Ursula von der Leyen fram­kvæmda­stjóri Evr­ópu­sam­bands­ins (ESB) lýsti því yfir að kaup­samn­ingur um 300 milljón skammta af bólu­efn­inu frá lyfja­fyr­ir­tækj­unum Pfizer og BioNTech gegn kór­ónu­veirunni væri yfir­vof­andi. Ef tekið er til­lit til skil­mála ann­arra samn­inga ESB við bólu­efna­fram­leið­end­ur, auk þess að tvo skammta þurfi á hvern ein­stak­ling, mætti búast við að þessir samn­ingar leiði til þess að 33 pró­sent Íslend­inga fái bólu­efn­ið. 

Von der Leyen greindi frá stöðu samn­inga­við­ræð­anna í Twitt­er-­færslu í gær, þar sem hún sagði fram­kvæmda­stjórn ESB munu skrifa undir samn­ing við fram­leið­end­urna „bráð­um.“ Twitt­er-­færsl­una má sjá hér að neð­an.

Kjarn­inn hefur fjallað um jákvæðar fréttir frá Pfizer og BioNTech, en í gær lýstu fyr­ir­tækin því yfir að 90 pró­sent þeirra sem fengið hafi bólu­efnið hafi myndað ónæmi gegn kór­ónu­veirunni, sem þykir eins góður árangur og von­ast er hægt af fyrstu kyn­slóð bólu­efn­is. 

ESB hefur skrifað undir kaup­samn­ing við fjölda ann­arra bólu­efna­fram­leið­enda, þar á meðal samn­ing um 400 milljón skammta frá sænsk-breska lyfja­fyr­ir­tæk­inu Astr­aZeneca. Í fyrri samn­ingum hefur sam­bandið lýst því yfir að bólu­efn­unum verði dreift á öll aðild­ar­ríki þess mt.t. mann­fjölda, en heil­brigð­is­ráðu­neytið hefur einnig til­kynnt að aðild­ar­ríki EES fái sama aðgang að þeim. 

Þar sem heild­ar­mann­fjöldi EES-­svæð­is­ins nemur rúmum 460 millj­ónum manna og hver ein­stak­lingur þarf tvo skammta af bólu­efn­inu má búast við að allt að þriðji hver íbúi svæð­is­ins verði bólu­sett­ur. Af þeim væru 120 þús­und Íslend­ing­ar.  

Slíkur fjöldi væri þó ekki nægur til að mynda hjarð­ó­næmi gegn veirunni hér á landi, en heil­brigð­is­ráðu­neytið hefur áður gefið að út að 550 þús­und skammta þyrfti til að það mynd­ist. Bólu­efnið frá Pfizer og BioNTech dugir því ein­ungis fyrir tæpum helm­ingi af því.

Pfizer og BioNTech gætu fengið neyð­ar­leyfi fyrir bólu­efni sínu frá Alþjóða­heil­brigð­is­mála­stofnun á fyrsta fjórð­ungi næsta árs, að ákveðnum skil­yrðum upp­fyllt­um. Rík­is­stjórnir hvers lands munu svo for­gangs­raða hverjir fá efn­ið.