Bretar fá engan EES-samning ef þeir kjósa útgöngu úr ESB

Wolfgang Schäuble, fjármálaráðherra Þýskalands, þvertekur fyrir það að Bretar geti samið um aðild að EES ef þeir kjósa að ganga úr ESB. Kosið verður 23. júní. Ísland, Noregur og Liechtenstein eru einu löndin utan sambandsins með aðild að EES.

Wolfgang Schäuble, fjármálaráðherra Þýskalands, hefur tekið harða afstöðu í málum Bretlands kjósi þeir að yfirgefa ESB.
Wolfgang Schäuble, fjármálaráðherra Þýskalands, hefur tekið harða afstöðu í málum Bretlands kjósi þeir að yfirgefa ESB.
Auglýsing

Bretar fá engan aðgang að sam­eig­in­legum mark­aði Evr­ópu­sam­bands­ins kjósi þeir að yfir­gefa sam­bandið í þjóð­ar­at­kvæða­greiðsl­unni í næstu viku. Þetta segir Wolf­gang Schäu­ble, fjár­mála­ráð­herra Þýska­lands, í við­tali við þýska viku­ritið Der Spi­egel sem kom út á sunnu­dag. Kosið verður í Bret­landi fimmtu­dag­inn 23. júní um áfram­hald­andi veru í ESB. Frá þessu er greint á vef The Guar­dian.

Schäu­ble var spurður hvort Bretum stæði til boða að ganga í evr­ópska efna­hags­svæðið (EES) eftir útgöngu úr ESB og gera svip­aðan samn­ing og Ísland, Nor­eg­ur, Liechten­stein eða Sviss hafa við sam­band­ið. „Það mun ekki ganga,“ sagði hann. „Þá þyrfti landið að fylgja reglum klúbbs­ins sem það vill hætta í. Ef meiri­hluti kjós­enda í Bret­landi velur að sam­starf­inu sé slitið verður það ákvörðun gegn sam­eig­in­lega mark­að­in­um. Annað hvort ertu með eða ekki.“

Ísland, Nor­egur og Liechten­stein eru með samn­ing við Evr­ópu­sam­bandið um aðild að evr­ópska efna­hags­svæð­inu en Sviss hafa við­skipta­samn­ing við sam­bandið sem gengur mun skem­ur. Leið­togar í Evr­ópu hafa sagt báðar leiðir vera lok­aðar Bretum ef þeir kjósa að yfir­gefa sam­band­ið.

Auglýsing

Mjótt er á munum milli fylk­inga í Bret­landi. Skoð­ana­kann­anir hafa und­an­farið sýnt að ekki má miklu muna í hvora átt­ina sem er; með­al­tal síð­ustu sex skoð­ana­kanna sýna að þeir sem vilja slíta sam­starf­inu eru 52 pró­sent kjós­enda og þeir sem vilja vera áfram í ESB eru 48 pró­sent kjós­enda.

Í Bret­landi hefur þeirri hug­mynd verið velt upp að Evr­ópu­sinn­aðir þing­menn West­min­ster noti meiri­hluta sinn í þing­inu til þess að halda í aðgang að sam­eig­in­legum mark­aði ESB. Fyrsta og lík­leg­asta til­raunin sem þeir munu gera er að fá svip­aðan samn­ing og Ísland, Nor­egur og Sviss. Meg­in­stoðin í sam­eig­in­legum mark­aði ESB er hið svo­kall­aða fjór­frelsi; frelsi til flutn­inga fólks, varn­ings, þjón­ustu og fjár­magns innan evr­ópska efna­hags­svæð­is­ins.

Stuðn­ings­menn þeirra sem vilja ekki halda áfram í ESB segja að það sé í Þýska­landi í hag að geta áfram stundað óhindruð við­skipti við Bret­land. Bretar séu þriðji stærsta útflutn­ings­land þýskra bíla­fram­leið­enda og Bret­land áfanga­staður um 7 pró­sent alls útflutn­ings frá Þýska­landi. Álits­gjafar í Þýska­landi segja hins vegar um meira að tefla en efna­hags­lega hags­muni.

„Evr­ópa mun virka án Bret­lands ef það kemur til þess,“ er haft eftir Schäu­ble í Der Spi­egel. „Á ein­hverjum tíma­punkti munu Bretar átta sig á því að þeir hafi tekið ranga ákvörð­un. Einn dag­inn munum við taka á móti þeim aft­ur, ef það er það sem þeir vilja.“

Þýski fjár­mála­ráð­herran segir ESB ekki geta úti­lokað að fleiri lönd fari sömu leið og Bret­ar, ef Bretar kjósa að hætta í sam­band­inu. „Hversu langt munu, til dæm­is, Hol­lend­ingar ganga? Það er land sem hefur sterk sam­bönd við Bret­land. Það verður mik­il­vægt fyrir Evr­ópu­sam­bandið að senda skýr skila­boð um að það sé til­búið að læra af atkvæða­greiðslu Breta,“ segir Schäu­ble.

George Osborne og Wolfgang Schäuble eru fjármálaráðherrar Bretlands og Þýskalands.

Kosn­inga­bar­áttan nær hámarki

Kosn­inga­bar­átta fylk­ing­anna tveggja, með og á móti útgöngu Bret­lands, fer nú að ná hámarki sínu og minnir orð­ræðan og ágrein­ings­málin um margt á þá umræðu sem var hér á landi fyrir fáeinum árum þegar umsókn­ar­ferli Íslands að ESB var í gangi. Á vef Guar­dian er kosn­inga­bar­áttan útskýrð á ein­faldan hátt. Þeir sem telja Bret­landi best borgið utan ESB hafa lagt árherslu á minn­ing­una um breska heims­veld­ið, hug­ar­far Breta á stríðs­ár­unum og Thatcher-­tím­ann á átt­unda og níunda ára­tug síð­ustu ald­ar. Fyrir þeim er ESB ofrík­is­fullt, dýrt og ólýð­ræð­is­legt; og inn­flutn­ingur fólks í álf­una veldur þeim hug­ar­angri.

Þeir sem vilja halda sam­band­inu við ESB minna á það hversu vel Evr­ópu­sam­starf­inu hefur tek­ist að stilla til friðar í heims­álfu sem log­aði áður í deil­um. Þar er einnig lögð áhersla á hversu vel fjór­frelsið hefur komið sér fyrir alla þátt­tak­endur í sam­starf­inu.

Meðal þeirra sem sem styðja áfram­hald­andi veru Bret­lands í ESB eru allir leið­togar allra stærstu stjórn­mála­flokka á Bret­landi, þar með talið David Cameron for­sæt­is­ráð­herra Íhalds­flokks­ins. Allir helstu leið­togar Evr­ópu­sam­bands­ríkj­anna hafa einnig hvatt Breta til að kjósa áfram­hald­andi aðild og nýverið lagði Barack Obama Banda­ríkja­for­seti sitt á vog­ar­skál­arn­ar.

Meðal þeirra sem vilja að Bret­land yfir­gefi ESB fyrir fullt og allt eru Boris John­son, fyrr­ver­andi borg­ar­stjóri í London og Nigel Fara­ge, yfir­lýstur Evr­ópu­and­stæð­ingur og leið­togi sjálf­stæð­is­flokks Bret­lands. Don­ald Trump, hinn alræmdi for­seta­fram­bjóð­andi í Banda­ríkj­un­um, hefur einnig látið hafa eftir sér að Bretar eigi að kjósa gegn Evr­ópu.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Eiríkur Ragnarsson
Af hverju er aldrei neitt til í IKEA?
Kjarninn 17. október 2021
Karl Gauti Hjaltason er oddviti Miðflokksins í Suðvesturkjördæmi.
„Það er búið að eyðileggja atkvæðin í þessu kjördæmi“
Atkvæðin í kosningunum í Norðvesturkjördæmi „eru því miður ónýt,“ segir Karl Gauti Hjaltason, fyrrverandi sýslumaður og „vafaþingmaður“ Miðflokksins. „Það getur enginn í raun og veru treyst því að ekki hafi verið átt við þessi atkvæði“.
Kjarninn 17. október 2021
Gabby Petito
Verður morðið á Gabby Petito leyst á TikTok?
Margrét Valdimarsdóttir, doktor í afbrotafræði, segir enga ástæðu til að óttast breyttan veruleika við umfjöllun sakamála en mikilvægt sé að að gera greinarmun á sakamálum sem afþreyingu og lögreglurannsókn.
Kjarninn 17. október 2021
Lars Løkke fyrrverandi forsætisráðherra Danmerkur og formaður í Venstre.
Klækjarefurinn Lars Løkke ekki á förum úr pólitík
Þegar Lars Løkke Rasmussen sagði af sér formennsku í danska Venstre flokknum 2019 töldu margir að dagar hans í stjórnmálum yrðu brátt taldir. Skoðanakannanir benda til annars, nýstofnaður flokkur Lars Løkke nýtur talsverðs fylgis kjósenda.
Kjarninn 17. október 2021
Kornótta ljósmyndin sem vakti athygli á kjarabaráttu
Verkafólk hjá morgunkornsframleiðandanum Kelloggs segist ekki ætla að láta bjóða sér kjaraskerðingar og er komið í verkfall. Einn verkfallsvörðurinn varð nokkuð óvænt andlit baráttunnar.
Kjarninn 16. október 2021
Lestur Fréttablaðsins á leið undir 30 prósent og verðhækkanir á prentun blaða framundan
Frá byrjun árs 2018 hefur lestur Fréttablaðsins aukist á milli mánaða í fimm skipti en dalað 39 sinnum. Útgáfufélag blaðsins tapaði um 800 milljónum króna á árunum 2019 og 2020.
Kjarninn 16. október 2021
Bankarnir bjóða ekki lengur upp á lægstu vextina
Í byrjun árs í fyrra voru óverðtryggð lán 27,5 prósent af heildaríbúðalánum til heimila. Nú er hlutfallið komið yfir 50 prósent. Þessi breyting gæti stuðlað að því að Seðlabankinn þurfi ekki að hækka stýrivexti jafn skarpt til að slá á eftirspurn.
Kjarninn 16. október 2021
Gylfi Zoega, hagfræðiprófessor við Háskóla Íslands
Gylfi: Verðbólgan ekki vegna lóðaskorts
Meintur lóðaskortur á höfuðborgarsvæðinu er ekki ástæða þess að fasteignaverð hefur hækkað, að mati hagfræðiprófessors sem á sæti í peningastefnunefnd Seðlabankans.
Kjarninn 16. október 2021
Meira eftir höfundinnBirgir Þór Harðarson
Meira úr sama flokkiFréttaskýringar
None