Heinaste kyrrsett á grundvelli laga um skipulagða glæpastarfsemi

Kyrrsetningu togarans Heinaste, sem er í eigu Samherja, var aflétt í fyrradag. Í morgun var hann hins vegar kyrrsettur á ný. Sekt sem Samherji greiddi vegna brota skipstjóra Heinaste var greidd í reiðufé.

heinaste_mynd_.jpg
Auglýsing

Yfir­völd í Namibíu hafa kyrr­sett skipið Heinaste á nýjan leik. Skip­ið, sem er í eigu Esju Hold­ing, félags sem Sam­herji á meiri­hluta í, var fyrst kyrr­sett í nóv­em­ber á sama tíma og íslenskur skip­stjóri þess var hand­tek­inn vegna meintra ólög­legra veiða á hrygn­ing­ar­svæði undan ströndum Namib­íu.

Skip­stjór­inn, Arn­grímur Brynj­ólfs­son, var í far­banni allt þar til á mið­viku­dag er hann, eftir að hafa játað brot sitt nokkrum dögum fyrr, var dæmdur til sekt­ar­greiðslu. Sektin hljóð­aði upp á 950 þús­und namibískra doll­ara eða um átta millj­ónir íslenskra króna.

Sam­kvæmt heim­ildum Kjarn­ans fór dóm­stól­inn fram á að sekt­ar­upp­hæðin væri greidd í reiðu­fé. Á meðan seðl­arnir voru sóttir í banka mátti Arn­grímur ekki yfir­gefa rétt­ar­sal­inn. Er sektin var svo greidd fékk Arn­grímur vega­bréf sitt að nýju, var laus úr far­banni og kyrr­setn­ingu Heinaste sömu­leiðis aflétt.

Arn­grímur er nú kom­inn heim til Íslands.

Á grund­velli laga um skipu­lagða glæp­a­starf­semi

Í morg­un, tveimur sól­ar­hringum síð­ar, herma heim­ildir Kjarn­ans að lög­reglu­yf­ir­völd í Namibíu hafi kyrr­sett skipið á ný og nú á grund­velli laga um skipu­lagða glæp­a­starf­semi, ekki brota á fisk­veiði­lög­gjöf­inni eins og í fyrra skipt­ið.

Yfir­völd í Namibíu fóru í byrjun árs fram á að tog­ar­inn yrði gerður upp­tæk­ur. Kröfum þess efnis var hins vegar vísað frá dómi á mið­viku­dag að því er fram kom í namibískum fjöl­miðl­um. Kyrr­setn­ingin nú er til bráða­birgða á meðan yfir­völd vinna að form­legri kröfu­gerð sinni.

Auglýsing
Samherji sendi frá sér til­kynn­ingu í gær þar sem fram kom að unnið væri að því að gera Heinaste út í Namibíu og að tíma­bundið yrði það fólgið í því að leigja skipið namibískum aðilum og tryggja sem flestum úr áhöfn skips­ins áfram­hald­andi vinnu. Þau áform eru nú í upp­námi.

Ráð­lagt að leyfa skip­unum ekki að fara

Namibískir fjöl­miðlar hafa greint frá því und­an­farna daga að spill­ing­­ar­lög­reglan í Namibíu hafi ráð­lagt þar­­lendum stjórn­­völdum að leyfa skipum Sam­herja ekki að fara frá land­inu nema að hún verði látin vita. Þrátt fyrir það hafa tvö af þremur skipum Sam­herja í land­inu, Geysir og Saga, farið þaðan á und­an­­förnum dög­­um. 

Á mán­u­dag var greint frá því að Geys­i hefði verið siglt frá Namib­­­íu. Skipið yfir­­gaf landið á sunn­u­­dags­­kvöld og skildi yfir 100 sjó­­­menn eftir í óvissu. Namibian Sun sagði á mán­u­dag að sjó­­­menn­irnir hefðu ekki fengið að vita neitt í aðdrag­anda þess að skipið sigldi á brott utan þess að þær upp­­­lýs­ingar feng­ust að það myndi snúa til baka þegar það fengi úthlutað nýjum fisk­veið­i­­kvóta. 

Þetta var  í annað sinn á örfáum dögum sem fregnir bár­ust frá Namibíu þess efnis að skip í eigu Sam­herja væru að hverfa frá land­inu. Á föst­u­dag var greint frá því í mið­l­inum New Era að skipið Saga, sem siglir undir merkjum dótt­­ur­­fé­lags Sam­herja á Kýpur og hefur um ára­bil veitt hrossa­­makríl í lög­­­sögu Namib­­íu, hefði fyr­ir­vara­­laust siglt frá land­inu. Þá fengu sjó­­menn­irnir á Sögu, sem eru um 120 tals­ins, sms-skila­­boð um að þeir þyrfti að sækja eigur sínar um borð án tafar vegna þess að skipið væri á leið til Kanarí­eyja í við­­gerð. Einn sjó­­mann­anna sagði við New Era að van­inn væri sá að um 15 skip­verjar færu alltaf með Sögu þegar það færi í við­­gerð. Annar sagð­ist hafa fengið þau svör hjá útgerð­inni að skipið myndi ekki snúa aftur næstu sex mán­uð­i. 

Ásak­­anir um sölu Heinaste á hrakvirði

Þriðja skip Sam­herja í Namibíu er svo Heina­ste, sem verið hefur kyrr­­sett í land­inu. Það er í eigu namibísks félags sem íslenska sjá­v­­­­­­ar­út­­­­­­­­­vegs­­­­­fyr­ir­tækið Sam­herji á stóran hlut í í gegnum dótt­­­­ur­­­­fé­lag sitt Esju Hold­ing. Aðrir eig­endur eign­­­­ar­halds­­­­­­­fé­lags Heinaste eru namibísk félög, meðal ann­­­­ars Arctic Nam Invest­ments. Saman eiga namibísku félögin 42 pró­­­­sent í félag­inu en eina eign þess er áður­­­­­­­nefndur tog­­­­ari, Heinaste. 

Auglýsing
New Era greindi frá 20. jan­úar að minn­i­hluta­eig­endur í Esju Hold­ing hefðu ásakað Sam­herja um sið­­­­lausa hegðun með því að reyna að selja Heinaste á hrakvirði til ann­­­­ars félags. Í mið­l­inum er haft eftir Vigrilio De Sousa, stjórn­­­­­­­ar­­­­for­­­­manni Arctic Nam Invest­ments, að Sam­herji sé að reyna að selja sjálfum sér Heinaste á 19 millj­­­­ónir Banda­ríkj­andala  með við­­­­skiptafléttu sem inn­­­i­heldur einnig rús­s­­­­neskt fyr­ir­tæki. Skipið var keypt á 28 millj­­­­ónir Banda­­­­ríkja­dala fyrir tveimur árum síðan og því er verð­mið­inn nú um þriðj­ungi lægri en hann var þá. 

De Sousa sagði enn fremur að Sam­herji hafi fjar­lægt alla namibíska stjórn­­­­endur út úr stjórn félags­­­­ins sem á Heinaste. Hann grunar að þetta sé gert til þess að auð­velda enn frekar sölu tog­­­­ar­ans risa­­­­vaxna á hrakvirð­i. 

Sam­herji ætlar að draga úr starf­­­semi 

Sam­herji greindi frá því í yfir­­­lýs­ingu sem birt­ist á heima­­­síðu fyr­ir­tæk­is­ins um miðjan jan­úar að það væri að draga úr starf­­­­­semi sinni í Namibíu um þessar mundir með það að mark­miði að hætta alfarið rekstri í land­inu. Það væri hins vegar ljóst að það myndi taka ein­hvern tíma. 

Síðan þá hafa hlut­irnir gerst hratt. Nokkrum dögum eftir að sú til­­­kynn­ing var send út var greint frá því að namibíska rík­­­­is­út­­­­­­­gerðin Fis­hcor, sem stýrt var af mönnum sem sitja í fang­elsi fyrir að hafa þegið mútur frá Sam­herja, hefði ekki átt fyrir launum fyrir des­em­ber og jan­ú­­­ar­mán­uð. Til að bregð­­­­ast við þeirri stöðu var 25 þús­und tonna kvóti af hrossa­­­­makríl færður til útgerð­­­­ar­innar til að úthluta gegn greiðslu. Alls vinna meira en þús­und manns hjá Fischor, sem gerir útgerð­ina að næsta stærsta atvinn­u­rek­anda í hafn­­­­ar­bænum Lüderitz í Namib­­­­íu. 

­Fyrr­ver­andi sjá­v­­­­­ar­út­­­­­­­vegs­ráð­herra Namib­­­­íu, Bern­hard Esau, úthlut­aði alls um 360 þús­und tonnum af hrossa­­­­makríl­kvóta til Fis­hcor frá árinu 2014 og fram á síð­­­­asta ár. Hluti þess kvóta var seldur til Sam­herja og grunur leikur á að íslenski sjá­v­­­­­ar­út­­­­­­­vegs­ris­inn hafi greitt mútur til að fá þann kvóta á lægra verði en eðli­­­­legt hefði ver­ið. Þær mút­­­u­greiðslur fóru meðal ann­­­­ars til fyrr­ver­andi stjórn­­­­­­­ar­­­­for­­­­manns Fis­hcor, James Hatuikulipi, áður­­­­­­­nefnds Esau og aðila þeim tengd­­­­um. 

The Namibian greindi frá því 20. jan­úar að inn­­­­an­hús­­­­menn í sjá­v­­­­­ar­út­­­­­­­vegi teldi að Fis­hcor ætl­aði sér að nota tog­­­ar­ann Heina­ste, sem var kyrr­­­­settur af namibískum yfir­­­­völdum í fyrra, til að veiða hinn nýút­­­­hlut­aða kvóta. Heinaste er að mestu í eigu Sam­herja. Bennet Kangumu, stjórn­­­­­­­ar­­­­for­­­­maður Fis­hcor, vildi þó ekki stað­­­­festa þetta í sam­tali við blað­ið. 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Þuríður Harpa Sigurðardóttir, formaður Öryrkjabandalagsins.
Segir fullyrðingar Bjarna rangar
„Það er ánægjulegt að fá loks að ræða þessi mál við þig, og við erum tilbúin til þess hvenær sem er, eins og ósvaraðir tölvupóstar síðustu þriggja ára í innhólfi tölvu þinnar bera vott um,“ segir í bréfi formanns ÖBÍ til fjármálaráðherra.
Kjarninn 29. október 2020
Jeremy Corbyn, fyrrverandi leiðtogi breska Verkamannaflokksins.
Jeremy Corbyn vikið úr Verkamannaflokknum
Fyrrverandi formanni breska Verkamannaflokksins var í dag vikið tímabundið úr flokknum vegna viðbragða sinna við nýrri skýrslu um gyðingaandúð innan flokksins. Corbyn sagði þau mál öll hafa verið blásin upp í pólitískum tilgangi.
Kjarninn 29. október 2020
Áslaug Arna Sigurbjörnsdóttir dómsmálaráðherra skrifar undir reglugerðarbreytinguna.
Ísland býður erlenda sérfræðinga velkomna ef þeir eru með milljón á mánuði eða meira
Til að fá langtímavegabréfsáritun til að stunda fjarvinnu á Íslandi þurfa útlendinga að vera með að minnsta kosti eina milljón króna á mánuði. Ef maki er með í för þurfa tekjurnar að vera að minnsta kosti 1,3 milljónir króna.
Kjarninn 29. október 2020
Sjómenn hafa á undanförnum árum ítrekað kvartað til Verðlagsstofu skiptaverðs yfir því hve lágt hráefnaverðið á uppsjávartegundum er á Íslandi.
Margt gæti skýrt að miklu meira sé greitt fyrir síld í Noregi en hér
Verðlagsstofa skiptaverðs birti á dögunum samanburð á síldarverðum í Noregi og á Íslandi, sem sýndi að hráefnisverð síldar var að meðaltali 128 prósentum hærra í Noregi en hér á landi á árunum 2012-2019, á meðan að afurðaverðið var svipað.
Kjarninn 29. október 2020
Þórólfur Guðnason sóttvarnalæknir.
Boðar hertar aðgerðir á landsvísu „sem fyrst“
Sóttvarnalæknir boðar hertar aðgerðir vegna kórónuveirufaraldursins og vill að þær verði samræmdar um allt land. Langflest smit hafa komið upp á höfuðborgarsvæðinu en þeim fjölgar nú á Norðurlandi. Á Austurlandi er ekkert smit.
Kjarninn 29. október 2020
Enn greinast smit hjá starfsfólki og sjúklingum á Landakoti
Smit greinast ennþá hjá starfsfólki og sjúklingum sem voru útsettir á Landakoti fyrir COVID-19. Ekkert nýtt smit hefur greinst utan hins skilgreinda útsetta hóps starfsmanna og sjúklinga.
Kjarninn 29. október 2020
Saga Japans
Saga Japans
Saga Japans – 25. þáttur: Hefnd köngulóarkonunnar
Kjarninn 29. október 2020
Andlátin í þessari bylgju orðin þrjú
Einn einstaklingur lést á Landspítala síðasta sólarhring vegna COVID-19, samkvæmt tilkynningu á vef spítalans. Andlátin þar eru því tvö á einungis tveimur dögum.
Kjarninn 29. október 2020
Meira eftir höfundinnÞórður Snær Júlíusson
Meira úr sama flokkiFréttaskýringar