Hæstiréttur veitir leyfi til áfrýjunar í máli landsréttardómara

Hæstiréttur hefur samþykkt að veita leyfi til áfrýjunar í máli sem Arnfríður Einarsdóttir dæmdi í Landsrétti.

Landsréttur
Auglýsing

Hæstiréttur hefur samþykkt að veita leyfi til áfrýjunar í máli sem Arnfríður Einarsdóttir dæmdi í Landsrétti. Rétturinn mun því skera úr um hvort Arnfríður hafi verið með réttu handhafi dómsvalds þegar hún dæmdi í málinu. Stefnt er að því að dæma í málinu fyrir réttarhlé í júní og fer það því fram fyrir einhver ódæmd mál hjá réttinum.

Þetta kemur fram í frétt RÚV. 

Kjarninn hefur fjallað um málið en forsagan er sú að Vil­hjálmur Hans Vilhjálmsson, lögmaður, gerði þá kröfu að Arn­fríður viki sæti þar sem hún var einn þeirra fjög­urra dóm­ara sem skip­aðir voru í rétt­inn af Sig­ríði Á. And­er­sen dóms­mála­ráð­herra þrátt fyrir að vera ekki meðal þeirra sem hæfn­is­nefnd hafði talist hæf­asta til að gegna emb­ætt­inu.

Auglýsing

Lands­réttur hafn­aði kröfu Vil­hjálms þann 22. febrúar síðastliðinn og sagði að skip­un­inni yrði ekki hagg­að. Alþingi hafi sam­þykkt skip­un­ina og á þeim grund­velli hafi for­seti Íslands skipað hana. Þá liggi fyrir að Arn­fríður upp­fylli og upp­fyllti við skip­un­ina almenn hæf­is­skil­yrði sam­­kvæmt lögum um dóm­stóla. Sem skip­uðum dóm­­ara beri henni að rækja þann starfa sem emb­ætt­inu fylgir í sam­ræmi við stjórn­­­ar­­skránna. Þá njóti hún sjálf­­stæðis í emb­ætt­is­at­höfnum sín­um, meðal ann­­ars gagn­vart ráð­herra sem gerði til­­lögu um skipan hennar í emb­ætt­ið.

Vilhjálmur sótti um áfrýjunarleyfi vegna dómsmálsins til Hæstaréttar. Í frétt RÚV kemur fram að hann telji mikilvægt að æðsta dómstig landsins skeri úr um hvort skipan Arnfríðar hafi verið lögum samkvæmt. Það sé ekki sjálfgefið að Hæstiréttur veiti slíkt leyfi. Enn fremur kemur fram að Jón H.B. Snorrason, saksóknari í málinu, hafi sent Hæstarétti bréf fyrir helgi, þar sem fram komi stuðningur hans við að leyfið verði veitt.

Hæstiréttur féllst svo á það í gær, samkvæmt RÚV, að veita áfrýjunarleyfið. Í bréfi sem rétturinn sendi aðilum málsins segir meðal annars:

Sakborningurinn telur skilyrði „fyrir veitingu áfrýjunarleyfis vera uppfyllt þar sem meðal dómara í málinu fyrir Landsrétti hafi verið dómari sem ekki sé með réttu handhafi dómsvalds með því að skipun viðkomandi í embætti hafi ekki verið lögum samkvæm. Ákæruvaldið fellst á að mikilvægt sé að fá úrlausn Hæstaréttar um það álitaefni, en telur að niðurstaða Landsréttar um refsingu og sviptingu ökuréttar [sakborningsins] sé í samræmi við dóma í sambærilegum málum.

Að virtum gögnum málsins er beiðnin samþykkt.“

„Þetta er í fyrsta skipti sem Hæstiréttur veitir leyfi til áfrýjunar á dómi úr Landsrétti. Samkvæmt upplýsingum frá réttinum er stefnt að því að dæma í málinu fyrir réttarhlé, sem hefst seint í júní. Þorsteinn A. Jónsson, skrifstofustjóri Hæstaréttar, segir að það þýði að dæmt verði í málinu áður en dæmt verður í nokkrum fjölda einkamála sem bíða dóms,“ segir í fréttinni.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Sjókvíaeldi hefur aukist hratt á síðustu árum
Sjókvíaeldi hefur 13-faldast á sex árum
Umfang laxeldis hefur margfaldast á síðustu árum og útlit er fyrir að það muni vaxa enn frekar í náinni framtíð. Gangi spár eftir mun sjókvíaeldi á laxi árið 2023 verða tæplega helmingi meira en það var samanlagt á árunum 2010-2018.
Kjarninn 7. maí 2021
Eldgos hófst í Geldingadölum í Fagradalsfjalli þann 19. mars síðastliðinn.
„Nýr ógnvaldur“ við heilsu manna kominn fram á suðvesturhluta Íslands
Lungnalæknir segir að lítið sé vitað um langtímaáhrif vegna gasmengunar í lágum styrk til lengri tíma og áhrif kvikugasa í mjög miklum styrk í skamman tíma á langtímaheilsu. Nauðsynlegt sé að rannsóknir hefjist sem fyrst.
Kjarninn 7. maí 2021
Viðsnúningur Bandaríkjanna í óþökk lyfjarisa
Óvænt og fremur óljós stefnubreyting Bandaríkjanna varðandi afnám einkaleyfa af bóluefnum gegn COVID-19 hefur vakið litla kátínu í lyfjageiranum. Deildar meiningar eru um hvort afnám einkaleyfa kæmi til með að hraða framleiðslu bóluefna.
Kjarninn 7. maí 2021
Svandís Svavarsdóttir heilbrigðisráðherra.
Ísland skoðar að kaupa 100 þúsund skammta af Spútnik V og vill fá þorra þeirra fyrir 2. júní
Viðræður hafa átt sér stað milli fulltrúa íslenskra stjórnvalda og þeirra sem framleiða og markaðssetja hið rússneska Spútnik V bóluefni. Ísland myndi vilja fá að minnsta kosti 75 þúsund skammta fyrir 2. júní.
Kjarninn 7. maí 2021
Tæknivarpið
Tæknivarpið
Tæknivarpið – Sonos fær uppreist æru og Framsóknarmaður vill aldurstakmark á snjalltæki
Kjarninn 7. maí 2021
Bólusetningar ganga nú mjög hratt fyrir sig á Íslandi og samhliða dregur úr takmörkunum.
Fjöldatakmarkanir hækkaðar í 50 manns frá og með næsta mánudegi
Opnunartími veitingastaða verður lengdur um klukkustund, leyfilegur fjöldi í verslunum tvöfaldast, fleiri mega vera í sundi og fara í ræktina. Grímuskylda verður hins vegar óbreytt.
Kjarninn 7. maí 2021
Skálað á kaffihúsi í Danmörku.
Ýta við ferðaþjónustunni með 32 milljarða króna „sumarpakka“
Danska ríkisstjórnin ætlar að setja 1,6 milljarða danskra króna, um 32 milljarða íslenskra, í „sumarpakka“ til að örva ferðaþjónustu landsins.
Kjarninn 7. maí 2021
Kvótinn um 1.200 milljarða króna virði – Þrjár blokkir halda á tæplega helmingi hans
Miðað við síðustu gerðu viðskipti með aflaheimildir þá er virði þeirra langtum hærra en bókfært virði í ársreikningum útgerða. Í næstu viku munu örfáir eigendur útgerðar selja tæplega 30 prósent hlut sinn í henni.
Kjarninn 7. maí 2021
Meira úr sama flokkiInnlent