Eru strákarnir okkar ungir og litlir?

Er Ísland stórasta land í heimi? Eða erum við bara huggulega meðalstór?

Auglýsing

Per­sónu­lega er ég ekki mik­ill íþrótta­á­huga­mað­ur. Ég veit ekki hvaða lið er á toppnum í ensku deild­inni; ég get nefnt þrjá leik­menn í íslenska karla­lands­lið­inu í fót­bolta (reyndar held ég að Eiður Smári sé kom­inn á eft­ir­laun, þannig að kannski eru þeir bara tveir); og um dag­inn, þegar ég hitti ótrú­lega næs Íslend­ing á knæpu í Þýska­landi, að nafni Arnór Þór, hafði ég ekki hug­mynd um að hann væri heimsklassa íþrótta­mað­ur.

En ég lét mig að sjálf­sögðu ekki vanta þegar íslenska lands­liðið kom til Köln­ar, þar sem ég bý, til þess að spila á móti Frakk­landi.

Þegar ég fylgd­ist með lið­unum hita upp var það tvennt sem ég tók sér­stak­lega eft­ir: strák­arnir okkar virt­ust bæði mikið yngri og minni en Frakk­arn­ir. Ég hafði heyrt sér­fræð­inga segja að við værum með ungt lið. Minnt­ist ég þess einnig að fróð­ari menn en ég hafi sagt að strák­arnir okkar væru frekar litl­ir. Ég hafði svo sem enga ástæðu til að efast um þessar kenn­ingar né upp­lifun mína. En hag­fræð­ing­ur­inn í mér er óþol­andi plága og lét mig ekki í friði fyrr en gögnum yrði safnað og þau yfir­heyrið til þess að færa sönnur á, eða hrekja, þessar kenn­ing­ar.

Auglýsing

Stóru strák­arnir okkar

Það eru ýmsar leiðir til þess að meta það hvort strák­arnir okkar séu stórir eða litl­ir. Eðli­legt væri að byrja á því að bera þá saman við full­orðna íslenska karl­menn. Í þessu sam­hengi er nokkuð ljóst að strák­arnir okkar eru sko engir titt­ir. Meðal íslenskur karl­maður er 180,8 sm. Eða það þyk­ist hann alla­vega vera þegar hann er beð­inn um að meta eigin hæð. Það er eflaust aðeins hærri tala en raun ber vitni, enda eiga karlar það til að námunda rausn­ar­lega upp á við þegar þeir eru spurðir um hæð (ef þú trúir mér ekki, athug­aðu þá bara vega­bréfið þitt). Með­al­hæð strák­anna okkar er 191 sm. Tveir minnstu leik­menn Íslenska liðs­ins, Arnór og Óðin (báðir Þór­ar) eru báðir 181 sm, 20 milli­metrum hærri en meðal íslenskur karl­maður þyk­ist vera.Ef íslenskir karlmenn fá að njóta vafans, eru þeir samt trítlar í samanburði við strákana okkar. Heimild: Eikonomics, Wikipedia.

Að sjálf­sögðu skiptir stærð strák­anna miðað við okkur ekki svo miklu máli. Það sem skiptir meira máli er hvernig þeim ber saman við mótherja sína, á vell­in­um. Ég skoð­aði það líka og það vill svo til að strák­arnir eru mitt í miðj­unni, hvorki stórir né litlir, beint á milli Túnis og Bras­il­íu. Á graf­inu að neðan hef ég raðað upp öllum leik­mönnum allra liða frá þeim lág­vaxn­asta í sínu liði til þess hávaxn­asta. Strák­arnir okkar eru rauðu punkt­arn­ir.Litlu strákarnir okkar eru frekar stórir en stóru strákarnir okkar frekar litlir. Ath. Hver punktur er einn leikmaður. Fyrsta röðin sýnir minnsta leikmann hvers liðs, önnur röðin næst minnsta leikmann hvers liðs og svo kolli af kolli.

Vissu­lega erum strák­arnir ekk­ert rosa­lega stór­ir. Til að mynda er hæsti leik­maður okk­ar, Arnar Freyr, 11 senti­metrum minni en hinn tröll­vaxni Dani, Niko­laj Markus­sen. En þó að við séum ekki stórasta land í heimi (Ung­verjar eru það), þá erum við heldur ekki minnstasta land í heimi (sem er Bahrain). Við erum bara með­al­stórasta land í heimi.

Ungu strák­arnir okkar

Það er alveg ljóst að strák­arnir okkar eru ung­ir. Með­al­aldur liðs­ins eru 24 ár. Með­al­aldur spænska liðs­ins eru 30 ár, en þeir eru afar móts­ins. Reyndar erum við ekk­ert eins­dæmi, en með­al­leik­maður Kóreska liðs­ins einnig 24 ára. En þökk sé Hauki, sem er 17 ára, þá er íslenska liðið samt yngsta lið móts­ins.

Myndin að neðan sýnir svart á hvítu hversu ungir strák­arnir okkar eru í raun og veru. Á graf­inu hef ég raðað niður öllum leik­mönnum allrar liða móts­ins, eftir ald­urs­röð þeirra í lið­inu. Þannig er, til að mynda, Haukur bor­inn saman við yngstu leik­menn hvers liðs (fyrsti dálk­ur­inn á mynd­inni) og er Björg­vin borin saman við elstu menn hvers liðs (síð­asti rauði punkt­ur­inn). Og eins og myndin sýnir er liðið okkar korn­ungt. Ell­ismellur móts­ins, Aust­ur­rík­is­mað­ur­inn Nikola Mar­inovic, er 42 ára – 9 árum eldri en Björg­vin og 25 árum eldri en Hauk­ur!Ath. Hver punktur er einn leikmaður. Fyrsta röðin sýnir yngsta leikmann hvers liðs, önnur röðin næst yngsta leikmann hvers liðs og svo kolli af kolli. Einhver lið eru með fleiri en 17 leikmenn, því eru auka punktar á eftir Björgvin og félögum.

Hag­fræð­ing­ur­inn í mér getur því sofið vært: töl­fræðin stað­festir það sem sér­fræð­ing­arnir hafa haldið fram. Núna er bara að bíða og vona að sér­fræð­ing­arnir hafi líka rétt fyrir sér þegar þeir segja að liðið verði bara betra eftir því sem það eld­ist og hleður á sig reynslu.

Kæru hand­bolta­kapp­ar, takk fyrir mig. Ég hlakka til að sjá ykkur veifa bik­arnum eftir nokkur ár. Engin pressa.

*Áhuga­samir geta skoðað frek­ari töl­fræði hvað varðar stærð, reynslu og aldur strák­anna okkar á heima­síðu höf­und­ar: eikonomics.eu.



Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Nicola Sturgeon fyrsti ráðherra Skotlands.
Stefnir á atkvæðagreiðslu um sjálfstætt Skotland í október 2023
Nicola Sturgeon leiðtogi Skoska þjóðarflokksins stefnir á að halda þjóðaratkvæðagreiðslu um sjálfstæði Skotlands á ný næsta haust – með eða án leyfis bresku ríkisstjórnarinnar.
Kjarninn 28. júní 2022
Guðmundur Andri Thorsson
Ráfað um í Keflavíkurgöngu
Kjarninn 28. júní 2022
Samkvæmt tilkynningu frá Borgarlínu er gert ráð fyrir því að vagnar Borgarlínunnar byrji að ganga á milli Hamraborgar og Háskóla Íslands árið 2025, þrátt fyrir að framkvæmdum á þeim kafla verði ekki að fullu lokið þá.
Tímalínu framkvæmda við fyrstu lotu Borgarlínu seinkað
Endurskoðuð tímaáætlun framkvæmda við fyrstu lotu Borgarlínu gerir ráð fyrir því að framkvæmdalok verði á árunum 2026 og 2027, en ekki 2024 eða 2025 eins og lagt var upp með. Samstilling við aðrar framkvæmdir, eins og Sæbrautarstokk, spila inn í.
Kjarninn 28. júní 2022
Það að vera kvenkyns lögmaður eykur líkur á að mál falli umbjóðandanum í vil samkvæmt nýrri íslenskri rannsókn.
Kvenkyns lögmenn líklegri til að vinna mál í héraði
Kvenkyns málflytjendur skila betri árangri fyrir dómstólum og eldri dómarar eru líklegri til að dæma varnaraðila í vil en þeir sem yngri eru, samkvæmt nýrri íslenskri rannsókn.
Kjarninn 28. júní 2022
Örn Bárður Jónsson
Þungunarrof, samkynhneigð og kynusli
Kjarninn 28. júní 2022
Katrín Jakobsdóttir, formaður Vinstri grænna og forsætisráðherra, og Ásgeir Jónsson seðlabankastjóri.
Ætlar ekki að láta Seðlabankann afhenda sér gögn um ráðstöfun opinberra hagsmuna
Seðlabanki Íslands hefur ekki viljað leggja mat á hagsmuni almennings af birtingu upplýsinga um þá sem fengu að nýta sér fjárfestingaleið hans né af því að stöðugleikasamnirnir við kröfuhafa verði gerðir opinberir.
Kjarninn 28. júní 2022
Kristrún Frostadóttir, þingmaður Samfylkingarinnar.
Kristrún íhugar formannsframboð
Kristrún Frostadóttir, þingmaður Samfylkingarinnar, segist „íhuga alvarlega“ að bjóða sig fram til formanns á landsfundi flokksins í október. Logi Einarsson tilkynnti um miðjan júní að hann muni ekki bjóða sig fram að nýju.
Kjarninn 28. júní 2022
„Bleika húsið“, heilsugæsla sem þjónustar konur í Mississippi er eina heilsugæslan í ríkinu sem veitir þungunarrofsþjónustu. Henni verður að öllum líkindum lokað innan nokkurra daga.
Síðustu dagar „bleika hússins“ í Mississippi
Eigandi einu heilsugæslunnar í Mississippi sem veitir þungunarrofsþjónustu ætlar að halda ótrauð áfram, í öðru ríki ef þarf, eftir að Hæstiréttur Bandaríkjanna felldi rétt til þungunarrofs úr gildi.
Kjarninn 27. júní 2022
Meira úr sama flokkiEikonomics