Sigurvegari kappræðna Demókrata: Donald Trump

Kappræður Demókrata um forsetaefni flokksins vörpuðu ljósi á deilur innan flokksins. Enginn frambjóðandi virðist fullkominn mótherji gegn Trump.

Hluti frambjóðenda Demókrata til forseta Bandaríkjanna.
Hluti frambjóðenda Demókrata til forseta Bandaríkjanna.
Auglýsing

Hart var tek­ist á í vik­unni í kapp­ræðum fram­bjóð­enda Demókrata um for­seta­efni flokks­ins fyrir for­seta­kosn­ing­arnar í Banda­ríkj­unum árið 2020. Deilur inn­byrðis innan flokks­ins voru áber­andi og eng­inn fram­bjóð­andi virð­ist vera full­kom­inn mótherji gegn Don­ald Trump, sitj­andi for­seta.

Fram­bjóð­end­urnir voru afar bein­skeyttir í gagn­rýni sinni á hvor ann­an. Oft og tíðum bentu fram­bjóð­endur á að þau ættu að ein­beita sér að mik­il­væg­asta mál­efn­inu, það er hvernig væri hægt að sigra Trump, fremur en að berj­ast inn­byrð­is.

Auglýsing
Frambjóðendum Demókra­ta­flokks­ins var skipt í tvo hópa í vik­unni. Bernie Sand­ers og Eliza­beth War­ren áttu sviðs­ljósið fyrra kvöld­ið, en Kamala Harris og Joe Biden hið seinna. 

Fyrra kvöld­ið: Sand­ers og War­ren

Öll spjót beindust að Bernie Sand­­ers og Eliza­beth War­ren í fyrri kapp­ræð­un­um. Þau hafa mest fylgi þeirra sem tóku þátt í kapp­ræð­unum fyrri. Mótherjar þeirra þeirra sögðu þau lofa upp í erm­ina á sér með því að boða ókeypis heil­brigð­is­­þjón­­ustu fyrir Banda­­ríkja­­menn. 

Mynd: EPA. Elizabeth Warren, forsetaframbjóðandi Demókrata.

War­ren og Sand­­ers náðu þó að kom­­ast hjá því að takast beint á við hvort ann­að, þrátt fyrir að vera séð sem helstu keppi­­nautar hvors ann­­ars. Í stað­inn lögðu þau bæði áherslu á að ná til ungs fólks og kjós­­enda sem ekki séu hvít­­ir. Þau lögðu einnig áherslu á að fram­­bjóð­andi demókrata þyrfti að hafa skýra og rót­tæka sýn fyrir Banda­­rík­­in. 

Helsti gagn­rýn­andi War­ren og Sand­­ers var John Dela­­ney sem sak­aði tvíeykið um að hafa slæma stefn­u­­skrá, lofi öllu fögru og not­ist við „æv­in­týra hag­fræði“ sem myndi valda því að Trump yrði end­ur­kos­inn. 

Seinna kvöld­ið: Biden og Harris

Jos­eph R. Biden, fyrrum vara­­for­­seti Banda­­ríkj­anna, og Kamala Harris, öld­unga­­deild­­ar­­þing­­maður og fyrrum umdæm­­issak­­sókn­­ari, tók­ust hart á. Í fyrsta hluta kapp­ræð­anna fyrr í sumar tók­ust þau harka­­­lega á, sér­­­stak­­­lega um mál­efni minn­i­hluta­hópa. Því voru öll augu á þeim í seinni kapp­ræð­un­um.

Mynd: EPA. Kamala Harris, forsetaframbjóðandi Demókrata.

Biden og Harris gagn­rýndu hvort annað á víxl fyrir stefnu sína í heil­brigð­is­mál­um. Aðrir fram­bjóð­endur gagn­rýndu einnig Biden. Biden var ásak­aður af sam­herjum sínum að vera með of harða inn­­flytj­enda­­stefnu, að vera ekki nógu hlið­hollur kven­rétt­indum og að hann væri of gjarn á að bendla sig við Obama. 

Julian Castro, fyrrum ráð­herra hús­næð­is­­mála og borg­­ar­­þró­un­­ar, sótti til að mynda hart að Biden vegna fyrri stefnu hans í inn­­flytj­enda­­mál­u­m. Hann var jafn­­framt gagn­rýndur fyrir stefnu sína í íraks­­stríð­inu, við­­skiptum og lofts­lags­­mál­­um. 

Óvænta stjarna seinni kapp­ræð­anna var Cory Booker, öld­unga­­deild­­ar­­þing­­mað­­ur. Booker sem er fimm­tugur telst afar fram­­sæk­inn innan Demókra­ta­­flokks­ins. Hann hefur lengi barist gegn hörðum refs­ingum fyrir fíkn­i­efna­brot og önnur brot sem ekki eru ofbeld­is­brot. 

Booker gagn­rýndi Biden, sér­stak­lega hvað varðar fyrrum refsi­stefnu hans í mál­efnum fíkni­efna­neyt­enda. Jafn­framt sagði hann fyrrum for­set­ann bendla sig við Obama eftir hent­ug­­leika en víkja undan þegar stefna fyrrum for­­set­ans væri gagn­rýnd. Hann sagði Biden ekki geta valið hvenær hann bendli sig við Obama og hvenær ekki. 

Deilt um Trump

Á báðum kvöldum kapp­ræðn­anna var Don­ald Trump, sitj­andi Banda­ríkja­for­seti, eitt helsta umfjöll­un­ar­efni fram­bjóð­enda og spyrla. Mikið var deilt um hvort fram­­sæk­inn eða íhalds­­­samur fram­­bjóð­andi Demókrata gæti unnið sitj­andi for­seta í kom­andi kosn­­ing­un­­um.

Jay Ins­­lee, einn fram­­bjóð­end­anna, sagði að ekki gætu Banda­­ríkin lengur við unað að hafa hvítan þjóð­ern­is­­sinna í Hvíta hús­inu. Hann sagði jafn­­framt að Banda­­ríkin þyrftu að vera staður sem fólk gæti sótt sér skjól. 

Pete Buttigieg, einn fram­­bjóð­end­anna í fyrri kapp­ræð­un­um, upp­­skar mikið lófa­klapp við orð sín að sama hvort næsti fram­­bjóð­andi demókrata væri vinstri­­maður eða íhalds­­­samur þá myndu Repúblík­­anar halda uppi þeim áróðri að fram­­bjóð­and­inn væri öfga-sós­í­a­listi. Því væri eins gott að berj­­ast fyrir almennri ókeypis heil­brigð­is­­þjón­­ustu.

Mari­anna Willi­am­­son, höf­und­­ur, spír­it­isti og einn fram­­bjóð­end­anna, sótti hart að gagn­rýnendum War­ren og Sand­­ers. Hún sagð­ist ekki skilja hvers vegna þau væru Demókratar þar sem þeim þyki rangt að nota verk­­færi rík­­is­ins til að hjálpa fólki. Willi­am­­son var­aði einnig við „myrkum öfl­­um“ sem Trump væri að vekja upp í Banda­­ríkj­un­­um. 

Trump sig­ur­veg­ar­inn

Þrátt fyrir að fram­bjóð­endur Demókrata voru óhræddir við að gagn­rýna Trump var óein­ing á meðal fram­bjóð­end­anna sjálfra þó skýr. Allir fram­bjóð­endur Demókrata voru afar bein­skeyttir í gagn­rýni sinni á sam­herja sína og gagn­rýndu hvorn annan til að mynda vegna stefnu sinnar í heil­brigð­is­mál­um, mál­efnum inn­flytj­enda og stefnu sinnar í dóms­mál­um.

Mynd: EPA. Donald Trump, forseti Bandaríkjanna.

Sumir fram­bjóð­end­anna bentu á að það að takast á inn­byrðis myndi ein­ungis styrkja stöðu Trump. Fjöl­margir stuðn­ings­menn sitj­andi for­seta fögn­uðu átökum Demókratanna ákaft auk þess sem þeir fögn­uðu hversu mikið fram­bjóð­end­urnir gagn­rýndu Obama, fyrrum for­seta Banda­ríkj­anna.

Matt Schlapp, for­maður Íhalds­sam­bands Banda­ríkj­anna, Amer­ican Conservative Union, og dyggur stuðn­ings­maður Trump, skrif­aði til að mynda í færslu á Twitter að Obama hlyti að líða illa að sjá fyrrum vini sína ráð­ast gegn honum fyrir lélega heil­brigð­is­stefnu og rasíska inn­flytj­enda­stefnu.

For­set­inn var ófeim­inn að skrifa færslur á Twitter um kapp­ræður Demókratanna. Hann sagði til að mynda í einni færsl­unni að Demókrat­arnir gætu ekki gert Amer­íku frá­bæra á ný eða haldið Amer­íku frá­bærri.

Hver getur sigrað Trump?

Í næstu kapp­ræðum munu færri fram­­bjóð­endur stíga á stokk. Til þess að kom­­ast áfram í næstu umferð þurfa fram­­bjóð­endur að hafa náð að minnsta kosti tveggja pró­­senta stuðn­­ingi úr fjórum skoð­ana­könn­un­um, auk 130.000 stuðn­­ings­að­ila. ­Sem stendur hefur Sand­ers hæsta fjölda stuðn­ings­að­ila, eða 746.000. Þar á eftir kemur War­ren með 421.000 stuðn­ings­að­ila og Buttigieg með 390.000. Harris og Biden fylgja þar á eftir með 277.000 og 256.000 stuðn­ings­að­ila. 

Sand­ers er sá fram­bjóð­andi sem hefur safnað hæstu upp­hæð fram­laga með 36 millj­ónir Banda­ríkja­dala. Buttigieg kemur þar á eftir með 32 millj­ón­ir, War­ren með 25 millj­ón­ir, Harris með 24 millj­ónir og Biden 22 millj­ón­ir. Því virð­ist sem Sand­ers, War­ren, Harris, Biden og Buttigieg muni fara áfram í næstu umferð.

Fjöl­margar skoð­ana­kann­anir sýna að kjós­endur Demókrata vilja frekar kjósa fram­bjóð­anda sem getur sigrað Trump en fram­bjóð­anda sem þau séu sam­mála. Því verður spenn­andi að sjá hverjum kjós­endum Demókrata treysta til að keppa við sitj­andi for­seta.

Í upphafi árs 2020

Við á Kjarnanum göngum bjartsýn og einbeitt inn í nýtt ár og þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Jóhannes Stefánsson.
Segir eina leið til að þakka Jóhannesi að gefa í baukinn hjá sjóðnum sem styður hann
Óskað eftir fjárhagslegum stuðningi almennings við uppljóstrara eins og Jóhannes Stefánsson. Hann hafi þegar orðið fyrir „heiftarlegum persónuárásum og níði“ og kostnaður við lögfræðikostnað hans sé þegar byrjaður að hrannast upp.
Kjarninn 27. janúar 2020
Fallinn risi mætir örlögum sínum
„Verst geymda leyndarmál Hollywood“ var afhjúpað haustið 2017 og hrinti af byltingu kenndri við metoo. Reynsla yfir hundrað kvenna er sú sama: Harvey Weinstein nýtti sér yfirburðastöðu sína til að áreita þær og beita ofbeldi. Réttarhöldin eru nú hafin.
Kjarninn 27. janúar 2020
Jóhannes Hraunfjörð Karlsson
Hugmyndafræðin að baki auðsöfnuninni
Kjarninn 27. janúar 2020
Tilboð Eflingar kostar tæpa fjóra bragga á ári
Fram kom á kynningu Eflingar á kostnaðarmati vegna tilboðs stéttarfélagsins til Reykjavíkurborgar að kostnaðarauki vegna hækkun launa næmi tæpum fjórum bröggum árið 2023.
Kjarninn 27. janúar 2020
Lýsa yfir óvissustigi á Íslandi vegna kórónaveirunnar
Ríkislögreglustjóri hefur lýst yfir óvissustigi almannavarna í samráði við sóttvarnalækni og embætti landlæknis vegna kórónaveiru.
Kjarninn 27. janúar 2020
Guðmundur hættur sem bæjarstjóri Ísafjarðarbæjar
Bæjarstjóri Ísafjarðarbæjar hefur látið af störfum. Ástæðan er ólík sýn hans og meirihluta bæjarstjórnar á verkefni á vettvangi sveitarstjórnarstigsins.
Kjarninn 27. janúar 2020
Þórður Snær Júlíusson
Lélegir kapítalistar hampa braski sem snilld
Kjarninn 27. janúar 2020
„Stöðvum tanngreiningar“ – Vilja fella þjónustusamning úr gildi
Nú stendur yfir undirskriftasöfnun þar sem skorað er á háskólaráð að standa vörð um mannréttindi flóttafólks og umsækjenda um alþjóðlega vernd með því að fella þjónustusamning HÍ við Útlendingastofnun úr gildi.
Kjarninn 27. janúar 2020
Meira eftir höfundinnGuðbjörg Ríkey Th. Hauksdóttir
Meira úr sama flokkiFréttaskýringar