Júróvisíon í kvöld: Sögur af Pig Wam, Wintris-viðtölum og Ísland að keppa

Greta Salóme keppir fyrir Íslands hönd í Globen-höllinni í kvöld.
Greta Salóme keppir fyrir Íslands hönd í Globen-höllinni í kvöld.
Auglýsing

Í kvöld hefst Eurovision en þá munu 17 lög sem raðað hefur verið í fyrri und­an­riðil­inn keppa um að kom­ast í úrslitin sem fram fara næst­kom­andi laug­ar­dag. Alls fara 10 lög áfram. Allt til árs­ins 2007 var ein­ungis ein und­ankeppn­i hald­in. Þá kepptu 28 lög um sömu 10 sæt­in. „Valentine Lost” í flutn­ingi Eirík­s Hauks­sonar var síð­asta lagið sem fékk að kenna á miklum fjölda laga í und­ankeppn­inni. Það var lag sem ég samdi hálfu ári áður í Kænu­garði, Úkra­ín­u, undir morg­unsárið á leið heim eftir gott djamm með lukku­dýri hljóm­sveit­ar­innar Wig Wam, Pig Wam. Þrátt fyrir þéttan flutn­ing og stælta karl­menn í neta­bolum að ­þykj­ast spila á fjögur stykki raf­magns­gít­ara komst lagið ekki áfram og end­aði í 13 sæt­i af þessum 28. Þetta var fer­lega fúlt og mér hafði ekki gef­ist tími til að jafna mig áður en Jón­atan Garð­ar­son, vin­ur m­inn og umsjón­ar­maður með íslensku Júró­visíon hóp­unum síðan 1986, stakk míkró­fóni nán­ast upp í mig og spurði mig gall­harður : Hvað klikk­að­i?”. Stutt Wintris við­tal fylgdi í kjöl­far­ið.

Sveinn Rúnar SigurðssonÞað eru vinir vorir frá Fin­landi sem opna keppn­ina í kvöld með 90’s lumm­unni Sing it awa­y”. Mér þykir vænt um Finna og hef sótt höf­uð­borg­ina heim margoft. Þeir minna um margt á okkur Íslend­inga. Eru nokkuð dul­ir, How do you like F­inn­land” er algeng spurn­ing, ensku­hreim­ur­inn er ámóta þykkur og þeir geta verið klunna­legir er kemur að vín­drykkju.

Næstir á svið eru Grikk­ir. Eins og svo oft áður not­ast þeir við þjóð­leg hljóð­færi í útsetn­ingum sínum en það má heyra Tou­beleki, Trigono og Tympano í intró­in­u. Um leið og intróið er búið krassar lagið í leið­indum með skelfi­legum rapp­kafla og við­lagi sem aldrei nær flugi.

Moldovía teflir fram söng­kon­unni Lidíu Isac sem flytur eitt 12 laga keppn­innar í ár sem eru eftir sænska höf­unda. Fall­ing stars” heitir það og ­nafn lags­ins er við­eig­andi. Þetta hefur verið gert hund­rað sinnum áður. Enskan flæk­ist fyrir henni en henni gengur þó betur en Anjezu Shahini frá Albaníu sem ég atti kappi við 2004. Anjeza kunni litla ensku bless­unin og söng eft­ir­minni­lega “... slave of my love, of my emotions. You in my ass, you’re in my heart...”, og svo sóló. Það lag má heyra hér fyrir neðan :

Næstir á sviðið eru Ung­verj­ar. Ung­verjar eru stór­tækir í útflutn­ingi á land­bún­að­ar­vörum og inn­flutn­ingi á girð­ing­ar­efni. Þeir tefla fram Freddie, sig­ur­veg­ara Ris­ing star” ­söngvakeppn­innar sem haldin var 2014 í Búda­pest. Freddie flytur rokk­aða slagarann Pioneer” sem er með góðum húkk í við­lag­inu sem ætti að skila honum í úr­slit­in.

Nina Kraljic er full­trúi Króata og næst í röð­inni. Hún flytur popp-ball­öð­una Light­hou­se. Mér finnst þetta flott lag. Lát­laust með smekk­lega útsetn­ingu að vopni og stelpan hefur gott vald á hljóð­færi sínu. Flautur og slaufu­hend­ingar hjá söngv­ar­anum gefa lag­inu írskan blæ en þjóð­lega gít­ar­hljóð­færið Tamburica sem að skeytt er inn á milli hend­inga í við­lag­inu kemur upp um upp­runa lags­ins. Gott stöff.

Hol­lend­ingar tefla fram enn einu kán­trískotna fram­lag­inu. Ég spái lag­in­u ár­angri, ekki í keppn­inni þó, heldur mögu­lega í trygg­ing­ar­aug­lýs­ingu á næst­unni.

Það eru svo Armenar sem að loks­ins byrja Júró­visíon partý­ið. Skot­held útsetn­ing að hætti Svía með geggj­uð­u­m ­þjóð­laga­kafla  á milli við­laga. Það eina sem lagið líður fyrir er lengdin en eins og flestir vita mega lög í keppn­inni ekki vera lengri en þrjár mín­út­ur. Lagið endar heldur snubb­ótt en kemur þó ekki að sök. Iveta flýgur í úrslit.

Auglýsing

Smá­ríkið San Mar­ino er með atrið­i ­sem ég næ ekki alveg utan um. Þeir tefla fram flytj­anda að nafni Ser­hat og lag­inu „I didn’t know”. Ég er nokkuð sann­færður um að margir karl­menn á aldri við mig finnst sem að þeir hafi heyrt þetta lag áður, í kvik­myndum sem þeir áttu á VHS ­spólum og geymdu undir rúmi.

Næstir eru Rúss­ar. Margir spá þeim ­miklum árangri í ár. Þeir vita að sjón­ræn fram­setn­ing skiptir miklu og með­ að­stoð þrí­víð­ar­tækkni er atriði þeirra glæsi­legt. Lagið ber sig þó ekki eitt og ­sér, en gæti farið langt með magnað sjón­ar­spilið að vopni.

Tékkum hefur ekki gengið vel í keppn­inni en breyt­ing verður á í ár. Vinur minn Aidan O’Connor er í höf­unda­teymi Tékka og ég spái því að þeir fari áfram. Dramat­ískt lag sem klímaxar í flottum við­lags­húkk og vel heppn­aðri brú. Hér þarf að hækka í græj­un­um.

Næstir eru Kýp­verjar með lag eftir einn mesta atvinnu­mann­inn í Eurovision, T­homas G:son. Hann er einn höf­unda Euphoria. Heil­inn á bak­við það lag er þó ­fé­lagi minn Peter Boström sem er einn snjall­asti útsetj­ari og pródúsent Sví­a. Lagið er svo­lítið klisju­kennt, útsetn­ingin svo­lítið úttroð­inn og gam­al­dags, ekki síst á árinu 2016 þeg­ar „less is more” er það sem menn leit­ast eftir við ­smíði á hljóð­heim­um.

Aust­ur­ríki er næst með lag­ið Loin d’ici”. Þeir end­ur­taka stærstu mis­tök Frakk­lands í keppn­inni og syngja á frönsku. Lagið er þó krútt­legt og því er almennt spáð góðu gengi. Stemn­ingin í lag­inu minnir svo­lítið á Moi Lolita” eftir Alizee. Það telst þeim þó einatt til tekna að lagið hljómi kunn­ug­lega. Sætt.

Eist­land teflir fram Juri Poots­mann ­með lag­inu Play”. 60’s áhrifin eru alls­ráð­andi í útsetn­ingu og sniðið á jakka­föt­unum passar vel við þau áhrif. Flottur náungi en efa að lagið muni ger­a ­mik­ið.

Azer­bai­jan hefur ævin­lega gengið vel í keppn­inni. Þeir hafa not­ast við sænska höf­unda og geggjuð nútíma­leg út­setn­ing­in  ber þess glögg­lega merki að svíar standi að baki lag­inu í ár. Það er sön­k­onan Samra sem býður upp á lag­ið Miracle” og hljóð­heimur lags­ins er á pari við það besta sem að elektróníska tón­list­ar­senan býður uppá í dag.  Mér­ finnst við­lagið þó vera veikasti punktur þess en atriðið flýgur í úrslit. Þeir not­ast við fra­s­er­ingu í orð­inu Mir­r­or” sem minnir mig mikið á húkk­inn í lag­in­u “Para­d­ise” með Cold­play.  Það kemur þó ekk­ert að sök. Gott stöff.

Svart­fjalla­land teflir fram band­in­u Hig­hway með lag­ið The real thing”. Mér finnst þetta nokkuð töff. Þungt rokk ­með dub-step áhrif­um. Gefa skít í eurovision for­múl­urnar og fá plús í kladd­an ­fyrir það. Var ann­ars í Svart­fjalla­landi um dag­inn, mæli með heim­sókn til­ ­stranda­borg­anna Budva og Bar en höfu­borgin Podgorica var ekki eins spenn­andi.

Ísland er næst á dag­skrá. Það er Greta Salóme sem stígur á svið með lag sitt „Hear them call­ing”. Þetta er í annað sinn sem Greta keppir í Eurovision. Eins og við er að búast þegar Greta er ann­ars vegar er útsetn­ing lags­ins og ­at­riðið sjálft skot­helt. Greta hefur verið að klifra upp vin­sæld­ar­listana hjá veð­bönkum og þar kemur reynsla hennar klár­lega við sögu. Hún hefur staðið sig vel á æfingum og fram­koma hennar hefur vakið eft­ir­tekt. Greta er verð­ug­ur ­full­trúi lands­ins og hún fær hrós fyrir það að ger­ast hæfi­lega pólítísk með­ skila­boð­unum í lag­inu. Ég þekki það sjálfur í mínu starfi sem læknir að skila­boð Gretu eiga því miður vel við á árinu 2016. Til ham­ingju með árang­ur­inn Greta mín, njóttu augna­bliks­ins. Áfram Íslands.

Næst á eftir Íslandi er Bosnía með lagið „Lju­bav Je”. Lagið byrjar á fal­legum þjóð­legum nótum og gæti allt eins verið eftir eft­ir hinn goð­sagn­ar­kennda serbneska höf­und, Zeljko Joksimovic en fljót­lega kem­ur annað í ljós. Erindin eru leið­in­leg og það verður að telj­ast nokkuð vel af sér­ vikið að kórus­inn er enn verri með óbæri­leg­um  rapp-kafla. Þessi piss­upása hefði verið betur stað­sett um mið­bik rið­ils­ins en ekki hér í blá­lok­in. 

Einn flytj­enda lags­ins, Deen, flutti eitt vin­sælasta lag keppn­innar 2004 en við öttum kappi í Ist­an­bul það árið. Þá söng hann hið magn­aða „In the disco” með dans­hreyf­ingum sem tröll­riðu dans­klúbb­um Ist­an­bul borgar meðan á keppni stóð. Við hitt­umst svo á sal­ern­inu í opn­un­arpartý­inu í Ist­an­bul. Við vorum að kasta af okkur vatni hlið við hlið er hann átt­aði sig á því að ég væri höf­undur íslenska fram­lags­ins. Hann sagði að við værum í algjöru upp­á­haldi hjá sér, kynnti sig um leið og hann los­aði hægri hend­ina af félag­anum og setti hana nán­ast upp í mig svo ég gæti kysst hans há­tign á hand­ar­bak­ið. Með sam­an­herptar var­irnar þekkt­ist ég boðið meðan hann ­sprændi í þvag­skál­ina. Við eyddum svolitlum tíma saman þarna úti­, ­þræl­skemmti­legur strákur en því miður er fram­lagið hans í ár ekki gott. Sorrí Deen.



Síð­asta lag kvölds­ins er svo frá Möltu. Malta hefur ávalt tekið keppn­ina al­var­lega og teflt fram vönd­uðum útsetn­ingum og atrið­um, burt­séð frá gæð­i lag­ana. Lagið þeirra í ár er þrusu gott og ber nafnið „Walk on water”. Lagið er nú­tíma­legt hvað útsetn­ingu varðar og not­ast við mikið unnar raddupp­tökur sem ­búið er að hraða, hækka um átt­und og breyta í raun í hljóð­færi. Þessi tækni er ­mikið notuð í elektrónískri tón­list í dag. Fræg­asta dæmið er lík­leg­ast notk­un radda í lag­inu  „Where are you now” með­ Ju­stin Bieber. Það sem virkar eins og elektrónískur synt­hes­izer er í raun rödd Ju­stins sem klippt hefur verið til, hækk­uð, snúið við og hraðað þannig að út­koman er fram­andi hljóð­færi. Sam­kvæmt reglum ESC verða allar raddir að verða ­fluttar á sviði en ekki af upp­töku. Ég vona þó að svona hljóð­vinnsla verð­i ­leyfð til að lög keppn­inar geti nýtt sér nútíma upp­töku­tækni / hljóð­blöndun til útsetn­ing­ar.

Þá er upp­taln­ing á lögum kvölds­ins öll. Njótið vel.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Árni Finnsson
Á vonarvöl?
Kjarninn 19. október 2021
Sjókvíareldi á Vestfjörðum.
Framleiðsla í fiskeldi jókst um 169 prósent milli 2016 og 2020
Tekjur fiskeldisfyrirtækja hafa tvöfaldast frá 2016 og útflutningsverðmæti afurða þeirra hafa þrefaldast. Launþegum í geiranum hefur hins vegar ekki fjölgað nálægt því jafn mikið, eða um 32 prósent á sama tímabili.
Kjarninn 19. október 2021
Bensínverð ekki verið hærra síðan 2012
Verðið á heimsmarkaði með olíu hefur margfaldast frá vorinu 2020. Það hefur skilað því að viðmiðunarverð á bensíni á Íslandi hefur einungis einu sinni verið hærra í krónum talið.
Kjarninn 19. október 2021
Svandís Svavarsdóttir heilbrigðisráðherra.
Öllum sóttvarnaraðgerðum innanlands verði aflétt eftir mánuð
Frá og með morgundeginum mega 2.000 manns koma saman, grímuskyldu verður aflétt og opnunartímar skemmtistaða lengjast um klukkustund. Svo er stefnt á afléttingu allra aðgerða eftir fjórar vikur.
Kjarninn 19. október 2021
Þjóðhættir
Þjóðhættir
Þjóðhættir – Íslenskir fjárhundar og endurvinnsla textíls
Kjarninn 19. október 2021
Sjávarútvegurinn greiddi sér 21,5 milljarða króna í arð í fyrra
Hagur sjávarútvegsfyrirtækja landsins, samtala arðgreiðslna og aukins eigin fjár þeirra, hefur vænkast um meira en 500 milljarða króna frá bankahrun. Geirinn greiddi sér meira út í arð í fyrra en hann greiddi í öll opinber gjöld.
Kjarninn 19. október 2021
Ásýnd fyrirhugaðrar uppbyggingar á Orkureitnum séð frá Suðurlandsbraut.
Reitir selja uppbyggingarheimildir á Orkureit á hátt í fjóra milljarða
Félagið Íslenskar fasteignir ehf. mun taka við uppbyggingunni á hinum svokallaða Orkureit á milli Ármúla og Suðurlandsbrautar af Reitum. Áætlaður söluhagnaður Reita af verkefninu er um 1,3 milljarðar króna.
Kjarninn 19. október 2021
Ekki búið að taka ákvörðun um rannsókn á yfirráðum Samherja yfir Síldarvinnslunni
Virði hlutabréfa í Síldarvinnslunni hefur aukist um 50 milljarða króna frá skráningu og um 30 prósent á síðustu vikum. Rúmur helmingur hlutafjár er í eigu Samherja og félaga sem frummat sýndi að færu með sameiginleg yfirráð í Síldarvinnslunni.
Kjarninn 19. október 2021
Meira úr sama flokkiÁlit
None