Auglýsing

Ég ætla ekk­ert að ljúga hérna (no pun intended) þegar ég ímynda mér hversu djöf­ul­lega hresst líf mitt væri ef ég væri umkringd ein­tómu já-­fólki. Ég færi út á morgn­anna og það fyrsta sem ég fengi að heyra á leik­skóla krakk­ans væri hvað allt væri nú pott­þétt hjá mér eins og alltaf og að það væri nán­ast eins og polla­gall­inn væri straujaður með ilm­kjarna­ol­íu­essens svo fag­ur­lega vel með farið væri allt sem kæmi frá mínu vand­aða heim­ili flott­ust og sæt­ust mín. Næsta stopp væri svo latte-to-go á Tár­inu í Banka­stræti. Þar fengi ég að heyra frá körlunum í horn­inu hvað ég væri með fal­lega liðað hár og að það virk­aði bara alls ekk­ert þurrt þrátt fyrir kulda­tíð síð­ustu vikna. Færi svo í vinn­una og þar biðu mín aðeins tölvu­póstar frá fólki sem segðu mér hvað ég sé frá­bær ráð­gjafi og ég þurfi í raun ekk­ert að gera nema halda bara áfram að vera með­idda blikk­broskall með væng­i. 

Svo kíki ég inn í heima­bank­ann en þar eru rauðar töl­ur. Hmm...ekk­ert svo mikið mál samt, eitt sím­tal á þjón­ustu­full­trú­ann þar sem ég útskýri hvað ég sé í raun búin að græða mikið á góðum útsöl­um, að ekki megi gleyma heild­ar­mynd­inni. Hann skilur þetta allt auð­vit­að, biður mig að refresha og púff, allar tölur grænar eins og vel þroskað síprus­tré í Toscana.  

Ég fer í Bónus og stel eins og mér sýn­ist. Fólkið á kass­anum brosir þegar ég sting skinku­pakka undir kápuna og tylli lamba­læri á höf­uðið á mér. Enda er mér sagt að ég sé sól­ar­geisli versl­un­ar­inn­ar, svo kurt­eis og tryggur kúnn­i. 

Auglýsing

Sam­fé­lags­miðl­arnir elska mig, en ekki hvað. Bon Jovi mynd­böndin sem ég pósta fá yfir 500 læk og ekki nóg með það heldur kommentar Jónas Sen ítar­lega um hversu van­metin og marg­slungin tón­listin hans Bon Jovi míns sé og þakkar mér fyrir að vekja athygli sína á þessum óslíp­aða dem­anti.  

Og ef svo óheppi­lega vildi til að ég mundi rekast á ein­hvern sem væri óþægi­leg­ur, ekki kannski alveg sammala mér um ágæti Kim Kar­dashian og Doritos, þá hefði ég úrræði til að ­gera gott betur en að bara hundsa þetta lið. Ég væri með hóp fólks í kringum mig sem mundi  banna þeim að nálg­ast mig á manna­mótum eða yrða á mig. Ef hróp yrðu gerð að mér væri það lítið mál, ég væri með svona tæki á mér sem ruglar töl­uðu máli og breytti orðum fólks­ins í eitt­hvað óskilj­an­legt. Eins og er notað til að afbaka raddir fólks í við­töl­um. Ég mundi bara hrein­lega ekki skilja hvað fólk væri að segja. Ég yrði aldrei spurð óþægi­legra spurn­inga. Ég mundi bara líða áfram í já-draumi. 

Auð­vitað yrði þetta kannski ekki þægi­legt til lengd­ar. Raun­veru­leik­inn yrði senni­lega eft­ir­far­andi: Krakk­inn í göt­óttum pollagalla. Hárið í rúst og vinnan djók. Senni­lega væri ég að auki á bann­lista í annarri hverri verslun á Íslandi og á hide hjá flestum á face­book út af þessum árans mynd­böndum með þessum mið­aldra söngv­ara frá New Jers­ey. 

Íslenska þjóðin fékk öll bjána­lömun á sama sek­úndu­brot­inu þegar Sig­mundur Davíð Gunn­laugs­son mál­aði sig út í horn í Kast­ljós­þætt­inum í gær­kvöldi. Og hví? Hérna kemur það: Hann hefur búið sér til til­veru þar sem hann er aldrei í sama her­bergi og ein­hver sem er ósam­mála hon­um. Hann sagði það sjálfur berum orðum við sænska frétta­mann­inn: „Ís­lenskir stjórn­mála­menn eru ekki vanir að fá svona spurn­ing­ar.”   

Við­mótið breytt­ist svo full­kom­lega þegar Jóhannes Kr. Krist­jáns­son gekk inn í settið og spurði hann áfram. Þá breytt­ist for­sæt­is­ráð­herra úr per­són­unni sem hann var að leika fyrir alþjóða­sam­fé­lag­ið, úr huggu­lega lands­föð­urn­um, hvessti augun á þjóð sína og sagði á hennar tungu­máli að Jóhannes gæti bara tekið það við­tal síðar (les­ist: aldrei) um óþægi­lega mál­efnið sem hann vildi ekki tala um.  

Vanda­mál Sig­mundar Dav­íðs er þetta: Já-heimur hans hefur verið afhjúp­aður enda nær hann ekki út fyrir íslenska land­helgi. Hann skilur ekki hvers vegna hann getur ekki lengur bara keypt sér útskrift­ar­mynd og sent hana á The Daily Mail. Eða tekið við­tal við sjálfan sig í völdum fjöl­miðl­um. Raðað í kringum sig dans­andi ráð­herrum í grænum ledd­urum sem kalla hann leið­toga þjóð­ar­innar á ögur­stundu til að reyna að redda mál­um. Nei hann skilur ekki neitt í neinu. 

En nú er það okkar að ákveða hvort við viljum sætta okkur við að búa við króníska bjána­löm­un.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Ríkið þurfi að kortleggja á hverjum loftslagsskattarnir lenda
Upplýsingar liggja ekki fyrir í dag um það hvernig byrðar af loftslagssköttum dreifast um samfélagið. Í greinargerð frá Loftslagsráði segir að stjórnvöld þurfi að vinna slíka greiningu, vilji þau hafa yfirsýn yfir áhrif skattanna.
Kjarninn 30. júní 2022
Í frumdrögum að fyrstu lotu Borgarlínu var Suðurlandsbrautin teiknuð upp með þessum hætti. Umferðarskipulag götunnar er enn óútkljáð, og sannarlega ekki óumdeilt.
Borgarlínubreytingar á Suðurlandsbraut strjúka fasteignaeigendum öfugt
Nokkrir eigendur fasteigna við Suðurlandsbraut segja að það verði þeim til tjóns ef akreinum undir almenna umferð og bílastæðum við Suðurlandsbraut verði fækkað. Unnið er að deiliskipulagstillögum vegna Borgarlínu.
Kjarninn 30. júní 2022
Í austurvegi
Í austurvegi
Í austurvegi – Einlæg gjöf en smáræði 千里送鹅毛
Kjarninn 30. júní 2022
Úlfar Þormóðsson
Taglhnýtingar þétta raðirnar
Kjarninn 30. júní 2022
Viðbragðsaðilar og vegfarendur á vettvangi aðfaranótt sunnudags. 22 unglingar létust á Enyobeni-kránni.
Hvers vegna dóu börn á bar?
Meðvitundarlaus ungmenni á bar. Þannig hljómaði útkall til lögreglu í borginni East London í Suður-Afríku aðfaranótt sunnudags. Ýmsar sögur fóru á kreik. Var eitrað fyrir þeim? Og hvað í ósköpunum voru unglingar – börn – að gera á bar?
Kjarninn 30. júní 2022
Ekki yfirgefa kettina ykkar ef þeir veikjast, segir höfundur rannsóknarinnar. Hugsið enn betur um þá í veikindunum en gætið að sóttvörnum.
Staðfest: Köttur smitaði manneskju af COVID-19
Teymi vísindamanna segist hafa staðfest fyrsta smit af COVID-19 frá heimilisketti í manneskju. Þeir eru undrandi á að það hafi tekið svo langan tíma frá upphafi faraldursins til sanna að slíkt smit geti átt sér stað.
Kjarninn 29. júní 2022
Cassidy Hutchinson fyrir framan þingnefndina í gær.
Það sem Trump vissi
Forseti Bandaríkjanna reyndi með valdi að ná stjórn á bíl, vildi að vopnuðum lýð yrði hleypt inn á samkomu við Hvíta húsið og sagði varaforseta sinn eiga skilið að hrópað væri „hengið hann!“ Þáttur Donalds Trump í árásinni í Washington er að skýrast.
Kjarninn 29. júní 2022
Óskar Guðmundsson
Hugmynd að nýju launakerfi öryrkja
Kjarninn 29. júní 2022
Meira úr sama flokkiKjaftæði
None