Af hverju borga konur meira fyrir klippingu en karlar?

Eru rökréttar hagrænar ástæður fyrir því að klipping kvenna kostar meira en klipping karla? Eiríkur Ragnarsson kannaði málið.

Auglýsing

Fyrir nokkru las ég frétt á Vísi þar sem fram kom að konur borga meira fyrir klipp­ingu en karl­ar. Þó svo að sumum kunni að finn­ast það óboð­legt að fólki sé mis­munað á þennan hátt, þá leyn­ast góðar útskýr­ingar fyrir svona verð­lagn­ingu í bókum hag­fræð­inn­ar. Eftir að hafa eytt allt of miklum tíma í að safna saman gögnum og greina þau hef ég ákveðið að deila þessum hug­myndum með ykk­ur.  

Kenn­ing 1: Það kostar meira að klippa kon­ur.

Þetta er ein­föld kenn­ing. Ef mark­að­ur­inn fyrir klipp­ingar er þokka­lega sam­keppn­is­hæfur (sem hann ætti að vera) þá myndi maður halda að konur borg­uðu meira fyrir klipp­ingu en karlar ein­fald­lega vegna þess að það kostar hár­greiðslu­fólk meiri tíma – og þar af leið­andi pen­ing – að klippa konur en karla.

Í leit minni að gögnum á inter­net­inu til að sann­reyna þessa kenn­ingu fann ég aðeins eina heima­síðu (slipp­ur­inn.is) sem útli­staði hversu langan tíma það tekur að klippa kyn­in. Sam­kvæmt upp­lýs­ingum Slipps­ins þá tekur það 45 mín­útur að klippa karla en 60 mín­útur að klippa kon­ur. Hlut­falls­lega þýðir þetta að það tekur um það bil 33% lengri tíma að klippa konur en karla.

Auglýsing

Ef verð­skrá Slipps­ins er skoðuð má sjá að konu­klipp­ing kostar um það bil 22% til 27% meira en karla­klipp­ing. Þar af leið­andi gefa þessi gögn það til kynna að ástæðan fyrir verð­lagn­ing­unni sé ein­fald­lega sú að það taki meiri tíma (og kosti meira) að klippa kon­ur.

Það sem kemur þess­ari kenn­ingu enn frekar til hjálpar er þjón­ustan „herra­klipp­ing og skegg“ sem finna má í verð­skrá Slipps­ins.

Sam­kvæmt upp­lýs­ingum Slipps­ins tekur það 15 mín­útur að snyrta skegg og 45 mín­útur að klippa karla, sem í heild­ina tekur jafn langan tíma og að klippa kon­ur. Þar af leið­andi hefði maður haldið að „herra­klipp­ing og skegg“ væri jafn dýr þjón­usta og konu­klipp­ing. En í stað­inn er hún sú dýrasta (bæði þegar það kemur að „stand­ard“ og „Seni­or“ þjón­ust­u).

Mynd: Konur borga meira en karlar - ef karlar láta ekki raka sig

Heim­ild: www.slipp­ur­inn.is

Kenn­ing 2: Eft­ir­spurn er sterk­ari meðal kvenna

Þegar sölu­fólk getur aug­ljós­lega aðgreint hópa getur það heimtað hærra verð frá einum hópi fram yfir ann­an. Dæmi um þetta sér maður all­stað­ar: mið­aldra fólk borgar 440 krónur í strætó á meðan gam­al­menni og börn borga 210 krón­ur.

Þess vegna gæti það verið að hár­greiðslu­fólk átti sig á því að konur og karlar hafa mis­mun­andi vilja til að borga fyrir klipp­ingu og mis­muna þeim á þeim grund­velli. Ef þetta er til­fellið, þá er ekk­ert illt við þessa hegð­un, heldur er hár­greiðslu­fólk bara að reyna að fá eins mikið borgað fyrir vinnu sína og það get­ur.

Gögnin sem ég náði að safna hjálpa lítið við að styðja þessa kenn­ingu, því mið­ur. En þau gefa þó það til kynna að hár­greiðslu­fólk skipti við­skipta­vinum sínum í þrjá hópa: kon­ur, karlar og börn. Að með­al­tali borga konur 8.503 krón­ur, karlar 6.770 krónur og börn 5.013.

Mynd: Karlar og börn borga minnst fyrir klippingu

Heim­ild: Verð­skrár á vef hár­greiðslu­stofn­anna

Kenn­ing 3: Konur borga ekki meira en karl­ar:

Þessi kenn­ing er eig­in­lega fram­leng­ing á fyrstu kenn­ing­unni. Tvennt er aug­ljóst sam­kvæmt þeim gögnum sem ég hef undir hönd­um: (1) konur borga meira fyrir klipp­ingu; og (2) að með­al­tali tekur það lengri tíma að klippa konur en karla.

Ef það er satt sem Slipp­ur­inn seg­ir, að það taki 60 mín­útur að klippa konur og 45 að klippa karla, þá gæti það vel verið að karlar borgi jafn mikið – eða jafn­vel meira – en konur fyrir hverja mín­útu í stóln­um. Til dæmis borga karlar 160 kr. fyrir hverja mín­útu í stand­ard klipp­ingu í Slippn­um. Það er 13 kr. meira en konur borga á mín­út­una. Meira að segja börn sem fara í klipp­ingu hjá Slippnum borga meira en konur fyrir „Stand­ard“ klipp­ingu.

Að sjálf­sögðu getur vel verið að útskýr­ingin á þessu hafi með annan fastan kostnað og með­ferð hans í verð­lagn­ingu að gera. Og ef það er til­fellið þá kemur það ekki á óvart að fólk sem stoppar í styttri tíma í stólnum borgi meira fyrir mín­út­una. En það er of flókin grein­ing fyrir stutta grein sem þessa og breytir ekki þeirri stað­reynd að karlar borga meira fyrir hverja mín­útu í stólnum en konur – alla­vega á Slippn­um.

Mynd: Kanski borga karlar meira en konur

Heim­ild: www.slipp­ur­inn.is

Eflaust eitt­hvað til í öllum kenn­ing­unum

Að sjálf­sögðu koma allar þrjár kenn­ingar til greina og meira að segja gætu allar þrjár kenn­ingar haft rétt á sér á sama tíma. Það er erfitt, með aðeins fimm verð­skrár til hlið­sjón­ar, að segja til um hvað er hvað og hvers­vegna hvað er hvað. En, alla­vega, næst þegar þið farið í hár­greiðslu og skoðið verð­skrána þá vitið þið að minnsta kosti hvernig hag­fræðilúðar lesa þær.

Eiríkur Ragn­ars­son er hag­fræð­ingur sem hefur fjallað um hag­fræði með popp­uðum hætti á bloggi sínu eikonomics.eu um nokk­urra ára skeið. Pistlar Eiríks birt­ast nú á Kjarn­anum á íslensku.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Gylfi Zoega er annar höfundur greinar sem birtist í nýjasta tölublaði Vísbendingar.
„Hægt væri að banna Airbnb í þéttbýli þegar skortur er á íbúðarhúsnæði“
Ef fleiri flytja til landsins en frá því verður til flókið samspil hagstærða sem valda breytingum á eftirspurn og/ eða framboði á húsnæði með tilheyrandi verðhækkunum eða lækkunum. Tveir hagfræðingar leggja til að kerfinu verði breytt.
Kjarninn 7. ágúst 2022
Arnar Jónsson leikari áformar að gefa út plötu með eigin upplestri á ljóðum úr ólíkum áttum, sem hann segist vilja veita framhaldslíf.
Landskunnur leikari gefur út ljóðaplötu
„Ljóðið hefur fylgt mér frá því ég var pjakkur fyrir norðan og allar götur síðan,“ segir Arnar Jónsson leikari, sem hefur undanfarin ár safnað saman sínum uppáhaldsljóðum og hyggst nú gefa út eigin upplestur á þeim, bæði á vínyl og rafrænt.
Kjarninn 7. ágúst 2022
Alls segjast 55 prósent svarenda í könnun Maskínu fremur eða mjög andvíg gjaldtöku í öllum jarðgöngum á Íslandi.
Andstaða við gjaldtöku í jarðgöngum mismikil eftir því hvaða flokk fólk kýs
Kjósendur Viðreisnar eru líklegastir til að styðja gjaldtöku í jarðgöngum en kjósendur Sósíalistaflokksins eru líklegastir til að vera andvígir gjaldtöku, samkvæmt niðurstöðum úr könnun Maskínu á afstöðu til gjaldtöku í öllum jarðgöngum á Íslandi.
Kjarninn 7. ágúst 2022
Hið sænska velferðarríki í faðmi nýfrjálshyggju
Á síðustu þrjátíu árum hafa átt sér stað talsverðar breytingar í bæði heilbrigðis- og menntakerfi Svíþjóðar. Ef til vill má rekja þau samfélagsvandamál sem nú tekist er á um í aðdraganda þingkosninga til þessara breytinga.
Kjarninn 7. ágúst 2022
Draugaskipið
Skammt undan ströndum Jemen liggur skip við festar. Ekki væri slíkt í frásögur færandi nema vegna þess að skipið, sem er hlaðið olíu, hefur legið þarna í sjö ár og er að ryðga í sundur. Ef olían færi í sjóinn yrði tjónið gríðarlegt.
Kjarninn 7. ágúst 2022
Róbert Wessman er forstjóri Alvogen og Alvotech.
Dalur Róberts Wessman afskrifaði 135,2 milljónir af skuldum Birtings
Velta tímaritaútgáfunnar Birtings dróst saman um fimmtung í fyrra og föstum starfsmönnum var fækkað úr 25 í 12. Rekstrartap var 74 milljónir króna og eigið fé er neikvætt. Samt skilaði Birtingur hagnaði, vegna þess að seljendalán var afskrifað.
Kjarninn 6. ágúst 2022
Örn Bárður Jónsson
Víða leynist viðurstyggðin
Kjarninn 6. ágúst 2022
Ásgeir Jónsson er seðlabankastjóri.
Seðlabankastjóri verði formaður fjármálaeftirlitsnefndar bankans
Alþingi ákvað, er verið var að sameina Seðlabankann og Fjármálaeftirlitið, að láta seðlabankastjóra ekki leiða fjármálaeftirlitsnefnd bankans, m.a. vegna mögulegrar orðsporðsáhættu. Það fyrirkomulag hefur ekki reynst sérlega vel og nú á að breyta lögum.
Kjarninn 6. ágúst 2022
Meira úr sama flokkiEikonomics