Einkafyrirtæki á fræðslumarkaði vilja aðild að sumarúrræðum stjórnvalda fyrir námsmenn

Námskeið á vegum endurmenntunardeilda háskólanna eru endurgreidd í sumar vegna sumarúrræða stjórnvalda. Forsvarsmenn tveggja einkafyrirtækja sem starfa í sama geira segjast ekki hafa tök á að keppa við verðin sem háskólarnir geta nú boðið upp á.

Fjölbreytt námskeið standa fólki til boða í sumar og haust í endurmenntunardeildum háskólanna.
Fjölbreytt námskeið standa fólki til boða í sumar og haust í endurmenntunardeildum háskólanna.
Auglýsing

Algjörlega er horft fram hjá einkafyrirtækjum sem sérhæfa sig í námskeiðahaldi og fræðslumiðlun í sumarúrræðum stjórnvalda er lúta að námi. Þetta er mat tveggja framkvæmdastjóra slíkra fyrirtækja. 


Háskólarnir fá um 500 milljónir króna vegna sérstakra sumarúrræða fyrir námsmenn. Hluti þess fjármagns fer svo til endurmenntunardeilda háskólanna.. Vegna þessa geta skólarnir boðið upp á námskeið fyrir þrjú þúsund krónur, námskeið sem áður gátu kostað tugi þúsunda. Námskeiðin eru sérstaklega ætluð ungum námsmönnum sem og þeim sem hafa misst atvinnu sína í kórónuveirufaraldrinum en í raun og veru getur hver sem er sótt námskeiðin. Meðal skólanna sem bjóða upp á námskeiðin eru Háskóli Íslands, Háskólinn í Reykjavík, Háskólinn á Akureyri, Landbúnaðarháskóli Íslands og Listaháskóli Íslands.

Endurmenntunardeildir í samkeppni við einkamarkaðinn

„Okkur finnst þetta dálítið sérstakt, að það sé í raun og veru verið að halda þessu innan ríkisins. Eins og við horfum á þetta þá er auðvitað nógu erfitt að reka einkafyrirtæki með öllum þeim áföllum sem hafa dunið yfir síðustu mánuði. Okkar rekstur hér í mars og apríl, við stöðvuðum hann út af tilmælum stjórnvalda,“ segir Jón Jósafat Björnsson framkvæmdastjóri Dale Carnegie á Íslandi.

Auglýsing

Hann segist vera orðinn dálítið óþreyjufullur í bið sinni eftir aðgerðum stjórnvalda sem gætu nýst í rekstrinum, brúarlán eða lokunarstyrki. „Svo kemur að því að mennta ungt fólk og aðra yfir sumarið og þá gerast hlutirnir mjög hratt. Menn færa fé inn í ráðuneytið og snúa sér eingöngu að háskólanum sem aftur lætur fjármagnið flæða inn í endurmenntunardeildir sínar til að keppa beint við einkamarkaðinn, það er auðvitað sérstök staða.“


Hann segir að stuðningur við menntun sé af hinu góða en að samráð við þá sem þekkja til í geiranum hafi vantað: „Það sem er klárlega grátlegt í þessu fyrst að menn fóru af stað í þetta sem er auðvitað frábært, hvers vegna var ekki sest niður með öllum aðilum? Hvers vegna treysta menn ekki öðrum til að koma fram með framboð sem vantar?“

Getur ekki keppt við verð endurmenntunar

Ingrid Kuhlman framkvæmdastjóri hjá Þekkingarmiðlun tekur í sama streng. „Auðvitað styð ég það að við gerum allt sem í okkar valdi stendur til að styrkja atvinnuleitendur og fólk sem vill bæta við sig þekkingu. Vandamálin við þessi úrræði er að þau standa bara háskólunum til boða,“ segir Ingrid. 

Endurmenntunardeildirnar bjóða upp á fjölbreytt námskeið og framboð þeirra skarast að einhverju leyti við framboð einkafyrirtækjanna, líkt og Ingrid bendir á: „Þetta eru meðal annars námskeið um jákvæða sálfræði, um breytingastjórnun og um árangursríka framkomu. Þetta eru allt námskeið sem einkaaðilar bjóða líka upp á. Nú er ég með framkomunámskeið og um teymisvinnu. Það er alveg ljóst að við sem einkaaðilar á fræðslumarkaði getum ekki keppt við þessi verð. Það er alveg ljóst að ég mun ekki bjóða upp á nein námskeið í jákvæðri sálfræði í bili.“


„Okkur finnst þetta ekki sanngjarnt og þetta skekkir samkeppnina,“ segir Ingrid sem vonar að  hugsunarleysi hjá stjórnvöldum hafi ráðið því að einkafyrirtæki hafi ekki fengið að vera með í ráðum.

Hugsað fyrir þá sem lenda í atvinnuvandræðum

Kristín Jónsdóttir Njarðvík, endurmenntunarstjóri hjá Endurmenntun Háskóla Íslands, hefur þetta að segja um framboð námskeiða hjá Endurmenntun HÍ: „Þetta eru úrræði stjórnvalda og þau setja 500 milljónir í háskólastigið eins og komið hefur fram. Þeir setja 500 milljónir í háskólana til þess að koma með úrræði fyrir háskólanema, bæði þá sem eru í háskólanum, þá sem hyggjast fara í háskólanám og þá líka fyrir fólk sem er á krossgötum atvinnulega séð og myndi vilja breyta að einhverju leyti um starfsvettvang.“


Spurð að því hvort þetta sé ekki undarlegt í samkeppnislegu tilliti svarar Kristín: „Þetta er ákvörðun stjórnvalda, það er ekki mitt að hafa skoðun á því, við tökum bara þátt í þessu með Háskóla Íslands. Í sjálfu sér finnst mér þetta gott framtak hjá stjórnvöldum til að koma til móts við þennan hóp.“


Aðspurð um það hvort að námskeiðin geti einnig hentað þeim sem eru í hlutastarfi segir Kristín: „Þetta er hugsað svona fyrir þá sem eru að lenda í vandræðum í vinnu, geta verið í hlutastarfi eða verið búin að missa vinnuna eða sjá fram á að missa hana.“

Námskeiðin standa öllum til boða

Þrátt fyrir að námskeiðin sem falla undir sumarúrræði stjórnvalda séu sérstaklega ætluð „ungum námsönnum og þeim sem misstu atvinnu sína í Covid-19 faraldrinum,“ þá standa þau hverjum sem er til boða. Til dæmis stendur í námskeiðslýsingu fyrir námskeiðið Gagnasöfn og SQL hjá Endurmenntun Háskóla Íslands að það sé „Tilvalið fyrir starfsmenn hugbúnaðarfyrirtækja eða –deilda sem ekki eru tölvunarfræðingar. Hentar t.d. einnig viðskiptafræðingum sem vinna með mikið gagnamagn og vilja kanna kosti þess að færa gögnin og vinnslu þeirra yfir í „alvöru“ gagnasafnskerfi.“


Hinir skólarnir bjóða líka upp á námskeið sem höfðað gætu sérstaklega til fagfólks. Hjá Opna háskólanum sem er endurmenntunardeild Háskólans í Reykjavík er boðið upp á námskeiðið Að leiða markaðsstarf í gegnum krefjandi tímabil. Í námskeiðslýsingu segir um námskeiðið: „Námskeiðið hentar einstaklingum sem vilja styrkja stöðu sína. Einnig þeim stjórnendum sem þurfa að takast á við áskoranir á eftirspurnahlið fyrirtækja. Fyrir sérfræðinga í markaðsmálum og/eða stjórnendur og starfsmenn fyrirtækja sem eru undir áhrifum Covid-krísunnar.“ 

Þessi námskeið eru einingis hluti þeirra námskeiða sem í boði eru hjá endurmenntunardeildum háskólanna. Einnig eru í boði námskeið sem sérstaklega munu nýtast námsfólki í undirbúningi fyrir háskólanám svo dæmi séu tekin. Öll námskeið sem eru hluti af framboði endurmenntunardeilda vegna sumarúrræða stjórnvalda kosta, líkt og áður segir, þrjú þúsund krónur.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Hólmfríður Árnadóttir menntunarfræðingur og Heiða Guðný Ásgeirsdóttir bóndi skipa 1. og 2. sæti á lista Vinstri grænna í Suðurkjördæmi.
Þjórsáin okkar allra
Kjarninn 25. júlí 2021
Svandís Svavarsdóttir heilbrigðisráðherra segir ríkisstjórnina ræða málin í þaula og hafa verið í meginatriðum samstíga um aðgerðir í faraldrinum hingað til.
Stjórnmálin falli ekki í þá freistni að gera sóttvarnir að „pólitísku bitbeini“
Svandís Svavarsdóttir heilbrigðisráðherra segir samstöðu í ríkisstjórn um þær hertu aðgerðir sem tóku gildi í dag. Hún segist vilja forðast að sóttvarnir verði að pólitísku bitbeini fyrir kosningar og telur að það muni reyna á stjórnmálin á næstu vikum.
Kjarninn 25. júlí 2021
Steypiregnið ógurlega
Steypiregn er klárlega orðið tíðara og umfangsmeira en áður var. Öll rök hníga að tengingu við hlýnun lofthjúps jarðar. Í tilviki flóðanna í Þýskalandi og víðar hefur landmótun, aukið þéttbýli og minni skilningur samfélaga á eðli vatnsfalla áhrif.
Kjarninn 25. júlí 2021
Ísraelsk stjórnvöld sömdu við lyfjafyrirtækið Pfizer um bóluefni og rannsóknir samhliða bólusetningum.
Alvarlega veikum fjölgar í Ísrael
Það er gjá á milli fjölda smita og fjölda alvarlegra veikra í Ísrael nú miðað við fyrstu bylgju faraldursins. Engu að síður hafa sérfræðingar áhyggjur af þróuninni. Um 60 prósent þjóðarinnar er bólusett.
Kjarninn 25. júlí 2021
Danska smurbrauðið nýtur nú aukinna vinsælda meðal matgæðinga í heimalandinu.
Endurkoma smurbrauðsins
Flestir Íslendingar kannast við danska smurbrauðið, smørrebrød. Eftir að alls kyns skyndibitar komu til sögunnar döluðu vinsældirnar en nú nýtur smurbrauðið sívaxandi vinsælda. Nýir staðir skjóta upp kollinum og þeir gömlu upplifa sannkallaða endurreisn.
Kjarninn 25. júlí 2021
Fjallahjólabrautin við Austurkór var eitt verkefna sem valið var til framkvæmda af íbúum í íbúðalýðræðisverkefninu Okkar Kópavogur í fyrra.
Kópavogsbær skoðar flötu fjallahjólabrautina betur eftir holskeflu athugasemda
Kópavogsbær hefur boðað að fjallahjólabraut við Austurkór í Kópavogi verði tekin til nánari skoðunar, eftir fjölda athugasemda frá svekktum íbúum þess efnis að brautin gagnist lítið við fjallahjólreiðar.
Kjarninn 24. júlí 2021
Með stafrænum kórónuveirupassa fæst QR kóði sem sýna þarf á hinum ýmsu stöðum.
Munu þurfa að framvísa kórónuveirupassa til að fara út að borða
Evrópska bólusetningarvottorðið hefur verið notað vegna ferðalaga innan álfunnar síðan í upphafi mánaðar. Í Danmörku hefur fólk þurft að sýna sambærilegt vottorð til að sækja samkomustaði og svipað er nú uppi á teningnum á Ítalíu og í Frakklandi.
Kjarninn 24. júlí 2021
Eldgosið í Geldingadölum hefur verið mikið sjónarspil. Nú virðist það í rénun.
Ráðherra veitir nafni nýja hraunsins formlega blessun sína
Eins og lög gera ráð fyrir hefur Lilja Dögg Alfreðsdóttir mennta- og menningarmálaráðherra staðfest nafngift nýja hraunsins í landi Grindavíkurbæjar. Fagradalshraun mun það heita um ókomna framtíð.
Kjarninn 24. júlí 2021
Meira úr sama flokkiInnlent