Aðförin að Steinunni Valdísi smánarblettur á stjórnmálasögu landsins

Fyrrverandi þingmaður Samfylkingarinnar talaði um hótanir í Silfrinu um helgina sem hún fékk vegna starfa sinna í stjórnmálum. Birgitta Jónsdóttir og Logi Einarsson segja bæði að aðförin að henni sé ljótur blettur á stjórnmálasögu Íslands.

Steinunn Valdís Óskarsdóttir
Steinunn Valdís Óskarsdóttir
Auglýsing

Birgitta Jóns­dótt­ir, fyrr­ver­andi þing­maður Pírata, segir í Face­book-­færslu að aðförin að Stein­unni Val­dísi Ósk­ars­dóttur sé smán­ar­blettur á stjórn­mála­sögu Íslend­inga og vísar þar í mót­mæli sem stóðu fyrir framan heim­ili hennar í fimm vikur árið 2010. 

Stein­unn Val­dís Ósk­ars­dótt­ir, fyrr­ver­andi borg­ar­stjóri og þing­maður Sam­fylk­ing­ar­inn­ar, sagði af sér þing­mennsku árið 2010 eftir að hópur mót­mæl­enda hafði safn­ast sam­an fyrir framan heim­ili hennar á hverju ein­asta kvöldi og kraf­ist þess að hún segði af sér þing­mennsku vegna styrkja fyrir próf­kjörs­bar­átt­u. Fleiri stjórn­mála­menn á borð við Þor­gerði Katrínu Gunn­ars­dóttur og Guð­laug Þór Þórð­ar­son urðu einnig fyrir aðkasti mót­mæl­enda af sömu ástæð­um.

Auglýsing

Stein­unn Val­dís greindi frá og tal­aði um hótun þess efnis að beita hana kyn­ferð­is­legu ofbeldi, vegna starfa hennar í stjórn­málum í Silfr­inu á RÚV um helg­ina. Hún þakk­aði þeim konum sem hafa haft hug­rekki til að stíga fram og segja sína sög­u. 

Fengið morð­hót­anir og talin rétt­dræp

Birgitta JónsdóttirBirgitta segir jafn­framt í færsl­unni að hún vilji halda því að haga að hún hafi alltaf verið því mót­fall­inn að fólk mót­mæli fyrir utan heim­ili fólks. „Ég lét þá sem stóðu fyrir því heyra það á sínum tíma. Það er ekk­ert sem rétt­lætir slíka aðför að frið­helgi fólks alveg sama hvar í flokki það stend­ur. Á Íslandi er aðgengi að stjórn­mála­fólki með því besta sem ger­ist í heim­inum vegna hefða og fámennis,“ segi hún í færsl­unni. Ætla má að ástæðan fyrir skrifum Birgittu sé gömul frétt mbl.is frá árinu 2013 þar sem Stein­unn Val­­dís sagði að Birgitta hefði hvatt fólk til að fara að heim­ili henn­ar vorið 2010 og krefj­ast af­sagn­­ar. 

Birgitta segir enn fremur frá því að hún hafi lent í því að hafa fengið yfir sig morð­hót­anir reglu­lega og verið talin rétt­dræp. Hún segir að ráð­ist hafi verið á hana í mat­vöru­versl­un, að eldri kona hafi klesst hressi­lega á hana vilj­andi með inn­kaupa­kerru og hrópað að henni níð í við­ur­vist sonar henn­ar. Það sé þó ekki sam­bæri­legt því sem Stein­unn Val­dís varð fyr­ir. 

„Ég eins og fleiri skamm­ast mín fyrir að hafa ekki gert meira til að standa með henni á sínum tíma og bið hana afsök­unar á því,“ segir Birgitta. 

Ég vil halda því til haga að ég hef ALLTAF verið því mótfall­inn að fólk mótmæli fyrir utan heim­ili fólks. Ég lét þá sem...

Posted by Birgitta Jóns­dóttir on Monday, Decem­ber 4, 2017


Hvöttu til nauð­gana

Stein­unn Val­dís sagði í Silfr­inu um helg­ina að þjóð­þekktir nafn­greindir menn hefðu hvatt aðra menn til að fara heim til hennar og nauðga henni. „Það eru núna tæp­lega átta ár síðan ég lenti í mínu ofbeldi vil ég segja, og ég hugsa stundum til baka og svona kemst að þeirri nið­ur­stöðu að kannski hafi ég ekki brugð­ist rétt við á sínum tíma vegna þess að það ofbeldi átti nátt­úru­lega ekk­ert að líð­ast.“

„Þeir hvöttu til nauð­gana á mér vegna starfa minna í stjórn­málum og vegna þeirra mála sem ég hafði barist fyrir sér­stak­lega í borg­ar­stjórn og ég hugsa stund­um, hvernig sam­fé­lagið hefði brugð­ist við og hvernig lög­reglan hefði brugð­ist við ef að það hefði komið ákall frá þessum mönnum um að fara heim til Dags B. Egg­erts­sonar og nauðga hon­um,“ sagði Stein­unn Val­dís. Hún telur jafn­framt að öðru­vísi hefði verið brugð­ist við í þeim aðstæð­u­m.  

Hvernig hefði flokk­ur­inn getað sýnt henni meiri stuðn­ing?

Stein­unn Val­dís tal­aði um málið í fyrsta skiptið opin­ber­lega í Silfr­inu. Hún sagð­ist ekki hafa haft kjark til þess hingað til. „Ég finn það bara þegar ég sit hérna og við erum að tala um þetta, ég hef ekk­ert talað um þetta opin­ber­lega, að ég fer næstum því bara að gráta. Þið verðið bara að afsaka. Þetta er bara þannig. Ég vil bara þakka öllum þessum konum sem hófu þessa veg­ferð, því þetta skiptir máli,“ sagði hún. 

Logi EinarssonLogi Ein­ars­son, for­maður Sam­fylk­ing­ar­inn­ar, tekur í sama streng og Birgitta og segir í færslu á Face­book að aðförin að Stein­unni Val­dísi sé ljótur blettur á íslenskum stjórn­málum eft­ir­hrunsár­anna.

Hann seg­ist ætla að beita sér fyrir því að Sam­fylk­ingin skoði með hvaða hætti flokk­ur­inn hefði getað sýnt henni meiri stuðn­ing.

„Það má ekki líða ofbeldi af þessum toga og bæði ein­stak­lingar og flokkar þurfa að bregð­ast við slíku af fest­u,“ segir hann í færsl­unn­i. 

Aðförin að Stein­unni Valdísi er ljótur blettur á íslenskum stjórnmálum eft­ir­hruns áranna. Ég mun beita mér fyrir því að...

Posted by Logi Ein­ars­son on Sunday, Decem­ber 3, 2017


„Dugar ekk­ert annað en tveir harð­ir“

Tölu­vert var fjallað um blogg­færslu Egils „Gillzeneggers" Ein­ars­sonar frá árinu 2007 þar sem hann hvatti til kyn­ferð­is­of­beldis á Stein­unni Val­dísi og fleiri kon­um. 

„Stein­unn Val­dís Ósk­ars­dótt­ir, alþing­is­mað­ur. Stein­unn er port­konan sem vildi breyta orð­inu ráð­herra í ráð­frú fyrir kon­ur. Stein­unn þarf lim og það strax. Á hana Stein­unni Val­dísi dugar ekk­ert annað en lág­mark tveir harðir og munu Buka og Yao taka þetta verk­efni að sér. Frétta­stofan ákvað að gefa Ásgeiri Kol­beins­syni frí í þetta skipt­ið, en Frétta­stofan vill ekki hafa það á sam­visk­unni að Ásgeir finn­ist hang­andi í ljósakrónu í vest­ur­bæn­um.“

Mikil reiði í sam­fé­lag­inu á þessum tíma

Sveinn MargeirssonMót­mælin fyrir framan hús Stein­unnar Val­dísar stóðu yfir í fimm vikur og sagði hún í fyrr­nefndu við­tali á mbl.is að for­­stjóri Mat­ís, Sveinn Mar­­geir­s­­son og bræður hans Hlaupa­garp­ar hafi verið fyr­ir fram­an glugg­ana hjá henni í þrjár vik­­ur. „Þar var einnig Björn Þorri Vikt­or­s­­son lög­maður kvöld eft­ir kvöld vel klædd­ur í kraft­galla með marga af sín­um skjól­­stæð­ing­­um. Til við­bót­ar voru marg­ir skjól­­stæð­ing­ar Útvarps Sögu o.fl.,“ sagði hún. Sveinn Mar­geirs­son for­stjóri Matís sagð­ist sjá mikið eftir þátt­töku sinni í mót­mæl­unum á sínum tíma í við­tali við Eyj­una í maí 2014. 

Aðspurður um þátt­töku sína í mót­mæl­unum sagði Sveinn að skilj­an­lega hefði mikil reiði ríkt í sam­fé­lag­inu á þessum tíma. Hann sagði enn­fremur að hann hefði ekki átt aðild að máli í öll þau skipti sem mót­mæli áttu sér stað á heim­ilum stjórn­mála­manna. Hann bætti því við að í hita leiks­ins hefði ekki verið ekki verið hugsað út í að verið væri að gera atlögu að einka­heim­ili fólks. Verst hefði honum þótt sá mis­skiln­ingur að mót­mælin hefðu beinst sér­stak­lega að kon­um.

„Ég hef beðið hana afsök­un­ar. Mér finnst leið­in­legt ef fólk heldur eitt­hvað rang­lega um mig en ég ætla ekki að vera í ein­hverri póli­tík með það,“ sagði Sveinn og bætti við að þetta hefði ekki verið það sem hann er mest stoltur af í líf­in­u. 



Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Benedikt Gíslason, bankastjóri Arion banka.
Arion banki búinn að höfða mál gegn Fjármálaeftirlitinu
Fjármálaeftirlit Seðlabankans sektaði Arion banka um tæpar 88 milljónir króna í sumar. Ástæðan var sú að upplýsingar um fyrirhugaðar fjöldauppsagnir í bankanum birtust í fjölmiðlum. Arion banki vill að ákvörðunin verði ógild.
Kjarninn 31. október 2020
Þorsteinn Már Baldvinsson, annar forstjóri Samherja, er stjórnarformaður Síldarvinnslunnar.
Eigið fé Síldarvinnslunnar nú 50 milljarðar króna
Síldarvinnslan hefur verið dugleg við að kaupa upp aflaheimildir síðust ár. Hún er að uppistöðu í eigu Samherja og fjölskyldufyrirtækis annars forstjóra Samherja. Saman halda útgerðir sem tengjast forstjórum Samherja á um 20 prósent af öllum kvóta.
Kjarninn 31. október 2020
Kristján Þór Júlíusson sjávarútvegs- og landbúnaðarráðherra lét Katrínu Jakobsdóttir forsætisráðherra vita af málinu eftir að ráðuneyti hans fékk ábendingu um það.
Kristján Þór upplýsti Katrínu um samskipti skrifstofustjóra við Stjórnartíðindi
Sjávarútvegsráðherra upplýsti forsætisráðherra um það í júlímánuði síðastliðnum að í júlí í fyrra hefði þáverandi skrifstofustjóri ráðuneytis hans átt samskipti við Stjórnartíðindi og látið fresta birtingu nýrra laga um laxeldi, sem kom fyrirtækjunum vel.
Kjarninn 31. október 2020
Jeff Bezos forstjóri Amazon
Metfjórðungur hjá Amazon
Tekjur Amazon á síðustu þremur mánuðum voru rúmlega fjórum sinnum meiri en landsframleiðsla Íslands í fyrra.
Kjarninn 30. október 2020
Guðni Bergsson er formaður KSÍ.
Íslandsmótið í knattspyrnu flautað af – efstu liðin krýnd Íslandsmeistarar
Valur er Íslandsmeistari í knattspyrnu karla og Breiðablik Íslandsmeistari kvenna.
Kjarninn 30. október 2020
Þríeykið og aðrir sérfróðir viðbragðsaðilar njóta yfirburðatrausts hjá Íslendingum – en á bilinu 94-96 prósenst segjast treysta því að fá áreiðanlegar upplýsingar um veirufjárann þaðan.
Íslendingar treysta sérfróðum yfirvöldum og fjölmiðlum vel í tengslum við COVID-19
Vinnuhópur þjóðaröryggisráðs um upplýsingaóreiðu í tengslum við COVID-19 hefur skilað af sér skýrslu. Þar kemur m.a. fram að traust til þríeykisins og annarra sérfróðra yfirvalda er afgerandi og traust til innlendra fjölmiðla sömuleiðis mjög mikið.
Kjarninn 30. október 2020
Katrín Jakobsdóttir forsætisráðherra kynnti hertar aðgerðir vegna útbreiðslu kórónuveirufaraldursins á blaðamannafundi fyrr í dag. Efnahagsaðgerðirnar eru afleiðing af þeirri stöðu.
Tekjufallsstyrkir útvíkkaðir, viðspyrnustyrkir kynntir og rætt um áframhald hlutabótaleiðar
Ríkisstjórn Íslands boðar enn einn efnahagspakkann. Sá nýjasti er sniðinn að mestu að þeim minni fyrirtækjum og einyrkjum sem þurfa að loka vegna kórónuveirufaraldursins.
Kjarninn 30. október 2020
Höfuðstöðvar Arion banka í Borgartúni
Segir umfram eigið fé ekki hafa tengingu við úrræði stjórnvalda
Bankastjóri Arion banka segir viðskiptavini sína hafið notið góðs af minni álagningum stjórnvalda á bankakerfið og litla tengingu vera á milli þess og umfram eigin fé bankans.
Kjarninn 30. október 2020
Meira eftir höfundinnBára Huld Beck
Meira úr sama flokkiFréttaskýringar