Allt á suðupunkti í Bretlandi

Miklar sviptingar eru í breskum stjórnmálum og er staðan heldur betur farin að flækjast varðandi Brexit. Forsætisráðherrann hefur sagt að hann vildi heldur vera „dauður úti í skurði“ en að fresta Brexit frekar. Hann telur frestun algjörlega tilgangslausa.

Boris Johnson, forsætisráðherra Bretlands.
Boris Johnson, forsætisráðherra Bretlands.
Auglýsing

Boris Johns­son hefur verið for­sæt­is­ráð­herra frá því 23. júlí síð­ast­lið­inn en á þessum stutta tíma hefur hann gengið í gegnum margt. Hann missti meiri­hlut­ann á þing­inu á þriðju­dag­inn síð­ast­lið­inn og neðri mál­stofa þings­ins sam­þykkti í gær að hann þyrfti að sækja um frestun á útgöng­unni til 31. jan­úar næst­kom­andi, en það var ekki sam­kvæmt óskum hans. 

John­son sagði í dag að hann vildi heldur vera „dauður úti í skurði“ en að fresta Brexit frek­ar. Hann telur frestun algjör­lega til­gangs­lausa. Hann lagði til í gær­kvöld að boðað yrði til þing­kosn­inga þann 15. októ­ber næst­kom­andi áður en Bretar eiga að ganga úr Evr­ópu­sam­band­inu. Þingið hafn­aði til­lög­unn­i. 

Reynir aftur eftir helgi

For­sæt­is­ráð­herr­ann ætlar að reyna aftur á mánu­dag að fá þingið til að sam­þykkja til­lögu um þing­kosn­ingar í októ­ber. Neðri mál­stofa breska þings­ins sam­þykkti í gær að hafi samn­ingar um útgöng­una ekki náðst fyrir 18. októ­ber, beri for­sæt­is­ráð­herr­anum að fara til Brus­sel og semja um seinkun á útgöng­unni til 31. jan­úar næst­kom­andi. Þannig vildu þing­menn tryggja að ekki verði gengið úr ESB án samn­ings. 

Auglýsing

Verka­manna­flokk­ur­inn hefur ekki viljað sam­þykkja þing­kosn­ing­ar, þar sem þing­menn flokks­ins ótt­ast að þeim verði seinkað fram yfir útgöngu­dag­inn, sem áætl­aður er 31. októ­ber og að Bret­land gangi þá úr ESB án samn­ings.

Af­staða John­son hefur verið skýr. Hann hefur sagt að náist ekki samn­ingar fyrir 31. októ­ber sé best að ganga úr sam­band­inu án samn­ings. Hann gagn­rýndi Cor­byn harð­lega í gær fyrir að styðja ekki til­lögu um þing­kosn­ingar og sagði að ef hann yrði for­sæt­is­ráð­herra myndi hann grát­biðja leið­toga ESB um frestun og að lík­lega yrði útgöng­unni frestað um mörg ár undir hans stjórn.

Fleiri póli­tískar ófarir hafa þó dunið yfir. Phillip Lee, þing­maður Íhalds­flokks­ins, gekk í fyrra­dag til liðs við Frjáls­lynda demókrata í stjórn­ar­and­stöð­unni. Það hafði þær afleið­ingar að John­son hafði ekki lengur meiri­hluta á breska þing­inu. Lee sagði í yfir­lýs­ingu að hann teldi leið­ina sem rík­is­stjórn John­son hefði valið í Brexit vera skað­lega.

Ekki allir á eitt sáttir í Verka­manna­flokknum

John McDonn­ell, einn af for­ystu­mönnum stjórn­ar­and­stöð­unn­ar, sagði að Verka­manna­flokk­ur­inn vildi kosn­ingar en að for­gangs­mál þeirra væri að koma í veg fyrir útgöngu úr ESB án samn­ings. 

Hann gekkst jafn­framt við því að innan flokks­ins væru ekki allir á eitt sáttir um æski­lega tíma­setn­ingu þing­kosn­inga og bætti því við að for­ystan væri að ráð­færa sig við lög­fróða ein­stak­linga og stjórn­ar­and­stöðu­flokka varð­andi hvað væri best að gera. Í þætt­inum BBC Break­fast sagði McDonn­ell að honum þætti betra að halda kosn­ingar „fyrr en síð­ar.“

Cor­byn tjáði sig á Twitter í gær og sagði að þegar Brexit án samn­ings væri út af borð­inu í eitt skipti fyrir öll þá ætti þingið að leita umboðs fólks­ins svo hægt væri að ákveða fram­tíð lands­ins. 



Bróðir Borisar hættir

Tölu­vert var fjallað um bróðir for­sæt­is­ráð­herr­ans í breskum fjöl­miðlum í dag en Jo John­son til­kynnti í morgun að hann segði af sér sem ráð­herra og þing­maður Íhalds­flokks­ins.

Frá þessu greindi hann á Twitt­er-­síðu sinni en þar sagði hann að þjóð­ar­hags­munir og per­sónu­legir hags­munir hefðu skar­ast.

Þetta er þó ekki í fyrsta sinn sem Jo John­son hættir í rík­is­stjórn vegna Brexit en hann sagði af sér sem sam­göngu­ráð­herra í rík­is­stjórn Ther­esu May í nóv­em­ber síð­ast­liðnum því hann studdi ekki útgöngu­samn­ing henn­ar.

Í þjóð­ar­at­kvæða­greiðslu um útgöngu árið 2016 greiddi John­son atkvæði með áfram­hald­andi veru Bret­lands í ESB en hann er tölu­vert hall­ari undir Evr­ópu­sam­bandið en bróðir sinn. 



Dótt­ur­sonur Churchills rek­inn úr flokknum

Þing­menn breska Íhalds­flokks­ins greiddu síðan í fyrra­kvöld atkvæði gegn John­son í þing­inu til að stöðva útgöngu úr Evr­ópu­sam­band­inu án samn­ings en til­lagan sem breska þingið sam­þykkti með 27 atkvæða mun gaf þverpóli­tískum hópi þing­manna dag­skrár­vald í þing­inu. Alls greiddi 21 þing­maður Íhalds­flokks­ins atkvæði með til­lög­unni þrátt fyrir að John­son hefði hótað þeim brott­rekstri úr þing­flokkn­um. Atkvæða­greiðslan var sú fyrsta í þing­inu eftir að John­son tók við emb­ætti.

Einn af þeim sem var rek­inn úr Íhalds­flokknum í fyrra­dag var Nicholas Soa­mes, afa­barn Win­ston Churchills sem var for­sæt­is­ráð­herra í seinni heims­styrj­öld og aftur nokkrum árum síð­ar.



Sitt sýn­ist hverjum

Þegar fjöl­miðlar eru skoð­aðir í Bret­landi þá má glögg­lega sjá mis­mun­andi áherslur í umfjöllun þeirra. Sumir miðlar kalla Corby kjúkling fyrir að „þora ekki“ í kosn­ingar og aðrir telja John­son vera búinn að mála sig út í horn með fram­ferði sínu og aðgerð­um.

Blöðin í Bretlandi Mynd: Samsett

En hvað sem því líður má búast við áfram­hald­andi svipt­ingum í breskum stjórn­málum á meðan stjórn­mála­fólk finnur út úr því hvernig það ætlar að leysa úr flækjum tengdum Brex­it.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Bjarni Benediktsson fjármála- og efnahagsráðherra kynnir nýtt fjárlagafrumvarp í morgun.
Stóru breytingarnar snúast um gjöldin af bílunum og akstrinum
Fjármálaráðherra segir að það stefni að óbreyttu í óefni hvað varðar tekjuöflun hins opinbera af ökutækjum og akstri. Jafna þurfi byrðar og láta rafbílaeigendur greiða meira. Hækkun kolefnisgjalds kemur til greina, en gæta þarf að jafnræði.
Kjarninn 30. nóvember 2021
Bjarni Benediktsson, fjármála- og efnahagsráðherra og formaður Sjálfstæðisflokksins, við kynningu á fjárlagafrumvarpi ársins 2022 í morgun
Afkoma ríkissjóðs batnar um 120 milljarða króna milli ára
Bjartari sviðsmyndir um afkomu ríkissjóðs eru að raungerast. Peningar verða settir í viðbótarhækkun á bótum örorku- og endurhæfingarlífeyrisþega og framlög til heilbrigðismála aukast mest. Ef markaðsástæður eru góðar verður ráðist í frekari sölu á banka.
Kjarninn 30. nóvember 2021
Frá gjörgæsludeildinni á Landspítalanum.
Gjörgæsluálagið vegna COVID-19 með því mesta á Norðurlöndunum
Ísland hefur færri gjörgæslurými á höfðatölu en öll hin Norðurlöndin. Vegna þess var mun hærra hlutfall þeirra undirlagt af COVID-19 sjúklingum hérlendis þegar faraldurinn var í hæstu hæðum heldur en í Noregi, Danmörku og Finnlandi.
Kjarninn 30. nóvember 2021
Ísland raðgreinir mest í heimi
Í Suður-Afríku, þar sem hið nýja afbrigði kórónuveirunnar Ómíkron greindist fyrst í síðustu viku, eru innan við 1 prósent jákvæðra sýna raðgreind. Hlutfallið er langhæst á Íslandi.
Kjarninn 29. nóvember 2021
Jóhanna Sigurðardóttir, fyrrverandi forsætisráðherra.
Jóhanna gagnrýnir ríkisstjórn undir forystu Vinstri grænna fyrir að fjölga ráðuneytum
Fyrrverandi forsætisráðherra segir það vekja furðu að Vinstri græn ætli að „afhenda íhaldinu“ umhverfis-og loftslagsmálin. Það hafi barist kröftulega gegn rammaáætlun í áratug.
Kjarninn 29. nóvember 2021
Orri Páll Jóhannesson er nýr þingflokksformaður Vinstri grænna.
Orri Páll þingflokksformaður Vinstri grænna
Orri Páll Jóhannsson var í dag valinn þingflokksformaður Vinstri grænna. Bjarni Jónsson verður ritari þingflokksins.
Kjarninn 29. nóvember 2021
Katrín Jakobsdóttir forsætisráðherra.
„Umhverfismálin eiga að vera alls staðar“
Katrín Jakobsdóttir segist horfa á boðaða stækkun Vatnajökulsþjóðgarðar sem áfanga í átt að þjóðgarði á borð við hálendisþjóðgarðinn, sem bakkað er með í nýja stjórnarsáttmálanum. Kjarninn ræddi umhverfismál við Katrínu í gær.
Kjarninn 29. nóvember 2021
Bólusetningarvottorð gildi aðeins í níu mánuði
Stjórn Evrópusambandsins hefur lagt til að bólusetningarvottorð gildi í níu mánuði í stað tólf. Örvunarskammtur framlengi svo gildistímann.
Kjarninn 29. nóvember 2021
Meira eftir höfundinnBára Huld Beck
Meira úr sama flokkiErlent