Ástralir segja já við hjónaböndum samkynhneigðra - Skýr skilaboð

Afgerandi niðurstaða í atkvæðagreiðslu í Ástralíu um það hvort lögleiða eigi hjónaband samkynhneigðra liggur nú fyrir. 61,6% kusu JÁ. Kjarninn náði tali af ástralska uppistandaranum Jonathan Duffy og ræddi þessa sögulegu útkomu.

Fögnuður á götum Melbourne - Hjónaband samkynhneigðra samþykkt í atkvæðagreiðslu
Fögnuður á götum Melbourne - Hjónaband samkynhneigðra samþykkt í atkvæðagreiðslu
Auglýsing

Fólk af sama kyni mun fá að ganga í hjóna­band í Ástr­alíu nú þegar nið­ur­stöður atkvæða­greiðslu liggja fyr­ir. 61,6 pró­sent kjós­enda voru fylgj­andi laga­breyt­ingu sem leyfir hjóna­band sam­kyn­hneigðra og hefur for­sæt­is­ráð­herra Ástr­al­íu, Malcolm Turn­bull, lofað því að frum­varpið verði orðið að lögum fyrir næstu jól. 

Kjör­sókn var 79,5 pró­sent og voru nið­ur­stöður kunn­gerðar mið­viku­dag­inn 15. nóv­em­ber. 7.817.247 manns kusu með breyt­ingu á lögum og 4.873.987 á mót­i. 

Ljóst þykir að þessar ótví­ræðu nið­ur­stöður séu sögu­legar í land­inu og var kosn­inga­bar­áttan heldur hrotta­fengin á köfl­um. For­sæt­is­ráð­herr­ann sagði á blaða­manna­fundi að fólkið hefði gefið ótví­ræð skila­boð og að þingið verði nú að verða við óskum þess og fylgja lög­unum eft­ir. 

Auglýsing

“Þeir sögðu já við sann­girni, já við skuld­bind­ingu, já við ást. Og nú er komið að okkur á þing­inu að halda áfram með starfið sem ástr­alska fólkið bað okkur um að sinna og ljúka þessu,“ sagði Turn­bull og árétt­aði að lögin verði komin í gildi fyrir jól­in. Þetta segir í frétt The Guar­dian

JÁ í öllum fylkjum

Jon­athan Duf­fy, ástr­alskur grínisti og uppi­stand­ari sem venju­lega er kall­aður Jono, hefur verið búsettur á Íslandi í rúm tvö ár. Hann segir í sam­tali við Kjarn­ann að þessar nið­ur­stöður komi honum á óvart en samt ekki. „Það er ekki gott að segja, við erum öll í okkar Face­book-kreðs­um. Þegar ég er á net­inu þá sé ég að allir styðja breyt­ing­una en það er einmitt það sem gerð­ist þegar fólk nennti ekki að kjósa í for­seta­kosn­ing­unum í Banda­ríkj­un­um,“ segir hann. 

Jonathan Duffy Mynd: Hafsteinn Viðar Ársælsson

Hann bendir á að auð­velt sé að halda að kosn­inga­úr­slit verði þér í hag vegna þess að allir í kringum þig hugsi á svip­aðan hátt og þú og algrímið hjá Face­book haldi því þannig. Hann segir að hann hafi ekki verið sér­stak­lega bjart­sýnn vegna þess­ara ástæðna en jafn­framt sé 62 pró­sent mik­ill sig­ur. Ekk­ert fylki kaus nei, ekki einu sinni Queens­land, fylkið sem hann fædd­ist í, þar sem að hans sögn er mikið um for­dóma gagn­vart sam­kyn­hneigð­u­m. 

For­dómar munu lík­leg­ast minnka

Nið­ur­stöð­urnar skipta gríð­ar­lega miklu máli fyrir sam­fé­lag sam­kyn­hneigðra í Ástr­alíu og segir Jono að þær séu skýr skila­boð um óskir fólks varð­andi hjóna­bönd sam­kyn­hneigðra. Stjórn­mála­menn hafi hér áður fyrr notað vilja almenn­ings sem afsökun fyrir því að gera engar breyt­ingar þrátt fyrir að skoð­ana­kann­anir hafi sagt aðra sögu. Hann bendir á að þó ástr­alska þjóðin sé ekki trú­hneigð þá hafi trú verið dregin inn í umræð­una. 

„Það sem er mik­il­vægt fyrir sam­kyn­hneigða í Ástr­alíu nú um mundir er að for­dómar munu lík­leg­ast minnka til muna. Þegar ríki mis­munar hópi fólks þá er ekki við öðru að búast en að borg­arar þess geri það lík­a,“ segir hann og bætir við að í nán­ast öllum þeim löndum sem hjóna­bönd sam­kyn­hneigðra hafi verið lög­leidd hafi for­dómar minnk­að. 

Áhyggjur hans lýsa sér í því að nið­ur­stöð­urnar eru ekki bind­andi og þess vegna sé þetta ekki komið algjör­lega í gegn. Stjórn­völd gætu farið þá leið að hunsa atkvæða­greiðsl­una en þau hafi þó gefið út yfir­lýs­ingu þess efnis að þau muni fram­fylgja henni fyrir jól­in. 

Bjóst aldrei við að upp­lifa þennan dag

Jono hefur ferð­ast mikið í gegnum tíð­ina og síð­ustu tvö ár búið á Íslandi. Hann segir að það sem hafi komið honum mest á óvart á ferða­lögum sínum sé mun­ur­inn á því ann­ars vegar hvernig fólk heldur að sam­fé­lagið í Ástr­alíu sé og hins vegar hvernig það er í raun­veru­leik­an­um. 

„Fólk hér á Íslandi er iðu­lega slegið yfir því að hjóna­bönd sam­kyn­hneigðra séu ekki leyfð og að miklir for­dómar grass­eri í Ástr­al­íu. Ef ég á að vera alveg hrein­skil­inn þá hélt ég þegar ég var að alast upp að ég myndi aldrei sjá hjóna­band sam­kyn­hneigðra verða að veru­leika á minni lífs­tíð. Sam­kyn­hneigð var ennþá ólög­leg þá en það eiga sam­kyn­hneigðir menn á Íslandi erfitt með að ímynda sér,“ segir hann. 

Ógnað í æsku fyrir að vera hommi

„Að alast upp sam­kyn­hneigður var ógn­vekj­andi fyrir mig. Ég var lam­inn og mér ógnað alla mína æsku og einnig á full­orð­ins­aldri ein­ungis fyrir það að vera sam­kyn­hneigð­ur,“ segir hann. Slíkir atburðir ger­ist ennþá í heima­landi hans og segir Jono að lítið sé rætt um þetta ofbeldi. Vegna þessa sé til­hneig­ing hjá sam­kyn­hneigðum að hópa sig saman og búa jafn­vel í afmörk­uðum hverf­um. Skjól sé að finna í fjöld­an­um. 

„Raun­veru­leik­inn er sá að landið er mun íhaldsam­ara en fólk gerir sér grein fyr­ir. Þetta er ein­kenni­legt í sam­fé­lagi þar sem reynslan af fjöl­menn­ingu er ein sú besta í heim­in­um,“ bætir hann við. Til að styðja þessa full­yrð­ingu bendir hann á að ekk­ert opin­bert tungu­mál sé í Ástr­alíu þrátt fyrir að auð­vitað tali allir ensku en að almennt sé við­ur­kennt að flestir komi ein­hvers staðar að.  

Fólk fagnar „já-inu“ í Melbourne. Mynd: EPA

Jono telur að við­horf til sam­kyn­hneigðra muni breyt­ast til muna eftir nið­ur­stöður atkvæða­greiðsl­unn­ar. „Vegna jafn­réttis til hjóna­bands munu heilu kyn­slóð­irnar vaxa úr grasi vit­andi það að sam­kyn­hneigðir séu venju­legt fólk. Eftir smá tíma verður þetta ekki einu sinni eitt­hvað sem fólk pælir í, heldur bara hluti af líf­in­u,“ segir hann. 

Árásir og skemmd­ar­verk áber­andi und­an­farna mán­uði

Hann telur mik­il­vægt að hampa stjórn­völdum ekki um of. Árið 2010 hafi sama rík­is­stjórn gert breyt­ingar á lögum um hjóna­band í Ástr­alíu á tíu dögum án þess að ráð­færa sig við almenn­ing. Í þeim lögum var áfram­hald­andi órétt­læti gagn­vart sam­kyn­hneigðum haldið á lofti. Stjórn­völd hafi þá eytt gríð­ar­legum fjár­munum í að gera könnun á við­horfi almenn­ings þrátt fyrir að vita fyr­ir­fram nið­ur­stöð­una. Á þessum tíma hafi „nei-her­ferð­in“ verið und­ir­lögð af hatri og níði gagn­vart sam­kyn­hneigðum þar sem ásak­anir voru á lofti um að það fólk væri barn­a­níð­ingar og fleira í þeim dúr. 

„Árásir og skemmd­ar­verk hafa verið áber­andi í land­inu síð­ustu mán­uði og mér hefur reynst þung­bært að fylgj­ast með því,“ segir Jono. Hann telur að hjá þessu hefði verið hægt að kom­ast með því að gera þessar breyt­ingar á lög­unum án atkvæða­greiðslu þar sem breyt­ing­arnar varða ekki einu sinni meiri­hluta kjós­enda. Hjóna­bönd ein­stak­linga eru jú þeirra eigið mál. 



Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Jóhannes Þór Skúlason er framkvæmdastjóri Samtaka ferðaþjónustunnar.
Vilja margföldun á framlagi ríkisins til rannsókna í ferðaþjónustu
Samtök ferðaþjónustunnar gagnrýna framsetningu á framlögum til ferðamála í umsögn sinni við fjármálaáætlun. Samtökin óska eftir 250 milljón króna árlegri hækkun framlaga til rannsókna í greininni á gildistíma áætlunarinnar.
Kjarninn 19. maí 2022
Húsnæðisstuðningur skuli fyrst og fremst nýtast þeim sem á þurfa að halda
Ljóst er að staða leigjenda út frá húsnæðisöryggi og byrði húsnæðiskostnaðar er lakari en þeirra sem eiga eigin íbúð. Aðgerða er þörf sem miða m.a. að því að lækka byrði húsnæðiskostnaðar hjá efnaminni leigjendum, samkvæmt nýrri skýrslu.
Kjarninn 19. maí 2022
Margar kvartanir byggðar „á misskilningi“
UN Women lýsa yfir þungum áhyggjum af aðstæðum einstaklinga sem hingað hafa leitað að skjóli og eru hluti af búsetuúrræði ÚTL á Ásbrú. Samkvæmt ÚTL hefur aðstaðan verið í stöðugri endurskoðun undanfarna rúma tvo mánuði.
Kjarninn 19. maí 2022
Þórður Snær Júlíusson
Að vinna þegar maður tapar
Kjarninn 19. maí 2022
Claudia Ashanie Wilson, Eiríkur Rögnvaldsson, Eliza Reid, Eyrún Ólöf Sigurðardóttir, Gísli Pálsson og Sema Erla Serdaroglu
Kynþáttamörkun
Kjarninn 19. maí 2022
Mestu sóknarfærin í innlendri matvælaframleiðslu liggja í aukinni framleiðslu korns sem og í að auka hlutdeild innlendrar framleiðslu grænmetis.
Vinna þarf áhættugreiningu fyrir atburði sem geta raskað fæðuöryggi landsins
Matvælaráðherra hefur lagt fyrir ríkisstjórn 16 tillögur um aðgerðir til að auka fæðuöryggi Íslands. Nú þegar hefur starfshópur um neyðarbirgðir verið settur á laggirnar en áhersla þarf að vera á öryggi framboðs, þrátt fyrir baktryggingu í neyðarbirgðum.
Kjarninn 19. maí 2022
Kim Kardashian á rauða dregli Met Gala fyrr í þessum mánuði. Skömmu eftir að þessi mynd var tekin skipti hún yfir í endurgerð kjólsins til þess að koma í veg fyrir skemmdir á þeim upprunalega.
„Sögufrægum flíkum ætti enginn að klæðast, nokkurn tímann“
Fyrr í mánuðinum mætti Kim Kardashian á Met Gala í sögufrægum kjól sem var í eigu Marilyn Monroe. Svo mjög voru forverðir óánægðir með uppátækið að ICOM, alþjóðaráð safna, sá ástæðu til að senda frá sér yfirlýsingu.
Kjarninn 18. maí 2022
Kristrún Frostadóttir, þingmaður Samfylkingarinnar.
Segir marga hljóta að spyrja hvað LOGOS fékk greitt fyrir minnisblað um Bankasýsluna
Þingmaður Samfylkingar segir að ef mönnum sé alvara um að fara í saumana á sölunni á Íslandsbanka sé það ekki ekki gert með aðkeyptum lögfræðiálitum sem bæta engu við málflutninginn og er komið með forgangi til ákveðinna fjölmiðla til forsíðubirtingar.“
Kjarninn 18. maí 2022
Meira eftir höfundinnBára Huld Beck
Meira úr sama flokkiFréttaskýringar