Konum blæðir - UN Women bregst við

Konur eru á flótta í Írak eftir að öryggissveitir Íraka og Kúrda réðust á vígamenn Íslamska ríkisins í Mósúl í Írak. UN Women á Íslandi hrindir af stað söfnun til að bregðast við ástandinu.

Konur á flótta í Mósúl í Írak.
Konur á flótta í Mósúl í Írak.
Auglýsing

Neyð­ar­kall barst frá UN Women í Írak á dög­unum og hefur lands­nefndin á Íslandi brugð­ist við með því að hrinda af stað söfnun fyrir konur á flótta. 62.000 manns flúðu frá Mósúl í Írak í síð­asta mán­uði og þar af er rúm­lega helm­ingur kon­ur. „Það má segja að þær konur í Mósúl séu að fara úr ösk­unni í eld­inn vegna þess að borgin er búin að vera undir Íslamska rík­inu síð­ustu tvö ár og eru þær búnar að lifa við skelfi­legar aðstæð­ur,“ segir Inga Dóra Pét­urs­dótt­ir, fram­kvæmda­stýra UN Women á Íslandi, um ástandið sem sam­tökin eru að bregð­ast við.

Söfnun hefur því verið sett af stað en hægt er að senda sms-ið KONUR í 1900 og gefa 1.490.- kr.  Mikið hefur verið um að vera þessa vik­una hjá sam­tök­unum en þau frum­sýndu mynd­band vegna söfn­un­ar­innar síð­ast­liðið þriðju­dags­kvöld. „Við erum í ham, miklum ham,“ segir Inga en einnig byrjar 16 daga átak föstu­dag­inn 25. nóv­em­ber. Þá mun UN Women standa fyrir hinni árlegu Ljósa­göngu. Kjarn­inn fjall­aði nýlega um 16 daga átakið sem UN Women á heims­vísu tekur þátt í til að vekja athygli á kyn­bundnu ofbeld­i. 

Gleym­ist að hugsa fyrir ein­földum hlutum

Inga Dóra Pétursdóttir Mynd: UN WomenUN Women sér nú um að dreifa svoköll­uðum Sæmd­ar­settum til kvenna á flótta en með því að senda sms og styrkja átakið mun eitt slíkt sett rata til konu á flótta. Grunn­pakk­inn er kven­mið­aður en hann inni­heldur vasa­ljós, dömu­bindi og sápu. „Það gleym­ist svo oft að hugsa fyrir ein­földum hlutum eins og dömu­bind­um,“ segir Inga. Þetta er ekki í fyrsta skiptið sem UN Women hefur safnað fyrir konur á flótta. „Við höfum verið að safna fyrir Sæmd­ar­settum og kven­mið­aðri aðstoð fyrir konur á flótta frá Sýr­landi sem hafa verið að koma til Evr­ópu,“ bætir hún við. 

Auglýsing

Sam­ein­uðu þjóð­irnar greina frá því að atburðir síð­ustu miss­era í Mósúl séu bein­línis glæpur gegn mann­kyni. „Kon­urnar hafa verið inni­lok­að­ar, það hefur ekk­ert mátt sjást í þær og raddir kvenna hafa ekki mátt heyr­ast opin­ber­lega. 3.500 konum hefur verið haldið sem kyn­lífs­þrælum víga­manna og ef þær hafa neitað kyn­lífi þá hafa þær verið drepnar á staðn­um. Þetta hefur því verið algjört hörm­ung­ar­á­stand,“ segir Inga. Hún bendir á að örygg­is­sveitir Íraks og Kúrda séu búnar að ráð­ast inn í borg­ina, það sé stríðs­á­stand á svæð­inu og fólk sé því á flótta.

UN Women dreifir Sæmdarsettum í Írak Mynd: UN Women

Fyr­ir­séð ástand

Margar millj­ónir manna eru á ver­gangi innan Íraks og straum­ur­inn frá Mósúl liggur suð­austur af borg­inni. Eng­inn veit nákvæm­lega hvert fólkið er að fara, að sögn Ingu. Hún segir að landa­mæri Evr­ópu séu til að mynda alveg lokuð og að fólk stoppi í Grikk­landi og Tyrk­landi og kom­ist hvergi. Ástandið sé því mjög slæmt á þessum slóð­u­m. 

Inga segir að UN Women hafi séð þetta ástand fyrir og að það hafi verið vitað að íra­skar her­sveitir hafi verið að und­ir­búa að fara inn í Mósúl, því að borgin hefur verið höf­uð­djásn Íslamska rík­is­ins. Það hafi því verið vitað að neyð­ar­á­stand myndi skap­ast þegar fólk myndi flýja borg­ina. Hún segir að búið sé að und­ir­búa ákveðnar dreif­ing­ar­á­ætl­anir og ákveða hvar hægt sé að setja upp svo­kall­aðar bráða­birgða­búðir og hvað þurfi að vera í neyð­ar­pökk­um. „Síðan berst kall út til svæð­is­skrif­stofa út um allan heim og til fólks sem styrkir UN Women um að nú vanti pen­inga til þess að gefa þessi sett,“ segir Inga. 

Skírskotun í gamla dömu­binda­aug­lýs­ingu

UN Women á Íslandi fram­leiddi mynd­band eins og fyrr segir í sam­starfi við TM en það var frum­sýnt á dög­un­um. Hér fyrir neðan má sjá mynd­band­ið.

Inga segir að þau séu að leika með klass­íska dömu­binda­aug­lýs­ingu sem margir muna eftir frá níunda ára­tugn­um. Nema eins og sést í mynd­band­inu þá láta þau hana ekki enda í gleði heldur í stríðs­á­standi og á flótta. Myllu­merkið sem notað er með her­ferð­inni er #kon­umblæðir og vísar það meðal ann­ars til Sæmd­ar­pakk­ans þar sem dömu­bindi eru í pakk­an­um. 

„Konum blæðir bók­staf­lega í átökum og þegar kona þarf að flýja heim­ili sitt án hrein­læt­is­vöru eins og dömu­bind­is. Þær eru ekki með aðgang að renn­andi vatni og hvað gera þær þá?“ spyr Inga. Hún segir að þetta snú­ist líka um hvernig hægt sé að halda í reisn og sæmd. Þess vegna ber pakk­inn nafnið Sæmd­ar­sett. 

Íslend­ingar gjaf­mildir í ár

Ljósa­gangan 2016 er einnig til­einkuð konum á flótta og mun hún vera farin föstu­dag­inn 25. nóv­em­ber kl. 17 frá Arn­ar­hóli. Mar­yam Raísi leiðir göng­una í ár og flytur við­stöddum hug­vekju. Mar­yam og móðir henn­ar, Torpi­key Farrash, hafa verið á flótta und­an­farin 15 ár. Eftir þriggja ára dvöl í Sví­þjóð var þeim neitað um hæli og eftir það ákváðu þær að koma til Íslands. Þeim var neitað um hæli eftir þriggja mán­aða dvöl og í fjóra mán­uði hafa þær beðið eftir sím­tali hér á landi. Nú hefur kæru­nefnd útlend­inga­mála ákveðið að taka mál Mar­yam og Torpi­key fyr­ir. Á síðu við­burð­ar­ins á Face­book segir að þátt­taka Mar­yam í ár sé tákn­ræn fyrir þá hörmu­legu stöðu sem millj­ónir flótta­kvenna um allan heim búa við. 

Ljósaganga UN Women Mynd: UN Women

„Ís­lend­ingar hafa verið ofsa­lega gjaf­mildir og rausn­ar­legir í ár í að styrkja og bæta aðstæður fyrir konur á flótta. Og þess vegna er gangan til­einkuð konum á flótta,“ segir Inga. Hún segir að þessi við­burður hafi alltaf gengið mjög vel en hann er alltaf hald­inn á alþjóð­legum bar­áttu­degi gegn kyn­bundnu ofbeldi þann 25. nóv­em­ber. „Það er alltaf ömur­legt veð­ur,“ segir Inga og hlær en bætir við að þátt­takan sé alltaf góð og stemn­ingin lík­a. 

Nýr vernd­ari sam­tak­anna verður kynntur á ljósa­göng­unni en hlut­verk hans er að leggja sitt af mörkum til að auka sýni­leika UN Women, vekja almenn­ing til vit­undar um starf­semi sam­tak­anna og stuðla að við­horfs­breyt­ingum hvað mál­efni kvenna varð­ar. 

Að lokum bendir Inga á að hægt verði að kaupa í jóla­pakk­ann veg­legra Sæmd­ar­sett sem inni­heldur dömu­bindi, sápu, tann­bursta, tann­krem, teppi, hlý föt og vasa­ljós. 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Benedikt Gíslason bankastjóri Arion banka
Arion banki með of mikið eigið fé
Nýliðinn ársfjórðungur var góður fyrir Arion banka, samkvæmt nýútgefnu ársfjórðungsuppgjöri hans. Bankastjórinn segir bankann vera með of mikið eigið fé.
Kjarninn 28. október 2020
Tilgangur minnisblaðsins „að ýja að því að það séu öryrkjarnir sem frekastir eru á fleti“
Öryrkjabandalag Íslands segir fjármálaráðherra fara með villandi tölur í minnisblaði sínu.
Kjarninn 28. október 2020
Árni Stefán Árnason
Dýravernd – hallærisleg vanþekking lögmanns – talað gegn stjórnarskrá
Kjarninn 28. október 2020
Frá mótmælum á Austurvelli í fyrra.
Meirihluti vill tillögur Stjórnlagaráðs til grundvallar nýrri stjórnarskrá
Meirihluti er hlynntur því að tillögur Stjórnlagaráðs verði lagðar til grundvallar nýrri stjórnarskrá, samkvæmt nýrri skoðanakönnun frá Maskínu. Um það bil 2/3 kjósenda VG segjast hlynnt því, en minnihluti kjósenda hinna ríkisstjórnarflokkanna.
Kjarninn 28. október 2020
Orri Hauksson, forstjóri Símans.
Sjónvarpstekjur Símans hafa aukist um nær allan hagnað félagsins á árinu 2020
Færri ferðamenn skila minni tekjum af reikiþjónustu. Tekjur vegna sjónvarpsþjónustu hafa hins vegar vaxið um 14 prósent milli ára og starfsmönnum fækkað um 50 frá áramótum. Þetta er meðal þess sem kemur fram í nýju uppgjöri Símans.
Kjarninn 28. október 2020
Bjarni Benediktsson er fjármála- og efnahagsráðherra.
Bjarni segir kökumyndband Öryrkjabandalagsins vera misheppnað
Fjármála- og efnahagsráðherra segir það rangt að öryrkjar fái sífellt minni sneið af efnahagskökunni sem íslenskt samfélag baki. ÖBÍ segir ríkisstjórnina hafa ákveðið að auka fátækt sinna skjólstæðinga.
Kjarninn 28. október 2020
Þórólfur Guðnason sóttvarnalæknir.
Útlit fyrir að sóttvarnalæknir leggi til hertar aðgerðir
Þórólfur Guðnason sóttvarnalæknir er ekki ánægður með stöðu faraldursins og ætlar að skila minnisblaði með tillögum að breyttum sóttvarnaraðgerðum til Svandísar Svavarsdóttur heilbrigðisráðherra fljótlega.
Kjarninn 28. október 2020
Alls segjast um 40 prósent kjósenda að þeir myndu kjósa stjórnarflokkanna þrjá.
Samfylking stækkar, Sjálfstæðisflokkur tapar og Vinstri græn ekki verið minni frá 2016
Fylgi Vinstri grænna heldur áfram að dala og mælist nú tæplega helmingur af því sem flokkurinn fékk í síðustu kosningum. Flokkur forsætisráðherra yrði minnsti flokkurinn á þingi ef kosið yrði í dag.
Kjarninn 28. október 2020
Meira eftir höfundinnBára Huld Beck
Meira úr sama flokkiFréttaskýringar
None