Óvænt tilkoma Fillon hristir upp í frönsku forsetakosningunum

François Fillon vann stórsigur í prófkjöri hins íhaldssama Repúblíkanaflokks á sunnudaginn síðastliðinn. Sem helsti valkostur við öfgahægriframbjóðandann Marine Le Pen, veltur mikið á Fillon fyrir framtíð ESB ekki síður en framtíð Frakklands.

François Fillon.
François Fillon.
Auglýsing

Eftir að hafa mælst í fjórða sæti í skoð­ana­könn­unum mán­uði fyrir fyrstu umferð próf­kjörs­ins kom það veru­lega á óvart að François Fillon hafi ekki ein­ungis kom­ist í aðra umferð­ina, heldur unnið með eins afger­andi hætti og raun bar vitni. Í fyrstu umferð próf­kjörs­ins hlaut Fillon 44% atkvæða en Alain Juppé, borg­ar­stjóri í Bor­deaux og fyrr­ver­andi for­sæt­is­ráð­herra í for­seta­tíð Jacques Chirac, kom annar með 29%. Með því var ljóst að Nicolas Sar­kozy, fyrr­ver­andi for­seti Frakk­lands 2007-2012, sem hafði snúið aftur í stjórn­mál 2014 sem for­mað­ur Repúblíkana­flokks­ins (flokk­ur­inn bar nafn­ið Union pour un mou­vem­ent popu­laire (UMP) á þeim tíma), hafði verið slegið úr for­seta­bar­átt­unni af fyrr­ver­andi for­sæt­is­ráð­herra sín­um, Fillon; maður sem ráð­gjaf­ar Sar­kozy um­töl­uðu fyrir skömmu sem "Mr. Nobody". Í annarri umferð próf­kjörs­ins, þar sem tveir efstu fram­bjóð­end­urnir úr fyrstu umferð tók­ust á, hlaut Fillon 66,5% atkvæða og varð þar með­ ­for­seta­efni flokks­ins í kosn­ingum sem haldnar verða í apríl á næsta ári.

Kaþ­ólski Thatcher­ist­inn

Fillon stendur fyrir blöndu af íhalds­sömum og frjáls­lyndum stefnum og lýsti sjálfum sér opin­ber­lega sem „Thatcher­ista“ í próf­kjörs­bar­átt­unni sem er væg­ast sagt óvenju­legt í Frakk­landi þar sem van­traust á frjálsa verslun og stuðn­ingur við sterkt rík­is­vald á sér sterkar ræt­ur. Hann vill hrista upp í hag­kerfi lands­ins með því að taka slag­inn við verka­lýðs­fé­lög, fækka rík­is­starfs­mönn­um, afnema þrjá­tíu og fimm klukku­stunda vinnu­viku hjá hinu opin­bera, hækka eft­ir­launa­ald­ur­inn og fækka reglu­gerðum veru­lega. 



Auglýsing

Hins vegar ein­kenn­ist stefna hans einnig af félags­legri íhalds­semi með kaþ­ólsku ívafi - Fillon kaus gegn lög­leið­ingu hjóna­banda sam­kyn­hneigðra árið 2013 og lagði mikla áherslu á „hefð­bundin fjöl­skyldu­gildi“ í kosn­inga­bar­áttu sinni. Þá hefur hann tjáð að það séu "of margir" inn­flytj­endur í land­inu til að hægt sé að taka á móti þeim á sóma­sam­legan hátt og talar fyrir harð­línu­stefnu gegn „íslömskum hryðju­verk­um“ í bók sinni „Vaincre le tota­lit­ar­isme isla­mique“ (e. Conquer­ing Isla­mic Tota­lit­ari­an­ism) sam­hliða því að for­dæma námskrár í frönskum skól­um sem hann telur kenna nem­endum að „skamm­ast sín“ yfir nýlendu­sögu lands­ins. Fillon er vin­ur Vla­dimir Putin, for­seta Rúss­lands, og hefur lýst yfir vilja til að vinna með Rúss­landi í bar­átt­unni gegn Íslamska rík­inu í Sýr­landi. Þessar stefnur brutu í bága við miðjusinn­uðum stefn­um Juppé í próf­kjör­inu en ljóst er að fram­bjóð­end­urnir tveir fisk­uðu ekki á sömu miðum eftir stuðn­ing­i; Juppé til vinstri, Fillon til hægri.

Marine Le Pen, leiðtogi  Front National. MYND:EPA.Óvænt hindr­un Le Pen

Mar­ine Le Pen, leið­togi öfga­hægri­flokks­ins Front National (FN), hefur þegar haf­ist handa við að smíða saman orð­ræðu sem gagn­rýn­ir Fillon. Að vanda fyrir öfga­hægri­flokk er Fillon stimpl­aður sem „elít­isti sem stendur fyrir efna­hags­legri nýfrjáls­hyggju­stefnu sem gagn­ast ein­ungis fámennri valda­klíku. Hins vegar gerir harð­línu­stefna Fillon í inn­flytj­enda­mál­um Le Pen erfitt fyrir þegar kemur að því að aðgreina flokk sinn frá Repúblíkana­flokknum í mála­flokki sem hefur sögu­lega verið meg­in­upp­spretta fylg­is FNFillon gerir fólki sem hefði ann­ars verið lík­legt til að kjósa FN kleift að kjósa „virðu­legri flokk sem sam­ræm­ist skoð­unum þeirra að á svip­aðan hátt, og er hann í stöðu til að höfða sér­stak­lega til íhalds­samra kaþ­ólskra kjós­enda. Marion Maréchal-Le Pen, þing­mað­ur FN og barna­barn stofn­anda FNJean-Marie Le Pen, tjáði í síð­ustu viku að Fillon væri hættu­legur fyrir flokk­inn þar sem hann byggi til aðferða­fræði­legt vanda­mál sem FN yrði að yfir­stíga.

Þó að Fillon eigi því lík­lega tök á að sækja mikið fylgi á hægri­vængnum er hann fyr­ir­lit­inn á vinstri­vængnumFN mun eflaust reyna að nýta sér þessa andúð með popúl­isma sínum en flokk­ur­inn sækir nú þegar tölu­vert fylgi hjá fyrr­ver­andi vinstrisinn­uðum kjós­endum í iðn­að­ar­svæðum í Norð­ur- og Aust­ur-Frakk­landi sem hafa verið í efna­hags­legri lægð í langan tíma. Þá á eftir að koma í ljós hvernig spil­ast úr fram­bjóð­enda­bar­áttu hins sitj­andi vinstri­flokks Parti soci­aliste (PS). François Hollande er óvin­sæl­asti for­seti Frakk­lands í um fimm­tíu ár og á eftir að til­kynna um það hvort hann muni gefa kost á sér aftur í próf­kjöri flokks­ins í jan­úar en helsti keppi­nautur hans er tal­inn vera for­sæt­is­ráð­herra lands­ins, Manuel Valls, sem hingað til hefur sagst ein­ungis vilja bjóða sig fram ef Hollande gerir það ekki. Til að eiga ein­hverja mögu­leika verður flokk­ur­inn að sam­ein­ast um fram­bjóð­anda en nú þegar hef­ur Emmanuel Macron sagt af sér stöðu efna­hags­ráð­herra í rík­is­stjórn Valls til þess að bjóða sig fram í sínu eig­in, óháðu miðju­fram­boði.

Frexit?

Le Pen hef­ur heitið því frá árinu 2013 að ef hún vinni for­seta­kosn­ing­arnar þá muni hún muni halda þjóð­ar­at­kvæða­greiðslu um það hvort Frakk­land eigi að draga sig úr Evr­ópu­sam­band­in­u. Brexit hefur gefið henni auk­inn með­byr og er hugs­an­legt að for­seta­kosn­ing­arnar í Frakk­landi á næsta ári gætu skipt sköpum um framtið Evr­ópu­sam­bands­ins (ES­B). FillonMacron, og PS styðja áfram­hald­andi aðild en Brexit hefur neytt fram­bjóð­endur og flokka til að end­ur­hugsa áherslur sínar gagn­vart því hvernig eigi að umbæta ESB inn­an­frá og hvernig eigi að haga skiln­að­inum við Bret­land.

Sam­kvæmt tveim­ur skoð­ana­könn­unm sem fram­kvæmdar voru um helg­ina eru allar líkur á því að valið verði að lokum á milli Fillon og Le Pen í annarri umferð for­seta­kosn­ing­anna þar sem Fillon mun sigra örugg­lega. Í ljósi atburða árs­ins, þar á meðal til­komu Fillon sem for­seta­efni, er þó ekk­ert gefið í þessum efn­um.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
8 mínútur og 46 sekúndur leystu úr læðingi sársauka margra kynslóða
Ólgan í Bandaríkjunum snýst ekki aðeins um þær átta mínútur og 46 sekúndur sem lögreglumaður hélt hné sínu að hálsi George Floyds þar til hann lést. Hún á rætur í þjáningum margra kynslóða fólks er býr enn við misrétti sem er samgróið hugarfari valdhafa.
Kjarninn 4. júní 2020
Intenta segist í stakk búið til að taka við verkefnum sem Capacent sinnti áður
Ingvi Þór Elliðason, ráðgjafi og framkvæmdastjóri Intenta, sem fyrrverandi starfsmenn Capacent stofnuðu skömmu fyrir gjaldþrot fyrirtækisins, segir Intenta með þekkingu og getu til að taka við verkefnum sem Capacent sinnti áður.
Kjarninn 4. júní 2020
Lífeyrissjóður verzlunarmanna hefur aðsetur í Húsi verslunarinnar
Tæp tíu prósent útistandandi sjóðfélagalána LIVE í greiðsluhléi
Sjóðfélagalán í greiðsluhléi nema samtals ellefu milljörðum króna. Til samanburðar námu útistandandi sjóðfélagalán Lífeyrissjóðs verzlunarmanna við lok árs 2019 rúmum 120 milljörðum. Ávöxtun sjóðsins á fyrstu fjórum mánuðum ársins er áætluð 3,5 prósent.
Kjarninn 3. júní 2020
Tæknivarpið
Tæknivarpið
Tæknivarpið – Twitter tekur á rugli og Síminn sektaður
Kjarninn 3. júní 2020
Ástþór Ólafsson
Árið 1970 og upp úr
Kjarninn 3. júní 2020
Bjarni Benediktsson formaður Sjálfstæðisflokksins.
Sjálfstæðisflokkurinn áfram nærri kjörfylgi í nýrri könnun Gallup
Afar litlar breytingar urðu á fylgi flokka á milli mánaða, samkvæmt nýjum þjóðarpúlsi Gallup. Sjálfstæðisflokkurinn er áfram nærri kjörfylgi sínu og stuðningur við ríkisstjórnina mælist tæp 60 prósent á meðal þeirra sem taka afstöðu.
Kjarninn 3. júní 2020
Sex sakborningar í málinu, þeirra á meðal Bernhard Esau og Sacky Shanghala fyrrverandi ráðherrar í ríkisstjórn Namibíu, verða í gæsluvarðhaldi til 28. ágúst.
Namibísk yfirvöld hafa óskað liðsinnis Interpol vegna Samherjamálsins
Sex menn sem hafa verið í haldi namibískra yfirvalda vegna rannsóknar á Samherjaskjölunum verða áfram í haldi til 28. ágúst. Rannsókn málsins hefur reynst flókin og haf namibísk yfirvöld beðið Interpol um aðstoð.
Kjarninn 3. júní 2020
Fólk hefur flykkst á markaði víðsvegar um Indland eftir að útgöngubanni var aflétt.
Smitum á Indlandi fjölgar ört
Stjórnvöld á Indlandi eru að hefjast handa við að aflétta umfangsmesta útgöngubanni sem sett var á í kjölfar kórónuveirufaraldursins. Sjúkrahús í Mumbai hafa vart undan við að sinna sýktum en fellibylurinn Nisarga herjar nú á nágrenni borgarinnar.
Kjarninn 3. júní 2020
Meira eftir höfundinnOddur Stefánsson
Meira úr sama flokkiFréttaskýringar
None