Íslensk nýsköpun ferjuð milli landa

Nýverið fengu sex íslensk fyrirtæki stóra styrki frá Evrópusambandinu en það sem færri vita er að þau fengu öll hjálp frá aðilum sem sérhæfa sig í að undirbúa styrkumsóknir.

Hugmyndasmíð
Auglýsing

Miklir pen­ingar eru í svoköll­uðum „styrkja­bransa“ en nýverið voru sex íslensk fyr­ir­tæki meðal styrk­þega Evr­ópu­sam­bands­ins. Ísland tekur þátt í fjöl­mörgum sam­keppn­is­sjóðum Evr­ópu­sam­bands­ins á grund­velli EES-­sam­starfs­ins – samn­ings­ins um Evr­ópska efna­hags­svæð­ið.

Öll þessi fyr­ir­tæki not­uð­ust við þjón­ustu Evr­is, íslensks fyr­ir­tækis sem sér­hæfir sig í að hjálpa öðrum fyr­ir­tækjum að sækja um erlenda styrki með það að mark­miði að koma vöru þeirra á erlenda mark­aði.

Þurfa að stand­ast strangar kröfur

Evr­ópu­sam­bandið til­kynnti fyrr á árinu að ákveðið hefði verið að styrkja nýsköp­un­ar­starf­semi 257 lít­illa og með­al­stórra fyr­ir­tækja í 31 landi. Til­gang­ur­inn er að hjálpa fyr­ir­tækj­unum að koma afrakstri nýsköp­un­ar­verk­efna þeirra fyrr á markað en ella. Rann­sókna- og nýsköp­un­ar­sjóð­ur­inn Horizon 2020 styrkir þau fyr­ir­tæki sem höfðu bestu áætl­an­irnar til að klára ýmiss konar verk­efni. Alls bár­ust 2009 umsóknir fyrir þennan fyrsta umsókn­ar­frest árs­ins 2018 en Evr­ópu­sam­bandið veitir sams­konar styrki nokkrum sinnum á ári.

Auglýsing

Michael Mann Mynd: Evrópusambandið„Ný­sköp­un­ar­fyr­ir­tæki, sem ættu ef til vill erfitt með að þríf­ast í 350.000 manna umhverfi Íslands, kom­ast beint á 500 millj­óna alþjóða­mark­að, með öllum þeim tæki­færum sem því fylgir, í gegnum EES. Og þau þurfa að stand­ast mjög strangar kröfur til að fá að auki styrki frá Evr­ópu­sam­band­inu. Það væri athygl­is­vert að sjá úttekt á því, hversu mjög nýsköp­un­ar-, rann­sókna- og vís­inda­starf allt á Íslandi hefur tekið fram­förum á þessum 25 árum, sem bein afleið­ing af þátt­töku í sam­keppn­is­sjóðum ESB,“ segir Mich­ael Mann, sendi­herra Evr­ópu­sam­bands­ins á Íslandi.

Fimmt­ungur umsókna skilar árangri

Í til­kynn­ingu frá Evr­ópu­sam­band­inu segir að ekk­ert land standi sig betur í að fá SME-­styrki úr sjóðum Evr­ópu­sam­bands­ins en Ísland, því fimmt­ungur umsókna íslenskra aðila skilar árangri. Næstu lönd á eftir eru með 13 pró­sent árang­urs­hlut­fall, og allt niður í 1 pró­sent.

Á fyrsta stigi styrkja fyrir smá og með­al­stór fyr­ir­tæki eru veittar 50.000 evrur til hvers fyrirtækis.

Á fyrsta stigi styrkja fyrir smá og með­al­stór fyr­ir­tæki eru veittar 50.000 evrur til hvers fyr­ir­tæk­is, sem eru tæp­lega 6,1 milljón krón­ur, til að búa til við­skipta­á­ætl­un. Þau munu einnig fá aðgang að sér­stakri þjálfun og aðstoð til að flýta fyrir við­skipt­um, en þetta er þjón­usta Evr­ópska nýsköp­un­ar­ráðs­ins, sem hefur nýlega verið sett á lagg­irn­ar. Einnig verður fyr­ir­tækj­unum gefið færi á að sækja alþjóð­legar við­skipta­kaup­stefnur utan Evr­ópu. Á öðru stigi fá fyr­ir­tæki allt að 2.5 millj­ónir evra til vöru­þró­unar og und­ir­bún­ings alþjóð­legrar mark­aðs­setn­ing­ar. En sam­keppnin er gíf­ur­lega mikil og aðeins um 5 pró­sent umsókna á seinna stig­inu hljóta braut­ar­gengi.

Brú íslenskra fyr­ir­tækja til útlanda

Anna Margrét Guðjónsdóttir Mynd: Bára Huld BeckEvris er, ef svo má segja, brú íslenskra fyr­ir­tækja í nýsköpun til útlanda. „Við útvegum fjár­magn og þekk­ingu til að hjálpa fyr­ir­tækjum að fá styrki og þekk­ingu til vöru­þró­unar og und­ir­bún­ings alþjóð­legrar mark­aðs­setn­ing­ar,” segir Anna Mar­grét Guð­jóns­dótt­ir, fram­kvæmda­stjóri Evr­is.

Á öðrum enda brú­ar­innar er Evris og á hinum er stór hópur sér­fræð­inga sem vinnur erlend­is. Anna Mar­grét segir að hingað til hafi þau ein­blínt á Evr­ópu­styrki en nú sé einnig farið að bjóða upp á sams­konar þjón­ustu við fyr­ir­tæki sem vilja þróa vöru sína fyrir Banda­ríkja­markað og sækja um þró­un­ar­styrki í Banda­ríkj­un­um. Sömu­leiðis geti Evris haft milli­göngu um að opna nýja mark­aði og útvega erlenda fjár­mögn­un.

Mikil þekk­ing býr að baki

Hjá Evris eru tveir starfs­menn stað­settir hér á landi en fyr­ir­tækið opn­aði nýverið útibú í Dan­mörku. Það starfar í sam­vinnu við fyr­ir­tækið Inspiralia sem er með aðsetur á Spáni og í Banda­ríkj­unum og hefur fleiri en 150 sér­fræð­inga á sínum snær­um. Þar vinnur fólk sem er vant alþjóð­legum við­skipt­um, hefur ýmiss konar menntun og hjálpar m.a. til við umsókn­ar­ferli. Þessir aðilar búa yfir mik­illi þekk­ingu á slíkum ferlum og hjálp­ast að við að tengja smá íslensk fyr­ir­tæki við umheim­inn, að sögn Önnu Mar­grét­ar.



Athygli hefur vakið hversu margar umsóknir hafa komið frá eins fámennu landi og Ísland er. Anna Mar­grét segir að þau leiti að góðum fyr­ir­tækjum með ein­staka nýsköpun hér á landi og að hópur fag­fólks hjálpi síðan til við að greiða götu þess­ara litlu fyr­ir­tækja til þess að þau kom­ist í sam­band við réttu tengilið­ina.

Marg­feld­is­á­hrifin gríð­ar­leg

Anna Mar­grét segir að þegar fyr­ir­tæki fær stóran styrk þá deilist hann iðu­lega niður á nokkra aðila. Þeir sem fá styrk velji önnur fyr­ir­tæki til að vinna með sér og oft­ast séu þau sömu­leiðis íslensk. „Þannig eru marg­feld­is­á­hrifin af einum styrk mjög mik­il,“ segir hún. Miklir fjár­munir komi þannig inn í landið og – það sem mik­il­væg­ara er – þá flyst þekk­ing milli landa.

Það er feg­urðin í þessu, sú mikla þekk­ing sem íslensk fyr­ir­tæki í nýsköpun fá þegar þau vinna með þessum erlendu sérfræðingum.

Anna Mar­grét er ekki óvön umsókn­ar­ferlum en hún skrif­aði meist­ara­rit­gerð í opin­berri stjórn­sýslu um það hvernig þekk­ing er flutt á milli svæða. Hún vann í Brus­sel í nokkur ár en þar seg­ist hún hafa lært á sjóða­kerfi en sjálf skrif­aði hún nokkrar umsókn­ir. Hún sé þó hætt að skrifa umsókn­irnar sjálf, enda þurfi mikla sér­fræði­þekk­ingu til að gera það. Anna Mar­grét segir að gríð­ar­leg vinna liggi þar að baki.

Þrír og jafn­vel fjórir sér­fræð­ingar taka að sér að skrifa slíkar umsóknir og eru þeir oft með mjög sér­tæka menntun á borð við verk­fræði, líf­vís­indi, sjáv­ar­líf­fræði, for­rit­un, umhverf­is­fræði og alþjóða­við­skipti. „Það er feg­urðin í þessu, sú mikla þekk­ing sem íslensk fyr­ir­tæki í nýsköpun fá þegar þau vinna með þessum erlendu sér­fræð­ing­um. Umsókn, sem slík, er ekki mark­miðið heldur að greiða leið íslenskrar þekk­ingar á alþjóð­lega mark­að­i,“ segir Anna Mar­grét.

Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Dagur B. Eggertsson borgarstjóri Reykjavíkur.
Eftirlitsaðilar fái heimildir til að skoða leiguhúsnæði
„Það sem maður situr svolítið eftir með í kjölfar brunans á Bræðraborgarstíg er að þar sem um íbúðarhúsnæði var að ræða er ábyrgðin [á eldvörnum] samkvæmt lögum og reglugerðum fyrst og fremst eigandans,“ segir Dagur B. Eggertsson borgarstjóri.
Kjarninn 29. nóvember 2020
Schengen-samstarfið hefur átt undir högg að sækja vegna veirufaraldursins. Víða hefur innri landamærum svæðisins verið lokað. Þessi mynd er frá pólska landamærabænum Cieszyn í sumar, þar sem landamæralokun Tékka var mótmælt.
Sótt að Schengen
Árið 2020 hefur tekið á Schengen-samstarfið. Landamæralokanir vegna faraldursins, flóttamannamál og hryðjuverkaárásir hafa vakið upp spurningar um hvaða stefna skuli mörkuð og líklegt er að samstarfið taki einhverjum breytingum.
Kjarninn 29. nóvember 2020
Mette Frederiksen forsætisráðherra komst við er hún ræddi við fjölmiðla eftir að hafa heimsótt minkabú í síðustu viku og rætt við bændur sem höfðu misst frá sér ævistarfið.
Minkaklúðrið
Danska ríkisstjórnin hefur sætt mikilli gagnrýni vegna minkamálsins svonefnda, þar sem margt hefur farið úrskeiðis. Nú síðast þegar ekki var fylgt tilmælum varðandi urðun hræjanna. Algjört klúður í eitt og allt segja danskir fjölmiðlar.
Kjarninn 29. nóvember 2020
Fimm manns sem voru gestkomandi á heimili Víðis og eiginkonu hans síðasta laugardag eru smituð af kórónuveirunni.
Ellefu urðu útsett fyrir smiti á heimili Víðis
Auk Víðis Reynissonar yfirlögregluþjóns og eiginkonu hans eru fimm manns í nærumhverfi hjónanna, sem voru gestkomandi á heimili þeirra síðasta laugardag, smituð af kórónuveirunni. Víðir segir hjónin hafa verið verulega slöpp í gær, en skárri í dag.
Kjarninn 28. nóvember 2020
Fréttaþættirnir Heimskviður verða ekki á dagskrá RÚV á nýju ári.
Heimskviður hverfa af dagskrá Rásar 1
Gera þarf breytingar á dagskrá Rásar 1 vegna hagræðingaraðgerða hjá Ríkisútvarpinu. Ein þeirra er sú að Heimskviður, fréttaskýringarþáttur um erlend málefni, verður ekki lengur á dagskrá á nýju ári. Einnig mun þurfa að endurflytja meira efni.
Kjarninn 28. nóvember 2020
Hallgrímur Hróðmarsson
Hver er hann þessi sem gengur alltaf með veggjum?
Kjarninn 28. nóvember 2020
Gylfi Zoega, hagfræðiprófessor við Háskóla Íslands
Gylfi ver ummæli Tinnu um landamæraskimanir
Prófessor í hagfræði útskýrir hagfræðilegu rökin fyrir því að skylda komufarþega að fara í skimun á landamærunum og láta þá borga hátt gjald fyrir það í nýjasta tölublaði Vísbendingar.
Kjarninn 28. nóvember 2020
Svandís Svavarsdóttir, heilbrigðisráðherra.
Margir héldu að málið væri í höfn – en svo er ekki
Heilbrigðisráðherra segir að liggja verði ljóst fyrir hversu miklum peningum verði ráðstafað í samning við sjálfstætt starfandi sálfræðinga áður en hann verður gerður til þess að fjármunum verði varið með sem bestum hætti.
Kjarninn 28. nóvember 2020
Meira eftir höfundinnBára Huld Beck
Meira úr sama flokkiInnlent