Dagatalið mitt

Ásta Júlía Hreinsdóttir safnar fyrir útgáfukostnaði fyrir Dagatalið mitt, sem er fjölnota afmælisdagatal með texta og myndum eftir hana.

apríl 27.jpg
Auglýsing

Ásta Júlía Hreinsdóttir er leik- og grunnskólakennari og stofnandi ÁJ hönnunar. Hún hefur alla tíð haft mikinn áhuga á myndlist og alltaf teiknað mikið og málað. Nú er ÁJ hönnun að gefa út Dagatalið mitt sem er fjölnota afmælisdagatal með texta og myndum eftir Ástu Júlíu. Safnað er fyrir útgáfukostnaði á Karolina Fund.
Hvernig vaknaði hugmyndin að verkefninu?

„Fyrir tveimur árum var ég að byggja mig upp og styrkja mig og ákvað að skrifa niður eins margar uppbyggjandi setningar og ég gæti. Það urðu ansi margar setningar og ég fór að hugsa hvort ég gæti ekki gert eitthvað við þær. Ég fór að mála myndir við textana og gefa þær, sumar á ensku og aðrar á íslensku.

Auglýsing
Góð kona spurði mig af hverju ég gæfi þetta ekki út í bók og ég fór að hugsa um það. Ég hélt áfram að skrifa niður setningar sem komu í huga minn og myndskreyta þær, sumar voru uppbyggjandi, aðrar örsögur og enn aðrar áminningar.

Allt í einu voru setningarnar orðnar nærri 200. Ég var enn að hugsa um það hvort ég ætti að gera eitthvað meira við myndirnar og einn daginn þegar ég var að reyna að skrifa nafn á nýfæddu barni inn á mánaðardaginn minn, kom hugmyndin að Dagatalinu mínu. Hún var fljót að þróast í það sem varð og nú er Dagatalið mitt að verða að veruleika.“

Hvað hefur hvatt þig áfram?

„Það hefur hvatt mig áfram að þetta var svo skemmtileg vinna og það voru svo margir áhugasamir. Ég viðurkenni alveg að stundum var þetta erfitt og sérstaklega að hugsa upp hvernig ég ætti að myndskreyta hvern texta fyrir sig. Það endaði þó með því að ég var komin með langt yfir 400 texta svo þetta var ekkert mál því ég gat valið úr. Ásta Júlía Hreinsdóttir.

Það var mér líka hvatning að þegar ég var langt komin við að mála myndirnar sagði góður maður við mig: „Ásta Júlía, þú verður að muna að þeir sem kaupa Dagatalið mitt munu kaupa 366 lítil listaverk.“
Hvað er sérstakt við þetta dagatal? 

„Dagatalið mitt er ekki bundið dagatal með ákveðnu ári eða vikudögum heldur er það fjölnota. Hver síða er tileinkuð einum degi á árinu og þar eru örsögur úr hversdeginum eða uppbyggjandi orð og síðan er myndskreytt af mér í takt við textann. Þannig fær hver dagur ársins sinn sess með sínum orðum og sinni mynd þar sem orð og mynd fá jafnt vægi. Einnig er á hverjum degi reitur þar sem eigandinn getur gert sitt dagatal persónulegt með því að skrá inn nöfn og fæðingarár afmælisbarna dagsins. 

Þetta er góð gjafavara allt árið um kring, ár eftir ár og hægt að opna það hvenær sem er, hvaða ár sem er. Dagatalið mitt er fyrir fólk á öllum aldri, á öllu landinu, sem hefur áhuga á að hafa uppbyggjandi orð með skemmtilegum myndum í kring um sig. 

Það er vinsælt að hafa hluti með fallegum eða uppbyggjandi orðum í umhverfi sínu. Dagatalið mitt er einmitt þannig en einnig dagatal sem eigandinn getur gert persónulegt og nýtt það svo ár eftir ár.“

Hér er hægt að skoða og taka þátt í verkefninu.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Svona eru líkur frambjóðenda á að komast á þing
Sitjandi þingmenn, og einn flokksformaður, eru í mikilli hættu á að missa þingsæti sitt í komandi kosningum. Mikil endurnýjun er í kortunum en alls 27 frambjóðendur sem sitja ekki á þingi eru líklegir til að ná þingsæti.
Kjarninn 16. september 2021
Tómas A. Tómasson og Kolbrún Baldursdóttir
Aðalsmenn og almenningur á Íslandi
Kjarninn 16. september 2021
Þorkell Sigurlaugsson og Sigmar Vilhjálmsson sitja báðir í undirbúningsnefnd hins nýja félags.
Unnið að stofnun nýrra hagsmunasamtaka lítilla og meðalstórra fyrirtækja
Atvinnufjélaginu er ætlað að vera málsvari fyrir hagsmuni einyrkja og lítilla og meðalstórra fyrirtækja í íslensku atvinnulífi. Þörfin á slíkum samtökum atvinnurekenda er sögð mikil af hálfu stofnenda.
Kjarninn 16. september 2021
Tryggvi Rúnar Brynjarsson
Í Dal hinna föllnu
Kjarninn 16. september 2021
Sif Sigmarsdóttir
Hvernig viljum við lifa?
Kjarninn 16. september 2021
Arnhildur Hálfdánardóttir fékk fjölmiðlaverðlaun umhverfis- og auðlindaráðuneytisins í fyrra fyrir þáttaröðina Loftslagsþerapían. Hún er þar með síðasti handhafi þeirra verðlauna.
Hætta að veita fjölmiðlaverðlaun á degi íslenskrar náttúru
Algjör sprenging hefur orðið í umfjöllun fjölmiðla um loftslags- og umhverfismál og því telur umhverfis- og auðlindaráðuneytið ekki lengur þörf á að verðlauna miðla sérstaklega fyrir slíkan fréttaflutning.
Kjarninn 16. september 2021
Sif Konráðsdóttir
Áratugur Árósasamnings
Kjarninn 16. september 2021
Katrín Jakobsdóttir forsætisráðherra í Forystusætinu á RÚV í gærkvöldi.
Framlög til barnabótakerfisins aukin og fleiri fá þær, en raunvirði bóta hefur lítið hækkað
Staðreyndavakt Kjarnans skoðar fullyrðingu Katrínar Jakobsdóttur um að ríkisstjórn hennar hafi aukið við barnabótakerfið og tryggt að það nái til fleiri en það gerði fyrir fjórum árum síðan.
Kjarninn 15. september 2021
Meira úr sama flokkiFólk