, bankar og trygg­ing­­ar­­fé­lög þar á með­­al. Lands­­bank­inn ann­að­ist ­söl­una sem fór fram í opnu sölu­­ferli á mark­aði.

Hinn 5. októ­ber næst­kom­andi rann út frestur til að skila inn­­ óskuld­bind­andi til­­­boðum í Lyfju hf. sem ríkið á að fullu.

Þeim sem áttu hag­­stæð­ust­u til­­boð­in er boðin áfram­hald­andi þátt­­taka í ferl­inu og fá aðgang að raf­­ræn­u ­­gagna­her­bergi með ítar­­legri gögn­um, kynn­ingu á félag­inu frá stjórn­­end­um Lyfju hf.  og gef­st kostur á að fram­­kvæma áreið­an­­leika­könnun á félag­inu.

Það er Virð­ing hf. sem sér um söl­una.

Hinn 29. sept­­em­ber síð­­ast­lið­inn aug­lýsti rík­ið svo eign­­ar­hluti sína í Glitni Holdco ehf., Klakka ehf., ogGamla Byr Eign­­ar­halds­­­fé­lag­i ehf.

Sölu­­ferlið byggir á sam­­þykktum reglum um sölu eigna ­rík­­is­­sjóðs ­sem eru í umsýslu Lind­­ar­hvols ehf., þar sem kemur fram að við sölu ­eigna skuli leggja áherslu á gagn­­sæi, hlut­lægni, jafn­­ræði og hag­­kvæmni. Með­ hag­­kvæmn­i er átt við að leitað sé hæsta verðs eða mark­aðs­verðs fyrir eign­irn­­ar, eins og segir á vef Linda­hvols.

Sölu­­ferlið er opið öllum aðilum gegn und­ir­­rit­un þeirra á trún­­að­­ar­yf­­ir­lýs­ingu og skil­­mála­bréfi.

Fjár­­­festar sem þess óska verður boðið að taka þátt í sölu­­ferl­inu gegn und­ir­­ritun þeirra á trún­­að­­ar­yf­­ir­lýs­ingu og skil­­mála­bréf þar að lút­­andi.

Áhuga­­sömum bjóð­endum var boðið að skila inn­ skuld­bind­and­i til­­boðum með sér­­stak­­lega til­­­greindum fyr­ir­vörum fyr­ir kl. 16.00, ­föst­u­dag­inn 14. októ­ber 2016, að því er sagði í aug­lýs­ingu.

Miklar eignir

Verð­­mæt­in, sem slitabú við­­skipta­­bank­anna þriggja auk minni slita­­búa lögðu fram í tengslum við gerð nauða­­samn­inga, má í meg­in­at­rið­u­m ­­flokka í laust fé, fram­sals­­eignir og fram­lag vegna við­­skipta­­banka.

Þar á meðal var eign­­ar­hlutur í Íslands­­­banka og skulda­bréf sem Kaup­­þing gaf út með veði í Arion banka hf. Skulda­bréfið verð­­ur­ greitt upp við sölu Arion banka hf. en rík­­is­­sjóður fær vaxta­­tekjur af bréf­in­u fram að því. Með öðrum orðum þá fær rík­­is­­sjóður sölu­and­virði Arion banka.

Banka­­sýsla rík­­is­ins fer með eign­­ar­hlut rík­­is­­sjóðs í Ís­lands­­banka og einnig í Lands­­bank­an­­um. Lind­­ar­hvoll ann­­ast umsýslu, ­fulln­ust­u og sölu ann­­arra eigna og hafa eft­ir­lit með svo­­nefndum fjár­­­sóps­­eign­­um.

Meðal þeirra eigna sem fóru í umsýslu hjá Lind­­ar­hvoli voru hlutir í eft­ir­­töldum félögum og sjóð­um: ALMC eign­­ar­halds­­­fé­lag ehf., AuЭur I fag­fjár­­­fest­inga­­sjóð­­ur, Bru II Venture Capi­­tal Fund, DOHOP, Eim­­skip hf., Eyr­ir­ In­vest hf., Inter­­net á Íslandi, Klakki ehf., Lyfja hf., Nýi Norð­­ur­t­urn­inn ehf., Reitir hf., S Hold­ing ehf., SAT eign­­ar­halds­­­fé­lag hf., SCM ehf., ög Sím­inn hf.

Loks eru í flokki fram­sals­­eigna ýmsar kröfur á ein­stak­l­inga og kröfur á 38 félög, sem falla undir per­­són­u­vernd­­ar­á­­kvæð­i ­upp­­lýs­inga­laga, og gefur Lind­­ar­hvoll ekki upp hvaða eignir þetta eru ­ná­­kvæm­­lega.

Verð­­mæti þess­­ara eigna, sam­tals, hleypur á tug­um millj­­arða króna.

Í stjórn Lind­­ar­hvols eru Þór­hall­ur ­Ara­­son úr fjár­­­mála- og efna­hags­ráðu­­neyt­ingu, sem jafn­­framt er stjórn­­­ar­­for­­mað­ur­, Ása Ólafs­dótt­ir, með­­­stjórn­­andi, og Haukur C. Bene­diks­­son, með­­­stjórn­­and­i, en hann hefur farið fyr­ir­ ­Eigna­safni Seðla­­banka Íslands.

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þórólfur Guðnason sóttvarnalæknir.
„Spítalinn var næstum því kominn á hliðina í þessum litla faraldri“
Þórólfur Guðnason sóttvarnalæknir var spurður beinskeyttra spurninga um gagnrýni sem fram hefur komið á opinberar sóttvarnaraðgerðir, meðal annars frá þingmönnum Sjálfstæðisflokksins, í viðtali í hlaðvarpsþætti á dögunum.
Kjarninn 25. nóvember 2020
Þorgerður Katrín Gunnarsdóttir, formaður Viðreisnar.
„Þessi ofbeldishrina er ekkert annað en skuggafaraldur“
Formaður Viðreisnar vill sérstakan aðgerðapakka til að koma í veg fyrir langtímaafleiðingar líkamlegs eða kynferðislegs ofbeldis. Hún segir stöðuna grafalvarlega – sem verði ekki hunsuð.
Kjarninn 25. nóvember 2020
Marínó Örn Tryggvason, forstjóri Kviku
Kvika, TM og Lykill sameinast
Tryggingarmiðstöðin hf., Kvika banki og fjármögnunarfyrirtækið Lykill hafa ákveðið að sameinast eftir tveggja mánaða viðræður.
Kjarninn 25. nóvember 2020
Besti knattspyrnumaður allra tíma látinn
Diego Maradona er látinn, sextugur að aldri.
Kjarninn 25. nóvember 2020
Víðir Reynisson yfirlögregluþjónn.
Víðir reyndist vera með COVID-19
Víðir Reynisson yfirlögregluþjónn hjá almannavarnadeild ríkislögreglustjóra hefur greinst með COVID-19, eftir að hafa áður greinst neikvæður í prófi á mánudag. Hann var þegar í sóttkví eftir að hafa orðið útsettur fyrir smiti í nærumhverfi sínu.
Kjarninn 25. nóvember 2020
Stóru viðskiptabankarnir þrír hafa borið þungann af því að deila út ríkisábyrgðarlánunum sem skýrslan fjallar um.
Stuðningslánum mögulega of naumt skammtað
Eftirlitsnefnd með lánum með ríkisábyrgð telur að ætla megi að innan við helmingur þeirra fyrirtækja sem sóst hafa eftir stuðningslánum fái út úr úrræðinu það fé sem þau telji sig þurfa. Nefndin skilaði skýrslu til ráðherra á dögunum.
Kjarninn 25. nóvember 2020
Heimsfaraldurinn rekur unga Íslendinga aftur heim í foreldrahús
Hlutfall ungra Íslendinga sem búa heima hjá foreldrum sínum hefur farið úr 42 í 70 prósent á innan við ári. Ljóst er að COVID-19 spilar þar stóra rullu, en atvinnuleysi hjá 18-24 ára hefur aukist um 134 prósent á einu ári.
Kjarninn 25. nóvember 2020
Á baðströnd í Hong Kong.
Farsóttin herjar aftur á fyrirmyndarríkin
Í Japan hafði fólk verið hvatt til að ferðast innanlands og fara út að borða. Herferðinni hefur snarlega verið hætt. Til stóð að ýta ferðabandalagi milli Hong Kong og Singapúr úr vör, þar sem fólk gæti ferðast án sóttkvíarkvaða. Af því verður ekki í bráð.
Kjarninn 25. nóvember 2020
Meira eftir höfundinnMagnús Halldórsson
Meira úr sama flokkiFréttaskýringar
None