Kæri Bjarni - He’s just not that into you

Auglýsing

Það má flokk­ast undir það að bera í bakka­fullan læk­inn að skrifa enn einn pistil­inn um Sig­mund Davíð Gunn­laugs­son og fáheyrðan dóm­greind­ar­brest hans. Að gera það ekki væri hins vegar að taka þátt í því leik­riti sem hann og heila­þvegnir stuðn­ings­menn hans hafa sett á svið; nefni­lega að reyna að drepa umræð­una og bíða eftir að allt róist og ástandið verði eðli­legt. Þar er reyndar átt við skil­grein­ingu Sig­mundar Dav­íðs á því sem eðli­legt er, að hann sitji í sínum fíla­beinsturni og skammi fólk fyrir að hafa skoðun á sér sem honum er ekki þókn­an­leg og frétta­menn fyrir að spyrja sig spurn­inga. Þannig er eðli­legur dagur hjá for­sæt­is­ráð­herra íslensku þjóð­ar­inn­ar.

Eitt af því sorg­lega við þetta mál er að það ætti í raun ekki að koma neinum á óvart. Fram­sókn­ar­mönnum hefur oft og tíðum reynst erfitt að aðskilja sig per­sónu­lega frá við­fangs­efn­un­um. Kannski horfði Sig­mundur Davíð til eins for­vera síns í emb­ætti, Hall­dórs Ásgríms­son­ar, sem var sjáv­ar­út­vegs­ráð­herra þegar fram­sali afla­heim­ilda var komið á, en um leið hluti af sjáv­ar­út­vegs­fyr­ir­tæki sem græddi á öllu sam­an. Eða vara­for­manns­ins fyrrum, Finns Ing­ólfs­son­ar, sem hætti ungur í stjórn­málum til að njóta ávaxt­anna af þeim góðu verkum sem flokkur hans hafði unn­ið, en hann er nú einn rík­asti maður lands­ins. Eða kannski horfði hann bara til föður síns, sem hætti á þingi eftir eitt kjör­tíma­bil til að græða skrilljónir á fyrrum rík­is­fyri­tæki. Kannski birt­ist upp­reisn Sig­mundar gegn föður sínum í því að hann átti skrilljónir áður en hann fór á þing.

Það eru hins vegar nógir til að benda á alla vinklana á þessu arfa­vit­lausa máli sem snúa að því hví­líkt rugl þetta er hjá Sig­mundi Dav­íð. Við skulum frekar skoða póli­tík­ina í mál­inu.

Auglýsing

Ef að Bjarni Bene­dikts­son væri klókur mundi hann nýta tæki­færið núna og slíta stjórn­ar­sam­starf­inu. Mýmörg eru til­efnin og hann þarf ekki einu sinni að horfa til millj­ón­anna í útland­inu. Það hvernig Sig­mundur Davíð hefur ítrekað brugðið fæti fyrir mál­efni Land­spít­al­ans er til dæmis nægt til­efni. Væri ég pr-­maður Bjarna mundi ég ráð­leggja honum það.

Nú ef hann vill slá sig til smá ridd­ara í þessu máli þá getur hann vísað til aug­ljóss trún­að­ar­brests sem í því felst að Sig­mundur Davíð sagði honum í engu frá þeim per­sónu­legu hags­munum sem hann átti undir í mál­inu. Það eitt og sér ætti að duga stjórn­mála­manni með bein í nef­inu til að þakka pent fyrir sam­starf­ið.

Og hvað tekur þá við? Jú, Bjarni gæti rætt við stjórn­ar­and­stöðu­flokk­ana sem vilja ansi margt vinna til að losna við Sig­mund Davíð úr for­sæt­is­ráðu­neyt­inu, enda þjóð­þrifa­mál. Þeir tækju mála­leitan Bjarna um stuðn­ing við minni­hluta­stjórn áreið­an­lega nokkuð vel. Slíkt fyr­ir­komu­lag mundi henta stjórn­ar­and­stöð­unni nokkuð vel, ekki síst Sam­fylk­ing­unni sem er í mol­um, frómt frá sagt. Það að hafa komið Fram­sókn frá völdum mundi gagn­ast Sam­fylk­ing­unni og stjórn­ar­and­stöð­unni nokkuð vel.

Bjarni þarf hins vegar að vera nógu hug­mynda­ríkur og áræð­inn stjórn­mála­maður til að henda slíka hug­mynd á lofti. Lík­leg­ast mun hann standa þétt með Fram­sókn­ar­flokknum og verja rík­is­stjórn­ina van­trausti. Hann mun þannig taka slag­inn fyrir Sig­mund Dav­íð, sem þarf ekki að óhreinka hendur sínar heldur getur setið í stjórn­ar­ráðs­hús­inu, þurrkað hendur sínar með pentu­dúk sem hann fann undir gólf­fjöl­unum og reynt að rifja það upp hvar hann var á týndu árunum sín­um, frá 2005 til 2009, sem hann hefur verið marg­saga um. Hvaða útgáfa hans af þeim tíma sé næst raun­veru­leik­anum og hann eigi að halda sig við. Bjarni mun taka slag­inn fyrir hann og verja vit­leys­una. Kannski hann geti líka tekið við­tal við sjálfan sig um ósann­girni umræð­unn­ar.

Því ef Bjarni gerir þetta ekki þá á hann ekki von á góðu og þar er ekki verið að vísa til stjórn­ar­and­stöð­unn­ar, sem mun gera sitt til að gera honum póli­tíska lífið leitt. Nei, þar er vísað til sam­starfs­flokks­ins, Fram­sóknar og Sig­mundar Dav­íð.

Ef Bjarni tekur núna slag­inn fyrir Sig­mund þá mun Sjálf­stæð­is­flokk­ur­inn þurfa að sitja undir linnu­lausum árásum Fram­sókn­ar­flokks­ins fram að kosn­ing­um. Það verður Sjálf­stæð­is­flokknum að kenna að ekki er búið að afnema verð­trygg­ing­una, að það er ekki búið að gjör­bylta hús­næð­is­kerf­inu, að pen­ingar hafa ekki feng­ist í félags­lega kerfið og raunar allt sem Eygló hefur sett fram.

Því Fram­sókn­ar­flokk­ur­inn mun róa líf­róður fram að kosn­ing­um. Síð­ast komst hann til valda með því að lofa því að gefa fólki pen­inga. Fyrir næstu kosn­ingar mun hann lofa því að gefa fólki pen­inga og hús með, sam­hliða því sem hann mun berja á sam­starfs­flokknum fyrir að drepa öll hans góðu mál. Bara ef Fram­sókn fengi að ráða, þá drypi nú smjör af hverju strái í görðum okkar allra við ein­býl­is­húsin sem Fram­sókn hefði gefið okkur öll­um.

Sé Bjarni í vafa þá ætti að nægja honum að horfa til mál­flutn­ings Fram­sókn­ar­manna nú um mund­ir. Þeir hljóma eins og sann­færðir stuðn­ings­menn Vís­inda­kirkj­unnar sem úthrópa alla sem hafa rangar skoð­anir á þeim og ham­ast við að þurrka rykkornin af jakka­boð­ungi for­ingj­ans. Fólk sem talar svona er annað hvort heila­þveg­ið, eða að tala sér þvert um hug og þarf að grípa til gíf­ur­yrð­anna til að verja eitt­hvað sem það ekki sjálft trú­ir.

Svo, kæri Bjarni, bolt­inn er hjá þér. Sýndu nú smá djörf­ung og dug, hringdu í Kötu, Árna Pál, Helga Hrafn og Óttar frænda og komdu Sig­mundi Davíð frá. Þér mun líða miklu betur í minni­hluta­stjórn­inni þegar þú þarft ekki að eyða tím­anum í ótta við bommertur frá hon­um. Taktu á með­virkn­inni, það eru til sam­tök til þess. Og ekki halda að Sig­mundur Davíð sjái ekki sól­ina fyrir þér og sé heill í sam­band­inu. Svo ég tali hollí­vúdd­sku, sem þér ætti að vera töm: He’s just not that into you.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Víðir Reynisson yfirlögregluþjónn hefur ekki áhyggjur af því að almenningur sé orðin ónæmur eða hættur að hlusta þegar almannavarnastig er sett á.
„Almannavarnir lýsa ekki yfir almannavarnarstigi af léttuð“
Víðir Reynisson yfirlögregluþjónn telur að almenningur taki yfirlýsingu neyðarástands vegna COVID-19 ekki af meiri léttúð, þrátt fyrir að neyðarástandi hafi verið lýst yfir fjórum sinnum á síðustu tveimur árum.
Kjarninn 19. janúar 2022
Engin starfsemi hefur verið í kísilverksmiðjunni í Helguvík í rúmlega fjögur ár.
Bæjarstjórnin skorar á Arion banka að hætta við áform um endurræsingu kísilversins
Bæjarstjórn Reykjanesbæjar skorar á Arion banka að falla frá áformum um endurræsingu kísilversins í Helguvík og hefja viðræður við sveitarfélagið um aðrar og grænni leiðir.
Kjarninn 19. janúar 2022
Willum Þór Þórsson heilbrigðisráðherra.
Hraðpróf í tengslum við smitgát úr sögunni og fólk í einangrun má fara í stutta göngutúra
Heilbrigðisráðherra hefur staðfest reglugerð þess efnis að þeir sem eru í smitgát þurfi ekki lengur að fara í hraðpróf, heldur einungis að fara gætilega. Einnig er rýmkað fyrir útiveru þeirra sem eru í einangrun.
Kjarninn 19. janúar 2022
Tómas A. Tómasson þingmaður Flokks fólksins.
„Það er ósanngjarnt að reka fólk heim þegar það getur unnið“
Þingmaður Flokks fólksins gerði málefni eldri borgara að umtalsefni á þinginu í dag.
Kjarninn 19. janúar 2022
Bólusetning með bóluefni Pfizer er hafin í Nepal.
Meira en milljarður skammta loks afhentur í gegnum COVAX
Markmið COVAX-samstarfsins náðust ekki á síðasta ári. Þó er komið að þeim áfanga að milljarður skammta hefur verið afhentur í gegnum samstarfið. Mun betur má ef duga skal.
Kjarninn 19. janúar 2022
Launafólk í verri stöðu en fyrir ári síðan
Þrátt fyrir mikinn hagvöxt í fyrra hefur fjárhagsstaða og andleg heilsa launafólks versnað töluvert á milli ára, samkvæmt nýrri skoðanakönnun frá Vörðu. Tæpur helmingur innflytjenda segist nú eiga erfitt með að ná endum saman.
Kjarninn 19. janúar 2022
Þórólfur Guðnason sóttvarnalæknir.
Vísar gagnrýni um samráðsleysi til föðurhúsanna
Sóttvarnalæknir vísar á bug gagnrýni um að hann hafi aðeins samráð við sjálfan sig. Hann á ekki von á því að leggja fram nýtt minnisblað þar til gildandi samkomutakmarkanir renna út. Til greina kemur að stytta einangrun smitaðra.
Kjarninn 19. janúar 2022
Fyrrverandi bæjarstjóri í Hafnarfirði ráðin sem aðstoðarmaður ráðherra
Guðmundur Ingi Guðbrandsson, félagsmála- og vinnumarkaðsráðherra og varaformaður Vinstri grænna, hefur ráðið tvo aðstoðarmenn. Annar var einu sinni bæjarstjóri og síðar framkvæmdastjóri ASÍ um árabil.
Kjarninn 19. janúar 2022
Meira úr sama flokkiSleggjan
None