Birgir Þór Harðarson

Svona eru líkur frambjóðenda á að komast á þing

Sitjandi þingmenn, og einn flokksformaður, eru í mikilli hættu á að missa þingsæti sitt í komandi kosningum. Mikil endurnýjun er í kortunum en alls 27 frambjóðendur sem sitja ekki á þingi eru líklegir til að ná þingsæti. Mjög mjótt er á munum í nokkrum kjördæmum og staðan getur breyst hratt. Kjarninn birtir fyrstu þingsætaspá sína í aðdraganda kosninga.

Kjarn­inn og Baldur Héð­ins­son fram­kvæma kosn­inga­spá í aðdrag­anda hverra kosn­inga. Frá árinu 2014 hefur spáin verið keyrð tví­vegis fyrir borg­ar­stjórn­ar­kosn­ing­ar, fyrir for­seta­kosn­ing­arnar 2016 og 2020, og þing­kosn­ingar 2016 og 2017. Hún er því keyrð nú, í aðdrag­anda kosn­inga 2021, í sjö­unda sinn.

Sam­hliða er keyrð þing­sæta­spá sem byggir á reikni­lík­ani Bald­urs. Hún er fram­kvæmd þannig að keyrðar eru 100 þús­und sýnd­ar­kosn­ingar miðað við fylgi flokka í kosn­inga­spánni sem birt var í gær­morg­un, 15. sept­em­ber. ­Reikni­líkanið úthlutar svo kjör­dæma- og jöfn­un­ar­sætum út frá nið­ur­stöð­un­um. Líkur fram­bjóð­anda á að ná kjöri er þess vegna hlut­fall „sýnd­ar­kosn­inga“ þar sem fram­bjóð­and­inn nær kjöri.

Í stuttu máli er aðferða­fræðin sú að fylgi fram­boða í skoð­ana­könn­unum er talin lík­leg­asta nið­ur­staða kosn­inga að við­bættri óvissu sem byggir á sögu­legu frá­viki kann­ana frá kosn­inga­úr­slit­um. Sögu­leg gögn sýna að fylgni er á milli þess að ofmeta/van­meta fylgi flokks í einu kjör­dæmi og að ofmeta/van­meta fylgi flokks­ins í öðrum kjör­dæm­um. Frá­vikið frá lík­leg­ustu nið­ur­stöðu fyrir flokk er því ekki óháð milli kjör­dæma. Ef frá­vikið er nei­kvætt í einu kjör­dæmi fyrir ákveð­inn flokk aukast lík­urnar á að það sé sömu­leiðis nei­kvætt í öðrum kjör­dæm­um.

Auglýsing

Þeir fram­bjóð­endur sem mæl­ast inni eins og er, alls 63 tals­ins, eru merktir með app­el­sínu­gulum þrí­hyrn­ing.

Þegar lík­indin eru skoðuð er vert að hafa sér­stak­lega í huga að mjög lítil breyt­ing á fylgi Flokks fólks­ins getur gert það að verkum að hann eigi rétt á jöfn­un­ar­sætum og fái þá að lág­marki þrjá þing­menn. Sú breyt­ing myndi breyta mynd­inni mik­ið. Þá má einnig benda á að í sumum kjör­dæmum er mjög mjótt á munum milli síð­asta fram­bjóð­anda sem nær kjöri og þess sem er næstur inn. Í sumum til­fellum er mun­ur­inn á lík­indum þeirra ein­ungis eitt pró­sentu­stig. 

Norðausturkjördæmi
10 þingmenn kjörnir
FlokkarFramboðslistar
  • >99%
    Ingibjörg Ólöf Isaksen
  • 87%
    Líneik Anna Sævarsdóttir
  • 24%
    Þórarinn Ingi Pétusson
  • 58%
    Eiríkur Björn Björgvinsson
  • 4%
    Sigríður Ólafsdóttir
  • >99%
    Njáll Trausti Friðbertsson
  • 82%
    Berglind Ósk Guðmundsdóttir
  • 23%
    Berglind Harpa Svavarsdóttir
  • 41%
    Jakob Frímann Magnússon
  • 47%
    Haraldur Ingi Haraldsson
  • 3%
    Margrét Pétursdóttir
  • 70%
    Sigmundur Davíð Gunnlaugsson
  • 11%
    Anna Kolbrún Árnadóttir
  • 71%
    Einar Brynjólfsson
  • 11%
    Hrafndís Bára Einarsdóttir
  • 93%
    Logi Már Einarsson
  • 37%
    Hilda Jana Gísladóttir
  • 2%
    Eydís Ásbjörnsdóttir
  • 93%
    Bjarkey Olsen Gunnarsdóttir
  • 38%
    Jódís Skúladóttir
  • 3%
    Óli Halldórsson

Píratar og Við­reisn ná inn manni í Norð­aust­ur­kjör­dæmi sam­kvæmt þing­sæta­spánni, þeim Ein­ari Brynj­ólfs­syni sem sat áður á þingi fyrir Pírata frá haust­mán­uðum 2016 og fram að kosn­ingum 2017, og Eiríki Birni Björg­vins­syni, fyrr­ver­andi bæja­stjóra á Akur­eyri. Við­reisn náði síð­ast inn manni í kjör­dæm­inu í kosn­ing­unum 2016 þegar þáver­andi for­maður flokks­ins, Bene­dikt Jóhann­es­son, fór fram í kjör­dæm­inu. Sós­í­alista­flokk­ur­inn nær líka inn sam­kvæmt spánni, sem myndi þýða að Har­aldur Ingi Har­alds­son gæti verið á leið á þing.

Mið­flokk­ur­inn, Sam­fylk­ingin og Vinstri græn tapa einum manni hver frá 2017 en Sjálf­stæð­is­flokk­ur, Fram­sókn­ar­flokkur halda sínum tveim­ur.

Það er þó mjótt á mun­um. Síð­asti maður Fram­sókn­ar­flokks er með 58 pró­sent líkur á að kom­ast inn og full­trúi Sós­í­alista­flokks­ins 59 pró­sent. Annar maður á lista Vinstri grænna, Jódís Skúla­dótt­ir, mælist með 52 pró­sent líkur á að kom­ast inn. Það þarf því lítið að breyt­ast til að þing­manna­hópur kjör­dæm­is­ins stokk­ist enn meira upp.

Auglýsing
Norðvesturkjördæmi
8 þingmenn kjörnir
FlokkarFramboðslistar
  • >99%
    Stefán Vagn Stefánsson
  • 65%
    Lilja Rannveig Sigurgeirsdóttir
  • 20%
    Halla Signý Kristjánsdóttir
  • 40%
    Guðmundur Gunnarsson
  • 1%
    Bjarney Bjarnadóttir
  • >99%
    Þórdís Kolbrún Reykfjörð Gylfadóttir
  • 92%
    Haraldur Benediktsson
  • 30%
    Teitur Björn Einarsson
  • 47%
    Eyjólfur Ármansson
  • 29%
    Helga Thorberg
  • 57%
    Bergþór Ólason
  • 3%
    Sigurður Páll Jónsson
  • 53%
    Magnús Norðdahl
  • 2%
    Gunnar Ingiberg Guðmundsson
  • 93%
    Valgarður Lyngdal Jónsson
  • 37%
    Jónína Björg Magnúsdóttir
  • 79%
    Bjarni Jónsson
  • 9%
    Lilja Rafney Magnúsdóttir

Pírat­inn Magnús Norð­dahl nær inn í Norð­vest­ur­kjör­dæmi og tekur seinna þing­sætið af tveimur sem Mið­flokk­ur­inn náði í kosn­ing­unum 2017 á kostnað Sig­urðar Páls Jóns­son­ar, sitj­andi þing­manns flokks­ins. Hann á litlar sem engar líkur sem stendur á að ná inn, en þing­sæta­spáin sýnir lík­indi hans til að ná inn miðað við stöðu mála í kosn­inga­spá Kjarn­ans vera tvö pró­sent.

Sjálf­stæð­is­flokk­ur­inn og Fram­sókn halda sínum tveimur þing­sætum og Vinstri græn og Sam­fylk­ingin sínu eina. Seinni fram­bjóð­andi Fram­sókn­ar­flokks sem mælist inni, Lilja Rann­veig Sig­ur­geirs­dótt­ir, er þó lítið lík­legri en Helga Thor­berg, odd­viti Sós­í­alista­flokks­ins, til þess að ná inn í kjör­dæm­inu. Líkur Lilju Rann­veigar eru 44 pró­sent en líkur Helgu 43 pró­sent. Skammt á hæla þeirra kemur Guð­mundur Gunn­ars­son, odd­viti Við­reisn­ar, með 41 pró­sent lík­ur.

Reykjavíkurkjördæmi norður
11 þingmenn kjörnir
FlokkarFramboðslistar
  • 72%
    Ásmundur Einar Daðason
  • 11%
    Brynja Dan Gunnarsdóttir
  • 93%
    Þorbjörg Sigríður Gunnlaugsdóttir
  • 39%
    Jón Steindór Valdimarsson
  • 3%
    Katrín Sigríður J. Steingrímsdóttir
  • >99%
    Guðlaugur Þór Þórðarson
  • 94%
    Diljá Mist Einarsdóttir
  • 46%
    Brynjar Níelsson
  • 5%
    Kjartan Magnússon
  • 44%
    Tómas A. Tómasson
  • 4%
    Kolbrún Baldursdóttir
  • 46%
    Gunnar Smári Egilsson
  • 5%
    Laufey Líndal Ólafsdóttir
  • 22%
    Vilborg Þóranna Bergmann Kristjánsdóttir
  • 1%
    Tómas Ellert Tómasson
  • 98%
    Halldóra Mogensen
  • 70%
    Andrés Ingi Jónsson
  • 13%
    Lenya Rún Taha Karim
  • >99%
    Helga Vala Helgadóttir
  • 83%
    Jóhann Páll Jóhannsson
  • 22%
    Dagbjört Hákonardóttir
  • 91%
    Katrín Jakobsdóttir
  • 35%
    Steinunn Þóra Árnadóttir
  • 2%
    Eva Dögg Davíðsdóttir

Tölu­verðar breyt­ingar gætu orðið í Reykja­vík­ur­kjör­dæmi norð­ur. Þar eru Sós­í­alista­flokk­ur­inn að mæl­ast inni, sem þýðir að Gunnar Smári Egils­son, for­maður fram­kvæmda­stjórnar flokks­ins og helsti tals­maður hans, tekur að óbreyttu sæti á Alþingi. Fram­sókn­ar­flokk­ur­inn er sömu­leiðis að ná inn manni í þessu kjör­dæmi ólíkt því sem gerð­ist 2017. Sá maður er Ásmundur Einar Daða­son, félags- og barna­mála­ráð­herra, sem tók mikla póli­tíska áhættu á að færa sig á möl­ina úr örygg­inu í Norð­vest­ur­kjör­dæmi í aðdrag­anda kosn­ing­anna. Líkur hans á að ná inn mæl­ast nú 72 pró­sent.

Sam­fylk­ingin virð­ist ætla að bæta við sig þing­manni í Reykja­víkur norður sem þýðir að Jóhann Páll Jóhanns­son myndi setj­ast á þing. Píratar ættu að halda sínum tveimur þing­mönnum og með því næði sitj­andi þing­mað­ur­inn Andrés Ingi Jóns­son inn fyrir annan flokk en hann náði kjöri fyrir 2017, þegar hann var í fram­boði fyrir Vinstri græna. Við­reisn heldur sínum eina þing­mann­i. 

Þegar nýir ná inn þurfa ein­hverjir að tapa. Og í þetta sinn bendir allt til þess að það séu Vinstri græn, sem tapa einum þing­manni, og Sjálf­stæð­is­flokk­ur, sem tapar líka ein­um. Báðir þessir flokkar fengu þrjá þing­menn kjörna í kjör­dæm­inu í síð­ustu kosn­ing­um. Mesta athygli vekur að miðað við þessa nið­ur­stöðu nær Brynjar Níels­son, sitj­andi þing­maður Sjálf­stæð­is­flokks, ekki inn sam­kvæmt spánni. Það munar þó vart neinu á Brynj­ari og síð­asta manni sem mælist inni, Stein­unni Þóru Árna­dóttur hjá Vinstri græn­um. Og skammt á hæla þeirra kemur sitj­andi þing­maður Við­reisn­ar, Jón Stein­dór Valdi­mars­son með 44 pró­sent líkur á þing­sæt­i. 

Flokkur fólks­ins myndi sömu­leiðis tapa eina þing­mann­inum sem hann náði inn 2017, en sá, Ólafur Ísleifs­son, ent­ist þó ekki lengi í flokknum og færði sig til Mið­flokks­ins eftir Klaust­ur­málið svo­kall­aða. 

Niðurstöður kosningaspárinnar 15. september 2021
Reykjavíkurkjördæmi suður
11 þingmenn kjörnir
FlokkarFramboðslistar
  • 78%
    Lilja Dögg Alfreðsdóttir
  • 15%
    Aðalsteinn Haukur Sverrisson
  • 96%
    Hanna Katrín Friðriksson
  • 52%
    Daði Már Kristófersson
  • 5%
    María Rut Kristinsdóttir
  • >99%
    Áslaug Arna Sigurbjörnsdóttir
  • 94%
    Hildur Sverrisdóttir
  • 45%
    Birgir Ármannsson
  • 5%
    Friðjón R. Friðjónsson
  • 47%
    Inga Sæland
  • 5%
    Wilhelm Wessman
  • 52%
    katrín Baldursdóttir
  • 7%
    Símon Vestarr
  • 30%
    Fjóla Hrund Björnsdóttir
  • 2%
    Danith Chan
  • 95%
    Björn Leví Gunnarsson
  • 53%
    Arndís Anna Gunnarsdóttir
  • 6%
    Halldór Auðar Svansson
  • 98%
    Kristrún Frostadóttir
  • 60%
    Rósa Björk Brynjólfsdóttir
  • 8%
    Viðar Eggertsson
  • 94%
    Svandís Svavarsdóttir
  • 47%
    Orri Páll Jóhannsson
  • 4%
    Daníel E. Arnarson

Skipt­ing þing­sæta milli flokka í Reykja­vík suður er eins og í Reykja­vík norð­ur. Sjálf­stæð­is­flokk­ur, Vinstri græn og Píratar ættu að halda sínum tveimur þing­mönnum hver og Sam­fylk­ingin ætti að bæta við sig ein­um, sem þýðir að Rósa Björk Brynj­ólfs­dótt­ir, sem leiddi lista Vinstri grænna í Suð­vest­ur­kjör­dæmi fyrir fjórum árum, næði inn fyrir nýja flokk­inn sinn.

Lilja D. Alfreðs­dótt­ir, mennta- og menn­ing­ar­mála­ráð­herra og vara­for­maður Fram­sókn­ar­flokks­ins, mælist með 73 pró­sent líkur á þing­sæti sem ætti að skila henni í höfn aðrar kosn­ing­arnar í röð í kjör­dæmi þar sem Fram­sókn­ar­flokk­ur­inn hefur oft átt í erf­ið­leik­um. Við­reisn heldur sínum eina þing­manni í kjör­dæm­inu en líkur vara­for­manns flokks­ins, Daða Más Krist­ó­fers­son­ar, á því að ná inn eru þó nán­ast þær sömu og annar þing­maður Vinstri grænna, Orra Páls Jóhann­es­son­ar, hefur á því að ná kjöri. Líkur Orra Páls mæl­ast 45 pró­sent en Daða 44 pró­sent. Skammt á hæla þeirra kemur Birgir Ármanns­son, sitj­andi þing­maður Sjálf­stæð­is­flokks sem er vanur því að eyða kosn­inga­nótt­inni inni og úti af þingi. Líkur Birgis á þing­sæti mæl­ast nú 42 pró­sent. 

Stóru tíð­indin úr Reykja­vík­ur­kjör­dæmi suður eru þó sú að þar bendir allt til þess að flokks­for­maður falli af þingi. Inga Sæland, for­maður Flokks fólks­ins, mælist ein­ungis með 30 pró­sent líkur á að ná þing­sæt­i. 

Suðurkjördæmi
10 þingmenn kjörnir
FlokkarFramboðslistar
  • >99%
    Sigurður Ingi Jóhannsson
  • 87%
    Jóhann Friðrik Friðriksson
  • 23%
    Hafdís Hrönn Hafsteinsdóttir
  • 64%
    Guðbrandur Einarsson
  • 5%
    Þórunn Wolfram Pétursdóttir
  • >99%
    Guðrún Hafsteinsdóttir
  • 94%
    Vilhjálmur Árnason
  • 46%
    Ásmundur Friðriksson
  • 5%
    Björgvin Jóhannesson
  • 66%
    Ásthildur Lóa Þórsdóttir
  • 9%
    Georg Eiður Arnarson
  • 44%
    Guðmundur Auðunsson
  • 3%
    Birna Eik Benediktsdóttir
  • 58%
    Birgir Þórarinsson
  • 6%
    Erna Bjarnadóttir
  • 70%
    Álfheiður Eymarsdóttir
  • 11%
    Linda Völundardóttir
  • 86%
    Oddný G. Harðardóttir
  • 24%
    Viktor Stefán Pálsson
  • 79%
    Hólmfríður Árnadóttir
  • 16%
    Heiða Guðný Ásgeirs­dótt­ir

Í Suð­ur­kjör­dæmi tapar Sjálf­stæð­is­flokk­ur­inn einum þing­manni að óbreyttu. Nýi odd­vit­inn Guð­rún Haf­steins­dóttir og Vil­hjálmur Árna­son, sitj­andi þing­mað­ur, ná örugg­lega inn sam­kvæmt þing­sæta­spánni en Ásmundur Frið­riks­son þarf að gefa aðeins í eigi hann að sitja áfram á þingi.

Flokkur fólks­ins tapar líka sínum eina þing­manni þótt Ást­hildur Lóa Þórs­dóttir sé ekki langt frá því að mæl­ast inni, en 41 pró­sent líkur eru á því að hún nái kjöri. 

Fram­sókn­ar­flokk­ur­inn heldur sínum tveimur þing­mönnum og Pírat­ar, Sam­fylk­ing og Vinstri græn sínum eina. Það gerir Mið­flokk­ur­inn sömu­leiðis en hag­fræð­ing­ur­inn Erna Bjarna­dótt­ir, sem situr í öðru sæti á lista flokks­ins í kjör­dæm­inu og hefur verið áber­andi í aug­lýs­ingum flokks­ins í aðdrag­anda kosn­inga, á ekki nema þriggja pró­senta líkur á því að verða kjörin á þing sem stend­ur. 

Þeir tveir flokkar sem ná inn þing­manni í kjör­dæm­inu, og höfðu ekki slíkan áður, eru Við­reisn og Sós­í­alista­flokkur Íslands. 

Auglýsing
Suðvesturkjördæmi
13 þingmenn kjörnir
FlokkarFramboðslistar
  • 95%
    Willum Þór Þórsson
  • 55%
    Ágúst Bjarni Garðarsson
  • 9%
    Anna Karen Svövudóttir
  • 97%
    Þorgerður Katrín Gunnarsdóttir
  • 64%
    Sigmar Guðmundsson
  • 14%
    Elín Anna Gísladóttir
  • >99%
    Bjarni Benediktsson
  • >99%
    Jón Gunnarsson
  • 94%
    Bryndís Haraldsdóttir
  • 59%
    Óli Björn Kárason
  • 16%
    Arnar Þór Jónsson
  • 2%
    Sigþrúður Ármann
  • 51%
    Guðmundur Ingi Kristinsson
  • 10%
    Jónína Björk Óskarsdóttir
  • 50%
    María Pétursdóttir
  • 10%
    Þór Saari
  • 52%
    Karl Gauti Hjaltason
  • 11%
    Nanna Margrét Gunnlaugsdóttir
  • 85%
    Þórhildur Sunna Ævarsdóttir
  • 36%
    Gísli Rafn Ólafsson
  • 5%
    Eva Sjöfn Helgadóttir
  • 93%
    Þórunn Sveinbjarnardóttir
  • 52%
    Guðmundur Andri Thorsson
  • 10%
    Inga Björk Margrétar Bjarnadóttir
  • 85%
    Guðmundur Ingi Guðbrandsson
  • 36%
    Una Hildardóttir
  • 5%
    Ólafur Þór Gunnarsson

Suð­vest­ur­kjör­dæmi, Krag­inn svo­kall­aði, er fjöl­menn­asta kjör­dæmi lands­ins og hefur flesta þing­menn, eða 13 tals­ins. Það hefur lengi verið eitt sterkasta vígi Sjálf­stæð­is­flokks­ins, enda heima­kjör­dæmi Bjarna Bene­dikts­son­ar, for­manns hans. Flokk­ur­inn fékk fjóra þing­menn kjörna fyrir fjórum árum og miðað við þing­sæta­spánna verður ekki breyt­ing þar á. Allir fjórir sitja nú þegar á þingi en dóm­ar­inn Arnar Þór Jóns­son, sem situr í fimmta sæti á lista flokks­ins, á ein­ungis tíu pró­sent líkur á því að ná inn. 

Þor­gerður Katrín Gunn­ars­dótt­ir, for­maður Við­reisn­ar, nær örugg­lega inn ásamt sjón­varps­mann­inum fyrr­ver­andi Sig­mari Guð­munds­syni miðað við þing­sæta­spánna og heldur báðum sæt­unum sem Við­reisn fékk 2017. 

Sam­fylk­ingin og Píratar bæta bæði við sig einu þing­sæti sam­kvæmt spánni sem þýðir að Guð­mundur Andri Thors­son myndi sitja áfram á þingi og Gísli Rafn Ólafs­son kæmi nýr þangað inn. Þá næði Sós­í­alista­flokk­ur­inn að óbreyttu inn manni í kjör­dæm­in­u. 

Mið­flokk­ur­inn myndi tapa sínum manni ef kosið yrði í dag sem þýðir að Karl Gauti Hjalta­son, sem reyndar var kjör­inn á þing fyrir Flokk fólks­ins árið 2017, yrði ekki áfram á þingi. Flokkur fólks­ins myndi sömu­leiðis ekki ná inn og Guð­mundur Ingi Krist­ins­son falla af þing­i. 

Þróun fylgis framboða í kosningaspánni
Kosningaspáin er unnin í aðdraganda kosninga til Alþingis 2021.
B C D F M P S V Aðrir

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Meira eftir höfundinnÞórður Snær Júlíusson
Meira úr sama flokkiFréttaskýringar