Mynd: Tómas Guðbjartsson

„Að morgni skal eldstöð lofa“

Tómas Guðbjartsson fór að gosstöðvunum í Geldingardal aðfaranótt sunnudags. Þar tók hann fjölmargar myndir. Hér er afraksturinn.

Að morgni skal eldstöð lofa“. Þannig hefst stöðuuppfærsla frá útivistarmanninum og lækninum Tómasar Guðbjartssonar á Facebook.

Hann einn þeirra fjölmörgu sem hafa lagt leið sína að gosstöðvunum í Geldindardal á Reykjanesskaga. „Ég eyddi nóttinni við gosstöðvarnar með góðum vinum í nótt. Einhver stórkostlegasta nótt sem ég hef upplifað nokkru sinni - enda fengum við fallegan veðurglugga og sterkur sunnanvindur sá til þess að blása burt óæskilegum gösum. Það getur verið að þetta sé ekki stærsta gos Íslandssögunnar en það er með þeim fallegustu sem ég hef séð,“ skrifaði Tómas.

Tómas segir í samtali við Kjarnann að hópurinn sem hann hafi verið í hafi talið fjóra: Harald Örn Ólafsson, Örvar Þór Ólafsson, Rakel Mánadóttur og hann sjálfan. „Við ákváðum að hjóla á fjallahjólum inn Nátthagadal sem tók um 50 mínútur eftir Suðurstrandavegi og slóðum. Við gengum svo í um 40 mínútur upp á Fagradalsfjall. Alls voru þetta 22 kílómetrar fram og til baka í myrkri en með ljós og allt gekk afar vel.“

Hann segir að hópurinn hafi eytt um þremur klukkustundum á gossvæðinu og að allir hafi verið komnir í bólið um klukkan fimm að morgni sunnudags.

Að sögn Tómasar voru aðstæður frábærar þegar hópurinn dvaldi á svæðinu. Vindur var um tíu metrar á sekúndu úr suðri sem gerði það að verkum að að gas blés í burtu. Fámennt var á svæðinu á þessum tíma, þokulaust og þurrt.

Hann tók fjölmargar myndir af sjónarspilinu sem varð aðfaranótt sunnudags. Og gaf Kjarnanum góðfúslegt leyfi til að birta þær. Fyrir þá sem skoða myndirnar í síma er mælst til þess að snúa honum á breiddina til að þær njóti sannmælis.

Mynd: Tómas Guðbjartsson
Mynd: Tómas Guðbjartsson
Mynd: Tómas Guðbjartsson
Mynd: Tómas Guðbjartsson
Auglýsing
Mynd: Tómas Guðbjartsson
Mynd: Tómas Guðbjartsson
Mynd: Tómas Guðbjartsson
Mynd: Tómas Guðbjartsson

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Efnisflokkar:
Meira úr sama flokkiFréttaskýringar