Mest lesnu aðsendu greinar ársins 2018

Hvað eiga Klausturmálið, raki í húsum, Pia Kjærsgaard, skólakerfið á Íslandi og efnahagslífið sameiginlegt? Þau eru viðfangsefni þeirra aðsendu greina sem mest voru lesnar á Kjarnanum í ár.

Mest lesnu aðsendu greinar 2018
Auglýsing

5. Um kurt­eisi

„„Aldrei hefur nokkur maður í nokk­­urru landi haft nokk­­urt gagn af nokk­­urri danskri bók," mun Þor­­leif­ur Repp hafa sagt, en hann mun hafa verið mestur Dana­hat­­ari hér­­­lendur á sínum tíma. Hann var sér­­­sinna og þetta er ekki rifjað upp hér til að taka undir þessi orð heldur til að minna á hitt: Danir og Íslend­ingar eiga sam­eig­in­­legar minn­ingar sem ná langt aftur og sam­­band þjóð­anna var ekki á jafn­­rétt­is­grund­velli. Herra­­þjóð sem oft var vel­­mein­andi að reyna að hjálpa þessu guðsvol­aða fólki þar sem allar fram­fara­til­raunir fuku á haf út eða voru nag­aðar upp til agna af kindum – og fátækt fólk sem vildi standa á eigin fótum og finna sínar leiðir við að lifa af í harð­býlu landi; og tókst það um síð­­­ir. Sumt er við­­kvæmt í þessum minn­ingum – á báða bóga – og þarf oft lítið til að ýfa upp sár­indi, eins og ég skynj­aði stundum í gamla daga þegar ég vann sem „rengør­ingsassistent“ á dönsku elli­heim­ili og sumt gamla fólkið vildi gera upp sakir við mig vegna sam­­bands­slit­anna 1944. Ég brosti bara afsak­andi og svo gáfu þau mér bolsíu og ég hélt áfram að skúra.

En það skiptir máli hvernig við högum sam­­skiptum þess­­ara gömlu sam­­bands­­þjóða. Undir brosum og blíðu bragði búa heitar til­­f­inn­ing­­ar. Íslensk van­­meta­­kennd bein­ist jafnan að Dönum og stundum er eins og sumir Danir hafi litið á Ísland sem sjálft krún­u­djá­­snið sem þeir misstu; barnið sem fór að heiman án þess að kveðja. Maður blygð­að­ist sín þegar útrás­­ar­­gosar fóru að kaupa upp allt á Strik­­inu - út á krít - og kenna Dönum hvernig þeir ættu að búa til pitsur og gefa út dag­blöð – með fyr­ir­­sjá­an­­legum kon­ung­­legum gjald­­þrot­­um. Og manni sárn­aði þegar danskt afgreiðslu­­fólk klippti íslensk greiðslu­kort í Hrun­in­u.“

Lesið grein­ina í heild sinni hér.

Auglýsing

4. Nýtt hrun á teikni­borð­inu

„Það er deg­inum ljós­­ara að í orma­gryfju auð­jöfr­anna er verið að und­ir­­búa næstu ráns­her­­ferð á hendur almenn­ingi á Íslandi. Tæki­­færið til að tappa vel af líf­eyr­is­­sjóð­um, bönkum og eignum almenn­ings nálg­­ast óðum. Allt klárt í næstu bylgju gjald­­þrota, atvinn­u­mis­s­is, eymdar og örviln­un­­ar. Með gjöf rík­­is­ins á Arion banka til ein­hverra aðila, sem eng­inn stjórn­­­mála­­maður vill vita hvort heitir Ólafur eða Björgólf­­ur, pétur eða páll, er verið að þung­vopna ræn­ingj­ana. Veislan er fyrir suma, aðrir borga.

Fyr­ir­tæki í bygg­ing­­ar­iðn­­aði sem eru flest rekin með svörtu vinn­u­afli á launum undir lág­­mark­s­töxt­um, raka til sín lánsfé úr bönk­­un­um, skuldir hrann­­ast upp, eig­endur og vild­­ar­vinir kaupa ódýran gjald­eyri sem komið er úr landi sem skjótast, og svo telja auð­jöfr­­arnir niður að núll­inu. Núll­inu þegar gengið hryn­­ur, bank­­arnir tómir, fyr­ir­tækin skilin eftir alls­­laus og yfir­­skuld­­sett. Ein­hvern veg­inn kann­­ast maður við aðferð­irn­­ar. Látið er líta út fyrir að allt sé í blóma. Þegar í raun er eng­inn jarð­­vegur eftir og frostkuld­inn sleikir nakta jörð.

Fram­­legðin í íslensku atvinn­u­­lífi er ekki mik­il. Pen­ingar hlað­­ast aftur á móti upp í bönkum og fjár­­­mála­­fyr­ir­tækjum til not­k­unar fyrir þá sem hafa skammtað sér for­rétt­indi á kostnað almenn­ings. Allur þessi banka­auður er í raun geld­­fé. Brask banka og fjár­­­mála­­fyr­ir­tækja með eignir , lönd og líf­eyr­is­­sjóði er án alls eft­ir­lits og aðeins örfáir útvaldir hafa þar aðkomu. Gömlu útgerð­­ar­f­ur­st­­arnir eru bara smá­seiði miðað við hina nýju stétt auð­jöfra sem síð­­asta hrun ól af sér.“

Lesið grein­ina í heild sinni hér.

3. Grætur húsið þitt?

„Við venju­­legt heim­il­is­hald fjög­­urra manna fjöl­­skyldu getur raka­inn­i­hald og vatns­­­magn í lofti auk­ist um að minnsta kosti 40 lítra á viku. Heitt loft getur haldið þessum raka í meira magni en kalt loft. Þessi raki í loft­inu getur síðan orðið að vatni við það að kom­­ast í snert­ingu við kaldan flöt. Hver þekkir ekki að gler­­flaska sem er tekin út úr ísskáp ,,græt­­ur“ á yfir­­­borði þegar við tökum hana út og þá sér­­stak­­lega ef heitt og rakt er í kringum okk­­ur. Gott dæmi er kaldur svala­­drykkur erlend­­is.

Það sama ger­ist á veggj­um, við glugga og rúður í hús­unum okk­­ar. Á vet­­urna þegar það er kalt úti þá kólna vegg­fletir og rúður og rak­inn sem er í heitu röku lofti hjá okkur inn­­an­dyra nær þá að dagga, eða falla út á þessum flöt­um, líkt og á svala­­drykkn­­um. Í ein­hverjum til­­­fellum má hrein­­lega sjá vatn við glugga og oft telur hús­eig­andi að glugg­a­rnir hljóti að leka. En þegar betur er að gáð þá má merkja mun­inn á því að þessi raki kemur ekki ein­­göngu við slag­veður eða í úrkomu, heldur einmitt á köldum vetr­­ar­­dög­­um.

Í okkar veðr­áttu er ansi freist­andi að híma inn­­an­dyra með lok­aða glugga og njóta hlýj­unn­­ar. Húsin okkar eru ekki end­i­­lega á sama máli.“

Lesið grein­ina í heild sinni hér.

2. Skipu­lag leik­skóla og grunn­skóla – Tíma­skekkja, jafn­að­ar- og vel­ferð­ar­skekkja

„En viti menn. Þá er þró­un­inni snúið við, meðal ann­­ars með skekkju milli ábyrgð­­ar­kvað­­ar, álags, launa, mönn­unar og aðbún­­aðar fag­hópa upp­­eld­is­­stétta. Fjölgun í stétt leiks-og grunn­kóla­­kenn­­ara svarar ekki þörf­inni, meðal ann­­ars vegna þess að launin svara ekki kröfum um ábyrgð, sér­­fræð­i­þekk­ingu og álag í starfi. Kenn­­arar hafa ekki rými eða bol­­magn til að mæta vænt­ingum um upp­­eld­is­­rækt. Stoð­­kerfi er veikt. Skortur á auknu fagafli, m.a. skóla­hjúkr­un­­ar­fræð­inga og skóla­­fé­lags­ráð­gjafa til stuðn­­ings kenn­­urum á öllum skóla­­stigum stingur í augu. Ofur­á­lag og van­máttur sem rekja má til umgjarðar starfs­ins kemur fram í starfs­­þreytu og atgervis­flótta úr starfi. Gagn­rýni bein­ist óverð­skuldað að kenn­­ur­­um. Þá er verið að hengja bak­­ara fyrir smið því smíð og skipu­lag skólaum­hverf­is­ins er á ábyrgð opin­berrar stefnu og fram­­kvæmda­á­ætl­­unar en ekki ein­stakra kenn­­ara sem líða fyrir brest­ina.

Þær aðstæður leik- og grunn­­skóla sem ógna fjöl­­skyld­um, hjóna­­bönd­um, og síð­­­ast en ekki síst ungum skóla­­börnum vor, sumar og haust, eru óásætt­an­­legar árið 2018. For­eldrar glíma við vanda og eiga oft í átökum sín á milli um skipt­ingu tím­ans til að geta brúað bil vinnu og barna­­upp­­eld­­is. Ömmur og afar eru oft í hluta­­starfi við að sinna barna­­börnum auk ann­­arra starfa og verk­efna sem þau sinna í sam­­fé­lagi nútím­ans. Þær fjöl­­skyldur sem ekki eiga traust bak­land í for­eldrum eða frænd­­garði eru á köldum klaka. Það eru oft einmitt lág­­launa­­fjöl­­skyldur sem ekki geta ráð­stafað vinn­u­­tíma sínum með sveigj­an­­leika. Mög­u­­leikar þeirra eru tak­­mark­að­­ir. Það eru þeirra börn sem þá líða fyrir reið­i­­leysi og eru á ver­­gangi þessa dag­ana. Stundum eru það einmitt þau sem eiga við kvíða og örygg­is­­leysi að stríða fyrir og eru þá enn verr í stakk búin fyrir skóla­­starfið og þátt­­töku í félaga-og tóm­­stunda­­starfi. Þessar aðstæður stinga í stúf við hug­­myndir vel­­ferð­­ar­­sam­­fé­lags­ins. Þær eru lík­­­legar til að auka ójöfnuð jafnt barna sem full­orð­inna og breikka gjá félags­­­legrar mis­­munar og sið­­ferð­is­­legra mann­rétt­inda eftir stétt og afkomu. Gæfa slíks sam­­fé­lags sem heildar verður í skötu­­lík­i.“

Lesið grein­ina í heild sinni hér.

1. Karlar sem hringja í konur

„Eftir meltun vil ég segja eft­ir­far­andi: Að biðj­­ast afsök­un­ar en reyna sam­­tímis að hrút­­­skýra, eft­i­rá­­skýra og hrein­­lega ljúga til um það sem átti sér stað er ekki afsök­un­­ar­beiðni. Að líkja mér við dýr og upp­­­nefna mig (og vegg) Freyju Eyju í kjöl­far aðgeng­is­breyt­inga er aug­­ljós­­lega eins fötl­un­­ar­tengt og það getur orð­ið. Að taka mig fyrir með þessum hætti vegna þess að póli­­tískar skoð­­anir mín­­ar, sem byggja á fem­inískum gild­um, hug­­mynda­fræði mann­rétt­inda og upp­­ræt­ingu ableis­ma, fara í taug­­arnar á sumum körlum, ER fötl­un­­ar­­fyr­ir­litn­ing og kven­­fyr­ir­litn­ing. Það er líka hlut­­gerv­ing. Ég er ekki bara eins og dýr heldur líka dauður vegg­­ur. Það er til þús­und og ein leið til þess að tjá skoð­ana­á­­grein­ing önnur en að hæð­­ast að lík­­ama og útliti kvenna. Ég vildi óska þess að ég hefði getað sagt allt ofan­greint við umræddan mann en ég get varla lýst van­­mætti mínum og van­líðan meðan á sím­tal­inu stóð.

Ég frá­­bið mér frek­­ari sím­­töl þar sem ófatl­aður karl­­maður í valda­­stöðu talar niður til mín og reynir að útskýra fyrir mér hvað eru fötl­un­­ar­­for­­dómar og hvað ekki. Eina eðli­­lega sím­talið í stöð­unni væri að biðj­­ast ein­læg­­lega afsök­un­­ar, án nokk­­urra útskýr­inga eða mála­­leng­inga, og segj­­ast í ljósi gjörða sinna ætla að axla ábyrgð á ofbeld­inu sem við vorum beittar og segja af sér.“

Lesið grein­ina í heild sinni hér.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Vindmyllurnar sem yrðu notaðar í vindorkuverið í Hvalfirði yrðu um 250 metrar á hæð. Þær yrðu á fjalli sem er 647 metrar á hæð og því sjást mjög víða að.
Vindorkuverið hefði „veruleg áhrif á ásýnd“ Hvalfjarðar og nágrennis
Hvalfjörður er þekktur fyrir fjölbreytt og fallegt landslag. Stofnanir segja „mjög vandasamt“ að skipuleggja svo stórt inngrip sem vindorkuver er á slíku svæði og að það yrði „mikil áskorun“ að ná sátt um byggingu þess.
Kjarninn 14. ágúst 2022
Mikið var látið með HBO Max þegar streymisþjónustan var kynnt til leiks vorið 2020 og hún auglýst gríðarlega.
Bylting á HBO Max veldur því að veitan kemur seinna til Íslands og efnisframboð minnkar
Bið Íslendinga eftir HBO Max mun lengjast um rúm tvö ár. Ástæðan er sameining móðurfélags HBO við fjölmiðlarisann Discovery. Ný stjórn er í brúnni og allt virðist vera gert til að spara pening.
Kjarninn 14. ágúst 2022
Kristjanía er eins konar undraland í miðri Kaupmannahöfn.
Kristjaníubúar fá tilboð
Danska ríkið hefur gert íbúum Kristjaníu tilboð sem felur í sér umtalsverðar breytingar frá núverandi skipulagi. Íbúum „fríríkisins“ myndi fjölga talsvert ef breytingarnar ganga eftir. Samningaviðræður milli íbúanna og ríkisins standa yfir.
Kjarninn 14. ágúst 2022
Fjármálaeftirlit Seðlabanka Íslands birti samkomulag um sátt við FX Iceland í liðinni viku.
Fékk 2,7 milljóna króna sekt fyrir margháttuð og alvarleg brot á peningaþvættislögum
Annmarkar voru á flestum þáttum starfsemi gjaldeyrisskiptamiðstöðvar sem hóf starfsemi snemma árs 2020. Fyrirtækið stundaði meðal annars áfram viðskipti við aðila eftir að peningaþvættiseftirlitið hafði sent tilkynningu um grunsamleg viðskipti þeirra.
Kjarninn 13. ágúst 2022
Um er að ræða enn eitt skrefið í margþættri rannsókn á tilraunum Trump til þess að halda völdum.
Geymdi háleynileg gögn heima hjá sér
Meðal þess sem alríkislögreglan lagði hald á í húsleit á heimili Donalds Trump voru háleynileg gögn sem ekki má opna nema undir öryggisgæslu innan ríkisstofnana Bandaríkjanna.
Kjarninn 13. ágúst 2022
Flest þeirra starfa sem orðið hafa til síðustu mánuði eru í ferðaþjónustu.
Færri atvinnulausir en fleiri fastir í langtímaatvinnuleysi
Í febrúar 2020, þegar atvinnulífið var enn að glíma við afleiðingar af gjaldþroti WOW air og loðnubrest, voru 21 prósent allra atvinnulausra flokkaðir langtímaatvinnulausir. Nú er það hlutfall 38 prósent.
Kjarninn 13. ágúst 2022
Eggert Þór Kristófersson.
Eggert kominn með nýtt forstjórastarf tæpum tveimur vikum eftir að hann hætti hjá Festi
Fyrrverandi forstjóri Festi hefur verið ráðinn til að stýra stóru landeldisfyrirtæki á Suðurlandi sem er í þriðjungseigu Stoða. Hann fékk fimmtánföld mánaðarlaun greidd út við starfslok hjá Festi.
Kjarninn 13. ágúst 2022
Jimmie Åkesson, formaður Svíþjóðardemókratanna.
Gömlu blokkirnar brotna í breyttu pólitísku landslagi
Innreið öfgahægriflokks Svíþjóðardemókrata inn í meginstraum sænskra stjórnmála hefur verið áberandi undanfarið á sama tíma og glæpatíðni vex. Lengi neituðu allir aðrir flokkar að vinna með Svíþjóðardemókrötum – þar til á síðasta ári.
Kjarninn 13. ágúst 2022
Meira úr sama flokkiFólk