Hjólað inn í nýja tíma

Fólk hefur í auknum mæli nýtt sér aðra samgöngumáta en hinn hefðbundna og valið að hjóla þangað sem förinni er heitið. Hugarfar gagnvart hjólreiðum hefur breyst mikið á undanförnum árum og enn keppist fólk við að kynna þennan nýstárlega lífsmáta.

Ákveðin menning hefur skapast í kringum hjólreiðar á Íslandi. Þessi mynd er tekin á svokölluðu Tweed Ride Reykjavík í fyrra.
Ákveðin menning hefur skapast í kringum hjólreiðar á Íslandi. Þessi mynd er tekin á svokölluðu Tweed Ride Reykjavík í fyrra.
Auglýsing

Hjól­reiða­menn­ing á Íslandi hefur breyst mikið und­an­farin ár og margir lands­menn hafa tekið upp á því að fara að hjóla. Smám saman hefur fólk upp­götvað að hægt sé, þrátt fyrir breyti­legt veð­ur, að nýta þennan ferða­máta enda sé hann ódýr­ari, heilsu­sam­legri og umhverf­is­vænni en margur ann­ar. 

Umræður um hjól­reiða­menn­ingu skjóta iðu­lega upp koll­inum þar sem kostir og gallar hjól­reiða eru reif­að­ir. Og vegna þess að þetta er til­tölu­lega nýr lífstílsmáti hér á landi þá er skilj­an­legt að ákveðnir vaxta­verkir láti á sér kræla. Hjól­reiða­menn hafa stundum verið ásak­aðir um að hjóla of hratt eða óvar­lega á göngu­stígum Reykja­vík­ur­borg­ar. Þeir hjól­reiða­menn sem Kjarn­inn tal­aði við voru sam­mála um að það væri mik­il­vægt fyrir hjól­reiða­menn að bera virð­ingu fyrir gang­andi veg­far­endum og að auð­vitað yrði sú virð­ing að vera gagn­kvæm. 

Auglýsing

Gaman að kynn­ast borg­inni með öðrum hætti

Sesselja Traustadóttir

Sess­elja Trausta­dótt­ir, fram­kvæmda­stýra Hjóla­færni á Íslandi, byrj­aði að hjóla af ein­hverri alvöru fyrir 10 árum þegar hún tók fyrst þátt í Hjólað í vinn­una. Hún vann sem grunn­skóla­kenn­ari og segir hún að það hafi hentað ein­stak­lega vel að hjóla í vinn­una þetta vor­ið. Hún hjólaði einnig út um alla Reykja­vík­ur­borg og kynnt­ist hún henni alveg upp á nýtt. Eftir þessa reynslu seg­ist hún hafa kom­ist á bragðið og í dag séu hjól­reiðar og allt sem þeim teng­ist ástríða hennar og vinna. 

Við þessa fyrstu hjól­reiða­á­skorun þá útbjó hún hjóla­leik fyrir vinnu­fé­laga sína. Hann virk­aði þannig að þegar fólk sem hjólaði í vinn­una kom við á ákveðnum stöðum þá fékk það lím­miða að laun­um. Sess­elja segir að þetta hafi gef­ist vel og verið skemmti­legt. Hún segir að á þessum tíma hafi hún stöðugt verið að koma sjálfri sér á óvart og að hún hafi séð miklar fram­farir. Hún hafi til dæmis allt í einu getað farið upp brekkur sem hún hafi ekki ráðið við áður og þegar hún hjólaði í fyrsta skiptið 60 kíló­metra þá hringdi hún stolt í eig­in­mann sinn til að segja honum frá því. „Þetta var líka skemmti­leg kynn­ing á borg­inni en það er gaman að þekkja hana með þessum hætt­i,“ segir hún og hlær. Hún segir að Reykja­vík­ur­svæðið sé algjör­lega frá­bært til hjól­reiða.

Vinnur nú við að opna augu fólks fyrir hjól­reiðum

Upp úr þessu byrj­aði Sess­elja að vinna að mál­efnum tengdum hjól­reið­um. Hún segir að hjartað sé sam­ofið ýmis konar gras­rót­ar­starfi og að það sé ein­stak­lega gaman að opna augu fólks fyrir hjól­reið­u­m. 

Margs konar hjól - hjolreidar.is

Sess­elja vinnur nú að ýmis konar verk­efnum sem stuðla að bættri hjól­reiða­menn­ingu. Meðal þess­ara verk­efna er Hjólað óháð aldri sem byggir á því að rjúfa ein­angrun og efla lífs­gleði íbúa á hjúkr­un­ar­heim­ilum með því að gefa þeim kost á að fara út að hjóla. Hún segir að það sé einkar gef­andi verk­efni og að það sé hreint stór­kost­legt að finna hvað almenn­ingur sýni því mik­inn áhuga.

Hún telur að þrátt fyrir miklar breyt­ingar á hugs­un­ar­hætti og við­horfum til hjól­reiða síð­ustu ár mætti gera enn bet­ur. Hún telur enn fremur að þessar miklu breyt­ingar á hjól­reiða­menn­ingu á Íslandi megi að hluta til rekja til hruns­ins. Eftir efna­hag­skrísu hafi margir lands­menn selt bíl­inn og leitað ann­arra leiða til að koma sér á milli staða. Hún segir að mik­ill umsnún­ingur hafi orðið á hjóla­venjum lands­manna frá árinu 2008. 

Raf­magns­hjólið kemur sterkt inn

Sjálf seg­ist Sess­elja byrjuð að nota raf­magns­hjól en hún ákvað fyrir um ári síðan að prófa það. Hún segir að það sé góður kostur fyrir Reykja­vík­inga en nú getur hún hjólað allar brekkur eins og ekk­ert sé. „Þú veist ekki fyrr en þú hefur prófað hvað raf­magns­hjólið gerir fyrir þig. Það frá­bæra við raf­magns­hjólið er að það er hægt að fara hratt en það er líka svo auð­velt að stjórna hrað­an­um,“ segir hún. Hún hvetur Íslend­inga til að prófa raf­magns­hjólið og hún segir að það sé gott tæki til að nota til jákvæðrar stefnu­mót­un­ar. Það sé hægt að deila rými með gang­andi veg­far­endur en það sé einmitt svaka­lega mik­il­vægt að sýna til­lit­semi á gang­stétt­unum þannig að sam­vinna milli hópanna gangi vel. „Við verðum að vera með­vit­að­ari um umhverfið í kringum okk­ur,“ segir hún og bætir við að hjól­reiða­menn verði að taka þetta alvar­lega. Fólk læri líka betur á umferð­ina með því að nota mis­mun­andi ferða­máta. 

Tweed Ride Reykjavík 2015 - hjolreidar.isSess­elju er mikið í mun að lands­menn allir horfi til fjöl­breyttra sam­göngu­venja. Hún segir að það sé allra hagur að virkja sam­göngur og ráða­menn heims­ins horfi til hjól­reiða sem hluta af lausn sam­gangna í þétt­býl­i. 

„Við eigum að horfa til fram­tíðar og taka ábyrgð á vistsporum okk­ar. Við skuldum fram­tíð okkar og barn­anna okkar slíka breytn­i,“ segir hún. Hún telur að bíla­um­ferð­inni sé sýnt allt of mikið umburð­ar­lyndi. Hún vill að stjórn­völd taki til sinna ráða og geri opin­bera hjól­reiða­á­ætlun fyrir íslenskt sam­fé­lag. Út frá henni væri auð­veld­ara fyrir sveita­fé­lög að gera slíkt hið sama og svo myndu fyr­ir­tæki fylgja í kjöl­far­ið.  

Vill breyta ímynd hjól­reiða

Páll GuðjónssonPáll Guð­jóns­son er rit­stjóri síð­unnar Hjól­reið­ar­.is en á síð­unni segir að til­gangur hennar sé að efla hjól­reiðar á Íslandi með því að auka öryggi með fræðslu, hvetja til hjól­reiða með því að kynna kost­ina, eyða mýtum og síðan en ekki síst að breyta ímynd hjól­reiða. 

Páll er búinn að vera við­rið­inn hjól­reiða­hreyf­ing­una í tvo ára­tugi en hann segir að við­horf til hjól­reiða hafi breyst mikið á þessum árum. Hann segir að þau sem vinni að mál­efn­unum séu hægt og síg­andi að sá fræjum með öllu því ötula starfi sem unnið er og að hægt sé að sjá upp­sker­una nú þeg­ar. „Fólk hélt að við værum skrítin til að byrja með en núna er allt annað við­horf,“ bætir hann við.

Það þarf ekki að selja bíl­inn

Páll segir að á vef­síð­unni séu allar þær upp­lýs­ingar sem byrj­endur þurfi á að halda. Það sé ekki verið að leggja áherslu á þjálf­un­arplön eða svo­leiðis upp­lýs­ing­um. Mark­miðið sé að upp­lýs­ing­arnar séu aðgengi­legar og sé þetta til­raun til að ná til nýliða sem finn­ast hjól­reiðar spenn­andi. „Þetta er ekki flók­ið. Þú sest upp á hjólið og hjólar af stað. Það þarf engan sér­stakan búnað eða und­ir­bún­ing,“ segir Páll. Hann bendir einnig á að það þurfi ekki að fara með hjól­reiðar „alla leið“, það þurfi ekki að selja bíl­inn eða eyða miklum pen­ingum í bún­að. Þau sem standa fyrir síð­unni vilji normalísera hjól­reiðar sem venju­legan ferða­máta. Þau vilji benda fólki á val­kost­inn og hvetja til að prufa. 

Kona á hjóli - hjolreidar.isPáll segir að þau byggi hug­mynda­fræði sína á jákvæðni. Þau vilji ekki gera lítið úr öðrum sam­göngu­máta. Þau séu líka með lausnir fyrir fatl­aða og aldr­aða og lumi á alls kyns skemmti­legum ferða­sög­um. Hann tekur í sama streng og Sess­elja í sam­bandi við raf­magns­hjól­in. Hann segir að mikið hafi breyst með auk­inni notkun þeirra, með þeim sé hægt að hjóla lengri vega­lengdir og að brekk­urnar hætti að vera vanda­mál. Mögu­leik­arnir séu því margir og allir geti fundið eitt­hvað fyrir sinn snúð. 

Lands­sam­tök hjól­reiða­manna hafa starfað í yfir 20 ár. Meg­in­mark­mið sam­tak­anna er að efla hjól­reið­ar, kom­ast yfir mýtu um þær og ná til nýs fólks. Einnig ber að nefna Íslenska fjalla­hjóla­klúbb­inn sem sam­anstendur af breiðum hópi fólks sem hefur hjól­reiða­menn­ingu að áhuga­máli, vill auka veg reið­hjóls­ins sem sam­göngu­tækis og vinnur að bættri aðstöðu hjól­reiða­fólks til sam­gangna. Mark­mið­ið, eins og fram kemur á heima­síðu þeirra, er að fá sem flesta til að fara ferða sinna á hjóli og kom­ast í náið sam­band við móður nátt­úru, takast á við hana, skilja hana og virða. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Frá dómssalnum á miðvikudaginn
Réttað yfir 355 manns í gömlu símaveri
Nokkuð óvenjuleg réttarhöld hófust á Ítalíu síðastliðinn miðvikudag, en í þeim er stór hluti N'drangheta-mafíunnar, valdamestu glæpasamtaka landsins. Sökum mikils fjölda ákærðra og nýrra sóttvarnarreglna þurfti að sérútbúa dómssal í gömlu símaveri.
Kjarninn 17. janúar 2021
Söngflokkurinn Boney M naut mikilla vinsælda víða um heim undir lok áttunda áratugarins.
Boney M og stolnu lögin
Þegar sönghópurinn Boney M sló í gegn seint á áttunda áratug síðustu aldar með lögunum „Brown Girl in the Ring“ og „Rivers of Babylon“ grunaði engan að í kjölfarið fylgdu málaferli sem stæðu í áratugi.
Kjarninn 17. janúar 2021
Armin Laschet er nýr leiðtogi flokks Kristilegra demókrata, sem hefur tögl og haldir í þýskum stjórnmálum. Kannski tekur hann við af Merkel sem kanslari í haust.
Stormasöm vika í evrópskum stjórnmálum
Mögulegt áframhald „Merkelisma“ í Þýskalandi, barnabótaskandall hjá „teflon Mark“ í Hollandi og stjórnarkreppa af völdum smáflokks á Ítalíu er á meðal þess sem var efst á baugi í evrópskum stjórnmálum í vikunni.
Kjarninn 16. janúar 2021
Birgir Birgisson
Að finna upp hjólið
Kjarninn 16. janúar 2021
Óendurvinnanlegur úrgangur á bilinu 40 til 100 þúsund tonn á ári fram til ársins 2045
Skýrsla um þörf fyrir sorpbrennslustöðvar á Íslandi hefur litið dagsins ljós. Umhverfis- og auðlindaráðherra fagnar úttektinni og segir að nú sé hægt að stíga næstu skref.
Kjarninn 16. janúar 2021
Gauti Jóhannesson er forseti bæjarstjórnar í Múlaþingi og fyrrverandi sveitarstjóri Djúpavogshrepps.
Forseti bæjarstjórnar Múlaþings íhugar alvarlega að sækjast eftir þingsæti
Gauti Jóhannesson fyrrverandi sveitarstjóri á Djúpavogi segir tímabært að Sjálfstæðisflokkurinn eignist þingmann frá Austurlandi og íhugar framboð til Alþingis. Kjarninn skoðaði framboðsmál Sjálfstæðisflokks í Norðausturkjördæmi.
Kjarninn 16. janúar 2021
Guðjón S. Brjánsson sá þingmaður sem keyrði mest allra árið 2020
Í fyrsta sinn í mörgu ár er Ásmundur Friðriksson ekki sá þingmaður sem keyrði mest. Hann dettur niður í annað sætið á þeim lista. Kostnaður vegna aksturs þingmanna dróst saman um fimmtung milli ára.
Kjarninn 16. janúar 2021
Guðmundur Ingi Guðbrandsson umhverfis- og auðlindaráðherra.
Könnun: Fleiri andvíg en fylgjandi frumvarpi Guðmundar Inga um Hálendisþjóðgarð
Samkvæmt könnun frá Gallup segjast 43 prósent andvíg frumvarpi umhverfis- og auðlindaráðherra um stofnun Hálendisþjóðgarðs, en 31 prósent fylgjandi. Rúmlega fjórir af tíu segjast hafa litla þekkingu á frumvarpinu.
Kjarninn 16. janúar 2021
Meira eftir höfundinnBára Huld Beck
Meira úr sama flokkiFréttaskýringar
None