Tveir ráð­herrar Bret­lands hafa verið sektaðir vegna Par­tyga­te-hneyksl­is­ins svo­kall­aða, Boris John­son for­sæt­is­ráð­herra og Rishi Sunak fjár­mála­ráð­herra.

Þeir ætla ekki að segja af sér en það hefur David Wolf­son, dóms­mála­ráð­herra Bret­lands og þing­maður Íhalds­flokks­ins, hins vegar gert.

Hann seg­ist ekki eiga aðra kosta völ en að segja af sér emb­ætti vegna þátt­töku ráð­herra í sam­kvæmum í Down­ings­stræti á tímum útgöngu­banns vegna COVID-19.

Johnson og Sunak voru í vik­unni sektaðir af lög­reglu vegna brota á sótt­varna­reglum þegar þeir voru viðtstaddir afmæl­is­veislu for­sæt­is­ráð­herra í Down­ingstræti 10 19. júní 2020. Þeir telja sekt­irnar ekki ástæðu til að segja af sér emb­ætti.

Þrír þing­menn Íhalds­flokks­ins kraf­ist afsagnar Johnon

Wolf­son segir hins vegar að hann hafi ekki séð annan kost en hann skrif­aði John­son bréf í vik­unni þar sem hann gagn­rýndi við­brögð rík­is­sjórn­ar­innar við sekt­unum og lög­brot­un­um. Wolf­son sendi John­son upp­sagn­ar­bréf sitt í morgun og er fyrsti ráð­herr­ann sem segir af sér vegna Par­tyga­te. Aðeins þrír þing­menn Íhalds­flokks­ins hafa sagt opin­ber­lega að John­son eigi að segja af sé.

Breska lög­­­reglan hefur rann­sakað tólf sam­­­kvæmi á vegum breskra yfir­­­­­valda á þeim tíma sem strangar sótt­­­varna­­­reglur voru í gildi vegna heims­far­ald­­­urs kór­ón­u­veirunn­­­ar. John­son var við­staddur í að minnsta kosti þremur þeirra. Fyrstu 20 sekt­­irnar voru gefnar út í byrjun mán­að­­ar­ins en þær telja nú 50 tals­ins og von er á fleir­­um. John­­son var búinn að gefa það út að hann hyggð­ist upp­­lýsa um það yrði hann sektað­­ur.

John­son hefur lofað að útskýra mál sitt betur og fara yfir allt sem teng­ist sam­kvæm­unum sem hann hefur sagt við þing­menn. John­son hefur ítrekað verið sak­aður um lyg­ar. Í fyrstu sagði hann að engar reglur hafi verið brotn­ar. Í við­tali eftir að hann hafði verið sektaður sagði hann að í eigin afmæl­is­veislu hefði hann aldrei grunað að hann væri að brjóta lög.